Avyakt murli for Saturday 21 May 1977

>

21-05-77om shanti avyakt baapdaadaamdhuban

sangamayugi brahman jeevan ka vishesh gun aur karttavya

master gyaan saagar, vishwa sevaadhaari, godly serviceable,sarva prati kalyaan aur raham ki bhaavna rakhne vaali aatmaon prati uchchaare hue mahaavaakya:-

apne vartamaan sangamayugi brahman jeevan ki visheshta ko jaante ho? apne vishesh gun aur karttavya ko jaante ho? jo gun aur karttavya aur koi bhi yug mein ho nahin sakta, woh kaun sa vishesh gun hai? knowledgeful master gyaan saagar aur karttavya hai,vishwa sevaadhaari arthaat godly serviceable। donon visheshtaaon ko nirantar smriti mein rakhte ho?aap log kahlaate bhi ho ki ham world servant (World Servant;vishwa sevaadhaari) hain। world servant ki paribhaasha kya hai? kisko world servant kaha jaata hai? unke lakshan kya hote hain? lakshya kya hota hai aur praapti kya hoti hai?vishwa sevaadhaari arthaat serviceable ka lakshan sadaiv yahi rehta hai ki vishwa ko apni seva dvaara sampanna va sukhi banaaven। kisse? jo apraapta vastu hai, eeshvareey sukh, shanti aur gyaan ke dhan se, sarva shaktiyon se,sarva aatmaon ko bhikhaari se adhikaari banaaven। kyonki vishwa sevaadhaari sada kalyaan aur raham ki drishti se sabko dekhte hain। isliye sada yahi lakshya rehta ki vishwa ka parivartan karna hi hai। yahi lagan raat-din rehti hai।

sevaadhaari ke lakshan kya dikhaai denge? sevaadhaari apna har second, sankalp,bol aur karma,sambandh,samparka, seva mein hi lagaate। sevaadhaari seva karne ka vishesh samay nahin nishchit karte ki chaar ghante va chhah ghante ke sevaadhaari hain। har kadam mein athak seva hi karte rehte। unke dekhne mein, chalne mein, khaane-peene mein, sabmen seva samaai hui hoti hai। mukhya seva ke saadhan - smriti, vritti,drishti aur kriti is sab prakaar se seva mein tatpar hoga। (1) smriti dvaara sarva aatmaon ko samarthi swaroop banaavega। (2) vritti dvaara vaayumandal ko paavan aur shaktishaali banaavega (3) drishti dvaara aatmaon ko svayan ka aur baap ka saakshaatkaar karaavega (4) kriti dvaara shreshtha karma karne ke apne aap ko nimitta banaakar himmat dilaane ki prerna dilaavenge।

aisa sevaadhaari, svayan ke raat-din ke aaraam ko bhi tyaagkar seva mein hi aaraam mahsoos karenge। aise sevaadhaari ho?sevaadhaari ke samparka mein rahne vaali va sambandh mein aane vaali aatmaaen unki sameepta va saath se aisa anubhav karenge jaise sheetalta va shakti,shanti ke jharne ke neeche baithe hain, va koi sahaare va kinaare ki praapti ka anubhav karenge। aise sevaadhaari ke sankalp va shubh bhaavnaaen,shubh kaamnaaen, soorya ki kirnon muvaaphik chaaron or phailengi। jaise sevaadhaariyon ke jad chitra alpakaal ke liye alpakaal ki kaamnaaen poorn karti hai, aise chaitanya charitravaan sevaadhaari sadaakaal ke liye sarva kaamnaaen poorn karte hain। isliye ‘kaamdhenu’ ka gaayan hai। jaise koi khaan sampanna hoti hai to jitna chaahe, utna sampanna ho sakta hai। aur hi had ki khaan se visheshta hogi। had ki khaan se ek vastu milti। lekin yeh vichitra khaan hai jisko jo chahie woh mil sakta hai। aisa sevaadhaari tadaphti hui aatmaon ko sahaj hi manzil ka anubhav karaata hain। sada harshit,sada santushta is praapti ka vardaan, sevaadhaari ko svatah hi praapta hota hai। kyonki woh jaante hain ki har aatma ka bhinna part hai। paartadhaari ke kisi bhi prakaar ke part ko dekh,asantushta na ho। aise sevaadhaari ke man se sadaiv harshit aur santushta rahne ke geet kaun-se nikalte?vaah baba! vaah mera part! aur vaah meetha drama! jab svany sada yeh man ke geet gaate tab hi sarva aatmaaen bhi ab bhi aur saare kalpa mein bhi unki vaah-vaah karti hain।

aise sevaadhaari sada vijay ke maalaadhaari hote hain। saphalta svatah adhikaar hai - isi nishchay aur nashe mein rehte hain। sada sampanna aur baap ke sameep anubhav karte hain। yeh hai sevaadhaariyon ki praapti। to aise lakshya aur lakshan aur praapti anubhav karte ho? jab braahmanon ke jeevan ka vishesh karttavya hi yeh , apne karttavya ko yathaartha reeti se nibha rahe ho? ek hai - baap se preet ki reeti nibhaana, doosra hai - karttavya nibhaana। to donon nibhaane vaale ho? sirf kahne vaale ho?sirf kahne vaale to nahin ho na? kahne vaale nahin, karne vaale bano! samjha! sevaadhaariyon ka mahatva kya hai? achha।

