Avyakt murli for Monday 1 November 1971

>

01-11-71 om shanti avyakt baapdaada madhuban

sarva-shaktiyon ke sampattivaan bano

videhi, videshi baapdaada ko bachchon ke samaan deh ka aadhaar lekar, jaisa desh vaisa vesh dhaaran karna padta hai। videhi ko bhi snehi shreshtha aatmaayen apne sneh se apne jaisa banaane ka nimantran deti hain। aur baap phir bachchon ko nimantran sveekaar kar milne ke liye aate hain। aaj sabhi bachchon ko nimantran dene aaye hain। kaun sa nimantran, jaante ho? abhi ghar jaane ke liye poori taiyaari kar li hai va abhi bhi karni hai? abhi taiyaari karenge? taiyaari karne mein kitna samay lagna hai? is nai phulvaadi ko vishesh naveenta dikhaani chaahiye। aise to nahin samajhte ho ki ham naye kya kar sakenge? lekin sada yeh smriti mein rakhna ki yeh purooshottam shreshtha sangamayug ka samay kam hota jaata hai। is thode se sangam ke samay ko vardaata dvaara vardaan mila hua hai - koi bhi aatma apne teevra purooshaartha se jitna vardaata se vardaan lene chaahe utna le sakte hain। isliye jo nai-nai phulvaadi sammukh baithi hai, sammukh aayi hui phulvaadi ko jo chaahen, jaisa chaahen, jitne samay mein chaahen vardaata baap se vardaan ke roop mein varsa praapta ho sakta hai। isliye vishesh baapdaada ka is nai phulvaadi par, snehi aatmaon par vishesh sneh aur sahayog hai। isi baap ke sahayog ko sahaj yog ke roop mein dhaaran karte chalo। yahi vardaan thode samay mein high jump dila sakta hai। sirf sada yahi smriti mein rakho ki mujh aatma ka is drama ke andar vishesh part hai। kaunsa? sarvashaktivaan baap sahayogi hai। jiska sahayogi sarvashaktivaan hai, to kya woh high jump nahin de sakta? sahayog ko sahaj yog banaao। yogya baap ke sahayogi banna - yahi yogayukta stage hai na। jo nirantar yogi hoga unka har sankalp, shabd aur karma baap ki va apne raajya ki sthaapna ke karttavya mein sada sahayogi rahne ka hi dikhaai dega। isko hi ‘gyaani tu aatma’, ‘yogi tu aatma’ aur sachcha sevaadhaari kaha jaata hai। to sada sahayogi banna hi sahaj yog hai। agar buddhi dvaara sada sahayogi banne mein kaarne-akarne mushkil anubhav hota hai, to vaacha va karmana dvaara bhi apne ko sahayogi banaaya to yogi ho। aise nirantar yogi to ban sakte ho na ki yeh bhi mushkil hai? man se nahin to tan se, tan se nahin to dhan se, dhan se nahin to jo jismen sahayogi ban sakta hai usmein usko sahayogi banna bhi ek yog hai।

