Avyakt murli for Wednesday 10 May 1972

>

10-05-72om shanti avyakt baapdaadaamdhuban

svamaan mein rahne se farmaan ki paalna

svamaan aur pharmaan - donon mein rahne aur chalne ke apne ko himmatvaan samajhte ho? svamaan mein bhi sada sthit rahen aur saath-saath pharmaan par bhi chalte chalen, in donon baaton mein apne ko theek samajhte ho? agar svamaan mein sthit nahin rehte hain to pharmaan par chalne mein bhi koi-na-koi kami pad jaati hai। isliye donon baaton mein apne aap ko yathaartha roop se sthit karte hue sada aisi sthiti banaana। vartamaan purooshottam sangamayug ka aap braahmanon ka jo oonch te oonch svamaan hai usmein sthit rehna hai। is ek hi shreshtha svamaan mein sthit hone se bhinna-bhinna prakaar ke deh-abhimaan svatah aur sahaj hi samaapta ho jaate hain। kahaan-kahaansarviskarte-karte va apne purooshaartha mein chalte-chalte bahut chhoti-si ek shabd ki galti kar dete hain, jisse hi phir saari galtiyaan ho jaati hain। sarva galtiyon ka beej ek shabd ki kamjori hai, woh kaunsa shabd? svamaan se ‘sva’ shabd nikaal dete hain। svamaan ko bhool jaate hain, maan mein aane se pharmaan bhool jaate hain। pharmaan hai - svamaan mein sthit raho। to maan mein aane se pharmaan khatma ho gaya na। isi ek shabd ki galti hone se anek galtiyaan ho jaati hain। phir maan mein aakar bolna, chalna, karna sabhi badal jaata hai। sirf ek shabd kat hone se jo vaastavik stage hai usse kat ho jaate hain। aisi sthiti mein aane ke kaaran jo purooshaartha vaasarviskarte hain uski result yeh nikalti hai jo mehnat jyaada aur pratyakshaphal kam nikalta hai। saphalta-moorta jo banna chaahiye woh nahin ban paate aur saphalta- moorta na banne ke kaaran va saphalta praapta na hone ke kaaran phir uski result kya hoti hai? mehnat bahut karte-karte chalte-chalte thak jaate hain। ullaas kam hote-hote aalasya aa jaata hai aur jahaan aalasya aaya vahaan unke anya saathi bhi sahaj hi aa jaate hain। aalasya apne sarva saathiyon sahit aata hai, akela nahin aata। jaise baap bhi akela nahin aata apne bachchon sahit pratyaksha hota hai। vaise yeh jo vikaar hai woh bhi akele nahin aate, saathiyon ke saath aate hain। isliye phir vikaaron ki praveshta hone se kai pharmaan ullanghan karne kaaran sthiti kya ho jaati hai? koi na koi baat ka armaan rah jaata hai। na svayan santushta rehte, na doosron ko santushta kar paate, sirf ek shabd kat karne ke kaaran। isliye kabhi bhi apni unnati ka jo prayatna karte ho va sarviska koi bhi plan banaakar practical mein laate ho, to plan banaane aur practical mein laane samay bhi pahle apne svamaan ki sthiti mein sthit ho phir koi bhi plan banaao aur practical mein laao। sthiti ko chhodkar plan nahin banaao। agar sthiti ko chhodkar plans banaate ho to kya ho jaata hai? usmein koi shakti nahin rehti। bigar shakti us plan ka practical mein kya prabhaav rahega? service to khoob karte ho, vistaar bahut kar lete ho lekin beej-roop avastha ko chhod dete ho। vistaar mein jaane se saar nikaal dete ho। isliye ab saar ko nahin nikaalo। vistaar ko samaane arthaat saar-swaroop banne nahin aata। quantity mein chale jaate ho lekin apni quality nahin nikalti। apni sthiti mein bhi sankalpon ki quantity hai। isliye sarviski result mein bhi quantity hai, quality nahin। saare jhaad roopi vistaar mein ek beej hi powerful hota hai na। aise hi quantity ke beej mein ek bhi quality vaala hai to woh vistaar mein beej-roop ke samaan hai। quality ki service karte ho? vistaar mein jaane se va doosron ka kalyaan karte-karte