Avyakt murli for Sunday 14 September 1975

>

14-09-75 om shanti avyakt baapdaadaamdhuban

akaal takhta-nasheen aur mahaakaal-moortta ban sametne ki shakti ka prayog karo

akaal moortta, mahaakaaleshvar,sarvashaktivaan,ashareeri shiv baba bole -

apne ko har paristhiti se paar karne vaale, shaktishaali sthiti mein anubhav karte ho?shaktishaali paristhitiyon ko master sarva-shaktivaan sthiti vaale hi sahaj paar kar sakte hai। din-pratidin prakriti dvaara vikraal roop se paristhitiyaan dikhaai deti jaayengi। ab tak yeh saadhaaran paristhitiyaan hain। vikraal roop to prakriti ab dhaaran karegi jisme vishesh aapdaaon ka vaar achaanak hi hoga। abhi to thoda samay pahle maaloom pad jaata hai। lekin prakriti ka vikraal roop kya hoga? ek hi samay prakriti ke sabhi tatva saathsaath aur achaanak vaar karenge। kisi bhi prakaar ke prakriti ke saadhan bachaav ke kaam ke nahin rahege aur hi saadhan samasya ka roop banenge। aise samay par prakriti ke vikraal roop ka saamna karne ke liye kis baat ki aavashyakta hogi? apne akaal-takhta nasheen akaalmoorta banne se mahaakaal baap ke saath-saath ‘master mahaakaal’ swaroop mein sthit honge tab hi saamna kar sakenge। mahaavinaash dekhne ke liye master mahaakaal banna padega। master mahaakaal banne ki sahaj vidhi kaun-si hai? akaalmoortta banne ki vidhi hai -- har samay akaal-takhta nasheen rehna। jara-sa bhi dehbhaan hoga, to akaale mrityu ke samaan achaanak ke vaar mein haar khila dega!

jaise prakriti ke paanch tatva vikraal roop ko dhaaran karenge, vaise hi paanch vikaar bhi apna shaktishaali roop dhaaran kar antim vaar ati sookshm roop mein trial karenge arthaat maaya aur prakriti donon hi apna full force ka antim daav lagaayenge। jaise kisi bhi sthool yuddha mein bhi antim drishya hris (haas) paida karne vaala hota hai aur himmat badhaane vaala bhi hota hai, aise hi kamzor aatmaon ke liye bhi hris paida karne vaala drishya hoga - master sarvashaktivaan aatmaon ke liye woh himmat aur hullaas dene vaala drishya hoga।

aise samay mein jaisi sthiti sunaai uske liye vishesh kaunsi shakti ki aavashyakta hogi? second ke haar-jeet ke khel mein kaun-si shakti chaahiye? aise samay mein sametne ki shakti aavashyak hai। jo apne deh-abhimaan ke sankalp ko, deh ki duniya ki paristhitiyon ke sankalp ko,kya hoga? - is halchal ke sankalp ko bhi sametna hai। shareer aur shareer ke sarva samparka ki vastuon ko bhi va apni aavashyaktaaon ke saadhnon ki praapti ke sankalp ko bhi sametna hai। ghar jaane ke sankalp ke sivaay anya kisi sankalp ka vistaar na ho - bas yahi sankalp ho ki ab apne ghar gaya ki gaya। shareer ka koi bhi sambandh va samparka neeche na la sake। jaise is samay saakshaatkaar mein jaane vaale saakshaatkaar ke aadhaar par anubhav karte hain ki main aatma is aakaash tatva se bhi paar udti hui ja rahi hoon,aise hi gyaani evan yogi aatmaayen aisa anubhav karengi। us samay traansa ki madad nahin milegi। gyaan aur yog ka aadhaar chaahiye। iske liye ab se akaal-takhta-nasheen hone ka abhyaas chaahiye। jab chaahe ashreereepan ka anubhav kar saken,buddhiyog dvaara jab chaahe tab shareer ke aadhaar mein aayen। ‘‘ashareeri bhav!’’ ka vardaan apne kaarya mein ab se lagaao।

aise samay mein shreemat kaise lenge? telephone va telegram se wireless (bina taar ke vidyut-chumbakeey tarangon dvaara samaachaar bhejne ka yantra) set hai- chaahiye to wireless lekin set hai?wireless ki setting kaise hogi? bilkul viceless (paap-rahit) viceless banna hi wireless set ki setting hai। jara ansh ke bhi ansh-maatra vikaar, wireless ke set ko bekaar kar dega। isliye maheen roop se svayan ke svayan hi checker bano। tab hi prakriti aur paanch vikaaron ki antim vidaai ke vaar ko vijayi ban saamna kar sakenge। yahi prakriti vaar karne ke bajaay badhaai ke najaare saamne laayegi। chaaron or jayaj yakaar ki shahnaaiyaan bajaaygi। aur baapdaada ke vijay maala ke manke vishwa ke beech prasiddha honge। saara vishwa ‘‘amar bhav!’’ ka naara lagaayega। aise samay ke liye taiyaar ho? athva samay aapko taiyaar karega ki aap samay ka aahvaan karenge? samay par jaagne vaale ko kya title dete hain? samay par kaun jaaga?agar samay par jaagenge ya yeh sochenge ki samay taiyaar kar hi dega ya samay par ho hi jaayega to brahman vansh ki bajaay kshatriy vansh ke ho jaayenge। isliye yeh aadhaar bhi nahin lena। samjha?

prashn karte hain ki ab aage kya hone vaala hai - vinaash hoga ya nahin hoga? vinaash jvaala prakat karne vaale is halchal mein honge to vinaash ke nimitta bani hui vinaashkaari aatmaon ke bane hue plan mein bhi halchal ho jaati hai। jaise nimitta bani hui aatmaayen sochti hain ki hoga ya nahin hoga - ab hoga ya kab hoga? vaise hi vinaashkaari aatmaayen isi halchal mein hai ab kare ya kab karen,karen ya na karen? jaise yaadgaar chitra kaliyugi parvat ko anguli dene ka hai, vaise hi vinaash karaane ke nimitta bani hui sarva aatmaon ke andar yeh sankalp dridh ho ki hona hi hai। yeh sankalp roopi anguli jab tak sabhi ki nahin hui hai,tab tak vinaash ka kaarya bhi rooka hua hai। isi anguli se hi kaliyugi parvat khatma hone vaala hai। achha।

aise vikraal roop ko, master mahaakaal sthiti se saamna karne vaale, sada akaal takhta-nasheen, prakriti ko adheen karne vaale, baap ki sarva praapti ke adhikaari bachchon ko baapdaada ki yaad-pyaar aur namaste।

is murli ke vishesh gyaan-bindu

1. apne akaal takhta nasheen, akaalmoorta banne se mahaakaal baap ke saathsaath master mahaakaal swaroop mein sthit honge tab hi prakriti ke vikraal roop ka saamna kar sakenge।

2. jaise prakriti ke paanch tatva vikraal roop dhaaran karenge vaise paanch vikaar bhi apna shaktishaali roop dhaaran kar antim daav lagaayenge। aise samay mein vishesh roop se ‘sametne ki shakti’ ko dhaaran karne ki aavashyakta hai। ek ghar jaane ke sankalp ke sivaay anya koi sankalp ka vistaar na ho।

3. ashareeri banna wireless set hai। viceless banna hi wireless set ki setting hai। jara bhi ansh ke bhi anshamaatra vikaar, wireless ke set ko bekaar kar dega।