aise din raat seva mein tatpar rahne vaale, sampanna ban sarva ko sampanna banaane vaale,sarva swaroop se all-round (Allround) seva karne vaale, sada sarva prati kalyaan aur raham ki bhaavna rakhne vaale, aise vishesh sevaadhaariyon ko baap-daada ka yaad-pyaar aur namaste।

party ke saath:-

1. sadaiv ek mantra yaad rakho - baap ko dil ka sachcha saathi banaakar rakhenge to sada anubhav karenge khushiyon ki khaan mere saath hai। sada is sang ka roohaani rang laga rahega। kyonki bade se bada sang ‘sarvashaktivaan’ka hai। satsang ki mahima hai to sada buddhi dvaara sat baap, sat shikshak, sat guru ka sang karna - yahi ‘satsang’hai। is satsang mein rahne se sada harshit aur halke rahenge। kisi bhi prakaar ka bojh anubhav nahin hoga। nishchay buddhi ho - yeh to theek hai। lekin nishchay ka return hai- baap ko sada ka saathi banaakar rakhna। pal-pal baap ka saath ho। sada saath ke anubhav se sampanna ka anubhav karenge। aise lagega jaise bharpoor hain। jab baap ko apna banaaya to baap ka jo bhi hain,sab apna ho gaya।

sada eeshvareey nashe mein aur bhavishya devpad ke nashe mein rehte ho? sangam yug ki praalabdha kya hai? baap ko paana। aur bhavishya ki praalabdha devpad paana। to donon praalabdha ki smriti rehti hai? jisko baap mil gaya usko nasha kitna hoga,baap se oopar aur kuchh nahin! baap mila sab kuchh mila। sada yaad mein rahne se jo bhi praapti hai,uska anubhav kar sakte ho। yaad nahin to praapti ka anubhav nahin। sada praapti ke nashe mein raho main master sarvashaktivaan hoon। shaktiyaan baap ki property (Property;sampatti) hain to bachche ka us par adhikaar hai। adhikaari bachchon ke man se sadaiv yahi geet niklenge jo paana tha pa liya।

kisi bhi prakaar ka vighna raaste chalte aave to nirvighna rahne ka tareeka aa gaya hai? vighna ko hataana sahaj hai va mushkil?jab baap ka haath chhodte to mushkil lagta। agar baap sada saath rahe to koi mushkil nahin। baap ka saath chhodne se kamzor ho jaate। kamzor ko chhoti baat bhi badi lagti। bahaadoor ko badi baat bhi chhoti lagti। jab baap saath dene ke liye taiyaar hai,lene vaale na len to baap kya kare? kinaara nahin karo to sada sahaj lagega।

paandav arthaat baap ke saath ki smriti mein rahne vaale। kalpa pahle bhi paandavon ki smriti ki visheshta kya gaai hui hai? paandavon ko nasha tha baap hamaare saath hai। baap ke saath ka nasha hone ke kaaran challenge (chetaavni) karne vaale bane। challenge ki na ki ham vijayi banenge। challenge ka aadhaar tha baap ka saath। to jab paandavon ke saath ki yeh visheshta gaai hui ho to prekteekal mein kitna nasha hoga? maaya ke bade-bade mahaaveer ki paandavon ke aage kya result hui?vinaash ko praapta hue। aise maaya ke vighnon ko paar karne vaale anubhav karte ho ki maaya se ghabraate ho? kisi bhi prakaar ke maaya ke vighna aave lekin trikaaldarshi ho arthaat maaya kyon aati hai aur usko bhagaano ka tareeka kya hai - yeh sab jaanne vaale। maaya aa gai kya kare,aise ghabraane vaale nahin। paandavon ka chitra bhi gvaalon ke roop mein dikhaate hain। sada gvaalbaal saath rehte the। chaitanya apna jad yaadgaar dekh rahe hain - yeh wonderful baat hai na।

shaktiyon ka ya gopikaaon ka yaadgaar hai, ‘khushi mein naachna।’paanv mein ghungharu daalkar naachte hue dikhaate hain। jo sada khushi mein rehte unke liye kehte - khushi mein naach raha hai। naachte hain to paanv oopar rakhte hain। aise hi jo khushi mein naachne vaale honge unki buddhi oopar rahegi। deh ki duniya va dehdhaariyon mein nahin, lekin aatmaon ki duniya mein, aatmik sthiti mein honge। aise khushi mein naachte raho। sada khushi kisko rahegi?jo apne ko gopika samjhenge। gopika ka arth hai - jiski lagan sada gopi vallabh ke saath ho। apne ko grihasthi maata nahin lekin‘gopika’samjho, grihasthi shabd hi achha nahin lagta। gopikaaon ka naam lete hi sab khush ho jaate hain। jab naam lene se doosre khush ho jaate to svayan gopikaaen kitna khush hongi!