Avyakt murli for Sunday 27 February 1972

>

27-02-72om shanti avyakt baapdaadaamdhuban

holeehans banne ka yaadgaar – holi

aap hain sada baap ke sang mein rahne vaali, roohaani rang mein rangi hui aatmaayen holi hans। jo sada holi rehte hain -- unhon ke liye sada holi hi hai। to sada bpa ke sneh, sahayog aur sarva shaktiyon ke rang mein baap samaan rahne vaali aatmaayen sadaakaal ki holi manaate ho va alpakaal ki? sada holi manaane vaale sada baap ke saath milan manaate rehte hain। sada ateendriy sukh mein va avinaashi khushi mein jhoomte aur jhoolte rehte hain। aise hi sthiti mein sthit rahne vaale holi hans ho? log apne ko utsaah mein laane ke liye har utsav ka intajaar karte hain; kyonki utsav unmein alpakaal ka utsaah laata hai। lekin aap shreshtha aatmaon ke liye har din to kya har second utsav arthaat utsaah dilaane vaala hai। avinaashi arthaat nirantar utsav hi utsav hai, kyonki aap ke utsaah mein antar nahin aata hai, to nirantar ho gaya na। to holi manaane ke liye aaye ho va holi bankar holiest va sweetest baap se milan manaane aaye ho va apne sada sang mein rahne ke rang ka roohaani roop dikhaane aaye ho? holi mein alpakaal ki masti mein masta ho jaate hain। to kya apne avinaashi eeshvareey masti ka swaroop anubhav karte ho? jaise holi ki masti mein masta hone kaaran apne sambandh arthaat bade chhote ke bhaan ko bhool jaate hain, aapas mein ek samaan samajhkar masti mein khelte hain, man ke andar jo bhi dushmani ke sanskaar ek do ke prati hote hain woh alpakaal ke liye sabhi bhool jaate hain kyonki mangal milan divas manaate hain। yeh vinaashi reeti-rasma kahaan se chali? yeh rasma chalaane ke nimitta kaun bane? aap brahman। ab bhi jab holi arthaat pavitrata ki stage par thaharte ho va baap ke sang ke rang mein range hue hote ho to is eeshvareey masti mein yeh deh ka bhaan va bhinna-bhinna sambandh ka bhaan, chhote-bade ka bhaan vismrit ho ek hi aatma-swaroop ka bhaan rehta hai na। to aapke sadaakaal ki sthiti ka yaadgaar duniya ke log mana rahe hain। aisi khumaari va khushi rehti hai ki hamaari hi pratyaksha sthiti ka pramaan swaroop yeh yaadgaar dekh rahe hain? yaadgaar ko dekhte hue apni kalpa pahle vaali ki hui activity yaad aati hai va vartamaan samay practical mein apne kiye hue eeshvareey charitra ka saakshaatkaar in yaadgaar roop darpan mein karte rehte ho? apne charitron ka yaadgaar dekhte ho na। apni sthiti ka varnan anya aatmaon dvaara gaayan ke roop mein sunte ho na। apne chaitanya roohaani roop ka, charitron ka yaadgaar bhi dekh rahe ho। yeh sabhi dekhte hue, sunte hue kya anubhav karte hon? kya yeh samajhte ho ki yeh main hi to hoon? aise anubhav karte hon va yeh samajhte ho ki yeh yaadgaar kin vishesh aatmaon ka hai? jaise saakaar roop mein yeh nishchay har karma mein dekha ki apne bhavishya yaadgaar ko dekhte hue sada yeh khumaari aur khushi thi ki yeh main hi to hoon, aise hi aap sabhi ko yaadgaar chitra dekhte hue va charitra sunte hue va gunon ka gaayan sunte hue yeh khumaari aur khushi rehti hai ki yeh main hi to hoon? yeh sada smriti mein rehna chaahiye ki abhi-abhi ham pratyaksha roop mein part baja rahe hain aur abhi-abhi apne part ka yaadgaar bhi dekh rahe hain। saare kalpa ke andar aisi koi aatmaaen hain jo apna yaadgaar apni smriti mein dekhen? yoon to dekhte sabhi hain lekin smriti to nahin rehti hai na। sirf aap aatmaon ka hi part hai jo is smriti se apni yaadgaar ko dekhte ho। to smriti se apni yaadgaar ko dekhte hue kya hona chaahiye? (koi-koi ne bataaya) vijayi to ho hi। vijay ka tilak laga hua hai। jaise gurooon paas va panditon ke paas jaate hain to woh tilak lagaate hain, yahaan bhi aane se hi, bachche banne se hi pahle-pahle sva- smriti dvaara sada vijayi banne ka tilak baapdaada dvaara lag hi jaata hai। isliye pandit bhi tilak laga dete hain। sabhi rasma braahmanon dvaara hi ab chalti hain। braahmanon ka pita rachayita to saath hai hi। bachche shabd hi baap ko siddha kar deta hai। balihaar jaane vaale ki haar nahin hoti hai। smritismartheeko laati hai aur samarthi mein aane se hi kaarya saphal hote hain। athva jo sunaaya -- khushi, masti, nasha va nishaana sabhi ho jaata hai। yeh sabhi baaten gaayab hone kaaran nirbalta hai। vismriti ke kaaran asmarthi। to smriti se samarthi aane se sabhi siddhi praapta ho jaati hain arthaat sabhi kaarya siddha ho jaate