Avyakt murli for Thursday 22 January 1976 - 2
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
22-01-76om shanti avyakt baapdaadaamdhuban
parivartan ka mool aadhaar- har second seva mein busy rehna
vishwa-sevaadhaari, mahaadaani banaane vaale,vardaata shiv baba bole
mahaarthiyon ke rooh-roohaan mein vishesh kaunsi rooh-roohaan chalti hai? bahut karke mahaarthiyon ke rooh-roohaan mein yahi baat nikalti hai ki samay-pramaan parivartan kaise hona hai? samay aur svayan ko dekhte hue yeh prashn uthta hai ki kya hoga? lekin parivartan ka mool aadhaar hai - har second seva mein busy (Busy) rehna। har mahaarthi ke andar sada yeh sankalp rahe ki jo bhi samay hai,woh seva-arth hi dena hai। chaahe apne deh va shareer ke aavashyak kaarya mein bhi samay lagaate ho, to bhi svayan ke prati lagaate hue mansa vishwa-kalyaan ki seva saath-saath kar sakte hain। agar vaacha aur karmana nahin kar sakte to mansa kalyaankaari bhaavna ka sankalp rahe to woh bhi seva ke subject mein jama ho jaata hai।
bhakti-maarga mein mahaadaani kisko kaha jaata hai? jo svayan ke prati nahin balki har vastu, har samay anya ko daan-punya karne mein lagaave, usko mahaadaani kaha jaata hai। varna to daani kaha jaata। jo avinaashi daan karta hi rahe,sada daan chalta rahe usko kaha jaata hai mahaadaani। aise hi svayan ke prati samay dete hue bhi sada samjhe ki main vishwa ki seva par hoon। jab jaise stage par baithte hain to saara samay vishesh attention rehta hai ki main is samay seva ki stage par hoon;to halkaapan nahin rehta hai,seva ka full attention rehta hai। aise hi sada apne ko seva ki stage par samjho। isi dvaara hi parivartan hoga। jo bhi kuchh svayan mein kamzori mahsoos hoti hai woh sab is seva ke kaarya mein nirantar rahne se seva ke phalasvaroop anya aatmaon ke dil se aasheervaad ki praapti ya gungaan hota hai; us praapti ke aadhaar se khushi aur uske aadhaar se aur busy (Busy) rahne se woh kami samaapta ho jaayegi। to parivartan hone ka saadhan yahi hai jisko hi ek-doosre mein attention (Attention) khinchavaate practical mein laana hai। to yaad ki yaatra mein sthit rehna - yeh bhi vartamaan samay vishwa-kalyaankaari ki stage pramaan seva mein jama ho jaata hai। kyonki ab mahaarthiyon ki yaad ki yaatra ka samay sirf svayan prati nahin,yaad ki yaatra ka samay bhi svayan ke saath-saath sarva ke kalyaan va sarva ki seva ke prati hai। svayan ka anubhav karne ka to samay kaaphi mila lekin ab mahaadaani aur vardaani ki stage hai।
(avyakt baap-daada ne punah poochha) mahaarthi ki paribhaasha kya hui? mahaarthi arthaat double taajdhaari arthaat double sevaadhaari। svayan ki aur sarva ki seva ka balance ho,usko kahenge mahaarthi। bachchon ke bachpan ka samay svayan ke prati hota hai aur zimmevaar aatmaon ka samay seva prati hota hai। to ghodesvaar aur pyaadon ka samay svayan prati jyaada jaayega। svayan hi kabhi bigdenge, kabhi dhaarna karenge,kabhi dhaarna mein fail hote rahenge। kabhi teevra purooshaartha mein, kabhi saadhaaran purooshaartha mein honge। kabhi kisi sanskaar se yuddha to kabhi kisi sanskaar se yuddha। ve svayan ke prati jyaada samay ganvaayenge। lekin mahaarthi aise nahin karenge। jaise bachche hote hain - khilaune se khelenge bhi,banaayenge bhi aur bigaadenge bhi। yeh bhi apne sanskaar roopi khilaune se kabhi khelte, kabhi bigaadte, kabhi banaate hain, kabhi vasheebhoot ho jaate hain aur kabhi usko vasheebhoot kar lete hain। lekin yeh bachpan ki nishaani hai,mahaarthi ki nahin। achha!