Avyakt murli for Tuesday 2 September 1975

>

02-09-75 om shanti avyakt baapdaadaamdhuban

dil roopi takhta-nasheen hi satayugi vishwa ke raajya ka adhikaari

bhakton ko bhakti ka phal dene vaale, prakriti ko apne adheen karne vaale, satya naaraayan ki satyaktha sunkar satayug ki sthaapna karne vaale, satya shiv baba ne trimoorti takhtansheen bachchon ko sambodhit karte hue kaha -

kya aap bachche apne ko trimoorti takhtansheen samajhte ho? aaj ki sabha trimoorti takhtansheen ki hai। apne trimoorti takhta ko jaante ho na? ek hai akaalmoorta aatma ka yeh bhrikuti roopi takhta। doosra hai - vishwa ke raajya ka takhta। teesra hai - sarva-shreshtha baapdaada ka dil roopi takhta। aise harek apne ko teenon hi takhton par nasheen anubhav karte ho ya sirf jaante ho? kya aap gyaan swaroop ho ya anubhav swaroop bhi ho? main shreshtha aatma anek baar iski takhtansheen bani hoon - aise anek baar ki smriti spashta roop mein aur sahaj roop mein abhi-abhi ki baat mahsoos hoti hai? kab ki baat nahin - lekin ab ki baat hai, aisa anubhav karne vaale baapdaada ke ati snehi aur ati sameep hain।

in sab takhton ka aadhaar baapdaada ke dil-takhtansheen banna hai। uske liye mukhya saadhan kaun-sa hai usko jaante ho? sahaj saadhan hai na। kaun-sa saadhan hai? - dil takhta, jo svayan takhtansheen hain woh achhi tarah jaante hain ki baapdaada ko sabse priy kaun-sa bachcha lagta hai। baap ko duniya vaale kya samajhte hain, ki baap bhagwan kya hai? god is tatrtha। satya ko hi bhagwan kehte hain। baapdaada sunaate bhi satyanaaraayan ki katha hai aur sthaapna bhi satayug ki karte hain। to baap ko jo sat baap,sat teacher, sat guru ka practical part bajaate hain, to sat baap ko kya priy lagta hai? - sachchaai- jahaan sachchaai hai arthaat satyata hai, vahaan svachchhata va saphaai avashya hi hoti hai। gaayan bhi hai sachche dil par saahab raaji। dil takhtansheen serviceable avashya hai - lekin serviceable ki nishaani sambandh aur samparka mein sachchaai aur saphaai, har sankalp aur har bol mein dikhaai degi। arthaat aisi dil takhtansheen shreshtha aatma ka har sankalp sat hoga, har vachan sat hoga। sat arthaat satya bhi aur sat arthaat saphal bhi। arthaat koi bhi sankalp va bol vyartha va saadhaaran nahin hoga। aise serviceable jinke har kadam mein, har samay ki nigaah mein arthaat drishti mein sarva aatmaon ke prati nihsvaartha seva hi seva dikhaai degi। sote bhi seva,jaagte bhi seva aur chalte hue bhi seva। sivaay seva ke svapna mein bhi koi baat nahin hogi। aise sevaadhaari jo achal aur athak hoga - aisa hi baapdaada ke diltakhtansheen hota hai। samjha, nishaani kya hoti hai?aise dil takhtansheen ke liye vishwa ke raajya ka takhta praapta karna nishchit hi hai। jaise in-edvaans seat book hoti hai,aise kalpa-kalpa ke liye raaj takhta nishchit hai।

