Avyakt murli for Sunday 16 January 1977

>

16-01-77om shanti avyakt baapdaadaamdhuban

santushta aatma hi anek aatmaon ka ishta ban sakti hai

sarva shaktiyon se sampanna, shreshtha karma sikhlaane vaale, nazar se nihaal karne vaale shivbaaba bole :-

vardaata baap dvaara sarva vardaanon ko praapta karte hue baap samaan vardaani moortta bane ho? ek hai - gyaan ratnon ka mahaadaan। doosra hai - kamzor aatmaon prati apne shuddh sankalp va shubh bhaavna dvaara sarvashaktivaan se, praapta hui shaktiyon ka vardaan। gyaan-dhan daan dene se aatma svayan bhi gyaan-swaroop ban jaati hai। lekin jo kamzor aatmaaen gyaan ko dhaaran nahin kar sakti,gyaani tu aatma nahin ban sakti,svayan ke purooshaartha dvaara shreshtha praalabdha nahin bana sakti - aisi sirf sneh, sahayog,samparka,bhaavna mein rahne vaali aatmaaen aap vardaani moorton dvaara vardaan ke roop mein koi na koi vishesh shakti praapta kar thodi-si praapti mein bhi apne ko bhaagyashaalaranubhav karengi,jisko praja pad ki praapti karne vaali aatmaaen kahenge। aisi aatmaaen direct (sammukh) yog dvaara va svayan ki sarva dhaarnaaon dvaara, baap-daada dvaara sarva shaktiyon ko praapta nahin kar paateen। lekin praapta ki hui aatmaon dvaara aatmaon ke sahayog se kuchh na kuchh vardaan praapta kar leti hain।

shaktiyon ko vishesh roop mein ‘vardaani’kah kar pukaarte hain। to abhi ant ke samay mein mahaadaani se bhi jyaada, vardaani roop ki seva hogi। svayan ki antim stage powerful hone ke kaaran, sampanna hone ke kaaran aisi praja aatmaaen thode samay mein,thodi-si praapti mein bhi bahut khush ho jaati hain। svayan ki santushta sthiti hone ke kaaran ve aatmaaen bhi jaldi santushta ho jaati hain aur khush ho kar baar-baar mahaan aatmaon ke gun gaayengi।‘kamaal hai’ yahi aavaaz chaaron or anek aatmaon ke mukh se niklega। baap ka shukriya aur nimitta bani aatmaon ka shukriyaan,yahi geeto ke roop mein chaaron or goonjega। praapti ke aadhaar par har ek aatma apne dil se mahima ke phoolon ki varsha karegi। ab aise vardaani moortta banne ke liye vishesh attention ek baat ka rakhna hai। sada svayan se aur sarva se santushta - santushta aatma hi anek aatmaon ka ishta ban sakti hai va ashta devta ban sakti hai। sabse bade se bada gun kaho ya daan kaho ya visheshta kaho ya shreshthata kaho, woh santushtata hi hai। santushta aatma hi prabhu priy,lok priy aur svayan priy hoti hai। santushta aatma ki parakh in teenon baaton se hoti hai। aisi santushta aatma hi vardaani roop mein prasiddha hogi। to apne ko check karo ki kahaan tak santushta aatma so vardaani aatma bane hain? samjha?achha।

aise vishwa-kalyaankaari, maha vardaani, ek second ke sankalp dvaara anubhav karaane vaale, sarva shaktiyon ka prasaad tadapti hui aatmaon ko de prasanna karne vaale, aise saakshaatkaar moortta, darshaneey moortta, sampanna aur samaan moortta, sarva ki shreshtha bhaavnaaen,shreshtha kaamnaayen poorn karne vaali aatmaon ko baap-daada ka yaad-pyaar aur namaste।

teachers ke saathah

sabhi teachers apne ko jaise baap vishwa shikshak hai vaise svayan ko bhi vishwa ke nimitta shikshak samajhti hain athva had ke? teachers ke prati vishesh purooshaartha ka slogan kaun-sa hai? har second man,vaani aur karma teenon dvaara saath-saath service karenge। arthaat ek second mein va har second mein teenon roopon ki seva mein upasthit rahenge। jab teachers is slogan ko sada praikteekal mein laaen tab hi vishvakalyaan kar sakenge। itne bade vishwa ka kalyaan karne ke liye ek hi samay par jab teenon hi roopon se seva ho tab yeh seva ka kaarya samaapta ho sakega। vaani dvaara va mansa dvaara alag-alag samay nahin। ek hi samay teenon roopon se seva karne vaale vishwa-kalyaankaari ban sakenge। to yahi check karon ki har samay teenon hi roopon se seva hoti hai? baap ke saath teen sambandh hain। baap, shikshak aur satguru ke swaroop se seva karte hain to nimitta teachers ko ek hi samay mein teen roopon se seva karni hai। to master trimoortri ho jaayenge। samjha? jitna-jitna teachers shakti sampanna banengi utna hi sarva aatmaon ke prati nimatta ban sakengi। nimitta banne vaalon ke oopar bahut jimmevaari hoti hai। nimitta banne vaale ka ek second mein ek ka padmagun banna bhi hai, praapti ka bhi chance hai aur phir agar nimitta bane hue koi aisa karma karte jisko dekh aur sabhi vichlit hon uski padmaguna ulti praapti bhi hoti hai। sankalp se vritti banegi aur vritti se vaataavran banega। to aisa koi sankalp va vritti na ho jisse vaataavran ashuddha bane। aisa koi bol na ho jisko sun kar koi vichlit ho। kyonki sabka attention nimitta bani hui teachers ke prati rehta hai to teachers ko double attention rakhna pade। sabhi aise hi double attention rakhte hue chal rahe ho na? ‘pahle socho phir karo’। pahle karo phir socho nahin। nahin to time aur energy vesta chali jaati hai। teachers ko to vishesh khushi honi chaahiye kyonki teachers ko lift hai - ek baap aur seva mein rahne ki aur koi vaataavran nahin hai। to is lift ka laabh uthaana chaahiye na? to sada harshit ho na? sada harshit kaun rehta hai?jo kahaan bhi aakarshit na ho। agar kisi bhi taraph chaahe prakriti,chaahe aatmaon, chaahe aatmaon ke gunon ki taraph aakarshit hote ho to harshit nahin rah sakenge। sarva aakarshan se pare, sivaae ek baap ke, aisi aatma hi sada harshit rah sakti hai। achha।