Avyakt murli for Thursday 4 July 1974

>

04-07-74 om shanti avyakt baapdaadaamdhuban

sva-sthiti ki shreshthata se vyartha sankalpon ki halchal samaapta

maryaada purooshottam banaane vaale, apne sampoorn nishaane ke najdeek pahunchaane vaale,vyartha sankalpon ki halchal samaapta kar saamarthyavaan banaane vaale aur karmon ki guhya gati ko jaanne vaale bholenaath shiv baba boleh

kya apne sampoorn nishaane ke nazdeek pahunche ho? kya nishaane par pahunchne ki nishaaniyaan dikhaai deti hain? kya sampoorn nishaane ke nazdeek pahunchne ki nishaani ka double nasha utpanna hota hai? pahla nasha hai-karmaateet arthaat sarva karma bandhanon se mukta, nyaare ban, prakriti dvaara nimitta-maatra karma karaana। aise karmaateet avastha ka anubhav hoga। nyaare banne ka purooshaartha baar-baar nahin karna padega। sahaj aur svatah hi anubhav hoga ki karaane vaala aur karaane vaali yeh karmendriyaan svayan se, hain hi alag। doosra nasha hai-vishwa ka maalik banne ka, ki aise anubhav karenge jaise ki sthool chola va vastra taiyaar hua saamne dikhaai de raha hai aur nishchay hoga ki vastra taiyaar hai aur thode hi samay mein use dhaaran karna hai। woh sarvagun sampanna aur satopradhaan naya shareer spashta dikhaai dega aur chalte-phirte yeh nasha aur khushi hogi ki kal yeh puraana shareer chhod naya shareer dhaaran karenge। jaraasa sankalp bhi utpanna nahin hoga, ki daivi-pad praapta hoga ya nahin, devta banenge athva nahin aur raaja banenge ya praja? aise sanshay ka sankalp bhi utpanna nahin hoga kyonki saamne spashta dikhaai de raha hai ki aaj ham yeh hain aur kal yeh honge। gyaan ke teesre netra dvaara yog-yukta arthaat sada yogi hone ke kaaran buddhi ki line clear arthaat spashta hone ke kaaran nishchay buddhi vijayanti ke aadhaar se anubhav hoga ki anek baar yeh chola dhaaran kiya hai aur ab bhi karna hi hai। aisa atal vishvaas hoga aur spashta saakshaatkaar hoga। yeh banenge athva nahin banenge?-yeh halchal jab tak buddhi mein hai, tab tak hi sthiti mein bhi halchal hai।

jitna-jitna sva-sthiti, shreshtha-sthiti,gyaanasvaroop va aatma ke sarva-gunon se sampanna sthiti, achal,adol, nirantar aur ek-ras hoti jaayegi to utne hi sankalpon ki halchal samaapta hoti jaayegi। jaise saakaar mein maat-pita ko dekha ki donon ke hi nashe mein sankalp ki bhi halchal nahin thi। sampoorn achal aur atal nishchay tha ki yeh to bana hua hi hai athva yeh to nishchit hi hai। to nashe ki nishaani atal nishchay aur nishchinta anubhav hogi। nishaane ki nishaani nasha aur nashe ki nishaani nishchay aur nishchinta। saath-saath maaya ke kisi bhi prakaar ka vaar hone se aur haar khaane se bhi nishchinta। na maaloom maaya haar nahin khilaave, vijayi banenge ya nahin-is kamjor sankalp se bhi nishchinta,kyonki saamne dikhaai de raha hai, kya aisa anubhav hota hai? kamjor sankalpon ki chinta mein ki maaya aa nahin jaave,kamjor ho na jaaoon, aur mujhe saphalta milegi athva nahin? kya is bhay ke bhoot ke vash apna samay aur shaktiyaan vyartha to nahin ganvaate ho? aisa kamjor sankalp karna arthaat svayan mein sanshay ka sankalp rakhne se kabhi bhi sampoorn nahin ban sakenge। yeh sankalp karna arthaat kamjoriyon ke roop mein ek bhoot ke saath aur maaya ke bhooton ka aahvaan karte ho athva buddhi mein sthaan dete ho va ek ke saath anekon ko nimantran dete ho। isliye is bhay ke bhoot ko bhi jab tak buddhi se nahin nikaala, tab tak is bhoot ke saath baap ki yaad buddhi mein kaise rah sakti hai? baap ki yaad aur bhoot yeh donon ikatthe nivaas nahin kar sakte; isliye kahaavat bhi hai ki ‘nishchay buddhi vijayanti।’

