Avyakt murli for Sunday 11 July 1971

>

11-07-71 om shanti avyakt baapdaada madhuban

vishwa-kalyaankaari banne ke liye mukhya dhaarnaaen

aaj ke is sangathan ko kaunsa sangathan kahen? gujraat ka sangathan? apne ko gujraat ka to nahin samajhte ho? jaise baap behad ka maalik hai vaise bhale kahaan bhi nimitta bane hue ho lekin ho to vishwa-kalyaankaari। drishti aur vritti athva smriti mein bhi vishwa-kalyaankaari ki bhaavna sadaiv rehti hai ki gujraat ke kalyaan ki bhaavna rehti hai? gujraat mein rehte lakshyato vishwa ka rehta hai na। behad ke sarvismen ho na? yeh to nimitta duty di hui hai, woh nimitta bankar ke baja rahe ho। lekin nasha kya rehta hai? varnan to yahi karte ho na ham - vishwa-kalyaankaari hain, vishwa ka parivartan karna hai। jo bheesarviskarte ho va service ke saadhan banaate ho usmein bhi shabd to vishwa ka likhte ho na। vishwa ka nav nirmaan karne vaale ho। vishwa ka parivartan hota jaata hai।aavaazaek jagah kiya jaata hai, lekin phailta to chaaron or hai na। bhale nimitta ek sthaan par aavaazbulunda karte ho lekin phailta to chaaron or hai na। to vishwa-kalyaankaari banne ke liye mukhya do dhaarnaaen aavashyak hain, jisse had mein rehte bhi behad ka kalyaankaari ban sakte hain। agar woh dhaarna na rahe to unka aavaaz, unki drishti behad vishwa ke taraph nahin pahunch sakti। vishwa-kalyaankaari banne liye do dhaarnaaen kaunsi hain? aap kin do dhaarnaaon ke aadhaar par vishwa ke kalyaan ka karttavya kar rahi ho? vishwa-kalyaan ki jo shubh bhaavna hai uska pratyaksha phal to zaroor milta hai। bhaavna ka phal to bhakti maarga mein bhi milta hai, lekin woh alpakaal, yahaan hai sadaakaal। us pratyaksha phal ki praapti ke liye mukhya do dhaarnaaen kaunsi hain? bigar dhaarna ke to apni va service ki unnati nahin ho sakti। woh kar rahe ho aur karni hi hai। karenge - yeh shabd bhi nahin। karna hi hai। mukhya do dhaarnaayen hain। eeshvareey roohaab aur saath mein raham। agar roohaab aur raham donon hi saath-saath mein hain aur samaan hain to donon gunon ki samaanta se roohaaniyat ki stage ban jaati। isko hi roohaaniyat va roohaani sthiti kaha jaata hai। roohaab bhi poora ho aur raham bhi poora ho। abhi roohaab ko chhod sirf raham karte ho va raham ko chhod sirf roohaab mein aate ho, isliye donon ki samaanta se jo roohaaniyat ki sthiti banti hai, uski kami ho jaati hai। isliye sadaiv jo koi bhi karttavya karte ho va mukh se shabd varnan karte ho to pahle check karo ki raham aur roohaab - donon samaan roop mein hain? donon ko samaan karne se ek to apna svamaan svayan rakh sakenge, doosra sarva aatmaon se bhi svamaan ki praapti hogi। svamaan ko chhod maan ki ichchha rakhne se saphalta nahin ho paati hai। maan ki ichchha ko chhod svamaan mein tik jaao to maan parchhaai ke samaan aapke pichhaadi mein aayega। jaise bhakta apne devtaaon va deviyon ke peechhe andhashraddha vash bhi kitne bhaag-daud karte hain। vaise chaitanya swaroop mein svamaan mein sthit hui aatmaon ke peechhe sarva aatmaaen maan dene ke liye aayengi, daudengi। bhakton ki bhaag daud dekhi hai? aap logon ke yaadgaar jad chitra hain। unmein bhi chitrakaar mukhya yahi dhaarna bharte hain - ek taraph shaktiyon ka roohaab bhi full force mein dikhaate hain aur saath-saath raham ka bhi dikhaate hain। ek hi chitra mein donon hi bhaav prakat karte hain na। yeh kyon bana hai? kyonki practical mein aap roohaab aur merciful-moorta bane ho। to jad chitron mein bhi yahi mukhya dhaarnaaen dikhaate hain। to aap log abhi jab service par ho to service ke pratyakshaphal ka aadhaar in do mukhya dhaarnaaon ke oopar hai। merciful zaroor banna hai, lekin kis aadhaar par aur kab? yeh bhi dekhna hai। roohaab rakhnaazroorhai, lekin kaise aur kis tareeke se pratyaksha karna hai, yeh bhi dekhna hai। roohaab koi varnan karne va dikhaane se dikhaai nahin deta, roohaab nain-chain se svayan hi apna saakshaatkaar karaata hai। agar uska varnan karte hain to roohaab badalkar rob mein dikhaai deta hai। to rob nahin dikhaana hai, roohaab mein rehna hai।

