Avyakt murli for Sunday 12 June 1977

>

12-06-77om shanti avyakt baapdaadaamdhuban

kamal pushpa samaan sthiti hi brahman jeevan ka shreshtha aasan hai

sarva praaptiyon ke aadhaar baap ne samartha, bandhanmukta,yogayukta aatmaon ke prati baap-daada ne ye mahaavaakya uchchaare:-

sada brahman jeevan ka shreshtha aasan, kamal pushpa samaan sthiti mein sthit rehte ho?braahmanon ka aasan sada saath rehta hai to aap sab brahman bhi sada aasan par viraajmaan rehte ho? kamal pushpa samaan sthiti arthaat sada har karmenndriyon dvaara karma karte hue bhi indriyon ke aakarshan se nyaare aur pyaare। sirf smriti mein nyaara aur pyaara nahin,lekin har saikend ka sarva karma nyaare aur pyaare sthiti mein ho। isi ka yaadgaar aap sabke gaayan mein ab tak bhi bhakta har karma indriy ke prati mahima mein nayan-kamal, mukh-kamal,hasta-kamal kah kar gaayan karte hain। to yeh kis samay ki sthiti ka aasan hai? is brahman jeevan ka। apne aapse poochho, har karma indriy kamal samaan bani hai?nayan kamal bane hain? hasta kamal bane hain?kamal arthaat karma karte hue bhi vikaari bandhanon se mukta। deh ko dekh bhi rahe hain lekin dekhte hue bhi nayan kamal vaale, deh ke aakarshan ke bandhan mein nahin aayenge। jaise kamal jal mein rehte hue jal se nyaara arthaat jal ke aakarshan ke bandhan se nyaara, anek bhinna-bhinna sambandh se nyaara rehta hai। kamal ke sambandh bhi bahut hote hain। akela nahin hota hai,pravritti maarga ki nishaani ka soochak hai। aise brahman arthaat kamal pushpa samaan banne vaali aatmaaen pravritti mein rehte, chaahe laukik, chaahe alaukik saath-saath kichde arthaat tamoguni patit vaataavran rehte hue bhi nyaare। jo gun rachna mein hai to master rachta mein vahi gun hai। sada is aasan par sthit rehte ho va kabhi-kabhi sthit hote ho?sada apne is aasan ko dhaaran karne vaale hi sarva bandhanmukta aur sada yogayukta ban sakte hain। apne aapko dekho - paanch vikaar paanch prakriti ke tattvon ke bandhan se kitne percent mein mukta hue hain। lipta aatma ho va mukta aatma ho?

aap sabne baap-daada se vaayda kiya hai ki sabko chhod kar aapke hi banenge, jo kahenge,jaise karaayenge, jaise chalaayenge vaise chalenge। vaayda nibha rahe ho? saare din mein kitna samay vaayda nibhaate ho aur kitna samay vaayda bhulaate ho? geet roj gaate ho - ‘mera to ek shivbaaba doosra na koi।’aisi sthiti hai? doosra koi sambandh,sneh,sahayog va praapti,vyakti va vaibhav dvaara baap se kinaara karne vaala raha hai? hai koi vyakti va vastu jo bandhanmukta aatma ko apne aakarshan ke bandhan mein baandhane vaali?jab doosra koi nahin to nirantar bandhanmukta aur yogayukta aatma ka anubhav karte ho?va kehte ho,doosra koi nahin parantu hai। koi hai va sab samaapta ho gaye? agar hai to geet kyon gaate ho? baap-daada ko khush karne liye gaate ho?va kah kar apni sthiti baanaane ke liye gaate ho? brahman jeevan ki visheshta jaante ho? ‘brahman arthaat sochna,bolna,karna sab ek ho। antar na ho।’to brahman jeevan ki visheshta kab dhaaran karenge? abhi va ant mein?kai aise bhi bachche hain jo svayan ke purooshaartha ke bajaae samay par chhod dete hain। samay aane par aatmaaen svayan kamzor hone kaaran samay par rakhte hain aap logon ke paas bhi jab museum va pradarshani dekhne aate hain to kya kehte hain?samay milega to aayenge। abhi ham ko samay nahin hai। yeh agyaaniyon ke bol hain। kyonki samay ke gyaan se agyaani hain lekin aapko to gyaan hai ki kaun sa samay chal raha hai; is vartamaan samay ko kaun sa samay kehte hain। kalyaankaari yug athva samay kehte ho na! saare kalpa ki kamaai ka samay kehte ho, shreshtha karma roopi beej bone ka samay kehte ho। paanch hajaar varsha ke sanskaaron ka record bharne ka samay kehte ho। vishvakalyaan,vishwa parivartan ka samay kehte ho। samay ke gyaan vaale bhi vartamaan samay ko ganvaate hue aane vaale samay par chhod den to usko kya kaha jaayega? samay bhi aapki creation (Creation;rachna) hai। creation ke aadhaar par creator (Creator;rachiyta) ka purooshaartha ho arthaat samay ke aadhaar par svayan ka purooshaartha ho to use creator kaha jaayega।

