Avyakt murli for Sunday 18 July 1971

>

18-07-71 om shanti avyakt baapdaada madhuban

will power aur controlling power

apne andar will-power aur controlling power--donon hi powers ka anubhav karte ho? kyonki apne purooshaartha ke liye va anya aatmaon ki unnati ke liye yeh donon hi powers ati aavashyak hain। agar apne mein hi controlling power aur will-power nahin hai to auron ko bhi will karaane ki shakti nahin aa sakti। auron ki jo vyartha sankalp va vyartha chalan abhi tak chalti rehti hai, vo control nahin kara sakte hain। will-power nahin rehti। will- power arthaat jo bhi kuchh kiya sankalp, vaani dvaara va karma dvaara, woh sabhi baap ke aage will arthaat arpan kar den। jaise bhakti-maarga mein jo bhi kuchh karte hain, khaate hain, chalte hain -- to kahne maatra kehte hain eeshvar arpan। lekin yahaan abhi samajhte hain ki jo bhi kiya, woh kalyaankaari baap ke kalyaan ke karttavya prati will kiya। to jitna-jitna jo kuchh hai woh arpan karte jaayenge to arpanmay darpan ban jaata hai। jisko arpan kiya, jiske prati arpan kiya woh saakshaatkaar aise arpan se svatah hi sabhi ko hota hai। to arpan karke darpan banne ka purooshaartha yeh hua ki will-power chaahiye aur doosra controlling power chaahiye। jahaan chaahen vahaan apne aapko arthaat apni sthiti ko sthit kar saken। aise nahin ki baithe apni sthiti ko sthit karne ke liye baap ki yaad mein aur uske bajaay vyartha sankalp va dagmag sthiti ban jaaye, yeh controlling power nahin hai। ek second se bhi kam samay mein apne sankalp ko jahaan chaahen vahaan tika saken। agar svayan ki sthiti ko nahin tika sakenge to auron ko aatmik-sthiti mein kaise tika sakenge। isliye apni stage aur status -- donon ki smriti sada rahe tab hi lakshyaki siddhi pa sakenge। to will- power aur controlling power -- donon ke liye mukhya kya yaad rakhen, jisse donon powers aayen? in donon powers ke purooshaartha ka ek-ek shabd mein hi saadhan hai।

