Avyakt murli for Sunday 2 February 1975

>

02-02-75 om shanti avyakt baapdaadaamdhuban

sva-chintak, shubh-chintak aur vishwa-parivartak

vishwa-kalyaankaari shiv baba bole:-

aaj baapdaada saari sena ke vartamaan samay ke result ko dekh rahe hain। yeh result vishesh taur par teen baaton mein dekho। jaise mukhya chaar subjects hain, vaise hi in chaar subjects ki result teen stejis mein dekhi। ve teen stejis kaun-si hain?

pahli stage - svayan ke prati sva-chintak kitne bane hain?

doosri stage hai - sameep sambandh va samparka mein shubh-chintak kitne bane hain?

teesri stage hai - vishwa seva ke prati। usmein vishwa-parivartak kahaan tak bane hain? parivartan ki stage va percentage kahaan tak pratyaksha roop mein hui hai? in teenon stejis ki result se chaaron hi subjects ka result spashta ho jaata hai।

mukhya taur par to pahli stage - sva-chintak kahaan tak bane hain? - is par hi teenon subjects ka result aadhaarit hai। saare din mein check karo ki sva-chintak kitna samay rehte hain? jaise vishwa-parivartak banne ke kaaran vishwa-parivartan ke plans banaate rehte ho,samay bhi nishchit karte hi rehte ho,vidhi dvaara vriddhi ke bhinna-bhinna plans va sankalp bhi chalte hi rehte hain, aise hi sva-chintak ban, sampoorn banne ki vidhi har roj naye roop se, nai yuktiyon se sochte ho? result-pramaan teesri stage ke plensa jyaada banaate ho। pahli stage ke plensa ke liye kabhi-kabhi umang va utsaah mein jaate ho va kabhi-kabhi samay attention khinchavaata hai va koi samasya va kisi subject ka result attention khinchavaati hai,lekin woh attention teevra-gati ke swaroop mein alpa-kaal rehta hai।

second stage-shubh-chintak ki result sva-chintak se kuchh percent vartamaan samay jyaada hai। lekin saphalta va kaarya ki sampannata va svayan ki sthiti ki sampoornata, jab tak first stage fast roop ke result tak nahin pahaoonchi hai, tab tak nahin ho sakti। uske liye svayan ke prati svayan ka hi plan banaao। programme se progress hoti hai, yeh alpakaal ki unnati avashya hoti hai lekin sadaakaal ki unnati ka saadhan hai - sva-chintak banna।

vartamaan samay-pramaan purooshaartha ki gati chintan ke bajaay chinta ke swaroop mein honi chaahiye। seva ke vishesh programme to banaate ho, din-raat chinta bhi rehti hai ki kaise saphal karen aur uske liye bhi din-raat samaan kar dete ho। lekin yeh chinta sukh swaroop chinta hai। anek prakaar ki chintaaon ko mitaane vaali yeh chinta hai। jaise sarva- bandhanon se chhootne ke liye ek shubh-bandhan mein svayan ko baandhate ho, is bandhan ka naam bhale hi bandhan hai lekin banaata yeh nirbandhan hi hai। aise hi iska naam chinta hai lekin praapti baap dvaara varse ki hai। aise hi is chinta se sada-santushta,sada-harshit aur sada kamal-pushpa samaan rahne ki sthiti athva stage sahaj ban jaati hai।

vartamaan samay sankalp to uthta hai aur chintan to chalta hai ki kaisa hona chaahiye lekin jaisa hona chaahiye, vaisa hai nahin। yeh hona chaahiye,yeh karna chaahiye, aise karen, yeh karen - yeh to chintan ka roop hai। lekin chinta ka swaroop chalna aur karna hota hai,banna aur banaana hota hai, ‘hona chaahiye’ - yeh chinta ka swaroop nahin hai। jab tak svayan ke prati vishesh vidhi ko nahin apnaaya hai, tab tak woh chinta ka swaroop nahin hoga। yeh vishesh vidhi kaun-si hai? yeh jaante ho? kaunsi nai baaten karenge? jo vidhi ki siddhi dikhaai deve? puraani vidhi to karte-karte vidhi ka roop hi na raha hai। baaki kya rah gaya hai?

