Avyakt murli for Wednesday 6 February 1974
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
06-02-74 om shanti avyakt baapdaadaamdhuban
parakhne ki shakti se mahaarthi ki parakh
maaya va prakriti ke sab vighnon se paar karaane vaale vighna vinaashak, ashta- shaktiyon ka vardaan dene vaale shaktidaata,apna sab-kuchh bachchon ko samaarpit karne vaale sarvasva tyaagi aur nishkaam sevaadhaari
shiv baba bole:-
jaise baap ka aahvaan kar sakte ho arthaat sarvashaktivaan ka aahvaan kar sakte ho, vaise hi apne mein jis samay, jis shakti ki aavashyakta hoti hai kya us shakti ka aahrin kar sakte ho?arthaat samaai hui shakti ko swaroop mein la sakte ho? jaise baap ko avyakt se vyakta mein laate ho, kya isi prakaar har shakti ko kaarya mein vyakta kar sakte ho? kyonki ab samay hai sarva-shaktiyon ko vyakta karne ka tatha prasiddha karne ka। jab prasiddhi hogi tab hi shakti sena ke vijay ka naara bulanda hoga। ismen saphalta ka mukhya aadhaar hai-parakhne ki shakti। jab parakhne ki shakti hogi to hi anya shaktiyon se bhi kaarya le sakti ho। parakhne ki shakti kam hone aur shaktiyon ke yukti-yukta kaam mein na laane se sada saphaltaamurtta nahin ban sakte। ashta-shaktiyaan ab pratyaksha roop mein dikhaai deni chaahiyen। mahaaveer ki nishaani yahi hai ki ashta-shaktiyaan har samay pratyaksha roop mein nazar aayen। aise aatmaayen hi ashta ratnon mein aa sakte hain।
purooshaartha mein antar kya hai, jisse ki parakh sako ki mahaarthi ki stage par ho ya ghudasvaar ki stage par? vishesh antar yeh hoga ki jo mahaarthi hoga, woh koi bhi samasya ya aane vaali pareeksha ko aane se pahle hi catch karega। vighnon ko pahle hi se catch karne ke kaaran woh toofaan va samasya ko saamne aane na dega। jaise aajkal science ka refine roop kaun-sa hai? door se pahle hi maaloom pad jaata hai। pahle se hi maaloom pad jaane ke kaaran safety (suraksha) ke saadhan apna lete hain। dushman aave aur phir usse ladkar vijay praapta karen ismen bhi time lag jaata hai na? aajkal jaise science ki invention refine ho rahi hai isi prakaar mahaarthiyon ka purooshaartha bhi refine hona hai ki vighna aaya aur ek second mein chala gaya। aur yeh bhi mahaarthiyon ki stage nahin hai। mahaarthi to vighna ko aane hi nahin denge arthaat ek second bhi usmein vesta na karenge। jab nirantar yogi kehte hain to nirantar ka arth kya hai?-ek second ka bhi antar na pade। agar maaya aai aur usko hataane mein hi vyasta hua to jo lagaataar lagan mein magna rahne ki stage hai to usmein antar padega na? mahaarthi arthaat aisa mahaan purooshaartha karne vaale, door se bhagaane ka purooshaartha hi mahaartheepan ki nishaani hai। din-pratidin aap log bhi anubhav karenge koi bhi vighna aane vaala hai, to buddhi mein sankalp aayega ki kuchh hone vaala hai। phir jitna-jitna yog-yukta aur yukti-yukta hoga use utna hi aane vaala vighna spashta roop mein nazar aayega। aisa darpan taiyaar ho jaayega। samarpan aur sarvasva tyaagi kisko kaha jaata hai?jo vikaaron ke sarva-vansh ka bhi tyaag karne vaale hain। mote roop mein to vikaaron ka tyaag ho jaata hai, lekin vikaaron ka vansh ati sookshm hai,uska vansh-sahit tyaag karne vaale hi mahaarthi arthaat sarvasva tyaagi hoga। jab yahaan vansh-sahit sab vikaaron ka tyaag karte hain to vahaan 21 vansh-sahit nirvighna aur nirvikaar peedhi chalti hain। aadha kalpa daivi-vansh chalta hai aur aadha kalpa vikaaron ka shoodra vansh bhi badhta jaata hai। to is vansh ko samaapta karne vaale hi ikkees vansh-sahit apna daivi raajya bhaagya praapta karte hain। agar vansh ke tyaag karte samay thodi bhi kami rah jaati hai to vahaan bhi ikkees vansh mein thodi kami rah jaayegi। mahaarthi ki yeh nishaani hai ki jab sarvasva-arpan kar diya to usmein tan-man-dhan, sampatti,samay, sambandh aur samparka bhi sab arpan kiya na? agar samay bhi apne prati lagaaya aur baap ki yaad ya baap ke karttavya mein nahin lagaaya,to jitna samay apne prati lagaaya, to utna samay kat ho gaya।
jaise bhakti-maarga mein bhi daan ki hui vastu apne prati nahin lagaate hain, theek isi prakaar,yahaan bhi hisaab-kitaab hai। svayan ki kamjori prati va svayan ke purooshaartha ke prati vastu lagaana, yeh jaise ki amaanat mein khyaanatho jaati hai। aisa maheen purooshaartha mahaarthi ki nishaani hai। mahaarthiyon ko to ab apna sab-kuchh vishwa ke kalyaan mein lagaana hai tab to mahaadaani aur vardaani kaha jaayega। mahaarthi ki stage ka prabhaav aisa rahega, jaise ki light house ka prabhaav door se hi nazar aata hai aur woh chaaron taraph phailti hai। lekin kaarya vyavhaar mein jo bhi anubhvi hote hain, to uska bhi prabhaav unki soorat aur seerat se pata padta hai। ab mahaarthiyon aur mahaaveeron ka aisa prabhaav padna chaahiye। soorat se hi akla ka anubhav hoga ab in nishaaniyon se hi samjho ki hamaara number kahaan par hoga?achha।
sada sahayogi evan sahaj yogi bano