Avyakt murli for Tuesday 19 September 1972

>

19-09-72om shanti avyakt baapdaadaamdhuban

majbooriyon ko samaapta karne ka saadhan -mazbooti

abhi achal, adol, atal sthiti mein sthit ho? jo mahaaveeron ki sthiti gaai hui hai, us kalpa pahle ke gaayan va varnan hui sthiti mein sthit ho? va apne antim saaksheepan,harshitmukh, nyaari aur ati pyaari sthiti ke sameep aa rahe ho, ki woh sthiti abhi door hai? jo vastu sameep aa jaati hai uske koi-na-koi lakshan va chihna najar aane lagte hain। to aap log kya anubhav karte ho? kya woh antim sthiti sameep aa rahi hai? sameep se bhi jyaada aur kaunsi stage hoti hai? baap ke sameep aa rahe ho? kya anubhav karte ho? sameep ja rahe ho na। chalte-chalte thahar to nahin jaate ho? koi side-scene dekhkar thahar to nahin jaate ho? chadhti kala ka anubhav karte ho? thaharti kala to nahin? sthool yaatra par bhi jab jaate hain to chalte rehte hain, rookte nahin hain। yeh bhi roohaani yaatra hai na। ismen bhi rookna nahin hai। athak, atal, achal ho chalte rehna hai। to manzil par pahunch jaavenge। yeh lakshya rakha hai na। agar lakshya majboot hai to lakshan bhi aa jaate hain। majbooti se majbooriyaan samaapta ho jaati hain। agar majbooti nahin hai to phir anek majbooriyaan bhi dikhaai deti hain। to apne ko mahaaveer samajhte ho na। mahaaveer kabhi bhi kisi majboori ko mazboori nahin samjhenge। ek second mein majbooti ke aadhaar se majboori ko samaapta kar dete hain। aise hi angad samaan apne buddhi roopi paanv ko ek baap ki yaad mein sthit karna hai, jo koi bhi hila na sake। kalpa pahle bhi aise hi bane the na, yaad aata hai? jab kalpa pahle aise bane the, to vahi part repeat karne mein kya mushkil hai? anek baar kiye huye part ko repeat karna mushkil hota hai? to aap bahut-bahut padma bhaagyashaali ho। itne saarevishvake andar baap ko jaanne aur apna janma-siddha adhikaar praapta karne vaale kitne thode hain? anginat nahin hain, ginti vaale hain। un thode jaanne vaalon mein aap ho na। to padmaapadma bhaagyashaali nahin hue? abhi to duniya agyaan ki neend mein soi hai aur aap anekon mein se thodi-si aatmaaen baap ke varse ke adhikaari ban rahe ho। jab woh sabhi jaag jaavenge, koshish karenge ki ham bhi kuchh kana-daana le aaven, lekin kya hoga? le sakenge? jab let ho jaavenge to kya le paavenge? us samay aap sabhi aatmaon ko bhi apne shreshtha bhaagya ka pratyaksha roop mein saakshaatkaar hoga। abhi to gupta hai na। abhi gupta mein na baap ko jaante hain, na aap shreshtha aatmaon ko jaante hain। saadhaaran samajhte hain। lekin woh samay door nahin jabki jaagenge, tadpenge, royenge, pashchaataap karenge lekin phir bhi pa na sakenge। bataao, us samay aapko apne oopar kitna naaz hoga ki ham to pahle se hi pahchaan kar adhikaari ban gaye hain! aisi khushi mein rehna chaahiye। kya mila hai, kaun mila hai aur phir kya-kya hone vaala hai! yeh sabhi jaante hue sadaiv atiindriy sukh mein jhoomte rehna hai। aisi avastha hai ki kabhi-kabhi papers hila dete hain? hilte to nahin ho? ghabraate to nahin ho? ki ek do se sunkar ghabraane ki lahar aati hai, phir apne ko theek kar dete ho? result kya samajhte ho? madhuban nivaasiyon ki result kya hai? madhuban nivaasi light-haaoos hain। light- haaoos ooncha hota hai aur raasta bataane vaala hota hai। madhuban ke direction pramaan sabhi chal rahe hain-to light-haaoos hua na। aur oonch stage bhi hui। jaise baap ka kehte ho ooncha kaam, vaise hi madhuban arthaat ooncha dhaam। to naam aur kaam bhi ooncha hoga na। naam bhi hai madhuban। madhuban-nivaasiyon ki yeh visheshta hai na-madhurmoorta aur behad ke vairaagyamoorta। ek taraph madhurta, doosre taraph itna hi phir behad ki vairaagyavriti। vairaagyavriti se sirf gambheermoorta rahenge? nahin, vaastavik gambheerta ramneekta mein samaai hui hai। woh to agyaani logon ka gambheer roop hoga to bilkul hi gambheer, ramneekta ka naam-nishaan nahin hoga। lekin yathaartha gambheerta ka gun ramneekta ke gun sampanna hai। jaise logon ko bhi samjhaate ho ki ham aatma shaantasvaroop hain lekin sirf