baap-daada ne pahle bhi sunaaya hai aap shreshtha aatmaaen srishti ke aadhaar moortta ho, aise aadhaar moortta, samay ke va kisi bhi prakaar ke aadhaar par rahen to adheen kahenge va aadhaar moortta kahenge? to apne aap ko check karo ki srishti ke aadhaar moortta aatma kisi bhi prakaar ke aadhaar par to nahin chal rahe hai? sivaae ek baap ke aadhaar moortta kisi bhi had ke sahaare ke aadhaar par chalne vaali aatma to nahin hai? vaayda to yahi kiya hai mera to ek hi sahaara hai lekin prektikal kya hai? ek sahaare ka praikteekal pramaan kya anubhav hoga?sada ek avinaashi sahaara lete,is kalayugi patit duniya se kinaara kiya hua anubhav karega। aisi aatma ki jeevan naiya kalayugi duniya ka kinaara chhod chali। sada svayan ko kalayugi patit vikaari aakarshan se kinaara kiya hua arthaat pare mahsoos karenge। koi bhi kalayugi aakarshan usko khainch nahin sakte। jaise science ke dvaara dharti ke aakarshan se pare ho jaate, ‘space’ (Space) mein chale jaate arthaat door chale jaate। agar kisi bhi prakaar ki aakarshan chaahe deh ke sambandh ki va deh ke padaartha ki aakarshit karti hai, isse siddha hai koi na koi ke sahaare ka pratyaksha pramaan vinaashi alpa kaal ka sahaara hone ke kaaran praapti bhi alpa kaal ki hoti hai, arthaat vinaashi, thode samay ke liye hoti hai। jaise kai kehte hain thoda anubhav hota hai, yaad rehti hai, shakti milti hai। shakti swaroop ka anubhav hota hai lekin sada nahin rehta, uska kaaran? avashya ek sahaare ke bajaae koi na koi had ke sahaare ka aadhaar liya hua hai। aadhaar bhi hilta hai aur svayan bhi hilta hai arthaat halchal mein aate hain। to apne aadhaar ko chaik karo। chaik karna aata hai?chaik karne ke liye divya arthaat samartha buddhi chaahiye। agar nahin to buddhivaan aatmaon ke sahayog se apni checking karo।

baap-daada ne har brahman aatma ko janma hote hi divya-samartha buddhi aur divya netra brahman janma ka vardaan roop mein diya hai। va yoon kaho ki brahman ke birth de (Birth Day;janma din) ki gift (Gift;saugaat) baap dvaara harek ko praapta hai। kya apne janma ki gift ko sambhaalna aata hai? agar sadaiv is gift ko yathaartha reeti se use karo to sada kamal pushpa samaan raho arthaat sada kamal pushpa samaan sthiti ke aasan par sthit raho। samjha kya chaiking karni hai? sarva karma indriyaan kahaan tak ‘kamal’bani hain?aise kamal samaan banne vaale sada aakarshan se pare arthaat sada harshit rahenge। sada harshit na rehna arthaat kahaan-na-kahaan aakarshit hote hain tab harshit nahin rah sakte। ab in sab baaton se buddhi dvaara kinaara karo। ‘kehna aur karna’ ek karo। vaayda karne vaala nahin lekin nibhaane vaale bano। achha।

sada sarva sambandhon se, ek baap doosra na koi aise sada svayan ko aadhaar moortta samajhne vaale, samay ke aadhaar se pare svayan ko samartha samajh chalne vaale aisi samartha aatmaon ko bandhanmukta aatmaon ko,sada yogayukta aatmaon ko baap-daada ka yaad-pyaar aur namaste।