controlling power ke liye sadaiv mahaan antar saamne rahe to aatometi- kali jo shreshtha hoga us taraph buddhi jaayegi aur jo vyartha mahsoos hoga us taraph buddhi automatically nahin jaayegi। jo bhi karma karte ho to mahaan antar-shuddh aur ashuddha, satya aur asatya, smriti aur vismriti mein kya antar hai, vyartha aur samartha sankalp mein kya antar hai, sab baat mein agar mahaan antar karte jaao to doosre taraph buddhi automatically control ho jaayegi। aur will-power ke liye hai mahaamantra-agar mahaan antar aur mahaamantra yeh donon hi yaad rahen to kabhi buddhi ko control karne vo liye mehnat nahin karni padegi। yeh sahaj hai। pahle check karo arthaat antar socho, phir karma karo। antar nahin dekhte, albele chalte rehte, isliye controlling power jo aani chaahiye woh nahin aati। aur mahaamantra se will-power automatically aa jaayegi। kyonki mahaamantra hai hi baap ki yaad arthaat baap ke saath, baap ke karttavya ke saath, baap ke gunon ke saath sadaiv apni buddhi ko sthit karna। to mahaamantra buddhi mein rahne se arthaat buddhi ka connection power-house se hone ke kaaran will-power aa jaati hai। to mahaamantra aur mahaan antar-yeh donon hi yaad rahe to donon paavras sahaj aa sakti hain। mahaamantra aur mahaan antar- donon smriti mein rakh phir gyaan ka netra chalaane se dekho saphalta kitni hoti hai। jaise sunaaya tha na-hans ka karttavya kya hota hai। woh sadaiv kankad aur ratnon ka mahaan antar karta hai। to aise hi buddhi mein sadaiv mahaan antar yaad rahe to mahaamantra bhi sahaj yaad aa jaayega। jab koi shreshtha cheez ko jaan jaate hain to neeche ki cheez se svatah hi kinaara ho jaata hai। lekin antar yaad na hone se mantra bhi bhool jaata hai aur gyaan ke yantra jo mile hain woh poorn reeti saphal nahin ho paate। to ab kya karenge? sirf do shabd yaad rakhna hai। hans bankar antar karte jaao। samjha? jaise baapdaada ke teen roop mukhya hain। hain to sarva sambandh, phir bhi teen sambandh mukhya hain na। aise hi saare din ke andar aapke bhi mukhya teen roop aapko yaad rahne chaahiye। jaise baal avastha, yuva avastha aur vriddha avastha hoti hai, phir mrityu hoti hai। yeh chakra chalta hai na। to saare din mein teen roop kaunse yaad rahen jisse smriti bhi sahaj rahe aur saphalta bhi jyaada ho? jaise baap ke yeh teen roop varnan karte ho, vaise hi aapke teen roop kaunse hain? savere-savere amritvele jab uthte ho aur yaad ki yaatra mein rehte ho va rooh-roohaan karte ho to us samay ka roop kaunsa hota hai? baalak so maalik। jab rooh-roohaan karte ho to baalak roop yaad rehta hai na। aur jab yaad ki yaatra ka anubhav-roop ban jaate ho to maalikpan ka roop hota hai। to amritvele hota hai baalak so maalikpan ka roop। phir kaunsa roop hota hai? godly student life। phir teesra roop hai sevaadhaari ka। yeh teenon roop saare din mein dhaaran karte karttavya karte chalte ho? roop yeh teen hote hain। aur raat ko phir kaunsa roop hota hai? ant mein raat ko sote samay sthiti hoti hai apne ko check karne ki aur saath-saath apne ko vaani se pare le jaane vaali sthiti bhi hoti hai। us sthiti mein sthit ho ek din ko samaapta karte ho, phir doosra din shuru hota hai। to woh sthiti aisi honi chaahiye jaise neend mein is duniya ki koi bhi baat, koi bheeaavaaz, koi bhi aakarshan nahin hota hai, jab achhi neend mein hote ho, svapna ki doosri baat hai। is reeti se sone se pahle aisi sthiti banaakar phir sona chaahiye। jaise ant mein aatmaaen jo sanskaar le jaati hain vahi merge hote hain, phir vahi sanskaar emerge honge। is reeti se yeh bhi din ko jab samaapta karte ho to sanskaar nyaare aur pyaarepan ke ho gae na। isi sanskaar se so jaane se phir doosre din bhi in sanskaaron ki madad milti hai। isliye raat ke samay jab din ko samaapta karte ho to yaad-agni se va smriti ki shakti se puraane khaate ko samaapta athva khatma kar dena chaahiye। hisaab chuktu kar dena chaahiye। jaise biznesmain bhi agar hisaab-kitaab chuktu na rakhte to khaata badh jaata aur karzadaar ho jaate hain। karz ko marzakahte hain। isi reeti se agar saare din ke kiye hue karmon ka khaata aur sankalpon ka khaata bhi kuchh hua, usko chuktu kar do। doosre din ke liye kuchh karzaki reeti na rakho। nahin to vahi marz ke roop mein buddhi ko kamzor kar deta hai। roz apna hisaab chuktu kar naya din, nai smriti rahe। aise jab apne karmon aur sankalpon ka khaata clear rakhenge tab sampoorn va saphaltaamoorta ban jaayenge। agar apna hi hisaab chuktu nahin kar sakte to doosron ke karmabandhan va doosron ke hisaab-kitaab ko kaise chuktu kara sakenge। isliye raaz raat ko apna register saaph hona chaahiye। jo hua woh yog ki agni mein bhasma karo। jaise kaanton ko bhasma kar naam-nishaan gum kar dete ho na। is reeti apnenolejki shakti aur yaad ki shakti, will-power aur controlling power se apne register ko roz saaph rakhna chaahiye। jama na ho। ek din ke kiye hue vyartha sankalp va vyartha karma ki doosre din bhi lakeer na rahe arthaat karza nahin rehna chaahiye। beeti so beeti, full stop। aise register saaph rakhne vaale va hisaab ko chuktu karne vaale saphaltaamoorta sahaj ban sakte hain। samjha? saare din ka checker banna।

svadarshan chakra ke andar phir yeh ek din ka chakra। shuru mein drill karte the to chakra ke andar chakra mein jaate the, phir nikalte the na। to yeh behad ka 5000 varsha ka chakra hai। usmein phir chhote-chhote chakra hain। to apna woh dincharya ka chakra sadaiv clear rahe, moonjhe nahin। tab chakravarti raaja banenge। register saaph karna aata hai na। aajkal science ne bhi aisi invention ki hai, jo likha hua sabhi mit jaaye jo maaloom hi na pade। to kya silence ki shakti se apne register ko raaz saaf nahin kar sakte ho? isliye kaha hua hai ki baap ke priy va prabhu priy va daivi lok donon ke priy kaun ban sakte? sachchaai aur saphaai vaale prabhu-priy bhi hain aur lok-priy bhi aur apne aapko bhi priy lagte hain। sachchaai-saphaai ko sabhi pasanda karte hain। register saaph rakhna-yeh bhi saphaai hui na। aur sachchi dil par saaheb raaji ho jaata hai arthaat himmat aur yaad se madad mil jaati hai। achha।