Avyakt murli for Friday 28 July 1972

>

28-07-72om shanti avyakt baapdaadaamdhuban

apvitrata aur viyog ko sanghaar karne vaali shaktiyaan hi - asur sanghaarni hai

baap dvaara aane se hi mukhyado vardaan kaun se mile hain? unmukhyado vardaanon ko jaante ho? pahle-pahle aane se yahi do vardaan mile ki - ‘yogi bhav’ aur ‘pavitra bhav’। duniya vaalon ko bhi ek second mein 35 varshaan ke gyaan ka saar in hi shabdon mein sunaati ho na। purooshaartha ka lakshya va praapti bhi yahi hai na। va sampoorn stage va siddhi ki praapti to yahi hoti hai। to jo pahle-pahle aane se vardaan mile va smriti dilaai ki aap sabhi aatmaon ka vaastavik swaroop yahi hai, kya woh pahli smriti va yeh vardaan praapta karte jeevan mein yeh donon hi baaten dhaaran kar li hain? arthaat yogi bhav aur pavitra bhav - aisi jeevan ban gai hai ki abhi bana rahi ho? dhaarnaamoorta ban gaye ho va abhi dhaaran kar rahe ho? hai to bahut common baat na। saare din mein anek baar yeh do baaten varnan karte honge। to yeh do baaten dhaaran ho gai hain va ho rahi hai? agar yogeepan mein zara bhi viyog hai, bhogi to nahin kahenge। baaki rahi yeh do stage। to kab maaya yogi se viyogi bana deti hai। to yog ke saath agar viyog bhi hai to yogi kahenge kya? aap log svayan hi auron ko sunaati ho ki agar pavitrata mein zara bhi apvitrata hai to usko kya kahenge। abhi bhi viyogi ho kya? va viyogi ban jaate ho kya? chakravarta raaja banne ke sanskaar hone kaaran donon mein hi chakra lagaati ho kya - kab yog mein, kab viyog mein? aap log vishwa ke sarvaatmaaon ko is chakra se nikaalne vaale ho na। ki baap nikaalne vaala hai aur aap chakra lagaane vaale ho? to jo chakra se nikaalne vaale hain woh svayan bhi chakra lagaate hain? to phir sabhi ko nikaalenge kaise? jaise bhakti-maarga ke anek prakaar ke vyartha chakron se nikal chuke ho, tab hi apne nishchay aur nashe ke aadhaar par sabhi ko chelenj karti ho ki in bhakti ke chakron se chhooto। aise hi woh hai tan dvaara chakra kaatna, aur yeh hai man dvaara chakra kaatna। to tan dvaara chakra lagaana ab chhod diya। baaki man ka chakra abhi nahin chhoota hai? kab viyog, kab yog - woh man dvaara hi to chakra lagaati ho। kya ab tak bhi maaya mein itni shakti rahi hai kya, jo master sarvashaktivaan ko bhi chakra mein la deve? ab tak maaya ko itni shaktishaali dekhkar, kya maaya ko moorchhit karna va maaya ko haar khilaana nahin aata hai? abhi tak bhi usko dekhte rehte ho ki hamaare oopar vaar kar rahi hai। abhi to aap shakti-sena aur paandav-sena ko anya aatmaon ke oopar maaya ka vaar dekhte huye merciful bankar raham karne ka samay aaya hai। to kya ab tak apne oopar bhi raham nahin kiya hai? ab to shaktiyon ki shakti anya aatmaon ki seva prati karttavya mein lagne ki hain। ab apne prati shakti kaam mein lagaana, woh samay nahin hai। ab shaktiyon ka karttavyavishva-kalyaan ka hai। vishwa-kalyaani gaai hui ho ki svayan kalyaani ho? naam kya hai aur kaam kya hai। naam ek, kaam doosra? jaise laukik roop mein bhi jab albele chhote hote hain, jimmevaari nahin hoti hai; to samay va shakti va dhan apne prati hi lagaate hain। lekin jab had ke rachayita ban jaate hain to jo bhi shaktiyaan va samay hai woh rachna ke prati lagaate hain। to ab kaun ho? ab master rachayita, jagat-maataaen nahin bani ho? vishwa ke uddhaar moorta nahin bani ho? vishwa ke aadhaar moorta nahin bani ho? jaise shaktiyon ka gaayan hai ki ek second