Avyakt murli for Thursday 18 September 1975

>

18-09-75 om shanti avyakt baapdaadaamdhuban

maaya ke chakkaron se pare, svadarshan chakradhaari hi bhavishya mein chhatradhaari

nirbal ko maha balvaan banaane vaale, maaya ke chakkaron se mukta karne vaale, raham dil va snehmoorta shiv baba svadarshan chakradhaari so chhatradhaari bachchon ko dekh bole -

aaj baapdaada sab brahman bachchon ke vartamaan aur bhavishya donon ko dekh harshit ho rahe hain। har ek svadarshan chakradhaari so chhatradhaari hai। vartamaan chakradhaari aur bhavishya mein chhatradhaari। chakradhaari nahin to chhatradhaari bhi nahin। jin bachchon ka is sangam yug ka yeh thoda-sa amoolya samay, nirantar sadaakaal chakra chalta rehta hai arthaat avinaashi chakradhaari hain,vahi aatmaayen sadaakaal chhatradhaari ban sakti hain। chakradhaari banne vaali aatma sada maaya adhikaari hogi-maaya adhikaari aatmaayen hi baap ke behad varse ki adhikaari banti hain - arthaat svadarshan chakradhaari so chhatradhaari banti hain। sadaiv chakra aur chhatra dikhaai deta hai?

chakradhaari aatma ki nishaani kya dikhaai degi? apni nishaani aap sabne dekhi hai?chakradhaari ab bhi light ke chhatradhaari dikhaai denge। chakra ki nishaani light ka chakra dikhaai dega। aisa chakradhaari sadaiv maaya ke anek prakaar ke chakron se mukta hoga। jaise apni deh ki smriti ke anek vyartha sankalpon ke chakra se, laukik aur alaukik sambandhon ke chakra se, apne anek janmon ke svabhaav aur sanskaaron ke chakra se aur prakriti ke anek prakaar ke aakarshan ke chakra se woh sadaiv mukta hoga। sivaay svadarshan chakra ke woh aur koi chakra mein aa nahin sakega। anya aatmaon ko bhi baap se praapta hui shaktiyon dvaara anek chakkaron se sahaj hi chhuda dega।

maaya ke anek prakaar ke chakkaron ki nishaani kya hogi? jaise chakradhaari aatma light ke taajdhaari hongi aur baap ke varse ki adhikaari hongi vaise maaya ke anek prakaar ke chakkar mein aane vaale ki nishaani kya hogi? jaise unke sir par light ka taaj hai, vaise unke sir par anek prakaar ke vighnon ka bojh hoga। taaj nahin। sadaiv kisi-na-kisi prakaar ka bojh unke sir par arthaat buddhi mein mahsoos hoga। aisi aatma sadaiv karjadaar aur marjadaar hogi - unke mastak par,mukh par,sadaiv question mark honge। har baat mein kyon, kya aur kaise, yeh questions honge। ek second bhi buddhi ekaagra arthaat fullstop mein nahin hogi। fullstop ki nishaani bindi (.) hoti hai। arthaat mansa mein bhi bindu swaroop ki sthiti nahin hogi। vaacha aur karmana mein bhi beeti so beeti,naathing new, jo hota hai woh kalyaankaari hai, aisa fullstop arthaat bindi lagaani nahin aayegi। question mark ki nishaani dekhne mein bhi tedhi aati hai fullstop likhna sahaj hai -fullstop likhne se question mark likhna jara mushkil hota hai। to anek prakaar ke question karna, chaahe svayan se athva doosron se ya baap se - yahi nishaani hai ki yeh aatma svadarshan chakradhaari so chhatradhaari nahin।

