Avyakt murli for Saturday 5 February 1977 - 2

>

06-02-77om shanti avyakt baapdaadaamdhuban

realisation dvaara libreshan

vishwa adhikaari, sarvagun sampanna banne vaali shreshtha aatmaon ke prati baap-daada bole:-

aaj baap-daada har ek godly student ki result (parinaam) ko dekh rahe hain। course kiya, rivaaeej course (REVISE Course) bhi kiya। realisation course (REALIZATION Course) bhi kiya। uska result kya hua? har ek ne apne ko riylaaeej (Realise;anubhav) kiya ki padhaai ke anusaar kis stage ko pa sakenge। raajya-pad ke sanskaar ya praja-pad ke sanskaar donon mein se mujh aatma mein kaun se sanskaar bhare hain, yeh jaante ho? raajya-pad ke sanskaar arthaat shreshtha pad ke sanskaar kya dikhaai denge? ‘adhikaari aur satkaari, niraakaari aur nirhankaari।’ye vishesh dhaarnaayen raajya-pad ka vishesh aasan hai। yeh aasan hi sinhaasan ki praapti karaata hai। chaaron hi baaton ka balance ho। aisa aasan majboot hai ya hilta rehta hai?baap-daada aaj result poochh rahe hain। realisation course ka hom-work diya tha, uska kya result hua? aap sab to final paper ke liye taiyaar the, phir apna result kya dekha, apni sthiti ka kya anubhav kiya? baap samaan baap ke saath-saath jaane vaale bane ho? agar samaan nahin to saath ke bajaay via (Via) mein rookna padega। via isliye karna padega kyonki khaata clear (Clear;chukta) nahin hua hoga। refine (Refine;svachchha) nahin to fine (danda) bharna padega। isliye saath nahin chal sakenge। vaayda kiya hai?saath chalenge ya rookkar chalenge? baap se poochhte hain ki aap puraane bachchon se kyon nahin milte; to baap bhi result poochhte hain - refine bane ho?kya abhi koi course ki aavashyakta hai?realisation ke baad aur kya rah jaata hai? antim result ka swaroop hai - libreshan (Liberation) arthaat sabse mukta।

aaj baap-daada baap aur bachchon ka antar dekh rahe the। baap kya kehte hain aur bachche kya karte hain। result kya dekhi hogi? majedaar result hogi na! bataayen ya samajhte ho? samajhte hue bhi karte rahen to kya kahenge? maijoriti (Majority;adhiktar) saadhaaran purushaarthi hain। mukhya kaaran kya hai?baap kehte hain prabhu-pasanda bano, vishwa-pasanda bano। lekin karte kya hain?aaraam-pasanda ban jaate। ho jaayega, kisne kiya hai, sab aise hi hain। auron se phir bhi ham theek hain। aisi anek prakaar ki girti kala ke Dunlop ke takie laga kar aaraam-pasanda ho gae hain। baap kehte hain connection jodo,gunon aur shaktiyon ka vardaan lo aur do, lekin kai bachche connection ke mahatva ko nahin jaante। connection jodna aata nahin, lekin correction karna (Correction;galtiyaan nikaalna) bahut aata hai। doosron ki correction karne vaale connection ka anubhav nahin kar sakte। baap kehte sada yaad ki saadhna mein raho lekin saadhna ke sthaan par alpakaal ke saadhnon mein jyaada busy rehte hain। saadhnon ke aadhaar par saadhna bana dete hain। saadhan jyaada aakarshit karte hain। aise saadhkon ki saadhna saphal nahin hoti। jeevan mukta ke sthaan par bandhan mukta aatma ban jaate hain। samjha? baap kya kehte aur bachche kya karte hain? result suni?

baap-daada shreshtha aatmaon ko sada shreshtha nazar se dekhte hain। shreshtha takdeer ki rekhaaen dekhte hain। yahi aatmaaen vishwa ke saamne chamakte hue sitaare hain। vishwa aapke kalpa pahle vaale sampanna-swaroop, poojya-swaroop ka sumiran kar raha hai, isliye apna sampanna swaroop praikteekal mein prakhyaat karo। beeti hui kamzoriyon par full stop lagaao tab sampanna roop ka saakshaatkaar hoga। sab puraane sanskaar aur svabhaav dridh sankalp roopi aahuti se samaapta karo। doosron ki kamzori ki nakal mat karo। avgun dhaaran karne vaali buddhi ka naash karo, divya gun dhaaran karne vaali satopradhaan buddhi dhaaran karo। adhikaari aur satkaari donon ka balance baraabar rakhna hai। doosron ki kamzori ko vistaar mein nahin laao aur apni kamzori ko chhipaao nahin। saphalta mein svayan aur asphalta mein doosron ko doshi mat banaao। shaan aur maan ka tyaag, saadhnon ka tyaag yahi mahaan tyaag hai। saakaar baap ke samaan alpakaal ki mahima ke tyaagi bano tab hi shreshtha bhaagyavaan ban sakenge। shiv baba in sab baaton se libreshan chaahte hain। is antim force ke course ke liye samay mila hai।

