Avyakt murli for Saturday 4 October 1975

>

04-10-75 om shanti avyakt baapdaadaamdhuban

ab dridh sankalp ki teeli se raavan ko jalaao

akaalmoorta, aatmaon ko mukti aur jeevanmukti ka vardaan dene vaale baapdaada bole :-

apne ko pharishton ki sabha mein baithne vaala pharishta samajhte ho? pharishta arthaat jiske sarva sambandh va sarva rishte ek ke saath hon। ek se sarva rishte aur sada ek ras sthiti mein sthit hon। ek-ek second,ek-ek bol,ek ki hi lagan mein aur ek ki hi seva prati hon। chalte-phirte,dekhte-bolte aur karma karte hue vyakta bhaav se nyaare avyakt arthaat is vyakta deh roopi dharni ki smriti se buddhi roopi paanv sada oopar rahe arthaat upraam rahe। jaise baap eeshvareey seva-arth va bachchon ko saath le jaane ki seva-arth va sachche bhakton ko bahut samay ke bhakti ka phal dene arth,nyaare aur niraakaar hote hue bhi alpakaal ke liye aadhaar lete hain va avatrit hote hain। aise hi pharishta arthaat nyaara aur pyaara, baap samaan svayan ko avatrit aatma samajhte ho? arthaat sirf eeshvareey seva-arth yeh saakaar brahman jeevan mila hai। dharma sthaapak, dharma sthaapna ka part bajaane ke liye aae hain - isliye naam hi hai shakti avtaar - is samay avtaar hoon,dharma sthaapak hoon। sivaae dharma sthaapan karne ke kaarya ke aur koi bhi kaarya aap brahman arthaat avatrit hui aatmaon ka hai hi nahin। sada aisi smriti mein isi kaarya mein upasthit rahne vaalon ko hi pharishta kaha jaata hai। pharishta double light roop hai। ek light arthaat sada jyoti-swaroop। doosra light arthaat koi bhi pichhle hisaab-kitaab ke bojh se nyaara arthaat halka। aise double light swaroop apne ko anubhav karte ho?

yeh brahman jeevan sivaae eeshvareey kaarya ke aur koi kaarya-arth, bigar shreemat ke aatmaon ki mat pramaan va svayan ki manmat pramaan aur kahin use to nahin karte ho?yeh brahman jeevan bhi baap dvaara eeshvareey seva prati mili hui amaanat hai। amaanat mein khyaanat to nahin daalte ho?sankalp dvaara bhi is brahman jeevan ka ek shvaans bhi aur koi kaarya mein nahin laga sakte। isliye bhakti mein shvaason-shvaas sumiran ka yaadgaar chala aata hai। nirantar ke pharishte ho va alpakaal ke pharishte ho?jaise bhakti mein bhi niyam hai ki daan di hui vastu va arpan ki hui vastu koi anya kaarya mein nahin laga sakte। to aap sabne brahman jeevan mein baapdaada se pahla vaayda kya kiya? yaad hai va bhool gaye ho?baap ke aage pahla vaayda yeh kiya ki tan-man-dhan sab aapke aage samarpan hai। jab sarva samarpan kiya to sarva arthaat sankalp, shvaas,bol, karma,sambandh,sarva vyakti, vaibhav,sanskaar,svabhaav, vritti,drishti aur smriti - sabko arpan kiya। isko hi kaha jaata hai samarpan। samarpan se bhi oopar aur powerful shabd, svayan ko sarvasva tyaagi kehte ho।

sabhi sarvasva-tyaagi ho va tyaagi? sarvasva tyaagi arthaat jo bhi tyaag kiya,sambandh, samparka, bhaav, svabhaav aur sanskaar,in sabko pichhle 63janmon ke rahe hue hisaab-kitaab ke ansh ko bhi vansh-sahit tyaag kiya hua hai,isliye sarvasva tyaag kaha jaata hai। aise sarvasva tyaagi,jinka pichhla hisaab vanshashit samaapta ho gaya - aisa sarvasva tyaagi kabhi sankalp bhi nahin kar sakta ki mera pichhla svabhaav aur sanskaar aisa hai। pichhla hisaab ab tak kabheekbhi kheenchata hai va karma-bandhan ka bojh, karma sambandh ka bojh, koi vyakti va vaibhav ke aadhaar ka bojh mujh aatma ko apni taraph aakarshit karte hain? yeh sankalp va bol sarvasva tyaagi ke nahin hain-sarvasva tyaagi, sarva bandhanon se mukta, sarva bojhon se mukta, har sankalp mein bhaagya banaane vaala padma-padam bhaagyashaali hoga। aise ke har kadam mein padmon ki kamaai svatah hi hoti hai। aise sarvasva tyaagi ho na? shabd ke arth swaroop mein sthit ho na? bolne vaale nahin lekin karne vaale aur anekon ko karaane vaale ho na? mushkil to nahin lagta hai? mushkil lagne ka to savaal hi nahin uthna chaahiye,kyonki brahman jeevan ka ‘dharma aur karma’ hi yeh hai। jo jeevan va niji karma hota hai woh kabhi kisi ko mushkil nahin lagta hai। mushkil tab lagta hai jab apne ko avatrit hui aatma arthaat shakti avtaar nahin samajhte ho। sadaiv yeh yaad rakho ki main avtaar hoon। dharma sthaapan karne arth ‘dharma-aatma’hoon। dharma arthaat har sankalp svatah hi dharma-arth hote hain-samjha?aise ko kaha jaata hai pharishta।

abhi aisa bol kabhi nahin bolna - kya karoon, kaise karoon, hota nahin, aata nahin aur na chaahte hue bhi ho hi jaata hai। yeh kaun bolta hai? pharishta bolta hai ya sarvasva tyaagi bolta hai? master sarvashaktivaan aur yeh bol! - donon ki tulna karo - master sarvashaktivaan yeh bol bol sakta hai? kya anekon ko bandhan-mukta karne vaali aatma aisa bol,bol sakti hai?yeh bandhan-mukta aatma ke bol hain? parantu aap to sabhi bandhan-mukta aatma ho। aaj se aise sankalp aur bol sada ke liye samaapta karo। dridh sankalp ki teeli se aaj in kamjoriyon ke raavan ko jalaao। arthaat ‘dashahra’manaao। paanch vikaaron ke vansh ko bhi aur paanch tatvon ke anek prakaar ke aakarshan ko bhi in das hi baaton ke vijayi bano। arthaat vijay ka divas manaao। achha।

aise‘vijay divas’ manaane vaale vijayi ratna, jinke mastak par vijay ka avinaashi tilak laga hua hai, aise avinaashi tilak dhaari, sada akaal takhta-nasheen,akaal-moortta,sarvaaatmaaon ko bandhan-mukta banaane vaale,yog- yukta,sneh-yukta,yukti-yukta,sarva shreshtha aatmaon ko baapdaada ka yaad-pyaar aur namaste।

aaj se deedi-daadi ke paas koi nahin jaana - sirf roohaani milan manaane jaana - yeh baaten karne na jaana - kuchh lene ke liye jaana, lekin complaint lekar nahin jaana। achha। om shanti।

is murli ka saar

1. sivaay dharma sthaapan karne ke kaarya ke aur koi bhi kaarya aap brahman arthaat avatrit hui aatmaon ka hai hi nahin, sada aisi smriti mein rah kaarya karne vaale ko hi ‘pharishta’ kaha jaata hai।

2. pharishta double light roop hai। ek light arthaat sada jyoti swaroop, doosra light arthaat koi bhi pichhle hisaab-kitaab ke bojh se nyaara arthaat halka।