rob ko bhi ahankaar va krodh ki vanshaavli kahenge। isliye rob nahin dikhaana hai, lekin roohaab mein zaroor rehna hai। jitna-jitna merciful ke saath roohaab mein rahenge to phir rob khatma ho hi jaayega। koi kaisi bhi aatma ho, rob dilaane vaala bhi ho, to roohaab aur merciful banne se rob mein kabhi nahin aayenge। aise nahin ki sarakmastaansej aise the va aise shabd bole to yeh karna hi pada। karna hi padega, yeh to hoga hi, abhi to sampoorn bane hi nahin hain- yeh shabd athva bhaasha is sangathan mein nahin honi chaahiye। kyonki aap nimitta sarviske ho isliye is sangathan ko master knowledgeful aursarvisaebal, successful sangathan kahenge। jo successful hain woh koi kaaran nahin banaate। woh kaaran ko nivaaran mein parivartan kar dete hain। kaaran ko aage nahin rakhenge। maastarnolejphul, successful aatmaayen koi kaaran ke oopar successful nahin ban sakti? jo master knowledgeful, successful hote hain woh apneenolejki shakti se kaaran ko nivaaran mein badli kar denge, phir kaaran khatma ho jaayega। nimitta banne vaalon ko vishesh apne har sankalp ke oopar bhi attention rakhna pade। kyonki nimitta bani hui aatmaon ke oopar hi sabhi keenzarhoti hai। agar nimitta bane hue hi aise-aise kaaran kehte chalte to doosre jo aapko dekh aage badhte hain, woh aap ko kya uttar denge? is kaaran se ham aa nahin sakte, chal nahin sakte। jab svayan hi kaaran bataane vaale hain to doosre ke kaaran ko nivaaran kaise karenge? kyonki log sabhi jaanne vaale ho gaye hain। jaise yahaan din-pratidinnolejphul bante jaate ho, vaise hi duniyaan ke log bhi vigyaan ki shakti se, vigyaan ki reeti se knowledgeful hote jaate hain। woh aap logon ke sankalpon ko bhi mastak se, naynon se chehre se, check kar lete hain। jaise yahaan gyaan ki shakti bharti jaati hai, vahaan bhi vigyaan ki shakti kam nahin hai। donon ka force hai। agar nimitta banne vaalon mein koi kami hai to woh chhip nahin sakte। isliye tum nimitta bani hui aatmaon ko itna hi vishesh apne sankalp, vaani aur karma ke oopar attention rakhna pade। agar attention nahin hota hai to aap logon ke chehre mein hi rekhaaen tension ki dikhaai padti hain। jaise rekhaaon se log jaan lete hain ki yeh kya-kya apna bhaagya bana sakte hain। to agar attention kam rehta hai to chehar par tension ki rekhaaen dikhaai padti hain। us maaya ke knowledgeful jaan lete hain, woh bhi kam nahin। aap log apne aapko bhi kabhi albele hone kaaran parakh na sako lekin woh log is baat mein aap logon se tej hain। kyonki unhon ka karttavya hi yahi hai। isliye nimitta bane hue ko itni zimmedaari leni pade। koi bhi baat mushkil lagti hai to koi kami hai zaroor। apne aap mein nishchaybuddhi banne mein kab kuchh kami kar lete hain। jaise baap mein 100gy hain, chaahe ek taraph aap ek nishchaybuddhi ho, doosre taraph saare vishwa ki aatmaaen kyon na ho, lekin ismen dagmag nahin ho sakenge। aise hi chaahe daivi va eeshvareey aatmaon dvaara va sansaari aatmaon dvaara bhale koi bhi dagmag karaane ke kaaran banen। lekin apne aap mein bhi nishchaybuddhi ki kami nahin honi chaahiye। isliye roohaab ke saath raham bhi rakhna hai। akela roohaab nahin, raham bhi ho।

nishchaybuddhi ho kalyaan ki bhaavna rakhne se drishti aur vritti donon hi badal jaate hain। kaisa bhi koi krodhi aadmi saamna karne vaala va koi insult karne vaala, gaali dene vaala ho, lekin jab kalyaan ki bhaavna har aatma prati rehti hai to rob badalkar raham ho jaayega। phir result kya hogi? usko hila sakenge? woh shubh kalyaan ki bhaavna uske sanskaaron ko parivartan karne ka phal dikhaayegi। yeh zaroor hota hai -- koi beez se pratyaksha phal nikalta hai, koi phauran pratyaksha phal nahin dete, kuchh samay lagta hai। ismen adheer nahin hona hai ki phal to nikalta hi nahin hai। sabhi phal phauran nahin milte। koi-koi beej phal tab deta hai jab natural varsha hoti hai, paani dene se nahin nikalta। yeh bhi drama ki noondh hai। ab avinaashi beez jo daal rahe ho - koi to pratyakshaphal dikhaai denge। koi phir natural kelemiteej hongi, jab drama ka scene badalne vaala hoga to woh natural vaayumandal vaataavran us beez ka phal nikaalega। vinaash to hoga yeh to gaaranti hai। jab beez hi avinaashi hai to phal na nikle - yeh to ho nahin sakta। lekin koi nazdeek aate hain, koi peechhe aane vaale hain to abhi aayenge kaise? woh phal bhi peechhe denge। isliye kabhi bhi sarviskarte yeh nahin dekhna va yeh nahin sochna ki jo kiya woh koi vyartha gaya। nambarvaar samay pramaan phal dikhaai dete jaayenge।

