Avyakt murli for Friday 21 June 1974

>

21-06-74 om shanti avyakt baapdaadaamdhuban

mahaan pad ki booking ke liye maheen roop se chaiking aavashyak

law and order vaale, vishwa-raajya ki sthaapna karne vaale, sarva-shaktiyon va sarva-gunon roopi khajaane se maalaamaal karne vaale, trimoorti ke rachayita shiv baba bole:-

aaj sabhi takdeervaan vishesh aatmaon ki visheshta ko dekh rahe hain। koi-koi apni visheshta ko bhi yathaartha reeti se nahin jaante hain, koi-koi jaante hain lekin ve apni visheshta ko kaarya mein nahin laga sakte aur koi-koi jaante hue bhi us visheshta mein sada sthit nahin rah sakte। ve kabhi vishesh aatma ban jaate hain ya kabhi saadhaaran aatma ban jaate hain। koton mein kou arthaat poore brahman parivaar mein se bahut thodi aatmaayen apni visheshta ko jaanti bhi hain, visheshta mein rehti bhi hain aur karma mein aati bhi hain। arthaat apni visheshta se eeshvareey kaarya mein sada sahayogi banti hain। aisi sahayogi aatmaayen baapdaada ki ati snehi hain। aisi aatmaayen sada sarlayogi va sahajyogi va svatahyogi hoti hain। unki moorta mein sada almighty authority ki sameep santaan ki khumaari aur khushi spashta dikhaai deti hai arthaat sada sarva-praapti sampanna lakshan - unke mastak se, nainon se aur har karma mein anubhav hota hai। unki buddhi sada baap samaan banne ki, ek hi smriti mein rehti hai। aisi aatmaon ka har kadam baap-daada ke kadam pichhaadi kadam automatically svatah chalta hi rehta hai।

aisi aatmaon mein mukhya teen baaten dikhaai dengi। kaun-si? teenon sambandh nibhaane vaale trimoorti snehi aatmaayen teen baaton se sampanna hongi। baap ke sambandh se unmein kya visheshta hogi?-pharmaanbardaar। shikshak ke roop se kya hogi?shiksha mein vaphaadaar aur eemaandaar chaahiye। satguru ke sambandh mein aagyaakaari। to yeh teenon visheshtaayen aisi trimoorti snehi aatmaon mein spashta dikhaai dengi। ab in teenon mein apne ko dekho ki kitne percent hai। kya saare din ki dincharya mein teenon hi sambandhon ki visheshtaayen dikhaai deti hain? inse hi apni result ko jaan sakte ho। koi-koi to baap ke snehi ya vishesh shikshak ke snehi ya satguru ke snehi bankar chal bhi rahe hain,lekin banna trimoorti-snehi hai। teenon ki percent paas ki honi chaahiye। ek baat mein paas with honour ho jaao aur do baaton mein marks kam ho jaae, to result mein baap ke sameep aane vaali aatmaon mein na aa sakenge। isliye teenon mein hi apni percentage ko theek karo।

jab master almighty authority ho, to vyartha sankalpon ko mitaane mein bhi authority bano। jab world almighty ki santaan kahlaate ho, to kya aap apne sanskaar,svabhaav va sankalpon par vijayi banne ki authority nahin ban sakte? authority jiske andar sab par law and order ho tab hi vishwa par la and order vaala raajya chala sakenge। vishwa ke pahle svayan ko law and order mein chala sakte ho? agar abhi se law and order mein chalne ke sanskaar dikhaai nahin dete, to bhavishya mein vishwa par bhi raajya nahin chala sakte। chalne vaale hi chalaane vaale bante hain। chalne mein kamjor ho aur chalaane ki ummeed rakhen,yeh to svayan ko khush karna hai। pahle apne aap se poochhoh’’mere sankalp,mere law and order mein hain?’’ mera svabhaav law and order mein hai? agar law-les hai to kya master almighty authority kahlaane ke adhikaari ho sakte hain?almighty authority kabhi kisi ke vasheebhoot nahin ho sakte। kya aise bane ho?

abhi purooshaarthiyon ke svayan ki chaiking ka samay chal raha hai। chaiking ke samay chaik nahin karenge, to apni takdeer ko change nahin kar sakenge। jo jitne maheen roop se svayan ki chaiking karte hain, utna hi bhavishya mahaan pad ki praapti ki booking hoti hai। to chaiking karna-arthaat booking karna,aise karte ho?ya ki jab booking samaapta ho jaayegi phir karenge? sabse shreshtha booking kaun-si hai? ashta ratnon ki seat kaun-si hai? kya eyar-kandeeshanda seat li hai? eyar-condition ke liye kandeeshansa hain। jaise eyar-condition mein, jab jaise chaahe, vaise eyar ki condition kar sakte hain। aise hi apne ko,jahaan chaaho,jaise chaaho vaise sait kar sako, to eyar condition ki seat le sakte ho। iske liye sarva khajaane jama hain? kaun-se sarva khajaane?khajaane sunaane mein to sab hoshiyaar ho,jaise sunaane mein hoshiyaar ho,aise hi jama karne mein bhi hoshiyaar ho jaao। sarva khajaane jama chaahiye। agar ek kam hai, to eyarkandeeshan seat nahin milegi phir to first division mein aa sakte ho। abhi apni booking dekho। abhi to aapko phir bhi chance hai। lekin jab chance samaapta ho jaayega, to phir kya karenge? isliye ab mukhya purooshaartha chaahiye। har samay,har baat mein,har subject mein aur har sambandh ki visheshta mein,svayan ko chaik karna hai। samjha!

aise trimoorti snehi, svayan ke aur vishwa ke knowledge mein trikaaldarshi,teesre netra dvaara svayan ki sookshm chaiking karne vaale, baap-daada ke sada sameep,snehi aur sada sahayogi rahne vaale, law and order mein sada chalne vaale vishesh aatmaon ko baapdaada ka yaad-pyaar good night aur namaste। om shanti।

is murli ka saar

1. takdeervaan vishesh aatmaaen apni visheshtaaon ko jaante hue, eeshvareey kaarya mein sada sahayogi banti hain। unki buddhi sada baap-samaan banne ki ek hi smriti mein rehti hain।

2. trimoorti snehi aatma baap ke sambandh mein pharmaanbardaar,shikshak ke roop mein vaphaadaar va eemaandaar aur satguru ke sambandh mein aagyaakaari hogi।

3. vartamaan samay svayan ko law and order mein chala sakne vaala master almighty authority hi bhavishya mein vishwa par law and order vaala raajya chala sakta hai।

4. maheen roop se apni chaiking karne vaala hi, bhavishya mein mahaan pad ki booking kara sakta hai।

5. ashta ratnon ki eyar-kandeeshanda seat ki booking ke liye, sarvashaktiyon va sarva-visheshtaaon roopi khajaane jama hone zaroori hain।