Avyakt murli for Friday 23 January 1976 - 2

>

23-01-76 om shanti avyakt baapdaadaamdhuban

last stage ka purooshaartha

nyaari drill sikhaane vaale, sukh-shanti ke daata, sarva ki man ki ichchha poorn karne vaale, divya-jyotirbindu-swaroop shiv baba bole –

pratyakshata varsha manaane ke liye sabhi ne baap-daada ko akhbaaron aur cards dvaara vishesh roop se pratyaksha karne ka prayatna kiya hai। yeh bhi seva ke aavashyak saadhan hain। lekin yeh akhbaar va cards aadi to us din dekha, padha va suna; phir smriti mein sama jaate hain। samaapta to nahin kahenge kyonki samay par yahi smriti,jo ab sama gai,woh swaroop mein aayegi। isliye samaapta nahin kahenge। lekin sama gai kahenge। isse bhi dharni mein thoda bahut sneh ka aur parichay ka jal pada। lekin is beej se pratyakshata ka phal kaise nikle? paani to daala, kis liye daala? phal ke liye। woh phal kaise niklega arthaat sankalp practical swaroop mein kaise aayega?iske liye sadaiv to cards nahin chhapvaate rahenge?

aajkal majority aatmaon ki ichchha kya hai? sukh-shanti ki praapti ki ichchha to hai, lekin vishesh jo bhakta aatmaaen hain unhon ki ichchha kya hai?majority bhakton ki ichchha sirf ek second ke liye bhi light dekhne ki hai। to woh ichchha kaise poorn hogi?woh ichchha poorn karne ke saadhan braahmanon ke nayan hain। in naynon dvaara baap ke jyotisvaroop ka saakshaatkaar ho। yeh nayan,nayan nahin dikhaai denge apitu light ka gola dikhaai denge। jaise aakaash mein chamakte hue sitaare dikhaai dete hain, vaise yeh aankhon ke taare sitaare-samaan chamakte hue dikhaai den। lekin woh tab dikhaai denge jab svayan light-swaroop mein sthit rahenge। karma mein bhi light arthaat halkaapan aur swaroop bhi light-stage bhi light ho। jab aisa purooshaartha va sthiti va smriti-swaroop vishesh aatmaon ka rahega, to vishesh aatmaon ko dekh sarva purooshaarthiyon ka bhi yahi purooshaartha rahega। baar-baar karma karte hue check karo ki karma mein light aur halkaapan hai?karma ka bojh to nahin hai?karma ka bojh apne taraph kheenchega। agar karma mein bojh nahin to apne taraph khinchaav nahin karenge balki karmayog mein parivartan ho jaayenge।

to pratyakshata varsha manaane ka swaroop aur saadhan yahi sabki buddhi mein hai na? aisa plan banaaya hai na? jaise saakaar mein dekha ki jitna hi ati karma mein aana, vistaar mein aana, ramneekta mein aana, sambandh aur samparka mein aana, utna hi abhi-abhi sambandh-samparka mein aate bhi nyaara ban jaana। jaise sambandh va karma mein aana sahaj, vaise hi nyaara hona bhi sahaj। aisi practice chaahiye। ati ke samay ek second mein ati ho jaaye। abhi-abhi ati,abhi-abhi ant। yeh hai last varsha ka va last stage ka purooshaartha। aise plan banaao। yeh rehearsal (Rehearsal) karo aur drill karo ati aur ant ki drill। abhi-abhi ati sambandh mein aur abhi-abhi jitna samparka mein utna nyaara। jaise light house mein sama jaae! light-house arthaat apna jyoti desh। abhi-abhi karma-kshetra,abhi-abhi paramdham। achha!

maataaon se madhur mulaakaat karte samay uchchaare hue avyakt baap-daada ke madhur mahaavaakya:-

duhkh athva gaali mein bhi kalyaan

baap-daada ka maataaon se aadi se vishesh sneh hai। yagya ki sthaapna mein bhi vishesh kiska part raha, nimitta kaun bane? aur ant mein bhi pratyakshata aur vijay ka naara lagaane mein nimitta kaun banenge?maataayen। sangam par gopikaaon ka vishesh part hai, gopi-vallabh gaaya hua hai। maataayen sadaiv yeh ichchha rakhti hain - aisa humein apna banaave jo shreshtha ho,achha var mile, achha ghar mile। jab baap ne apna banaaya to aur kya chaahiye? koi bhi is kalyaankaari yug mein paristhiti aati hai to us paristhiti ko na dekh, vartamaan ko na dekh, vartamaan mein bhavishya ko dekho। maano koi duhkh deta hai va gaali deta hai, to usmein bhi yeh dekho ki mera kalyaan hai। kalyaan yeh hai ki woh duhkh athva gaali hi sukhdaata ki yaad ke najdeek laayegi। baahar ke roop se na dekho, kalyaan ke roop se dekho to koi bhi paristhiti,kathin paristhiti nahin lagegi। isse apni unnati kar sakoge। achha!