karne ke kuchh samay ke baad albelaapan kyon hota hai? mukhya baat yahi hai ki ab tak samay ki samaapti ka buddhi mein nishchay nahin hai। nishchit na hone ke kaaran nishchinta rehte ho! jaise service ke plans ka samay nishchit karte ho, tab se nishchinta rehna samaapta ho jaata hai,aise hi svayan ki unnati ke prati bhi agar samay nishchit karte ho to uska bhi vishesh result anubhav karte ho na? jaise vishesh maas yaad ki yaatra ke programme ka nishchay kiya to chaaron or vishesh vaayumandal aur result,vidhi ka siddhi swaroop pratyaksha phal ke roop mein dekha। aise hi apni unnati ke prati jab tak samay nishchit nahin kiya hai ki is samay ke andar har visheshta ka saphalta swaroop banna hi hai va samay ke vaataavran se sva-chintan ke saath-saath shubh-chintak bhi banna hi hai,tab tak saphalta-swaroop kaise banenge?nahin to avhelna ki samaapti, arthaat sampoornata ho na sakegi। svayan ka svayan hi shikshak bankar jab tak svayan ko is bandhan mein nahin baandha hai, tab tak anya aatmaon ko bhi sarva-bandhanon se sada ke liye mukta nahin kar paaoge। samjha?

abhi kya karoge? jaise seva mein bhinna-bhinna topics ka saptaah va maas manaate ho, vaise hi seva ke saath-saath svayan ke prati bhi bhinna-bhinna yuktiyon ke aadhaar par samay nishchit karo। yeh varsha aise khaas purooshaartha ka hai। samay ab bhi kam to hota hi jaata hai parantu aise hi aage chalkar svayan ke prati vishesh samay aur hi kam milega। phir kya karenge? jaise aaj ke manushya yahi kehte hain ki pahle phir bhi samay milta tha lekin ab to woh bhi samay nahin milta, aise hi svayan ka svayan ke prati yeh ulaahna na rah jaaye ki svayan ke prati jo karna tha woh kiya hi nahin kyonki samay jitna sameep aata ja raha hai,us pramaan itne vishwa ki aatmaon ko mahaadaan aur vardaan ka prasaad baantane mein hi time chala jaayega। isliye sva-chintak banne ka samay jyaada nahin raha hai। achha!

aise sada mahaadaani, sarva vardaani, sva-chintak,aur shubh-chintak,vishwa ki har aatma ke prati sada merciful, master sarva-shaktiyon ke saagar, sankalp aur har bol dvaara vishwa-kalyaanaartha nimit bani hui aatmaon - vijayi ratna aatmaon-ke prati baapdaada ka yaad-pyaar aur namaste!

ek vatsa ki or dekhte hue baba bole - din-pratidin thode samay mein saphalta jyaada dikhaai de rahi hai, yahi aage badhne ki nishaani hai। sahaj bhi ho aur saath-saath mehnat kam aur phal jyaada - is stage ke sameep ja rahe ho na?jitna nishaana sameep dikhaai deta hai,utna nasha automatically hota hai। nasha arthaat khushi! yeh hai pratyaksha phal। to ab pratyaksha phal ka samay hai। bhavishya phal nahin, pratyaksha phal!

(uprokta vatsa ne ek behen ki tabiyat ka samaachaar bataaya) harshit roop se yahaan hi karma-bhog ko karma yog se chuktu karna hai। aisa na samjhe ki main service nahin karti hoon - jaise vaani dvaara service karte hain, jitna ek bhaashan ka result hota hai, usse hajaar guna jyaada is practical anubhav ki service ka result nikalta hai - aise samajh kar saaksheepan se hisaab-kitaab chuktu kare to service bahut hai। jo hai hi sarvisebal unka shaareerik rog nimit kaaran ban hisaab chuktu hota hai lekin usmein bhi seva bhari hui hai। yeh koi rest nahin hai balki yeh bhi bhinna prakaar ki seva ka chance hai। aise samajhkar seva mein busy rahe to double phal mil jaayega। mukti bhi aur seva bhi। achha!