Avyakt murli for Saturday 8 February 1975

>

08-02-75 om shanti avyakt baapdaadaamdhuban

nishchay roopi aasan par achal sthiti

har paristhiti mein achal evan adol banaane vaale shiv baba bole -

sabhi apne ko nishchay roopi aasan par sthit anubhav karte ho? nishchay ka aasan kabhi hilta to nahin hai? kisi bhi prakaar ki paristhiti ya prakriti ya koi vyakti nishchay ke aasan ko kitna bhi hilaane ka prayatna kare,lekin woh hila na sake - aise achal-adol aasan hai? nishchay ke aasan mein sada achal rahne vaala nishchay-buddhi vijayanti gaaya hua hai। to achal rahne ki nishaani hai - har sankalp, bol aur karma mein sada vijayi। aise vijayi ratna svayan ko anubhav karte ho? kisi bhi baat mein hilne vaale to nahin ho? jo samajhte hain kabhi koi baat mein halchal mach sakti hai ya koi prakaar ka sankalp bhi utpanna ho sakta hai aise purushaarthi haath uthaao? aise koi hain jo samajhte hon ki haan, ho sakta hai? agar haath na uthaayenge to paper bada kada aane vaala hai,phir kya karenge? koi bhi mushkil paper aaye usmein sabhi paas hone vaale ho to paper ki date announce karen। sab aise taiyaar ho? phir us samay to nahin kahenge ki yeh baat to samjhi nahin thi aur sochi nahin thi, yeh to nai baat aa gai hai?nishchay ki pareeksha hai ki jin baaton ko sambhav samajhte ho,woh asambhav ke roop mein paper ban ke aayengi, phir bhi achal rahoge?

nishchay-buddhi banne ki mukhya chaar baaten hain। chaaron mein percentage full chaahiye। woh chaar baaten jaante bhi ho aur un par chalte bhi ho। pahli baat (1) baap ka nishchay jo hai,jaisa hai,jis swaroop se part baja rahe hain, usko vaisa hi jaanna aur maanna। (2)baap dvaara praapta hui knowledge ko anubhav dvaara spashta jaanna aur maanna। (3)svayan bhi jo hai,jaisa hai arthaat apne alaukik janma ke shreshtha jeevan ko va oonche brahman ke jeevan ko, apne shreshtha part ko, apni shreshtha sthiti aur sthaan ka jaisa mahatva hai, vaisa svayan ka mahatva jaanna,maanna aur usi pramaan chalna। (4) vartamaan shreshtha, purooshottam,kalyaankaari,chadhti kala ke samay ko jaanna aur jaan karke har kadam uthaana। in chaaron hi baaton ka poorn nishchay practical life mein hona - isko kaha jaata hai - nishchaybuddhi vijayanti।

chaaron hi baaton mein percentage bhi chaahiye। nishchay hai, sirf is baat mein bhi khush nahin hona hai। lekin kya percentage bhi oonchi hai? agar percentage ek baat mein bhi kam hai to nishchay ka aasan koi bhi samay athva koi chhoti paristhiti bhi dagmag kar sakti hai। isliye percentage ko check karo kyonki ab sampanna hone ka samay sameep aa raha hai। to chhoti-si kami samay par bada nuksaan kar sakti hai kyonki jitna-jitna ati svachchha,satopradhaan ban rahe ho, ati svachchha stage par aaj jo chhoti-si kami lagti hai va saadhaaran daag anubhav hota hai, woh bahut bada dikhaai dega। isliye abhi se aisi sookshm checking karo aur kami ko sampanna karne ka teevra purooshaartha karo। din-pratidin jitna shreshtha bante ja rahe ho utna vishwa ki har aatma ki nigaahon mein prasiddha hote ja rahe ho। sabki najar aapki taraph badhti ja rahi hain। ab sabke andar yeh intazaar hai ki kab sthaapna ke nimitta bane hue ye log sukh-shaantimayi nai duniya ki sthaapna ka kaarya sampanna karte hain, jo yeh duhkhadaai duniya ke sthaapna ke aadhaar par parivartit ho jaayegi। inhon ki najar sthaapna karne vaalon mein hai aur sthaapna karne vaalon ki najar kahaan hai? apne kaaryo mein magna ho va vinaashkaariyon ki taraph najar rakhte ho? vinaash ke saadhnon ke samaachaaron ko sunne ke aadhaar par to nahin chal rahe ho? woh dheele hote to aap bhi dheele ho jaate ho? kya sthaapna ke aadhaar par vinaash hota hai ya vinaash ke aadhaar par sthaapna honi hai? sthaapna karne vaale vinaash ki jvaala prajvalit karne ke nimitta bane hue hain na ki vinaash vaale sthaapna karne vaalon ke purooshaartha ki jvaala prajvalit karne ki nimitta hain।