yeh nishchay va smriti rakho aur samarthi rakkho ki anek baar baap ke bane hain va maayaajeet bane hain, to ab banna kya mushkil hai?kya smriti spashta nahin hai ki mujh shreshtha aatma ne vijayi banne ka part anek baar bajaaya hai? agar spashta smriti nahin hai to isse siddha hai ki baap ke aage svayan ko spashta nahin kiya hai। kisi bhi kaaran se baap ke aage kuchh chhipaaya hai to yeh bhay ka bhoot is kaaran se hi chhipa hua hai। jo hoon aur jaisa hoon, vaisa hi baap ka hoon,is nishchay mein kami ke kaaran yeh bhi nishchay nahin ki main anek baar bana hoon। to pahle yeh chaik karo ki svayan ko baap ke aage spashta kiya hai? athva apne ko aur baap ko khush karte ho ki baap to jaani jaananhaar hai woh to sab-kuchh jaante hi hain। kya baap yeh nahin jaanta ki main jaanta hoon? vishwa ke shikshak ke bhi shikshak bante ho? baap ko vismriti hui hai kya jo baap ko smriti dilaate ho? isliye yeh ek eeshvareey niyam va maryaada hai ki koi bhi ek maryaada ka paalan nahin karte, to ve maryaada purooshottam nahin ban sakte,isliye kaaran ka nivaaran karo। baap ke aage chhipaane se ek ke oopar laakh guna bojh chadhe hue hone ke kaaran jab tak svayan ko halka nahin kiya hai to socho ki ek galti ke peechhe anek galtiyaan karne se aur ek maryaada ka ullanghan hone se anek maryaadaaon ka ullanghan ho jaane ke kaaran va itna laakh guna bojh chadha hua hone se chadhti kala mein kadam kaise badha sakte ho aur nishaane ke sameep kaise aa sakte ho? laukik duniya mein bhi koi cheej chhipaane vaale ko kaun-sa title diya jaata hai? chhoti-si cheej ko chhipaane vaale ko chor ki list mein to ginenge na?to jab tak aise sanskaar hai, baap-daada ke aage jhooth bolna va kisi prakaar se baat ko chala dena to maaloom hai ki iska kitna paap hota hai?aise anek prakaar ke charitra baap ke aage dikhaate hain; aise charitra dikhaane vaale kabhi shreshtha charitravaan nahin ban sakte। baap ko bholaanaath samajhte hain na,isliye samajhte hain ki chhip jaayega aur chal jaayega। lekin baap ke roop mein bholaanaath hai,saath-saath hisaab-kitaab chuktu karaane ke samay phir lophul bhi to hai, phir us samay kya karenge? kya svayan ko chhipa sakenge va bacha sakenge?

apne anek prakaar ke bojh ko chaik karo। amritvele se lekar jo eeshvareey maryaadaayen bani hui hain aur jaante bhi ho ki saare din mein kitni maryaadaayen ullanghan ki hain। ek-ek maryaada ke oopar praapti ke marks bhi hain aur saath-saath sir par bojh ka bhi hisaab hai aur jin maryaadaaon ko saadhaaran samajhte ho unhon mein bhi unki praapti aur unke bojh ka hisaab hai। sankalp, bol,samay aur shaktiyon ka khazaana in sabko vyartha karne se vyartha ka bojh chadhta hai। jaise yagya ki sthool vastu,bhojan va anna agar vyartha ganvaate ho to bojh chadhta hai na? aise hi jab yeh marjeeva jeevan ka samay baap ne vishwa ki seva-arth diya hai, to sarvashaktiyaan svayan ke va vishwa ke kalyaan arth di hai, man shuddh sankalp karne ke liye diya hai aur yeh tan vishwa-kalyaan ki seva ke liye diya hai। aap sabne tan,man aur dhan jo de diya hai to woh aapka hai kya?jo arpan kiya woh baap ka ho gaya na?baap ne phir woh vishwa seva ke liye diya hai। shreshtha sankalp se vaayumandal aur vaataavran ko shuddh karne ke liye man diya hai, aise eeshvareey den ko arthaat eeshvar dvaara di gai vastu ko yadi vyartha mein lagaate ho to bojha nahin chadhega?

aajkal bhi jad moortiyon dvaara va mandiron mein jo thoda-sa prasaad bhi milta hai to usko kab vyartha nahin ganvaate hain। agar jara-sa kana bhi paanv mein gir jaata hai, to paap samajh mastak se lagaakar sveekaar karte hain। anekon ke mukh mein daal prasaad ko saphal karne ka purooshaartha karenge aur use vyartha nahin ganvaayenge। yeh svayan baap dvaara mili hui jo vastu man va tan parmaatma-prasaad ho gaya, kya isko vyartha karne ka bojh nahin chadhega?jaise samay ki gati gahan hoti ja rahi hai to vaise hi ab purooshaartha ki praapti aur bojh ki gati bhi gahan hoti ja rahi hai। isko hi kaha jaata hai ki karmon ki gati ati guhya hai। to aaj karmon ki guhya gati suna rahe hain ki jisse hi sadgati pa sakenge। ab samjha, ki nishaane ke sameep ki nishaaniyaan kya hain? va nishaane ke sameep jaane ki vidhi kya hai?

baap-daada ko bhi raham padta hai ki sabhi ko abhi se sampoorn bana deve। lekin rachayita bhi maryaadaaon va eeshvareey niymon mein bandha hua hai। baap bhi maryaadaaon ka ullanghan nahin kar sakte।‘jo karega,woh paavega’,yeh maryaada baap ko poorn karni padti hai। haan itni margin hai ki jo ek ka sau guna de dete hain। himmat karne par madad kar sakte hain,baaki aur kuchh nahin kar sakte hain। achha!

aise himmat aur ullaas mein rahne vaale, sada nishchay buddhi vijayi banne vaale, nishaane ke sameep pahunchi hui aatma, sada nashe mein rahne vaali aatmaayen, vyartha ko samartha banaane vaali aatmaayen, har second aur har sankalp ko saphal karne vaali saphaltaamoorta aatmaon ko baapdaada ka yaad-pyaar, good night aur namaste।