hain। sva- smriti mein rahne vaala sadaiv jo bhi kaarya karega va jo bhi sankalp karega usmein usko sada nishchay rehta hai ki yeh kaarya va yeh sankalp siddha hua hi pada hai arthaat aisa nishchaybuddhi apni vijay va saphalta nishchit samajh kar chalta hai। nishchay hi hai, jo aise nishchitasfaltaasmajhkar chalne vaale hain unki sthiti kaisi rahegi? unke chehre mein kya vishesh jhalak dikhaai degi? nishchay to sunaaya ki nishchay hoga-vijay hamaari nishchit hai; lekin unke chehre par kya dikhaai dega? jab vijay nishchit hai to nishchinta rahega na। koi bhi baat mein chinta ki rekha dikhaai nahin degi। aise nishchaybuddhi vijayi, nishchit aur sada nishchinta rahne vaale ho? agar nahin to nishchaybuddhi 100% kaise kahenge? 100% nishchaybuddhi arthaat nishchit vijayi aur nishchinta। ab isse apne aapko dekho ki 100% sabhi baaton mein nishchay buddhi hain? sirf baap mein nishchay ko bhi nishchay buddhi nahin kaha jaata। baap mein nishchaybuddhi, saath-saath apne aap mein bhi nishchaybuddhi hone chaahiye aur saath-saath jo bhi drama ke har second ki act repeat ho rahi hai-usmein bhi 100% nishchaybuddhi chaahiye - isko kaha jaata hai nishchaybuddhi। jaise baap mein 100% nishchaybuddhi ho na। usmein sanshay ki baat nahin। sirf ek mein paas nahin hona hai। apne aap mein bhi itna hi nishchay hona chaahiye ki main bhi vahi kalpa pahle vaali, baap ke saath part bajaane vaali shreshtha aatma hoon aur saath- saath drama ke har part ko bhi isi sthiti se dekhen ki har part mujh shreshtha aatma ke liye kalyaankaari hai। jab yeh teenon prakaar ke nishchay mein sada paas rehte hain, aise nishchaybuddhi hi mukti aur jeevan-mukti mein baap ke paas rehte hain। aise nishchaybuddhi ko kab question nahin uthta। ‘‘kyon, kya’’ ki bhaasha nishchaybuddhi ki nahin hoti। kyon ke peechhe queue lagti hai; to queue mein bhakta thaharte, gyaani nahin। aapke aage to queue lagni hai na। queue mein intajaar karna hota hai। intajaar ki ghadiyaan ab samaapta hueen। intajaar ki ghadiyaan hain bhakton ki। gyaan arthaat praapti ki ghadiyaan, milan ki ghadiyaan। aise nishchaybuddhi ho na। aise nishchay buddhi aatmaon ki yaadgaar yahaan hi dikhaai hui hai। apni yaadgaar dekhi hai? achal ghar dekha hai? jo sada sarva sankalpon sahit baapdaada ke oopar balihaar hain unhon ke aage maaya kab vaar nahin kar sakti। aise maaya ke vaar se bache hue rehte hain। bachche ban gaye to bach gaye। bachche nahin to maaya se bhi bach nahin sakte। maaya se bachne ki yukti bahut sahaj hai। bachche ban jaao, godi mein baith jaao to bach jaayenge। pahle bachne ki yukti bataate hain, phir bhejte hain। bahaadur banaane liye hi bhejte hain, haar khaane liye nahin, khel khelne liye, jab alaukik jeevan mein ho, alaukik karma karne vaale ho, to is alaukik jeevan mein khilaune sabhi alaukik hain jo sirf is alaukik yug mein hi anubhav karte ho। yeh to khilaune hain jisse khelna hai, na ki haarna hai। tanduroosti va shaareerik shakti ke liye bhi khel karaaya jaata hai na। alaukik yug mein alaukik baap dvaara yeh alaukik khel hai, aise samajhkar khelo to phir darenge, ghabraayenge nahin, pareshaan nahin honge, haar nahin khaayenge। sada isi shaan mein raho। to yeh hain alaukik khilaune khelne ke liye। is eeshvareey shaan mein rahne se sahaj hi deh ka bhaan khatma ho jaayega। eeshvareey shaan se neeche utarte ho tab deh-abhimaan mein aate ho। to sadaakaal ke sang se sang ka rang lagaao। har second baap se milan manaate har roj amritvele se mastak par vijay ka tilak jo laga hua hai usko dekho। apne chart roopi darpan mein, jaise amritvele uthkar shareer ka shrringaar karte ho na, vaise pahle baap dvaara mili hui sarva shaktiyon se aatma ka shrringaar karo। jo shrringaar kiye hue honge woh sanhaareemoorta bhi honge। saarevishvamen sarvashreshtha aatmaayen ho na। shreshtha aatmaon ka shrringaar bhi shreshtha hota hai। aapke jad chitra sada shrringaare hue rehte hain। shaktiyon va deviyon ke chitra mein shrringaarmoorta aur sanhaareemoorta donon hain। to roj amritvele saakshi ban aatma ka shrringaar karo। karne vaale bhi aap ho, karna bhi apne aap ko hi hai। phir koi bhi prakaar ki paristhitiyon mein dagmag nahin honge, adol rahenge। aise ko holi hans kaha jaata hai। log holi manaate hain lekin aap svayan holi hans ho। achha! aise holi hanson ko holeeestabaapdaada ka yaadapyaar aur namaste।