Avyakt murli for Friday 6 February 1976

>

06-02-76 om shanti avyakt baapdaadaamdhuban

baba ke sahayogi - right hand aur left hand

raat ko din mein parivartan karne vaale, puraane ko naya banaane vaale, vishwa-parivartak,vishwa ke hitkaari aur vishwa-kalyaani baba bole:-

baap-daada sabhi bachchon ko aaj vishesh apne sahayogi roop mein dekh rahe hain। baap ke sahayogi-swaroop ka apna yaadgaar jaante ho va dekha hai? kaun-sa hai? sahayogi-swaroop bhujaaon ke roop mein dikhaaya hai। jaise shareer ke vishesh kaaryakarta bhujaayen hain,vaise baap-daada ke karttavya mein kaaryakarta nimitta roop mein aap sab bachche hain। sadaiv baap ke sahayogi arthaat svayan ko baap ki bhujaaen samajh kaarya karte ho?bhujaaon mein bhi right (Right) aur left (Left) hota hai। aise karttavya mein, sada yathaartha roop mein saath nibhaane vaale saathi ko va madadgaar ko bhi kaha jaata hai ki yeh hamaara right hand (Right Hand) hai। to ek hai right hand (RIGHT Hand), doosre hain left hand (Left Hand)। lekin sahayogi donon hain। isliye saakaar baap brahma ki anek bhujaayen prasiddha hain। right hand kisko kehte hain? hand to sabhi ho। bina hand ke koi bhi kaarya siddha nahin ho sakta। isliye is saakaari duniya mein kahaavat bhi hai ki is kaarya mein anguli dena va is kaarya mein haath bantaana । to haath arthaat baanhon ki va anguli sahayogi ki nishaani hai। sab ho, lekin nambarvaar hain।

right hand ki visheshta sada svachchha arthaat shuddh aur shreshtha hai। jaise koi bhi shreshtha va shuddh kaarya shareer ke right hand dvaara hi kiya jaata hai, aise baap-daada ke sahayogi right hand sada bol mein, karma mein aur samparka mein shreshtha aur shuddh arthaat pure (Pure) rehte hain। arthaat sada shreshtha kaarya arth svayan ko nimitta samajh kar chalte hain। jaise bhujaaon dvaara kaarya karaane vaali shakti ‘aatma’ hai,bhujaayen karanhaar hain aur aatma karaavanhaar hai,aise hi right hand sahayogi sadaiv apne karaavanhaar baap ko smriti mein rakhte hue nimitta karanhaar bante hain। svayan ko karaavanhaar nahin samajhte,iseeliye unke har karma mein nyaarepan,nirhankaareepan aur namrataapan ke nav-nirmaan ki shreshthata bhari hui hogi। har second,har sankalp sampoorn pavitra arthaat svachchha hoga,jisko sachchaai aur saphaai kehte hain। right hand vishesh shaktishaali hote hain। vaise koi bhi vishesh bojh uthaane ke liye right hand hi uthaaya jaata hai। aise right hand sahayogi aatma sadaiv vishvakalyaan,vishwa-parivartan ke kaarya ke jimmevaari ka bojh arthaat risponseebiliti(Responsibility) ati sahaj reeti se utha sakte hain। arthaat ve apne ko risponseebal (Responsible) anubhav karenge, sada master sarvashaktivaan ki sthiti anubhav karenge। right hand ki visheshta - kaarya ki gati mein arthaat speed mein teevrata hoti hai। aise hi right hand (RIGHT Hand) sahayogi aatma bhi har subject (Subject) ki dhaarna mein va practical swaroop ko laane mein teevra purushaarthi honge, sada ever-ready (Ever-Ready) honge। yeh hai right hand ki visheshta।

left hand sahayogi sada rehte hain, lekin svachchhata ke saath-saath asvachchhata arthaat sankalp, vaani aur karma mein kabhi-kabhi kuchh-na-kuchh ashuddhi bhi rah jaati hai arthaat sampoorn svachchha nahin। purooshaartha ki gati mein bhi teevrata kam rehti hai। karenge, sochenge,lekin left arthaat let karenge। saath denge, kaarya karenge, lekin poori jimmedaari uthaane ki himmat nahin rakhenge। sada ullaas, himmat rakhenge, lekin niraadhaar nahin honge। unki stage (Stage) bahut samay vakeel arthaat loyar (Lawer) ki hoti hai। kaayde jyaada sochenge lekin phaayda kam paayenge। svayan, svayan ke justice (Justice) nahin ban sakenge। har chhoti baat mein bhi final judgement (Final Judgement) ke liye justice ki aavashyakta anubhav karenge। right hand law full (Lawful) hai, justice hai lekin loyar nahin।

ab apne ko check karo ki right hand (RIGHT Hand) ho ya left hand; loyar ho ya law full ho? baap-daada ke to donon hi sahayogi hain। sada apne ko sahayogi samajhne se sahaj yogi ban jaayenge। karaavanhaar baap-daada ke nimitta karanhaar samajh kar chalne se sadaiv nishchinta aur harshit rahenge।

to aaj baap-daada apne sahayogi bhujaaon ko dekh rahe hain। bhujaaen to sabhi ho na? sabhi ke dil mein yeh shubh sankalp sada rehta hai ki ham sab vishwa nav nirmaan karne vaale vishwa-parivartak hain? vishwa ke parivartan ke pahle svayan ka sampoorn parivartan kiya hai? jitna svayan ke parivartan mein kami hogi utna hi vishwa-parivartan ki gati kam hogi। svayan ke parivartan se hi samay ka parivartan kar sakenge। svayan ko dekho to samay ka maaloom svatah hi pad jaayega। parivartan ke samay ki ghadi aap ho। to svayan ki ghadi mein time dekho। saare vishwa ka arthaat sarva aatmaon ka attention ab aap nimitta bani hui samay ki ghadi par hai ki ab aur kitna samay raha hua hai। isliye is puraani duniya ke samay ko samaapta karne ke nimitta svayan ko samajhte hue svayan ko sampanna banaao। samjha?achha!

aise vishwa-parivartak, raat ko din mein parivartan karne vaale, puraane ko naya banaane vaale,baap-daada ke shreshtha sahayogi arthaat sada sahaj yogi, aise sada vishwa ke hitkaari,vishwa-kalyaani shreshtha aatmaon ko baap-daada ka yaad-pyaar aur namaste।

is vaani ka saar

1. apne ko check karo ki right hand (RIGHT Hand) ho ya left hand (Left Hand) ho, loyar ya law full ho?sada apne ko sahayogi samajhne se sahajyogi ban jaayenge। karaavanhaar baba ke nimitta svayan ko karanhaar samajh kar chalne se sadaiv nishchinta aur harshit rahenge।

2. svayan ke parivartan se samay ka parivartan kar sakenge। isliye is puraani duniya ke samay ko samaapta karne ke nimitta svayan ko samajhte hue svayan ko sampanna banaao।

3. jo bachche karaavanhaar baap ko smriti mein rakhte hue nimitta karanhaar bante hain, un ke karma mein nyaarepan aur nirhankaareepan aur namrataapan tatha nav nirmaan ki shreshthata bhari hui hogi।

4. vishwa ke parivartan ke pahle svayan ka sampoorn parivartan karna hai। jitni svayan ke parivartan mein kami hogi,utni hi vishwa-parivartan ki gati kam hogi।