aise vishwa adhikaari, satkaar de vishwa ke dvaara satkaari banne vaale, nirmaan se vishwa dvaara naman yogya banne vaale, beeti ko samaapta karne vaale, sarva gunon mein sampanna banne vaale sada samaan aur saathi rahne vaale, shreshtha bhaagyashaali aatmaon ko baap-daada ka yaad-pyaar aur namaste।

teachers ke prati

jo kuchh suna hai un sabka saar apne jeevan mein la rahi ho na? kyonki teacher ka arth hi hai ‘raajayukta aur saarayukta’। teacher ki visheshta yeh hai - (1) jo vistaar ko second mein saar mein laayen। jaise essence (Essence;khushbu) ki ek boond hoti hai lekin vo bahut kaarya kar leti hai, vaise teachers arthaat isensaphul (Essenceful)। yartha ke vistaar ko second mein saar roop mein karne vaali aur anya ko karaane vaali। (2) teachers bhi power house (Power House) baap ke samaan sab-station hain। to jaise power house mein sada attention aur checking rehti hai ki kahin bhi phyooj na ho jaaye। aise teachers ko bhi kya chaiking karni hai? kabhi bhi koi paristhiti mein confuse (Confuse) na ho jaaen। jaise power house ki chhoti si halchal saare area (Area) ki light ko hila deti hai। vaise hi teacher ke confuse hone se vaataavran mein prabhaav pad jaata hai aur vaataavran ka prabhaav aane vaalon par padta hai to teachers ko apne-aapko anek aatmaon ke chadhaane aur dagmag karne ke nimitta samajhna chaahiye। (3) teachers athak ho na। chhoti-si baaton mein thakne vaali to nahin ho?purooshaartha mein apne-aap se bhi thakna hota hai? koi bhi prakaar ke sanskaar ya svabhaav ko parivartan karne mein dil shikasta hona ya albelaapan hona bhi thakna hai। yeh to hota hi rehta hai, yeh to hoga hi, yeh hai albelaapan। bahut mushkil hai, kahaan tak chalenge yeh hai dil shikasta hona। to purooshaartha mein albelaapan hona ya dil shikasta hona bhi thakna hai। (4)jismen paristhitiyon ko saamna karne ki shakti hai,ve sada umang utsaah mein rahenge, confuse nahin honge। (5)teachers hain hi baap ke samaan sevaadhaari, to samaan vaale ho na? samaanta ki bhi khushi hoti hai। teachers is khushi mein rehti hai ki baap samaan‘master shikshak’ hain,baap samaan nimitta bane hue hain। baap samaan anek aatmaon ke kalyaan ki jimmevaari bhi hai to baap samaan hain। yeh khushi bahut aage badha sakti hai। teachers ko dekh baap-daada bhi khush hote hain। samaan ko kehte hain ‘phrendaship group’ (Friendship Group) to phrendas ka group ho gaya। (6) teachers ko sada naya plan banaana chaahiye। plaaning buddhi ho aur bahut sahaj plaaning buddhi ban bhi sakti ho। kaise? amritvele plan buddhi ho to baap-daada dvaara plan touch honge। to plaaning buddhi bante jaayenge। saakaar aadhaar leti ho isliye plaaning buddhi nahi banti। nahin to teachers ka sambandh phrendaship hone ke kaaran sameep ka hai। to bahut sahayog le sakti ho। jab baap dekhte hain had ke aadhaar bana rakhe hain, to baap kyon madad karen? (7) teachers ki visheshta kya hai? teachers inventar (Inventor;aavishkaarak),creator (Creator;rachayita), plaaning buddhi hai; anek aatmaon ko umang ullaas dilaane vaali hai, in sab visheshtaaon ko ab emerge karo। to had ki baaten merge ho jaayengi। samjha? (8) teacher ki visheshta hai anubhvi moortta। bolne vaali moortta nahin, anubhvi moortta। bolna bhi anubhav ke aadhaar par। itni sab visheshtaaon se sampanna nazar se baap-daada dekhte hain। to kitne mahaan ho gaye! mahaanta ko mehmaan samajh kar chalaana। mahaanta ko apni property nahin samajh lena। mahaanta ko apna samajh,baap ka nahin samjha to nukÌsaan hai। baap dvaara mili hui mahaanta hai to baap ko beech mein se nahin bhoolna। achha।

