Avyakt murli for Saturday 5 February 1977 - 1
Saving in progress..
You can now read this murli without Internet.
You can read this murli without Internet.
in order to be able to read it without internet.
This view uses everyday Hindi spelling in Latin characters without diacritics, generated automatically from the Hindi text.
How is Hinglish generated?
The site generally uses aa, ee and oo for long vowels (a, i and u at the end of a word), ch and chh, sh and ri. English words recognised by the dictionary keep their English spelling. Rules for dropping some inherent vowels and a list of common words produce familiar spellings such as aatma, shanti, main and hoon.
Informal spelling is not standardised: these conventions produce a consistent version, but some spellings may differ from those you know. The “Transliterated Hindi” view retains the distinctions of adapted ISO 15919.
| Hindi | Hinglish |
|---|---|
| आत्मा | aatma |
| शान्ति | shanti |
| मैं | main |
| हूँ | hoon |
>
05-02-77om shanti avyakt baapdaadaamdhuban
mahaanta ka aadhaar
sada kaal ke liye mahima ke yogya banaane vaale, trikaaldarshi banaane vaale,sada jaagti jyoti shiv pita bole:-
bachchon ki kya-kya mahima hai jis aadhaar se itne mahaan bante hain, baap us mahima ko dekh rahe hain। aap sab apne teenon svaroopon ki mahima ko jaante ho? ek hai - anaadi swaroop ki mahima। doosri hai - vartamaan brahman jeevan ki mahima। teesri hai - bhavishya aadi swaroop ki mahima।
aadi swaroop ki mahima to abhi tak bhakta bhi ga rahe hain, sarvagun sampanna, solah kala sampoorn,sampoorn nirvikaari,maryaada purooshottam,sampoorn aahinsak। yeh mahima hai antim pharishte swaroop ki arthaat bhavishya aadi swaroop ki। jaise brahma so shri krishna kehte hain vaise antim pharishta so devta। to yeh hai aadi swaroop ki mahima।
anaadi swaroop ki mahima - jo baap ki mahima so master swaroop mein aapke anaadi roop ki mahima hai। jaise master sarvashaktivaan, master knowledgeful (Knowledgeful;gyaan ka saagar), master blissful (Blissful;daya ka saagar),master peaceful (Peaceful;shanti ka saagar)।
vartamaan shreshtha brahman swaroop ki mahima kaun si hai? braahmanon ke jeevan ke mukhya chaar aadhaar hain। brahman kaha hi jaata hai - padhne aur padhaane vaale vo। brahman jeevan arthaat godly student life (Godly Student Life;eeshvareey vidyaarthi jeevan)।
padhaai ke jo mukhya chaar subjects hain, vahi brahman jeevan ke chaar aadhaar hain aur isi aadhaar par brahman swaroop ki mahima hai aur woh hai - 1. parmaatma gyaani, 2. sahaj raajayogi, 3. divya gundhaari, 4. vishwa sevaadhaari। yeh hai vartamaan brahman jeevan ki mahima। apne teenon svaroopon ki mahima ko jaante hue apni mahaanta ko dekho aur check karo - kaun-kaun se lakshan praikteekal life (Practical Life;vyavhaarik jeevan) mein nirantar roop mein apnaaye hain। parmaatma gyaani ka vishesh lakshan kaun-sa hai, jisse pratyaksha ho ki yeh parmaatma-gyaani hain। mukhya lakshan kaun sa hai? har subject ka lakshan alag hota hai। parmaatma-gyaani arthaat knowledgeful;knowledgeful arthaat parmaatma- gyaani। gyaan ki vishesh praapti kya hai? gyaan ka phal kya hai?gyaan ka phal arthaat parmaatma-gyaani ka mukhya lakshan - har sankalp mein,bol mein, karma mein, samparka mein mukti aur jeevanmukti ki stage hogi jisko nyaara aur pyaara kehte hain। woh stage hai jeevanmuktiki। karma karte hue bhi bandhanon se mukta। atah parmaatma-gyaani ka vishesh lakshan hai sab mein mukta aur jeevan mukta sthiti। gyaan arthaat samajh। samajhdaar sada svayan ko bandhanmukta,sarva aakarshanon se mukta banaane ki samajh rakhta hai। to parmaatma-gyaani ka vishesh lakshan hua - mukta aur jeevanmukta।
isi prakaar sahaj raajayogi ka lakshan kya hoga? yogi arthaat yogayukta arthaat yuktiyukta। woh sankalp aur karma ki samaanta ki siddhi-swaroop hoga। achha।
divya gundhaari ka mukhya lakshan kya hoga? santushta rehna aur sabko santushta karna। unko sab ki santushtata ka aasheervaad praapta hoga arthaat godly yoonivaarsiti(Godly University;eeshvareey vishvavidyaalay) ka certificate praapta hoga। vishwa sevaadhaari ka vishesh lakshan kya hai?
vishwa sevaadhaari arthaat nirmaan aur athak।sada jaagti jyoti hokar rahega। jaagti jyoti maana keval nidraajeet nahin lekin sarva vighna jeet। usko kehte hain jaagti jyoti। smriti rehna bhi jaagna hai। to ab in sabhi lakshanon ko saamne rakhte hue dekho ki godly yoonivaarsiti ki sampoorn degree li hai? chaar sabjektas ke aadhaar par jo mahima bataai,vahi brahman jeevan ki degree hai। to yeh degree li hai?yeh vartamaan samay ki degree hai। pharishte swaroop ki degree to aur hai kintu abhi to har ek apne ko gyaani, yogi, sevaadhaari to kehte ho na?to jo apne ko kehte ho,samajhte ho,challenge karte ho ki sabhi shaastra-gyaani hain, ham parmaatma-gyaani hain; ve sab hathayogi hain,ham divya gundhaari arthaat kamal phool samaan jeevan vaale hain। ham vishwa-kalyaankaari arthaat sevaadhaari hain। isliye jo challenge karte ho,ve hi lakshan dikhaai dene chaahiye। kya yeh kathin hai?yeh to braahmanon ka niji dharma aur karma hai। jo janma-jaati ka dharma aur karma hota hai woh mushkil nahin hota। vartamaan mahima ko niji,nirantar dharma aur karma banaao। samjha?achha।
aise lakshya aur lakshan ko samaan banaane vaale, teenon svaroopon ki mahima se mahaan banaane vaale,sada mukta,jeevanmukta,yuktiyukta,sada santushta, sada athak, nirmaan,sada jaagti jyoti, shreshtha braahmanon ko aadi pita aur anaadi pita ka yaad-pyaar aur namaste।