Avyakt murli for Sunday 30 June 1974 - 1

>

30-06-74 om shanti avyakt baapdaadaamdhuban

avyakt sthiti mein sthit hone se purooshaartha ki gati mein teevrata

prakriti ke aur vikaaron ke aakarshan se sada pare rahne vaale, vishwa ki sarva- aatmaon ki seva karne vaale aur sada videhi param pita paramatma shiv bole:-

aaj sabhi bachchon ko sookshm vatan ka samaachaar sunaate hain। aap sabki roochi hoti hai na ki sookshm vatan ki sair karen arthaat ek baar vatan ko zaroor dekhen? pata hai ki yeh ichchha va sankalp kyon hota hai? kyonki baap-daada, sookshm vatan vaasi ban,part bajaate hain isliye sankalp aata hai ki ham bhi ek baar baap-daada ke saath yeh anubhav karen। isliye baap-daada hi apna anubhav suna dete hain। yeh to maaloom hai na ki sabse mukhya anubhav karne va sunne ka drishya kis samay hota hai?vishesh bachchon ke prati amritvele ka samay hi nishchit hai। phir to, vishwa ki anya aatmaon ke prati,yatha-shakti bhaavna ka phal va koi bhi rajopradhaan karma, alpakaal ke liye jin aatmaon dvaara hote rehte hain unko bhi unke karmon ke anusaar alpakaal ke liye phal dene ke prati, saath-saath sachche bhakton ki pukaar sunne aur bhakton ki bhinna-bhinna prakaar ki bhaavna ke anusaar saakshaatkaar karaane aur ab tak bhi chaaron or kalpa pahle vaale chhupe hue brahman aatmaon ko sandesh pahunchaane ke liye, bachchon ko nimitta banaane ke kaarya mein, puraani duniya ko samaapta karaane-arth nimitta bane hue, vaigyaanikon ki dekh-rekh karne, gyaani tu aatma, snehi va sahayogi bachchon ko, saare din ke andar eeshvareey seva ka kaarya karne va maayaajeet banne mein ‘himmate bachche, madde baap’ ke niyam ke anusaar, unko bhi madad dene ke karttavya mein, draamaanusaar nimitta bane hain। ab samjha ki baap saare din kya karte hain? saakaar baap bhi ab avyakt hone ke kaaran quick-speed mein niraakaar baap ke saathi va sahayogi sadaakaal ke liye banne ka part baja sakte hain।

brahma baba, avyakt shareerdhaari, shareer ke bandhan mein na hone ke kaaran, jaise ab quick-speed mein baap-samaan saathi bane hain,vaise vyakta mein saathi nahin ban sakte the, kyon nahin ban sakte the? kaaran kya hai? jo vyakta aur avyakt roop mein, antar pad jaata hai ki vyakta shareer mein phir bhi vyakta shareer ke prati, samay dena padta hai aur kabhi-kabhi karmabhog ke prati bhi, apne nimitta sarva-shaktiyon ko use karna padta hai। to vyakta shareer mein svayan ke prati, bachchon ke prati aur vishwa ke prati in teenon mein hi,samay dena padta hai aur vyakta shareerdhaari hone ke kaaran vyakta saadhnon ke aadhaar par service karni padti hai। lekin avyakt roop mein svayan ke prati bhi saadhnon ka aadhaar nahin lena padta। is prakaar ek to sampoorn hone ke naate,sampoornata ki teevragti hai, doosra svayan par, samay va shaktiyaan use na karne ke kaaran seva mein bhi teevra gati hai। teesra vinaashi saadhnon ka aadhaar na hone ke kaaran sankalp ki gati bhi teevra hai। sankalp dvaara kahin bhi pahunchne aur vinaashi shareer dvaara kahaan pahunchne mein,samay aur shakti ka kitna antar pad jaata hai! aise hi vyakta aur avyakt ki gati mein bhi antar hai।

science vaale, samay ko aur apni energy arthaat mehnat ko, saadhnon ke vistaar ko,sookshm aur short kar rahe hain। kam-se-kam ek second tak pahunchne ka teevra purooshaartha kar rahe hain aur saphalta ko pa rahe hain jaise vinaash ke arth, nimitta bani hui aatmaon ki gati, sookshm aur teevra hoti ja rahi hai to aise hi sthaapna ke arth nimitta bani hui aatmaon ki sthiti aur gati bhi sookshm aur teevra honi chaahiye na? tabhi to donon kaarya sampanna honge। to ab vyakta shareer mein aur avyakt shareer mein antar samjha? avyakt hona drama anusaar kis seva ke nimitta bana hua hai,kya is rahasya ko samjha?brahma ka part sthaapna ke kaarya mein, ant tak noondha hua hai। jab tak, sthaapna ka kaarya sampanna nahin hua hai, tab tak nimitta bani hui aatma (brahma) ka part samaapta nahin hona hai। woh tab tak doosra part nahin baja sakte। jagat pita ke naye jagat ki rachna sampanna karne ka part drama mein noondha hua hai। manushya-srishti ki sarva-vanshaavli rachne ka sirf brahma ke liye hi gaayan hai great-great grand father(Great Great Grand Father) iseeliye gaaya hua hai। sirf sthiti, sthaan aur gati (speed) ka parivartan hua hai, lekin part brahma ka abhi tak vahi hai।

