Avyakt murli for Monday 20 November 1972

>

20-11-72om shanti avyakt baapdaadaamdhuban

sthiti ka aaina – service

sada vijayi apne ko anubhav karte ho? jab vishvapar vijayi ban raajya karne vaale ho to ab svayan sada vijayi bane ho? jis vishwa ke oopar raaj karne vaale ho us raajya ke adhikaari apne ko abhi se samajhte ho? pahle svayan ke sarva adhikaar praapta kiye hain va abhi karne hain? jo svayan ke sarva adhikaar praapta karte hain vahi vishwa ke adhikaari bante hain। to apne se poochho ki svayan ke sarva adhikaar kahaan tak praapta kiye hain? sarva adhikaar kaunse hain? jaante ho? jo aatma ki mukhya shaktiyaan varnan karte ho man, buddhi aur sanskaar, - in teenon svayan ki shaktiyon ke oopar vijayi arthaat adhikaari bane ho? apni shaktiyon ke adheen to nahin hote ho? jo vishvaki seva ke nimitta bane huye hain, unhon ki yeh sthiti to sahaj aur svatah hi hogi na। va purooshaartha kar sthit hona padta hai? purooshaartha ki siddhi ka anubhav apne mein karte ja rahe ho va sangam ka samay sirf purooshaartha ka hi hai aur siddhi bhavishya ki baat hai? sangam par hi siddhi-swaroop va master sarvashaktivaan swaroop anubhav karna hai va nahin? abhi se hi anubhav karna hai va ant mein kuchh thoda samay karna hai? sirf ummeedon ke sitaare hi rehna hai? abhi se siddhi-swaroop anubhav hona chaahiye। siddhi tab praapta hogi jab svayan ke sarva adhikaar praapta honge। man, buddhi aur sanskaar - teenon ko svayan jaisa chaahen vaisa chala saken, aisa ab ho tab hi anya aatmaon ke man, buddhi va sanskaaron ko change kar sakenge। agar svayan ko change karne mein samay lagta hai va sada vijayi na hain to auron ko vijayi banaane mein samay aur shakti jyaada lagaani padti hai।sarvisaaap sabhi ki sthiti ka aaina hai। to aaine mein kya dikhaai deta hai? jaise aap purushaartheeaatmaaon ki stage bani hai, vaise jinhon keesarviskarte ho unhon ko anubhav hota hai? apni stage kahaan tak banaai hai -- iska saakshaatkaarsarvisse karte ja rahe ho। kaun-si stage banaai hai? kahaan tak pahunche ho? service achhi lagti hai। khush hokar gaye na। sabhi se jyaada khushi kisko hui? service ki siddhi ko dekh kar khushi hui? baap ka parichay lekar gaye। jaise brahman aatmaon mein majority ki stage mein vishesh- vishesh gun prasiddha dikhaai padte hain -- ek purity aur doosra sneh। in do baaton mein majority paas hain। aise heesarviski result mein sneh aur purity yeh spashta dikhaai deta hai athva aane vaale anubhav karte hain। lekin jo naveenta va knowledge mein visheshta hai, woh knowledgeful stage va master sarvashaktivaan ki stage va sarvashaktivaan baap ki practical karttavya ki visheshta vishesh roop se jo anubhav karne ka hai, woh abhi kami hai। ‘shakti avtaar’ jo naam baala hona hai woh shakti roop ka va sarvashaktivaan baap ka poora parichay anubhav karte hain? aapke jeevan se prabhaavit hue, sneh aur sahayog se prabhaavit hue lekin shreshtha knowledge aur knowledgeful ke oopar itna prabhaavit hue jaise nimitta bane huye brahman svayan shakti roop ka anubhav apne mein bhi percentage mein karte hain, aise hi service ke aaine mein shakti roop ka anubhav sneh aur sahayog ki tulna mein kam karte hain। jo kuchh chal raha hai, jo kar rahe ho woh drama pramaan bahut achha hai lekin abhi samay pramaan, sameepta ke pramaan shakti roop ka prabhaav svayan shakti roop ho doosron ke oopar daalenge tab hi antim pratyakshata sameep la sakengi। shakti ka jhanda lahraao। jaise koi jhanda lahraaya jaata hai to ooncha hone ke kaaran sabhi ki najar automatically jaati hai। aise hi shakti ka jhanda, apni shreshthata va saari srishti se naveenta ka jhanda ab lahraao। jo kahaan bhi kis aatma ko anubhav nahin ho sakta hai, aisa vishesh anubhav sarva aatmaon ko karaao। to sarvisdarpan hua na। apne sarva shakti swaroop se sarvashaktivaan baap ka parichay dene vaale, apni shakti dvaara sarva shaktiyon ka saakshaatkaar karaane vaale, vishvapar shakti ka jhanda lahraane vaale snehi, sahayogi aur shakti roop shreshtha aatmaon ko baap-daada ka yaad-pyaar aur namaste।