apna kalyaan to nahin bhool jaate ho? jab doosre ke prati jaasti attention dete ho to apne andar jo tension chalta hai unko nahin dekhte ho। pahle apne tension par attention do, phirvishvamen jo anek prakaar ke tension hain unko khalaas kar sakenge। pahle apne aapko dekho। apni sarvispharsta, apni service ki to doosron ki sarvisasvatah ho jaati hai। apneesarvisko chhod doosron ki sarvismen lag jaane se samay aur sankalp jyaada kharcha kar lete ho। is kaaran jo jama hona chaahiye woh nahin kar paate। jama na hone ke kaaran woh nasha, woh khushi nahin rehti। abhi-abhi kamaaya aur abhi-abhi khaaya; to woh alpakaal ka ho jaata hai। jama rehta hai woh sada saath rehta hai। to ab jama karna bhi seekho। sirf is janma ke liye nahin lekin 21 janmon ke liye jama karna hai। agar abhi-abhi kamaaya aur khaaya to bhavishya mein kya banega? abhi-abhi kamaaya aur abhi-abhi baanta, nahin। khaane baad samaana bhi chaahiye, phir baantana chaahiye। kamaaya aur baant diya; to apne mein shakti nahin rehti। sirf khushi hoti hai - jo mila so baanta। daan karne ki khushi rehti hai lekin usko svayan mein samaane ki shakti nahin rehti। khushi ke saath shakti bhi chaahiye। shakti na hone kaaran nirvighna nahin ho sakte, vighnon ko paar nahin kar sakte। chhote-chhote vighna lagan ko disturb kar dete hain। isliye samaane ki shakti dhaaran karni chaahiye। jaise khushi ki jhalak soorat mein dikhaai deti hai, vaise shakti ki jhalak bhi dikhaai deni chaahiye। saralchit bahut bano lekin jitna saralchit ho utna hi sahansheel hon। ki sahansheelta bhi saralta hai? saralta ke saath samaane ki, sahan karne ki shakti bhi chaahiye। agar samaane aur sahan karne ki shakti nahin to saralta bahut bhola roop dhaaran kar leti aur kahaan-kahaan bholaapan bahut bhaari nuksaan kar deta hai। to aisa saralchit bhi nahin banna hai। baap ko bhi bholaanaath kehte hain na। lekin aisa bhola nahin hai jo saamna na kar sake। bholaanaath ke saath-saath aalmaaiteeathoriteebhi to hai na। sirf bholaanaath nahin hai। yahaan shakti-swaroop bhool sirf bhole ban jaate hain to maaya ka gola lag jaata hai। vartamaas samay bholepan ke kaaran maaya ka gola jyaada lag raha hai। aisa shakti swaroop banna hai jo maaya saamna karne ke pahle hi namaskaar kar le, saamna kar na paave। bahut saavdhaan, khabardaar-hoshiyaar rehna hai। apni vriti aur vaayumandal ko check karo। apne aapko dekho ki koi bhi vaayumandal apni vriti ko kamjor to nahin karta hai? kaisa bhi vaayumandal ho lekin svayan ki shaktishaali vriti vaayumandal ko parivartan mein la sakti hai। agar vaayumandal ka vriti ke oopar asar aa jaata hai to yahi bholaapan hai। aise bhi nahin sochna chaahiye ki main to theek hoon lekin vaayumandal ka asar aa gaya। nahin। kaisa bhi vaayumandal vikaari ho lekin svayan ki vriti nirvikaari honi chaahiye। jab kehti ho - ham patit-paavniyaan hain, patiton ko paavan banaane vaali hain; jab aatmaon ko paavan bana sakti ho to kya vaayumandal ko patit se paavan nahin bana sakteen? paavan banaane vaale vaayumandal ke vasheebhoot nahin hote। lekin vaayumandal vriti ke oopar prabhaav daal deta hai, yeh hai kamjori। harek ko aisa samajhna chaahiye ki mujhe svayan apne powerful vriti se jo bhi apvitra va kamjori ka vaayumandal hai usko mitaana hai। tum mitaane vaale ho, na ki vash hone vaale। koi patit vaayumandal ka varnan bhi nahin karna chaahiye। varnan kiya to jaise kahaavat hai - na paap ko dekhne vaale par bhi paap hota hai। agar koi bhi kamjor va patit vaayumandal ka