Avyakt murli for Monday 27 October 1975 - 2

>

27-10-75 om shanti avyakt baapdaadaamdhuban

question, correction aur koteshan se purooshaartha mein dheelaapan

roohaani bageeche ke baagvaan shiv baba phulvaari ke phoolon ko dekh bole:-

aaj baapdaada behad ki phulvaari ko vishesh roop se dekh rahe the ki har ek phool ke andar roop, rang aur kitni khushbu hai। roop arthaat saakaari swaroop mein nain aur chain mein arthaat chehre mein brahman-pan ka va pharishte-pan ka, shreshtha paartadhaari aatma ki smriti ka nasha aur khushi pratyaksha roop mein kitni dikhaai deti hai?rang arthaat nirantar baap ke sang ka rang arthaat sada saathi banne ka rang kitna chadha hua hai? khushbu arthaat sada roohaani vritti aur drishti kahaan tak apnaayi hai? har-ek mein yeh teen visheshtaayen dekheen।

yeh visheshta dekhte hue ek aur vichitra visheshta dekhi। woh kya dekhi ki jin vishesh phoolon mein baapdaada ki najar hai, umang aur ullaas ki jhalak bhi hai, ummeedvaar bhi hain, sarva brahman parivaar ka sneh bhi hai,lakshya bhi bahut shreshtha hai aur kadam bhi teevra gati ke hain - lekin abhi-abhi isi roop mein dikhaai de rahe hain (jo varnan kiya hai); kuchh samay ke baad baap ki najar mein rahne vaalon ke oopar maaya ke royal roop ki najar lagne ke kaaran roop-rang badal jaata hai। kadmon ki teevra gati yathaartha maarga ke bajaay vyartha maarga par teevra gati se chal padte hain। pharishtepan ke nashe ke bajaay aur eeshvareey khushi ke bajaay anek prakaar ke nashe jo ki vinaashi nashe hain, saath-saath saadhnon ke aadhaar par jo praapta hui khushi aur nashe hain - unmein masta ho jaate hain। sada baap ke sang ke rang ke bajaay arthaat ek baap ka sahaara lene ke bajaay samay-prati-samay jin aatmaon se alpakaal ka sahaara milta hai un aatmaon ko hi saakaari sahaara bana dete hain। arthaat sang ke rang mein rang jaate hain। ismen bhi majority bachchon mein ek baat dikhaai di।

majority is brahman jeevan ke aadi mein arthaat pahle-pahle jab baap dvaara baap ka parichay, gyaan ka khazaana praapta hota hai, apne janma-siddha adhikaar ka maaloom padta hai, yaad dvaara anubhav praapta hota hai, duhkh, ‘sukh’ mein badal jaata hai,ashaanti, ‘shanti’ mein badal jaati hai aur bhatakna banda ho, thikaana mil jaata - us shuru ki sthiti mein bahut achhe,teevra umang-ullaas vaale, khushi mein jhoomne vaale, seva mein raat-din ek karne vaale,sambandh aur shareer ki sudhbudh bhoole hue, aise first class service-ebal,knowledgeful aur powerful svayan ko bhi anubhav karte hain aur anya brahman bhi unko aise hi anubhav karte hain। lekin aadi ke baad phir jab madhya mein aate hain to purooshaartha se, apni seva se, khushi aur umang se santushta nahin rehte। apne aap se question karte rehte hain ki-’’pahle aisa tha abhi aisa kyon, pahle jaisa umang kahaan chala gaya? pahle vaali khushi gaayab kyon ho gai?chadhti kala ke bajaay rookaavat kyon ho gai? jabki gyaan guhya ho raha hai, samay sameep aa raha hai,seva ke saadhan bhi bahut praapta ho rahe hain aur phir bhi pahle jaisa anubhav kyon nahin hota?’’ majority ka yeh anubhav dekha। ab iska kaaran kya?

kaaran yeh hai - jab seva mein aur brahman parivaar ke samparka mein va seva dvaara jo pratyaksha phal praapta hota hai usmein chalte-chalte koi had ki position mein aa jaate hain, koi hamashreek service-saathiyon va samparka mein aane vaale apne saathiyon ka opposition karne mein lag jaate hain, koi sthool selveshan lene mein lag jaate hain arthaat selveshan ke aadhaar par seva aur purooshaartha karte hain, koi question aur correction karne lag jaate hain aur phir koi doosre ki koteshan (udaahran) dene lag padte hain arthaat doosre ke drishtaanta se apna siddhaanta banaane lag jaate hain। in paanch mein se koi-na-koi ulta maarga apna lete hain। baap ne kaha ki sada tapasvi bankar ke apne eeshvareey braahmanpan ke, sarvasva tyaagi ke position mein sthit raho। lekin had ki position ki -‘‘main sabse jyaada serviceable hoon, planning-buddhi hoon, inventar hoon, dhan ka sahayogi hoon,din-raat tan lagaane vaala hoon arthaat hard-worker hoon ya incharge hoon।’’ - is prakaar ke had ke naam, maan aur shaan ke un ulte position ko pakad lete hain। arthaat yathaartha manzil se vyartha maarga par teevra gati se chal padte hain।