ki drishti se asur sanhaar karti hai। to kya apne se aasuri sanskaar va apvitrata ko second mein sanhaar nahin kiya hai? va doosron prati sanhaarni ho, apne prati nahin? ab to maaya agar saamna bhi kare to uski kya haalat honi chaahiye? jaise chhueemui ka vriksha dekha hai na। agar koi bhi manushya ka zara bhi haath lagta hai to shaktiheen ho jaati hai। usmein time nahin lagta। to aap ke sirf ek second ke shuddh sankalp ki shakti se maaya chhueemui maaphik moorchhit ho jaani chaahiye। aisi sthiti nahin aai hai? ab to yahi socho ki vishwa ke kalyaan prati hi thoda-sa samay raha hua hai। nahin to vishvaki aatmaaen aap logon ko ulahna dengi ki - aap logon ne 35 varshon mein itni paalna li, phir bhi kehti ho ‘yogi bhav’, ‘pavitra bhav’ ban rahe hain, aur hamko kehti ho 4 varsha mein varsa le lo। phir aapka hi ulahna aapko denge। phir aap kya kahenge? yeh jo kehte ho ki abhi ban rahe hain va banenge, karenge - yeh bhaasha bhi badalni hai। abhi master rachayita bano। vishwa- kalyaankaari bano। ab apne purooshaartha mein samay lagaana, woh samay beet chuka। ab doosron ko purooshaartha karaane mein lagaao। jabki kehte ho din-prati-din chadhti kala hai; to chadhti kala, sarva ka bhala’ - isi lakshya ko har second smriti mein rakho। jo apne prati samay lagaate hain woh doosron ki seva mein lagaane se automatically apni seva ho hi jaayengi। apni apni tarakki karne ke liye puraane tareekon ko change karo। jaise samay badalta jaata hai, samasyaaen badalti jaati hain, prakriti ka roop-rang badalta jaata hai, vaise apne ko bhi ab parivartan mein laao। vahi reeti-rasma, vahi raphtaar, vahi bhaasha, vahi bolna abhi badalna chaahiye। aap apne ko hi nahin badlenge to duniya ko kaise badlenge। jaise tamogun ati mein ja raha hai, yeh anubhav hota hai na। to aap phir ateendriy sukh mein raho। woh ati giraavat ke taraph aur aap unnati ke taraph। unhon ki girti kala, aapki chadhti kala। abhi sukh ko ateendriy sukh mein laana hai। isliye antim stage ka yahi gaayan hai ki ateendriy sukh gop-gopiyon se poochho। sukh ki ati hone se vishesh arthaat duhkh ki lahar ke sankalp ka bhi ant ho jaavega। to ab yeh nahin kehna ki karenge, banenge। bankar bana rahe hain। ab sirf seva ke liye hi is puraani duniya mein baithe hain। nahin to jaise baba avyakt bane, vaise aapko bhi saath le jaate। lekin shaktiyon ki jimmevaari, antim karttavya ka part noondha hua hai। sirf isi part ke liye baba avyakt vatan mein aur aap vyakta mein ho। vyakta bhaav mein phansi hui aatmaon ko is vyakta bhaav se chhudaane ka karttavya aap aatmaon ka hai। to jis karttavya ke liye is sthool vatan mein ab tak rahe huye ho, usi karttavya ko paalan karne mein lag jaao। tab tak baap bhi aap sabhi ka sookshm vatan mein aahvaan kar rahe hain। kyonki ghar to saath chalna hai na। aapke bina baap bhi akela ghar mein nahin ja sakta। isliye ab jaldi- jaldi is sthool vatan ke karttavya ka paalan karo, phir saath ghar mein chalenge va apne raajya mein raajya karenge। ab kitna samay avyakt vatan mein aahvaan karenge? isliye baap samaan bano। kya baap vishwa-kalyaankaari banne se apne aap ko sampanna nahin bana sake? banaaya na। to jaise baap ne har sankalp, har karma bachchon ke prati va vishvaki aatmaon prati lagaaya, vaise hi follow father karo। achha!

aise har sankalp, har karmavishvakalyaan arth lagaane vaale, baap samaan banne vaale bachchon prati yaad-pyaar aur namaste।