ek hoti hai apne mein himmat, himmat se sahayogi banaana। agar himmat nahin hai, tan mein bhi himmat nahin hai, man mein bhi nahin hai, dhan mein bhi nahin hai; to kya karenge? aisa bhi sada yogi ban sakta hai। koi aise hote hain jo bhale apni himmat nahin hoti hai lekin ullaas hota hai, haunsala hota hai। dhan ki shakti nahin bhi hai, man mein controlling power nahin hai, vyartha sankalp jaasti chalte hain; lekin jo koi baat jeevan ke anubhav mein ullaas aur haunsala dilaane vaali ho, usi dvaara auron ko haunsala dilaao to auron ko himmat aane se aapko bhi hissa mil jaayega। itna to avashya hai - jo bhi aatmaayen aadi se va abhi aai hui hain, un har aatma ko apne jeevan mein koi praapti ka anubhav avashya hai; tab to aaye hain। yahi vishesh anubhav anek aatmaon ko ullaas aur haunsala badhaane ke kaam mein laga sakte ho। is dhan se koi vanchit nahin। jo apne paas hai, jitna bhi hai us dvaara auron ko himmatvaan banaana va sahayogi banaana-yeh bhi aap ke sahayog ki subject mein marks jama haangi। ab bataao, yog sahaj hai va mushkil? nirantar yogi banna mushkil hai। jo baap ke ban chuke hain, ismen to percentage nahin hain na? ismen to full paas ho na। jab hain hi baap ke, to ek baap aur doosra kya raha? baap aur aap, bas। teesra to koi nahin। baap mein varsa to hai hi। teesra kuchh hai kya? sivaay baap aur apne aap arthaat aatma (shareer nahin)। to aap aur baap hi rah gaya, to do ke milne mein teesri rookaavat hi nahin to nirantar yogi hue na। teesra hai hi nahin to aaya phir kahaan se? phir yeh to kabhi nahin kahenge ki aa jaata hai, aata hai to kya karen? ab yeh bhaasha khatma। sadaiv yahi socho ki ham hain hi sada baap ke sahayogi arthaat sahaj yogi। viyog kya hota hai - iska jaise maaloom hi nahin। jaise bhavishya mein, ‘maaya hoti bhi hai’ - yeh maaloom nahin hoga, vaise hi ab ki stage rahe। yeh bachpan ki baaten beet chukeen। ab to get ke saamne aa gaye ho। jo jaise baap ke bachche hain, usmein koi percentage nahin hoti hai। aise hi nirantar sahaj yogi va yogi banne ki stage mein bhi ab percentage khatma honi chaahiye। natural aur nature ho jaani chaahiye। jaise koi ki vishesh nature hoti hai, us nature ke vash na chaahte bhi chalte rehte hain। kehte hain na - meri nature hai, chaahti nahin hoon lekin nature hai। vaise nirantar sahaj yogi athva sahayogi ki nature ban jaae, natural ho jaae। kya karoon, kaise yog lagaaoon - yeh baaten khatma। hain hi sada sahayogi arthaat yogi। isi ek baat ko nature aur natural karne se bhi subject perfect ho jaayenge। perfect arthaat effect se pare, defect se bhi pare ho jaayenge। to aaj se sabhi nirantar sahaj yogi bane va abhi banenge? jab vardaata baap varse ke saath vardaan bhi dete hain; to jinko varse ka adhikaar bhi ho, vardaan bhi praapta ho unke liye mushkil hai? ab dekhna, koi aakar kahe ki mushkil hai to yaad dilaana - varsa aur vardaan। baaki ek kadam raha hua hai ghar jaane ka। abhi to har kadam mein padmapti bane hue ho। itna vardaan vardaata dvaara praapta hai। jab har kadam mein padmapti ho, to kadam vyartha hoga kya? har kadam mein samartha hain, vyartha nahin। smriti mein samarthi laao। saadhaaranta ko samaapta karo aur smriti mein samarthi laate, har kadam mein padam laate jaao tab to vishwa ke maalik banenge।

achha। aaj vishesh phulvaadi ke liye sneh se khinche-khinche aaye hain। chhoton se sadaiv ati sneh hota hai, to apne ko ati sikeeldhe samajhna। ati laadle ho, to baap samaan bankar dikhaana। bhaai-behen samaan nahin banna, baap samaan banna। jis sneh se bulaaya usi sneh se baap mulaakaat bhi karte aur namaste bhi karte hain।

bina saaj ke raaj samajh sakte ho? aise abhyaasi bane ho jo raaz aapke man mein hain woh raaz doosre ko bina saaj ke samjha sakte ho? pichhaadi ki seva mein to saaz sama jaayega, raaz ko hi samjhaana padega। to aisi practice karni chaahiye। jab science bahut kuchh karke dikha rahi hai; to kya silence mein woh shakti nahin hai? jitna-jitna svayan raajayukta, yogayukta bante jaayenge, utna-utna auron ko bhi bina saaj ke raajayukta bana sakte ho। itni saari praja kaise banaayenge? isi speed se itni praja ban sakegi! pichhli praja ke oopar bhi itni mehnat karenge? jaise thappe bane hue hote hain, to ek second mein lagaate jaate hain। vaise hi ek second ki powerful stage aise rahegi jo bigar bole, bigar mehnat karte daivi gharaane ki aatma ka chhaap laga denge। yeh hi sarvashaktivaan ka gaayan hai। vardaani ban ek second mein bhakton ko vardaan dena। vardaan dene mein mehnat nahin lagti, varsa paane mein mehnat hai। varsa paane vaale mehnat kar rahe hain, mehnat le rahe hain। lekin vardaani moorti jab ban jaayenge phir mehnat lene vaale na lenge, na dene vaale mehnat karenge। to tumhaari last stage hai vardaaneemoorta। jaise lakshmi ke haston se sthool dhan dete hue dikhaate hain। yeh tumhaara last shakti roop ka hai, na ki lakshmi ka। shakti roop se sarvashakti- vaan ka vardaan dete hue ka yeh chitra hai, jisko sthool dhan ke roop mein dikhaate hain। to aisa apna swaroop sada vardaani apne aap ko saakshaatkaar hota hai? isse hi samay ka andaaz laga sakte ho। phir vardaaneemoorta shaktiyon ke aage sabhi aayenge। iske liye ek taraph vardaan ka beez padega। to apne mein sarva shakti jama karni hain। aise vardaaneemoorta bante aur banaate jaao। aavaaz se pare jaana hai। achha।