party se

paandav aur shaktiyaan donon hi yuddhasthal par upasthit hain? yuddha karte hue vijay praapta karte hue, aage badhte chal rahe ho? to vijayi aatmaon ko sada vijay ki khushi hogi। vijay vaalon ko duhkh ki lahar nahin hogi। duhkh hota hai haar mein। vijayi ratna sada khush arthaat harshit rehte hain। svapna mein bhi duhkh ka drishya na aae arthaat duhkh ke anubhav ki mahsoosta na aae। svapna mein bhi to duhkh hota hai। koi aisa drishya dekh karke svapna mein bhi duhkh ki lahar aati hai?sada vijayi ke svapna bhi sukhdaayi hote hai,duhkh ke nahin। jab svapna bhi sukhdaai honge to zaroor saakaar mein sukh swaroop honge। jab aap apne gunon ki mahima karte ho to kehte ho,sukh swaroop… ya duhkh bhi kehte ho? aatma ka anaadi swaroop sukh hai to duhkh kahaan se aaya? jab anaadi swaroop se neeche aate ho to duhkh hota। to aise anubhav karte hi duhkh se kinaara ho gaya hai? doosron ke duhkh ki baaten sunte duhkh ki lahar na aae। kyonki maaloom hai, duhkhon ki duniya hai,aapke liye duhkh ki duniya samaapta ho gayi। aapke liye to kalyaankaari chadhti kala ka yug hai। to sankalp mein bhi duhkh ki duniya ko chhod। chale langar uth gaya hai na?agar duhkh dene vaale sambandhi ya duhkh ki paristhiti apni taraph khenchati hain to samjho kuchh rassiyaan sookshm mein rah gayi hain। sookshm rassiyaan sab samaapta hain ya kuchh rahi hain?uski parakh athva nishaani hai - ‘khinchaavat।’agar bandhi hui rassiyaan hain to aage badh nahin sakenge। agar abhi tak duhkh ka, duhkh ki duniya ka kinaara chhoda nahin to sangamayugi hue nahin na? phir to kaliyug, sangam ke beech ke ho gae। na yahaan ke na vahaan ke aise ki avastha ab kya hogi?kab kahaan,kab kahaan। buddhi ka ek thikaana anubhav nahin karenge। bhatakna achha lagta hai kya?jab achha nahin lagta to khatma karo। sada apne sukh swaroop mein sthit raho। bolo to bhi sukh ke bol,socho to bhi sukh ki baaten,dekho to bhi sukh swaroop aatma ko dekho। shareer ko dekhenge to shareer to hai hi antim vikaari tattvon ka bana hua। iseelie sukh swaroop aatma ko dekho। aisa abhyaas chaahiye jaise satayugi devtaaon ko ‘duhkh’ shabd ka pata bhi nahin hoga। agar unse poochho to kahenge duhkh kuchh hota bhi hai kya। to woh sanskaar yahaan hi bharne hain। aise sanskaar banaao jo duhkh shabd ka gyaan bhi na ho। praapti ke aadhaar par mehnat kuchh bhi nahin hai। saja ke sanskaar ban jaae, uske liye agar ek janma ke kuchh varsha mehnat bhi karni pade to kya badi baat hai? paanch hajaar varsha ke sanskaar banaane ke liye thode samay ki mehnat hai।

vighna aata hai, usmein koi nuksaan nahin, kyonki aata hai vidaai lene ke liye। lekin agar rook jaata hai to nuksaan hai। aae aur chala jaae। vighna ko mehmaan bana kar bithaao nahin। abhi aisa purooshaartha chaahiye - aaya aur gaya। vighna ko agar ghadi- ghadi ka bhi mehmaan banaaya to aadat pad jaaegi, phir thikaana bana denge। isliye aaya aur gaya। aadha kalpa maaya mehmaan hai isliye taras to nahin padta? ab taras mat karo।

abhi bhi yaad ki yaatra ke anubhav aur deep (Deep;gahraai) roop mein ho sakte hain। varnan sab karte hain, yaad mein rehte bhi hain; lekin yaad se jo praaptiyaan honi hain us praapti ki anubhooti ko aur aage badhaate jaaen। usmein abhi samay aur attention dene ki aavashyakta hai; jisse maaloom padega ki sachmuch anubhav ke saagar mein doobe hue hain। jaise pavitrata-shanti ke vaataavran ki bhaasna aati hai,vaise shreshtha yogi lagan mein magan rahne vaale hain yeh anubhav ho। knowledge ka prabhaav hai - yog ki siddhi swaroop ka prabhaav ho। woh tab hoga jab aapko anubhav hoga। jaise us saagar ke tale mein jaate hain vaise anubhav ke saagar ke tale mein jaao। roj naya anubhav ho,to yaad ki yaatra par attention ho। antarmukh hokar aage badhna,woh abhi kam hai। seva karte hue bhi yaad mein dooba hua hai - yeh prabhaav abhi nahin padta। seva karte hain - yeh prabhaav hai। lekin nirantar yogi hain - vo stage par aao। iski invention (Invention;aavishkaar) nikaalne ki dhun mein lago। jo kisi ne na kiya hai, woh main karoon - yeh race karo। yaad ki yaatra ke anubhvon ki race karo। iske liye jo yog shivir karaate hain, unko chance achha hai। aur koi duty nahin, ek hi duty hai।

isse nirvighna sahaj hote, vaataavran change hota hai। sab apne mein busy, doosre ko dekhne, sunne ki, vighnon mein kamzor hone ki margin nahin rehti। aisa plan banaao jo harek apne mein dooba hua ho,chaahe saakaar cheejon ka nasha ho, chaahe praapti ka। usmein hi lavleen raho, vaataavran mein mat aao jo lahar phaile। achha।