varnan bhi karte hain to yeh bhi paap hai। kyonki us samay baap ko bhool jaate hain। jahaan baap bhool jaata hai vahaan paap zaroor hota hai। baap ki yaad hogi to paap nahin ho sakta। isliye varnan bhi nahin karna chaahiye। jabki baap ka pharmaan hai to mukh se sivaae gyaan ratnon ke aur koi ek shabd bhi vyartha nahin nikalna chaahiye। vaayumandal ka varnan karna - yeh bhi vyartha hua na। jahaan vyartha hai vahaan samartha ki smriti nahin। samartha ki smriti mein rehte hue koi bhi bol bolenge to vyartha nahin bolenge, gyaan-ratna hi bolenge। to vriti ko, bol ko bhi check karo। kai aise bhi samajhte hain ki karma kar liya, pashchaataap kar liya, maaphi maang li, chhutti ho gai। lekin nahin। kitni bhi koi maaphi le leve lekin jo koi paap karma va vyartha karma bhi hua to uska nishaan mitta nahin। nishaan pad hi jaata hai। register saaph-svachchha nahin hota। isliye aise bhi nahin kehna ki ho gaya, maaphi le li। is reeti rasam ko bhi nahin apnaana। apna karttavya hai -- sankalp mein, vriti mein, smriti mein bhi koi paap ka sankalp na aaye। isko hi kaha jaata hai brahman arthaat pavitra। agar koi bhi apvitrata vriti, smriti va sankalp mein hai to brahman-pan ki sthiti mein sthit ho nahin sakte, sirf kahlaane maatra ho। isliye kadam- kadam par saavdhaan raho। khushi ke saath-saath shaktiyon ko bhi saath rakhna hai। visheshtaaon ke saath agar kamjori bhi hoti hai to ek kamjori anek visheshtaaon ko samaapta kar deti hai। to apni visheshtaaon ko pratyaksha karne ke liye kamjori ko samaapta kar do। samjha? service ke beech mein agar dissaarvis ho jaati hai to dissaarvis pratyaksha ho jaati hai। kitna bhi amrit ho lekin vish ki ek boond bhi padne se saara amrit vish ban jaata hai। kitni bhi sarvisakro lekin ek chhoti-si galteedissaarvis ka kaaran ban jaati hai, service ko samaapta kar deti hai। isliye bahut attention rakho apne oopar aur apneesarviske oopar। pahle karna hai, phir kehna hai। kehna sahaj hota hai lekin karne mein mehnat hai। mehnat ka phal achha hota hai, sirf kahne ka phal achha nahin। to pahle karo, phir kaho। phir dekhna, kaisi quality vaali service hoti hai! apni quality ko dekho। samjha? vriti aur vaayumandal ko powerful banaao। aap braahmanon ka janma hi hai -- banne aur banaane ke liye, sirf banne ke liye nahin। padhna padhaane ke liye hai।vishvakalyaankaari ho na। jaise baap kalyaankaari hai, saath mein aap bhi madadgaar ho। isliye yeh bhi nahin sochna chaahiye ki meri vriti to theek hai, yeh vaayumandal ne kar diya hai। agar apni vriti theek hai aur uska vaayumandal par asar nahin hota ho, goya powerful vriti nahin hai। powerful cheezka prabhaav aas-paas zaroor padta hai, woh chhip nahin sakta। to apni vriti ko bhi parakhne ke liye yeh check karo ki vriti ka vaayumandal par asar kya hai? vaayumandal agar aur dikhaai deta hai to samajhna chaahiye apni vriti mein bhi kamzori hai। us kamjori ko mitaana chaahiye। aajkal chaaron or ki service ki result mein vishesh kya dikhaai deta hai?

saaz bajaane mein bade hoshiyaar ho gaye hain lekin saaj mein jaane se raaj se khisak jaate hain। banna hai raajayukta lekin ban gaye hain saazayukta। saaj aur raaj - donon hi saath-saath samaan hona chaahiye। agar ek baat jyaada force mein hai aur doosri baat gupta hai to result bhi gupta rah jaati hai। saaj bajaane mein to sabhi bahut hoshiyaar ho gaye hain lekin raajayukta bhi banna hai। to ab raajayukta bano, yogayukta bano। achha! aise raajayukta, yogayukta, yuktiyukta chalne vaalon ko namaste।