to yeh successful group hai, knowledgeful hai,serviceable hai। yeh chhaap hai। apne is tred-mark ko sadaiv dekhte rehna। trimoorti chhaap lagi na। aur yahi smriti mein rakh kar har sarviske kadam ko padmon ki kamaai mein parivartan kar chalna hai। yeh check karo ki har sankalp se padmon ki kamaai jama ki? har vachan se, har karma se, har kadam se padmon ki kamaai jama ki? nahin to yeh kahaavat kislie hai - har kadam mein padam hain? padam kamal pushpa ko bhi kehte hain na। to padam samaan bankar chalne se har sankalp aur har kadam mein padmon ki kamaai kar sakenge। ek sankalp bhi bina kamaai ke nahin hoga। ab to aisa attention rakhne ka samay hai - ek kadam bhi bina padam ki kamaai ke na ho। nimitta bana hua group hai na। taajdhaari to hona hi hai। apni zimmevaari ka taaj jitna-jitna dhaaran karenge utna doosre ki zimmevaari ka taaj bhi dhaaran kar sakenge। jo nimitta teachers hain, jyaada nazarto aap logon mein sabhi ki hai। saamne egzaampal to aap ho। isliye jyaada zimmevaari aap logon ke oopar hai। aap log ek darpan ke roop mein unhon ke aage ho। aapkenolejki sthiti ke darpan se apne swaroop ka saakshaatkaar karaane vaale darpan aap ho। to jitna darpan powerful utna saakshaatkaar spashta। to uski smriti powerful rahegi। to aisa darpan harek ho jo saamne koi aave to apna saakshaatkaar aisa spashta kare jo woh smriti usko kabhi na bhoole। jaise apni deh ka saakshaatkaar hone baad bhoolte ho? jab deh avinaashi smriti mein rehti hai to yeh bhi aisa saakshaatkaar karaao, jo woh smriti kabhi bhoole nahin। powerful darpan banne ke liye mukhya dhaarna kaunsi hai? jitna-jitna svayan arpanmay hoga utna hi darpan powerful। aise to arpanmay ho। lekin jo sankalp bhi karte ho, kadam uthaate ho woh pahle baap ke aage arpan karo। jaise bhog lagaate ho to baap ke aage arpan karte ho na। usmein shakti bhar jaati hai। to yeh bhi aise har sankalp, har kadam baap ko arpan karo - jo kiya, jo socha। baap ki yaad arthaat baap ke karttavya ki yaad। jitna arpanmay ke sanskaar utna powerful darpan। har sankalp nimitta bankar karenge। to nimitta banna arthaat arpan। namrachitta jo hote hain woh jhukte hain। jitna sanskaaron mein sankalpon mein, jhukenge utna vishwa aapke aage jhukegi। jhukna arthaat jhukaana। sanskaar mein bhi jhukna। yeh sankalp bhi na ho - doosre hamaare aage bhi to kuchh jhuken? ham jhukenge to sabhi jhukenge। sachche sevaadhaari hote hain woh jab sabhi ke aage jhukenge tab to seva karenge। chhote bhi aur pyaare hote hain। isliye apne ko sikeeldhe samjho। sarva ke snehi ho। badon ko to phir bhi kahenge, chhote to chhoot jaate hain। lekin apne mein koi kami nahin rakhna। sabhi ke aage jaane ka lakshyajroor rakhna hai। aage badhte hue bhi aage badhaane vaalon ka regard nahin chhodna hai। badhaane vaalon ka regard rakhenge tab woh aapka regard rakhenge, aapko dekh anya karenge।

haindsa arthaat vishaalbuddhi, ve sabhi taraph dekhte hain ki nuksaan kis mein hain, laabh kis mein hai। sabhi vishaalbuddhi, trinetri, trikaaldarsheeho। koi bhi karma dekhkar peechhe karo। phir yeh kabhi nahin kahenge ki na maaloom kaise yeh ho gaya। jab checking kam hoti hai tab ho jaata। trikaaldarsheeke yeh shabd nahin hain ki chaahte to nahin the lekin ho gaya। master sarvashaktimaan chaahe aur woh na kar sake, ho sakta hai? ab yeh bhaasha khatma karo। shaktiyaan ho na। shaktiyon ka karma aur sankalp samaan hota hai। sankalp ek aur karma doosre - to yeh shakti ki kami hai। achha।