sthaapna vaale aadhaarmoorta hain। aise aadhaarmoortta isi vinaash ki baat par hilte to nahin? halchal mein to nahin ho? hoga ya nahin hoga?log kya kahenge ya log kya karenge? yeh vyartha sankalp nishchay ke aasan ko dagmag to nahin karta? sabne nishchay-buddhi mein haath uthaaya na? nishchay arthaat kisi bhi baat mein kyon, kya aur kaise ka sankalp bhi utpanna na ho,kyonki sanshay ka royal roop sankalp ka roop hota hai। sanshay nahin hai lekin sankalp uthta hai, to woh sankalp kiske vansh ka ansh hai? yeh sanshay ka aaya hai ya vansh ka?jabki chaaron hi baaton mein sampoorn nishchay-buddhi ho to phir yeh sankalp utpanna ho sakta hai? jabki hai hi kalyaankaari yug।

kalyaankaari baap ki shreemat par chalne vaali aatmaayen sivaay kalyaan ke, chadhti kala ke aur koi bhi sankalp kar nahin sakti hain। unka har sankalp, har kaarya ke prati samay, vartamaan ka bhavishya ke prati samartha sankalp hoga,vyartha nahin hoga। ghabraate to nahin ho? saamna karna padega। paper ka saamna arthaat aage badhna,arthaat sampoornata ke ati sameep hona। ab yeh paper aane vaala hai। svayan spashta buddhi vaale honge to auron ko bhi spashta kar sakenge। iska matlab yeh to nahin samajhte ho ki hona nahin hai। drama mein jo hota raha hai,samay-prati-samay,usmein maakhan se baal hi nikalta hai na?koi mushkil hua hai? baapdaada naynon par bithaaye, dil takhta par bithaaye paar karte le aa rahe hain na? koi kya ant tak saath nibhaane ka ya kisi bhi paristhitiyon se paar le jaane ka vaayda va kaarya nibhaayenge। nahin saath le hi jaana hai na। sarvashaktimaan saathi hote hue bhi yeh sankalp utpanna hona - usko kya kahenge?aise vyartha sankalp samaapta kar jis sthaapna ke kaarya ke nimitta ho,baapdaada ke madadgaar ho, us kaarya mein magna raho। apni lagan ki agni ko teevra karo। jis lagan ki agni se hi vinaash ki agni teevra gati ka swaroop dhaaran karegi। apne rache hue avinaashi gyaan yagya, jiske nimitta brahman bane hue ho, is yagya mein pahle svayan ki sarva kamjoriyon va kamiyon ki aahuti daalo। tabhi saari puraani duniya ko aahuti padne ke baad samaapti hogi। ab dridh sankalp ki teeli lagaao। tab yeh sampanna hoga। achha!

aisi lagan mein magna rahne vaale, sada nishchay ke aasan par sthit rah kaarya karne vaale, har paristhiti mein achal aur adol rahne vaale, baapdaada ke sadaiv sameep aur sahayogi, aise snehi aatmaon ko baapdaada ka yaad, pyaar aur namaste।