baap ne kaha - salvation army ho arthaat anya aatmaon ko salvation dene prati ho lekin had ki salvation ki yeh saadhan hoga to service karenge, pahle saadhan do phir service karenge। saadhan bhi seva-arth nahin, lekin apne sukh ke arth maangate hain। agar yeh kiya jaae to bahut service kar sakta hoon,extra sneh, regard diya jaay, extra khaatiri ki jaay aur vishesh naam liya jaay - aise prakaar ke salvation ke aadhaar par apna purooshaartha karne lag padte hain। isliye aadhaar galat hone ke kaaran unhein apni unnati ka anubhav nahin hota।

isi prakaar baap ne kaha - maaya se opposition karna hai। lekin maaya ke to mitra ban jaate hain arthaat aasuri sanskaaron roopi aasuri sampradaay ke bajaay eeshvareey sampradaay arthaat ek-do mein opposition karte rehte hain - ‘‘yeh aisa karta hai to main isse bhi jyaada karke dikhaaun, yeh serviceable hai to main bhi serviceable hoon।’’ yeh aage hai to main peechhe kyon?main gupta purushaarthi hoon, mujhe pahchaante nahin aur nimitta teacher se to main jyaada serviceable hoon। teacher se bhi opposition karte hain। tum anubhvi nahin,main to anubhvi hoon, tum anpadh ho, main padhi hui hoon। aise ek-do mein opposition karne se apna sadaakaal ka shreshtha position ganva dete hain। aapas mein opposition ke kaaran maaya se opposition karne mein kamzor ban jaate hain arthaat vijayi nahin ban sakte hain।

isi prakaar question, correction aur koteshan dene mein to bade hoshiyaar, vakeel aur judge ban jaate hain। baap ko correction dete rehte। apne aapko chhudaane ke liye arthaat apni galti ko chhipaane ke liye koteshan denge - ‘‘mere se bada mahaarthi bhi aise karta hai। is samasya par phalaane ko baapdaada ne aisa kaha tha,isliye mainne bhi woh shreemat maani। phalaane date ki murli mein yeh baat kahi gai hai,usi pramaan main yeh kar raha hoon।’’ samay aur sarakmastaansej ko nahin dekhte lekin shabd pakad lete hain। inheen bhoolon ke kaaran ek bhool se anek bhoolen badhti jaati hain। albelaapan ke sanskaar badhte jaate hain। purooshaartha ki gati teevra se madhyam ho jaati hai।

baap ne kaha hai ki master trikaaldarshi arthaat teenon kaalon ko jaanne vaale ho। is dhaarna ko apnaane ke kaaran apni correction ke bajaay doosron ki correction karte rahege। doosron ki correction mein baap se connection tod dete hain। isliye shaktiheen hone ke kaaran ulajhte rehte hain। sukh-shanti va ateendriy sukh ki anubhooti ka thikaana nazar nahin aata। parchintan patan ki taraph le jaata hai। samjha? in baaton mein aane ke kaaran jo aadi ka nasha aur khushi ka anubhav hota hai yeh khatma ho jaata hai। isliye apne aap ko check karo ki in paanch mein se koi bhi ulte va vyartha maarga par chal kar samay barbaad to nahin kar rahe hain? check karo aur phir apne ko change karo to phir chadhti kala ki or chal padenge। aisa majority aatmaon ka anubhav baapdaada ne dekha।

abhi mele ka ant hai। to ant mein antim aahuti daalo arthaat sadaakaal ke liye apne ko samartha banaao। result to sunaayenge na। to vartamaan samay ke purooshaarthiyon ka chalte-chalte rook jaane ka samaachaar sunaaya। aage se parivartan- bhoomi ka parivartan sada saath rakhna। isko kahenge mela manaana arthaat svayan ko sampanna banaana। achha!

aise second mein svayan ko dridh sankalp se parivartan karne vaale, apni vritti dvaara vaayumandal ko satopradhaan banaane vaale aur nazar se nihaal karne vaale aise baap ke sada saathi, sahayogi aur shaktishaali aatmaon ko baapdaada ka yaad- pyaar aur namaste।

is murli ki vishesh baaten

1. apne roop, rang aur khushbu ko dekhna hai। roop arthaat chehre mein braahmanpan va pharishtepan ki jhalak, rang arthaat nirantar baap ke sang ka rang aur khushbu arthaat roohaaniyat kahaan tak aayi hai?