aisi aatma har sankalp mein sada svayan se bhi question karti rahegi ki kya main saphalta moortta ban sakti hoon? main sarva ke samparka mein saphalta praapta kar sameep aatma banoongi? main sarva ke svabhaav-sanskaaron mein chal sakoongi?sarva ko santushta kar sakoongi?aise anek prakaar ke question svayan ke prati bhi honge aur anya ke prati bhi honge। yeh mere se aise kyon chalte,mujhe vishesh sahayog kyon nahin milta - mera naam, mera maan kyon nahin hota? isi prakaar ke anya ke prati question honge। aise hi baap ke prati bhi question honge। jab baap sarva shaktivaan hai to meri buddhi ko kyon nahin paltaate? najar se nihaal karne vaale meri taraph najar kyon nahin rakhte? jabki baap hai to jaisi bhi hoon,kaisi bhi hoon,unki hi hoon,unki zimmevaari hai, mujhe paar karaana - jab daata hai to main jo chaahti hoon woh kyon nahin deta? trikaaldarshi hai, mere teenon kaalon ko jaanta hai,to mujhe svayan hi apni shakti se shreshtha pad kyon nahin dilaata? aisi meethi-meethi shikaayten baap ke aage rakhte hain। ek taraph janma-janma ka bojh, doosri taraph baap ke bachche hone ke naate, baap dvaara praapta hue sarva adhikaar ka return karne ka pharja paalan na karne ke kaaran athaart apna pharja na paalan karne ke kaaran pharja ke bajaay karz ban jaata hai। karz ka bojh aatma ki sarva kamjoriyon ke merge ke roop le leta hai। aise double bojh vaale svadarshan chakradhaari kaise ban sakenge?

ek to hai chakradhaari, doosre hain bojhdaari। aise bojh vaali aatmaayen double laaitdhaari kaise banengi?isliye unki baar-baar ek hi aavaaj nikalti hai, ki anubhav nahin hota। sunte bhi rehte,chalte bhi rehte lekin praapti ki manzil najar nahin aati hai। bada mushkil hai - aisi aavaaj baap sune aur aise bachchon ko dekhe to baap kya karenge?muskaraayenge aur kya karenge? phir bhi merciful baap ke sambandh ke kaaran baar-baar himmat aur ullaas dilaate rehte hain ki tum hi bachchon ne anek baar vijay praapta ki hai - himmat aapki,madad baap ki। phir bhi chalte chalo। rooko nahin। kalpa pahle muaaphik phir se vijayi ban jaao। sirf ek second bhi sachche dilse,sarva sambandhon se yaad karo to us ek second mein milne ki anubhooti va praapti saare din mein baar-baar sab taraph se door kar baap taraph aakarshit karti rahegi। bhale kitne bhi nirbal ho - lekin ek second ki yaad itna to kar sakte hain?aisi nirbal aatmaon ko ek second ki yaad rakhne ki himmat ke return (badle,uttar) mein baap hajaar guna madadgaar banenge। isse sahaj aur kya karenge? ya aapki taraph se yog bhi baap hi lagaayen? naazuk bachche hain na?naazuk bachche baap se bhi naaj karte hain, isliye naaj-yukta nahin bano-lekin raaj-yukta aur yukti-yukta bano। samjha? achha।

aise chakradhaari so chhatradhaari svayan ko aur sab ko nirbal se maha-balvaan banaane vaale, sarva kamzoriyon ki second mein sankalp mein bali dene vaale, aise mahaabli chadhaane vaale mahaabalvaan arthaat master sarvashaktiyon ko shastra samaan karttavya mein laane vaale aise karmayogi,sahaj yogi aatmaon ke prati baapdaada ka yaad-pyaar aur namaste।

is murli ke vishesh gyaan-bindu

1. jo manushyaatma vartamaan sangamayug ke samay svadarshan chakradhaari hai,vahi aatma bhavishya mein chhatradhaari arthaat raajya ka adhikaari ban sakti hai।

2. chakradhaari aatma ki nishaani yeh hai ki light ka chakra dikhaai dega। aisi aatma maaya ke anek prakaar ke chakkaron se mukta, prakriti ke bhinna-bhinna prakaar ke aakarshanon se pare, bindu roop mein sthit