prakriti ko adheen kar vijayi banne vaale vatsa vishwa ke raajya ke adhikaari banenge athva nahin, yeh sankalp bhi nahin uth sakta। prakriti aise apne vijayi maalik ke aage-peechhe daasi ke samaan jhukti rehti hai va pranaam karti rehti hai। har samay sada sevaadhaari shreshtha aatma ke aage sevaadhaari ban ke rehti hai। aisa apna shreshtha swaroop dikhaai de raha hai na?ab to prakriti aapka intazaar kar rahi hai। apne aise maalik ki seva ke liye। saagar bhi,dharni bhi aise vishwa ke maalik ki seva-arth svayan ko ab sampanna bana rahe hain। dekh rahe ho unki taiyaariyaan jaise bhakta log deviyon ki,devtaaon ki,shaktiyon ki, saaligraam roop ki pooja karte hue jor shor se aahvaan kar rahe hain - apni pyaari nidra ko bhi tyaag chilla-chilla kar aap sabka aahvaan kar rahe hain ki kahin hamaari vardaani,mahaadaani aatmaayen va hamaare ishta dev hamaari bhi sun len। apraapti se praapti zara de। aise hi ab samay sameep hone ke kaaran bhakton ke saath-saath prakriti bhi aapka aahvaan kar rahi hai, ki kab hamaare satopradhaan maalik hamaare oopar raaji ho raajya karenge aur prakriti bhi satopradhaan chola dhaaran karegi। kya prakriti ka aahvaan,bhakton ka aahvaan dikhaai va sunaai de raha hai?

inke aahvaan ke saath doosri or baapdaada bhi aahvaan kar rahe hain ki samaan aur sampoorn ban kar sookshm vatan nivaasi pharishta bankar baap ke saath ghar chalen। chalna hai ya sangam jyaada bhaata hai? kya ever-ready ban gaye ho? jahaan bithaayen, jis roop mein bithaayen aur jab tak bithaayen aise vaayde mein sada sthit rehte ho? last order roohaani militri ko kitne samay mein milega? ek second ka order hoga। ek ghanta pahle itla nahin hogi। tab to aath ratna nikalte hain। date nishchit bata karke paper nahin lenge। arthaat last date jo drama mein nishchit hai,woh nishchit date aur samay nahin batlaaya jaayega। yeh to average bataaya jaata hai। lekin last paper ek hi question ka aur ek hi second ka hoga। isliye bachchon ko ever-ready banna hai।

har samay svayan ko check karo ki sametne ki shakti aur saamna karne ki shakti donon shaktiyon se sampanna ban gaye ho? sametne ki shakti ka bahut samay se karttavya mein laane ka abhyaas chaahiye। last samay sametna shuru nahin karna। samette hi samay beet jaayega। sametne ka kaarya to ab sampanna hona chaahiye। tab ek bal, ek bharosa va nirantar tumheen se khaanu, tumheen se baithoon, tumheen se boloon aur tumheen se sunoon ka kiya hua vaayda nibha sakenge। aise nahin ki aath ghanta tumheen se boloon, sunoon,baaki samay aatmaon se boloon va sunoon - yeh nirantar ka vaayda hai - ismen chatur nahin banna। baap ki di hui points baap ke aage vakeel ke roop mein nahin rakhna। amrit vele kai vakeel bankar aate hain। vakaalat satayug mein nahin hogi। isliye baapdaada ke aage aisa natkhatpan nahin karna। vakeel ki bajaay judge bano। lekin kiska?svayan ka judge banna doosron ka nahin। baapdaada ko saare din mein amritvele ke samay bachchon ke vichitra khel dekhte harshit hone ko milta hai। us samay har ek ka photo nikaalne yogya poj va position hoti hai। saakshi hokar aap ek din bhi dekho to bahut hansoge। koi yoddha ban kar bhi aate hain। baap ke diye hue shastra baap ke aage use karte hain। ‘‘aapne aise kaha hai, gyaan aisa kehta hai’’ -baap muskaraate hain - khel dekhte rehte hain। yoddha ki bajaay vijayi bano, tab hi trimoorti takhta-nasheen ban sakoge। samjha?achha।

aise sada vijayi, sarva vaayde nibhaane vaale, baapdaada ke ati snehi aur sameep, prakriti ko daasi banaane vaale aur sarva aatmaon ki sarva manokaamnaayen poorn karne vaale, shreshtha aatmaon ko baapdaada ka yaad-pyaar aur namaste।