shaantasvaroop nahin hai lekin us shaantasvaroop mein aananda, prem, gyaan sabhi samaaya hua hai। to aise behad ke vairaagyamoorta vaale aur saath-saath madhurta bhi, yahi visheshta madhuban nivaasiyon ki hai। to jo behad ke vairaagyavriti mein rahne vaale hain woh kab ghabraate hain kya? dagmag ho sakte hain? hil sakte hain?kitna bhi jor se hilaaven lekin behad ke vairaagvriti vaale ‘nashtomoha smritisvaroop’ hote hain। to nashtomoha smritisvaroop ho? ki thoda-bahut dekh kar kuchh ansh maatra bhi sneh kaho va moh kaho, lekin sneh ka swaroop kya hota hai, isko to jaante ho na? jiske prati sneh hota hai to uske prati sahayogi ban jaana hota hai। baaki koi reeti-rasma se sneh ka roop prakat karna, isko sneh kahenge va moh kahenge? to ismen madhuban nivaasi paas hue? madhuban ka vaayumandal, madhuban nivaasiyon ki vriti, vibration - light-haaoos hone kaaran chaaron or ek second mein phail jaati hai। to aise samajh kar har part bajaate ho? nimitta samajh kar va aise samay chhote bachche ho jaate ho? kya result hui? yeh to abhi kuchh nahin hua। ab to bahut kuchh hona hai। aap sochenge achaanak ho gaya, isliye thoda-sa hua। lekin paper to achaanak aavenge, paper koi bata kar nahin aavenge। pahle bata to diya hai ki aise-aise paper hone vaale hain। lekin us samay achaanak hota hai। to achaanak paper mein agar zara sankalp mein bhi hilna hua to angad misal hue? ab woh last stage nahin aai hai kya? poochh rahe the na sameep se bhi jyaada nazdeek kaunsi stage hoti hai? woh hoti hai sammukh dikhaai dena। sameep aate-aate vahi vastu sammukh ho jaati hai। to sameep ka anubhav karte ho va bilkul woh stage sammukh dikhaai deti hai? aaj yeh hain, kal yeh ban jaavenge-aise sammukh anubhav karte ho? jaise saakaar mein anubhav dekha-to bhavishyasvaroop aur antim sampoorn swaroop sada sammukh spashta roop mein rehta tha na। to follow father karna hai। jaise baap ke saamne sampoorn stage va bhavishya stage sada saamne rehti hai, vaise hi anubhav ho raha hai? ki sochte ho - ‘‘pata nahin kya bhavishya hona hai? woh spashta hota kahaan hai? announce ta hota nahin।’’ lekin jo mahaaveerpurushaartheehain unki buddhi mein sada apne prati spashta rehta hai। to spashta dekhne mein aata hai va thoda- bahut ghoonghat beech mein hai? aajkal traansaperenta ghoonghat bhi hota hai। dikhaai sabhi kuchh deta hai phir bhi ghoonghat hota hai। lekin vaise spashta dekhna aur ghoonghat beech dekhna - pharka to hoga na? to apne purooshaartha pramaan traansaperenta roop mein ghoonghat to nahin rah gaya hai? bilkul hi spashta hai na? to madhuban nivaasi atal hain na। ki ki yeh sankalp bhi hai ki yeh kya hota hai? kyon, kya ka question to nahin? jo bhi part chalte hain un harek part mein bahut kuchh guhya rahasya samaae hue hain, woh rahasya kya tha? sunaaya tha na samay ki soochna dene liye beech- beech mein ghanti baja kar jagaate hain। isliye aapke jad chitron ke aage ghanti bajaate hain। uthaate bhi hain ghanti baja kar, phir sulaate bhi hain ghanti baja kar। yeh bhi samay ki soochna - ghantiyaan bajti hain। kyonki jaise shaastravaadiyon ne lamba- chauda time bata kar sabhi ko sula diya hai। khoob agyaan neend mein sabhi so gaye hain kyonki samajhte hain abhi bahut samay pada hai। to yahaan phir jo daivi parivaar ki aatmaaen hain unhon ko chalte-chalte maaya kai prakaar ke roop-rang, reeti-rasma ke dvaara albela bana kar samay ki pahchaan se door, purooshaartha ke dheelepan mein sula deti hai। jab koi albela hota hai to aaraam se rehta hai। zimmevaari hone se attention rehta hai ki hamko time par uthna hai, yeh karna hai। agar koi programme mein nahin to albela hi so jaavega। to yeh bhi albelaapan aa jaata hai। jab koi albele ho dheele purooshaartha ke neend ke nashe mein masta ho jaate hain to kya karna padta hai? unko hilaana padta hai, halchal karni padti hai ki uth jaayen। jaisi-jaisi neend hoti hai vaisa kiya jaata hai। bahut gahri neend hoti hai to usko hilaana padta hai lekin koi ki halki neend hoti hai to thodi halchal karne se bhi uth