kaiyon ke sankalp pahunchte hain ki itna samay baba kya kar raha hai? baap bhi prashn poochhte hain ki kya brahma ke saath braahmanon ka, sarva-aatmaon ke kalyaan-arth nimitta banne ka part va nai srishti ki sthaapna ka noondha hua part samaapta hua hai? jab part samaapta nahin hua aur srishti ka parivartan hi nahin hua, to brahma ka part samaapta kaise hoga? sneh ve kaaran hi sankalp aata hai ki vatan mein itna samay kya karenge? vatan ka part itna samay kyon aur kaise, yeh sankalp kab aata hai? yeh bhi ek gupta rahasya hai। karma-bandhan se mukta, sampanna hui aatma, is kalpa ke janma-maran ke chakra ko samaapta karne vaali aatma, niraakaar baap ki first number saathi aatma, vishwa ke kalyaan prati nimitta bani hui first aatma, svayan ke prati aur vishwa ke prati sarva- siddhi praapta hui aatma, jahaan chaahe aur jitna samay chaahe, woh vahaan svatantra roop mein part baja sakti hai। jab alpakaal ki siddhi praapta karne vaali aatmaaen,apni siddhi ke aadhaar par apne roop parivartan kar sakti hain, to sarva-siddhi praapta hui aatma avyakt roopdhaari ban kar,jitna samay chaahe kya woh utna samay drama- anusaar nahin rah sakti?

aatma ko niraakaari va avyakt stage se vyakta mein laane ka kaaran kya hota hai? ek karmon ka bandhan, doosra sambandh ka bandhan, teesra vyakta srishti ke part ka bandhan aur deh ka bandhan-chola taiyaar hota hai aur aatma ko puraane se naye mein aakarshit karta hai-to in sab ke bandhanon ko socho। sthaapna ke part ka jo bandhan hai, woh vyakta se avyakt roop mein aur hi teevra gati se ho raha hai। is kalpa ke andar ab anya deh ke aakarshan ka bandhan nahin,dehdhaari ban karma-bandhanon mein aane ka bandhan samaapta kar liya। jab sarva-bandhanon se mukta aatma ban gai,to yeh vyakta deh va vyakta desh aatma ko kheench nahin sakte। jaise science dvaara bhi space mein chale jaate hain aur dharni ke aakarshan se pare ho jaate hain,to dharni unko kheench nahin sakti। aise hi jab tak naye kalpa mein, naye janma aur nai duniya mein part bajaane ka samay nahin aaya hai, tab tak yeh aatma svatantra hai aur woh vyakta-bandhanon se mukta hai। samjha?

isliye, ab bhinna-bhinna prakaar ke sankalp nahin karna। brahman bachchon ke saath jo baap ka vaayda hai ki saath chalenge,saath marenge aur saath jiyenge arthaat part samaapta karenge; brahma baap ne bachchon ke saath jo contract vishwa-parivartan ka uthaaya hai,woh aadhe mein chhod sakte hain kya? sthaapna ke kaarya mein nimitta bani hui neenv (foundation) beech se nikal sakti hai kya? ‘jo karma main karoonga,mujhe dekh sab karenge’, yeh slogan karma-arth nimitta bani hui aatma samaapta nahin karegi। abhi seva ka karma baap ko dekhte hue kar rahe ho na? karma karke dikhaane ke nimitta bani hui aatma,ant tak saathi aur sahayogi avashya banti hai। achha,yeh hua sankalp ka response। amritvele ka samaachaar phir doosri baar sunaavenge। kyonki woh vishesh taur se baap aur bachchon ka hi samaachaar hai aur uska to vistaar hoga। achha!

aise guhya raajon ko samajhne vaale raaz-yukta, yog-yukta,gyaan-yukta,yukti- yukta,sarvagunon se yukta, prakriti aur vikaaron ke aakarshan se sada pare rahne vaale,baap ke saath sthaapna ke kaarya mein teevragti se sahayogi banne vaale aur sada snehi aatmaon ko baap-daada ka yaad-pyaar,good night aur namaste।

is murli ka saar

1. sookshm vatan mein rehte hue bhi avyakt baap-daada bhakton ki pukaar sunne,vaigyaanikon ki dekh-rekh karne, chhipe huye bachchon ko khoj nikaalne aur brahman bachchon ki, purooshaartha aur seva mein madad karne ka kaarya karte hain।

2. avyakt shareerdhaari hone se ek to sampoorn hone ke kaaran sampoornata ki teevra gati hai, doosre svayan par samay va shakti use na karne ke kaaran seva mein teevra gati hai aur teesre vinaashi saadhnon ka aadhaar na hone ke kaaran sankalp ki gati bhi teevra hai।