Avyakt murli for Saturday 11 October 1975 - 2
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
11-10-75 om shanti avyakt baapdaadaamdhuban
antahvaahak roop dvaara paribhraman
mahaarthi bachchon ko dekh baapdaada bole :-
aajkal is puraani srishti mein vishesh kya chal raha hai? aajkal vishesh aap logon ka aahvaan chal raha hai। phir aahvaan ka risponsa karte ho? bhakta kya chaahte hain? bhakton ki ichchha yahi hai ki deviyaan chaitanya-roop mein pragat ho jaaen । jad chitron mein bhi chaitanya shaktiyon ka aahvaan karte hain ki chaitanya roop mein vardaani ban vardaan de den। to yeh ichchha bhakton ki kab poori hogi? bhakti ka bhi abhi full force chaaron or dikhaai de raha hai। usmein bhi jaise practical mein baap gupta hai aur shaktiyaan pratyaksha roop mein hain। aise hi bhakti mein bhi pahle baap ki pukaar jyaada karte the - he bhagwan kah pukaarte the - lekin abhi mejoriti bhagavti ki pooja hoti hai। bhakton ki bhaavna poori karne ke liye shaktiyaan hi nimitta banti hain। isliye aahvaan bhi shaktiyon ka jyaada ho raha hai। to ab shaktiyon mein raham ke sanskaar emerge hone chaahien । abhi sabke andar raham ke sanskaar emerge nahin hain, merge hain।
jaise baap chaaron or chakkar lagaate hain, vaise aap bhi bhakton ke chaaron or chakkar lagaati ho? kabhi sair karne jaati ho? aavaaj sunne mein aati hai, to kashish nahin hoti hai? baap ke saath-saath shaktiyon ko bhi part bajaana hai, jaise shaktiyon ka gaayan hai ki antahvaahak shareer dvaara chakkar lagaati theen, vaise baap bhi avyakt roop mein chakkar lagaate hain। antahvaahak arthaat avyakt pharishte roop mein sair karna। yeh bhi practice chaahiye aur yeh anubhav honge। jaise science ke yantra doorbeen dvaara door ki scene ko najdeek mein dekhte hain,aise hi yaad ke netra dvaara apne pharishtepan ki stage dvaara door ka drishya bhi aise hi anubhav karenge, jaise saakaar netron dvaara koi drishya dekh aaye। bilkul spashta dikhaai denge arthaat anubhav hoga।
science ka mool aadhaar hai light। light ke aadhaar se science ka jalva hai, light ki hi shakti hai। aise hi silence ki shakti ka aadhaar hai divine insight। in dvaara silence ki shakti ke bahut wonderful anubhav kar sakte ho। yeh bhi anubhav honge। jaise sthool saadhan dvaara sair kar sakte hain, vaise hi jab chaahon,jahaan chaaho vahaan ka anubhav kar sakte ho। na sirf itna, jo sirf aapko anubhav ho lekin jahaan aap pahaooncho unhon ko bhi anubhav hoga ki aaj jaise practical milan hua। yeh hai saphaltaamoorta ki siddhi। woh to rivaaji aatmaon ko bhi siddhi praapta hoti hai ek hi samay anek sthaanon par apna roop prakat kar sakte aur anubhav kara sakte hain। woh to alpa kaal ki siddhi hai,lekin yeh hai gyaan-yukta siddhi। aise anubhav bhi bahut honge। aage chalkar kai nai baaten bhi to hogi na। jaise shuru mein ghar baithe brahma roop ka saakshaatkaar hota tha jaise ki practical koi bol raha hai, ishaara kar raha hai, aise hi ant mein bhi nimitta bani hui shakti sena ka anubhav hoga। sabhi mahaarthiyon ka sankalp hai ki ab kuchh naya hona chaahiye to aisi-aisi nai rangat ab hoti jaayengi। lekin ismen ek to bahut halkaapan chaahiye,kisi bhi prakaar ka buddhi par bojh na ho aur doosri saari dincharya baap samaan ho, tab brahma baap samaan aadi se ant ke drishya ka anubhav kar sakte ho। samjha? ab mahaarthiyon ko kya karna hai?sirf yog nahin, seva ka roop parivartan karna hai। mahaarthiyon ka yog va yaad ab svayan prati nahin lekin seva prati ho,tab to mahaadaani aur mahaagyaani kahe jaayenge। achha!
samay ki samaapti ki nishaani kya hogi? jab saare sangathan ki ek aavaaj, ek hi lalkaar ho ki ham vijayi hai,vijay hamaara janma-siddha adhikaar hai va vijay hamaare gale ka haar hai। aisa practical mein anubhav hoga। sirf kahne maatra nahin, lekin yeh nasha rahe,sada saamne dikhaai de। aise vijay ka nishaana dikhaai deta hai?achha। om shanti।
is murli ka saar
1. silence ki shakti ka aadhaar hai - divine insight। is dvaara silence ki shakti ke bahut aashcharyajnak anubhav kar sakte hain।
2. mahaarthiyon ka yog va yaad svayan ke prati nahin balki vishwa-seva ke prati honi chaahiye tabhi ve mahaadaani va mahaagyaani ke jaayenge।
3. yaad ke netra dvaara aur apne pharishtepan ki stage dvaara door ka drishya bhi aise anubhav kar sakte hain। jaise saakaar netron dvaara koi drishya dekha jaata hain।