sada khush rahne ka saadhan

sarva khazaanon se sampanna aatma ki nishaani kaun si hogi? jo khazaanon se sampanna hoga va sada ati indriy sukh mein magan rahega। use baap aur seva ke sivaae kuchh bhi yaad nahin rahega। woh had ki pravritti ko sambhaalte hue eeshvareey seva arth apne ko trustee samajh karke pravritti ka kaarya karega। uska har karma shreemat pramaan hoga - usmein jara bhi manmat ya parmat mix nahin karega। shreemat mein agar jara bhi manmat ya parmat mix hai to uski result kya dikhaai degi?agar shreemat ke andar manmat ya parmat mix hai to jaise shuddh cheez mein koi ashuddha cheez mix ho jaati hai to koi na koi nuksaan ho jaata hai। aise yahaan bhi shreemat mein manmat ya parmat mix hoti hai to seva se jo praapti honi chaahiye vo nahin hoti। khushi, saphalta,shakti ka anubhav bhi nahin hoga, shreemat ki result hai saphalta arthaat sarva praapti। yeh anubhav bhi karte honge ki kiseekisi samay mehnat bahut karte ho lekin saphalta kam milti, anubhav kam hota aur kabhi mehnat kam purooshaartha kam hote bhi praapti jyaada hoti hai, iska kaaran yathaartha aur mix। to yeh sookshm checking chaahiye। kyonki manmat bahut sookshm hai। maaya manmat ko eeshvareey mat mein royal roop se mix karti,aap samjhenge yeh eeshvareey mat hai lekin hogi manmat। iske liye parakhne aur nirnay karne ki shakti chaahiye। agar yeh donon shaktiyaan powerful hain to dhokha nahin khaayenge।

shaan aur maanka tyaag, saadhnon ka tyaag- yahi mahaan tyaag hai।

jinmen rone ki aadat hai ve bachche baap se svatah hi vimukh ho jaate hain। man mein duhkh ki lahar aana yeh bhi rona hua। rone vaale ko baap ki praapti vaala nahin kaha jaaega। jab baap ke sambandh se vanchit hota hai tab duhkh ki lahar aati hai। to rona arthaat baap se naata todna। baap se apna mukh mod lena। jab koi rota hai to dekha hoga - kiske aage mukh nahin karega, chhipaayega zaroor। to jaise sthool rone se svatah mukh chhipaaya jaata to man se rone se bhi baap se vimukh svatah ho jaate। baap ki or peeth ho jaati hai। kabhi bhi duhkh ki lahar sankalp mein bhi nahin aana chaahiye। sukh daata ke bachche aur duhkh ki lahar ho yeh shobhta nahin। mood oph karna bhi mukh se rona hai। to mood oph (Mood Off) karte ho? kabhi koi service ka chance kam mila,to mood oph nahin hoti? athak aur aalasya rahit apne ko samajhte ho? aalasya sirf sone ka nahin hota। athak ka arth hi hai jismen aalasya nahin ho। to sada athak hi rehna arthaat sada baap ke sammukh rehna to sada khush rahenge।

phosta speed (Fast Speed;teevra gati) vaale kisi bhi samasya mein rookenge nahin। samasya rokne ki koshish karegi lekin vo jump dekar nikal jaayenge। samasyaaon ke soch mein samay nahin gavaaenge। phosta speed arthaat jo baap ne kaha vo kiya। door se hi anubhav hoga ki yeh koi alaukik vyakti hai।

shakti aur khushi praapta karne ka aadhaar hai - shreshtha karma। shreshtha karma tabhi hote hain jab karma aur yog donon saath-saath ho। sadaiv check karo ki karma karte bhi yogi hain। karma karte yog bhoolta to nahin? jaise aatma aur shareer saath-saath hai,alag ho jaae to murda ban jaate। vaise agar karma ke saath yog nahin to vo karma bekaar ho jaate। bandhan daalne vaali aatma bhi purooshaartha mein sahayogi hai। bandhan se aur hi adhik ichchha badhti hai to bandhan, bandhan nahin lakin sahayog hua na! agar sahayog ki drishti se dekho to maja aayega। bandhan ko bandhan ki drishti dekhenge to kamjor ban jaayenge।