jaata hai। abhi hilaaya nahin hai, thodi halchal hui hai। doosri cheezko nimitta rakh usko hilaaya jaata hai। to jaagriti ho jaati hai। yeh bhi drama mein nimit bani hui jo soochna-swaroop moortiyaan hain, unhon ko thoda hilaaya, halchal ki to sabhi jaag gaye। kyonki halki neend hai na। jaage to zaroor lekin jaagne ke saath radi to nahin ki? aise hota hai, koi ko achaanak jagaaya jaata hai to woh ghabra jaata hai - kya hua? to koi yathaartha roop se jaagte hain, koi kuchh ghabraane baad hosh mein aate hain। lekin yeh hona na chaahiye, zara bhi chehre par rooprekha ghabraane ki na aani chaahiye। aavaaj mein bhi change na ho। aavaaj mein bhi agar antar aa jaata hai va chehre mein bhi kuchh change aa jaati hai to isko bhi paas kahenge? yeh to kuchh nahin hua। abhi bahut kade paper to aane vaale hain। paper ko bahut samay ho jaata hai to padhaai mein albelaapan ho jaata hai। phir jab imtihaan ke din najdeek hote hain to phir attention dete hain। to yeh abhi to kuchh nahin dekha। pahle ke paper kuchh alag hain, lekin abhi to aise papers aane vaale hain jo svapna mein, sankalp mein bhi nahin hoga। practice aisi honi chaahiye jaise had ka drama saakshi ho dekha jaata hai। phir chaahe dardanaak ho va hansi ka ho, donon part ko saakshi ho dekhte hain, antar nahin hota hai kyonki drama samajhte hain। to aisi ekras avastha honi chaahiye। chaahe ramneek part ho, chaahe koi snehi aatma ka gambheer part bhi ho to bhi saakshi hokar dekho। saakshi drishta ki avastha honi chaahiye। ghabraai hui ya yuddha karti hui avastha na ho। koi ghabraate bhi nahin hain, yuddha mein lag jaate hain।zaroor kuchh kalyaan hoga। lekin saakshi drishta ki stage bilkul alag hai। isko hi ekras avastha kaha jaata hai। woh tab hogi jab ek hi baap ki yaad mein sada magna honge। baap aur varsa, bas, teesra na koi। aur, koi baat dekhte-sunte va koi sambandh-samparka mein aate hue aise samjhenge jaise saakshi ho part baja rahe hain। buddhi us lagna mein magna। baap aur varse ki masti rahe। isliye ab aisi stage banaao, iske liye apni parakh karne ke liye yeh paper aate hain। nahin to maaloom kaise pade? harek ki apni sthiti ko parakhne ke liye thermometer milte hain, jisse apni sthiti ko svayan parakh sako। koi ko kahne ki darkaar nahin, ghabraana nahin, gahraai mein jaao to ghabraahat band ho jaavegi। gahraai mein na jaane kaaran ghabraate ho। madhuban nivaasiyon ke liye khaas milne liye aaye hue hain। ismen bhi shreshtha bhaagyashaali hue na। aur to programme banaate rehte। aap bigar programme praapta karte ho। to visheshta hui na। madhuban mein baap svayan daudi pahan aate hain। result to achhi hai। woh to… zara-si halchal thi। us ‘zara’ ko samajh gaye na। ab isko bhi nikaalna hai। zara bhi phlo (Flaw; dosh) fail kar deta hai। last final paper mein agar zara-sa phlo aa gaya to fail ho jaavenge। isliye pahle se paper hote hain paripakva banaane liye। baaki abhi ki result bahut achhi hai। sabhi ek do mein snehi, sahayogi achhe hain। sunaya tha na ki sookshmasarvis ki machinery ab chaalu hoti hai। to madhuban nivaasiyon se vishesh sookshmasarviski machinery ab chaalu ho gai hai। aur bhi sevaakendron par sookshm sarvischaalu to hai lekin phir bhi vartamaan result anusaar is sarvismennambarvan madhuban nivaasi hain। isliye mubaarak ho! jaise abhi tak sneh aur sahayog ka saboot de rahe ho, vahi saboot aushdhi ke roop mein jahaan pahunchaane chaahte ho vahaan pahunch raha hai। aapki powerful aushdhi hai na। jaise-jaise aap ki powerful aushdhi pahunchti jaati hai, vaise-vaise svastha hote ja rahe hain। ismen bhi powerful aushdhi bhejte rahenge to ek haphta mein bhi theek ho sakte hain। margin hai tej karne ki। phir bhi result achhi hai। aisi achhi result ko dekhte huye light- haaoos ki light chaaron taraph pahunch rahi hai। usse aur sthaanon mein bhi light- haaoos ka prabhaav pad raha hai। achha!

aise sada aapas mein ekmat aur shreshtha gati se chalne vaale, sada ek ki yaad mein rahne vaale, paandav sena aur shakti sena ko yaad-pyaar aur namaste।