Avyakt murli for Wednesday 22 June 1977

>

22-06-77om shanti avyakt baapdaadaamdhuban

sitaaron ki duniya ka rahasya

vishwa ko light, might dene ke nimitta bane hue sarva chamakte hue chaitanya sitaaron prati gyaan-soorya ne mahaavaakya uchchaare:-

aaj baap-daada sarva sitaaron ko chamakte hue roop mein dekh rahe hain। chamakte sab sitaare hain lekin chamakne mein bhi number hain। sitaaron ki duniya arthaat apni duniya, dekhi hai? sitaaron ki duniya ka geet gaate hain lekin woh kaun se sitaaron ki duniya hai jiska gaayan hai,is rahasya ko bhi aap sab jaante ho? har sitaare ka apna-apna prabhaav dikhaate hain। sitaaron ke aadhaar par janmapatri aur bhavishya bataate hain। chaitanya roop mein aap gyaan sitaare saare kalpa ke har aatma ke janmapatri ke aadhaar moortta ho। gyaan sitaaron ke shreshtha janma aur vartamaan janma ke aadhaar par praalabdha ke janma, arthaat poojya pad ke janma aur poojya ke aadhaar par pujaari ke janma, aise 84 janmon ki kahaani ke aadhaar par anya dharma aatmaon ke janma ki patri ka aadhaar hai। aapki janmapatri mein unhon ki janmapatri noondhi hui hai। aap hero aur heroine paartadhaari ke aadhaar par saara drama noondha hua hai।

aap aatmaon ka pujaareepan aarambh hona aur anya dharma ki aatmaon ki sthaapan hona, aap poorvaj aatmaon ke aadhaar par hai। yeh chhoti-chhoti biraadriyaan nikalti hain,isliye yaadgaar roop mein bhi had ke sitaaron ke aadhaar par bhavishyadarsha bante hain। kyonki is samay aap trikaaldarshi bante hain, aap chaitanya sitaare trikaaldarshi ho। har aatma ko bhavishya banaane ke nimitta bane hue ho। chaahe mukti do, chaahe jeevanmukti do। lekin jeevanmukti ke get kholne ke nimitta gyaan-soorya baap ke saath gyaan-sitaare nimitta bante hain। isliye aapki jad yaadgaar sitaare bhi bhavishyadarsha bane hue hain arthaat bhavishya dikhaane ke nimitta bane hue ho। abhi jad yaadgaar had ke sitaare ko dekhte, apna sitaara swaroop smriti mein aata hai? sitaaron mein bhi alag-alag speed dikhaate hain। chakra lagaane ki speed koi ki tej gati dikhaate aur koi ki dheemi gati dikhaate। koi sitaare sangathit roop hain, koi sitaare ek do se kuchh doori par dikhaate hain,koi baar-baar jagah badli karte hain aur koi puchchhal taare hote hain। yeh sab prakaar ki chaitanya sitaaron ki sthiti, purooshaartha ki speed, achal aur halchal ka roop sangathit roop mein, sevaadhaari va sarva snehi va sahayogi ka swaroop, shreshtha gunon aur karttavya ka swaroop, yaadgaar roop mein dikhaaya hai।

sitaaron ka chandrama ke saath sambandh dikhaaya hai। koi chandrama ke sameep hain aur koi door hain। gyaan soorya ki santaan hote hue bhi chandrama ke saath ka chitra kyon bana hua hai? iska bhi rahasya hai। chandrama arthaat badi maa, brahma ko kaha jaata hai। gyaan soorya se sarva shaktiyon ki knowledge ki light zaroor lete hain, lekin drama ke andar part bajaane mein saakaar roop mein saath aadi pita brahma aur braahmanon ka hai। gyaan soorya is chakra se nyaara rehta hai। iseelie anek janmon ka bhinna naam-roop mein,saath chandrama aur gyaan sitaaron ka rehta hai। isi kaaran yaadgaar chitra mein bhi chandrama aur sitaaron ka sambandh hai। apne aapse poochho ki main kaunsa sitaara hoon? sangathit roop mein sarva ke snehi aur sada sahayogi banne ki sthiti rehti hai? va sangathan mein svabhaav, sanskaar,sthiti badal lete hain, arthaat sthaan badal lete hain? sada chamakte hue vishwa ko roshan karne vaale sitaare ho? va svayan ko svayan bhi knowledge ki light aur yaad ki might nahin de sakte ho? anya aatmaon ko light aur might ke aadhaar par thahre hue hain?sada svayan ko trikaaldarshi sthiti mein sthit rakhte ho?aise apne aapko check karo। sunaaya tha na ki teen prakaar ke sitaare hain - ek hai sada lucky sitaare, doosre hain sada saphalta ke sitaare, teesre hain ummeedvaar sitaare। apne se poochho teenon mein se main kaun? apne aapko jaante ho na - main kaun hoon? paheli hal kar li hai na?svayan hi svayan ko judge karo, samjha! achha,aaj murli chalaane nahin aae hain। milne ke liye aaye hain,yeh milan hi kalpakalpa ki noondh hai। is milan ki yaadgaar jagah-jagah par anek roopon se mela manaate hain।

party se:-

sada svayan ko har karma karte hue tan ke bhi, dhan ke bhi, pravritti ke bhi trustee samajh kar chalte ho? trustee ki visheshta kya hoti hai?ek shabd mein kahen - trustee arthaat nashtomoha। trustee ka kisi mein moh nahin hota; kyon? kyonki meraapan nahin hai। mere mein moh jaata hai। jo bhi pravritti ke arth saadhan mile hue hain va seva ke arth sambandh hota hai, usmein meraapan nahin lekin baap-daada ka diya hua amaanat samajhkar seva karenge va saadhnon ko kaarya mein lagaaenge to sahaj hi trustee ban jaaenge। trustee athaart main-pan samaapta aur baba-baba hi mukh se nikle aisi sthiti hai? ya jin saadhnon ko kaarya mein lagaate ho usmein meraapan ka bhaan hai? meraapan hai to dehbhaan aata hai। agar tan ke bhi trustee hai to deh ka bhaan ho nahin sakta। jab se janma hua to pahla vaayda kya kiya? jo mera so baap ka। marjeeva ho gae na? phir meraapan kahaan se aaya?di hui cheez kabhi vaapis nahin li jaati। to sada dehi abhimaani banne ka arthaat nashtomoha banne ka sahaj saadhan kya hua?trustee hoon, main trustee hoon। kalpa pahle ke yaadgaar mein bhi arjun ka jo yaadgaar dikhaaya hai - usmein arjun ko mushkil kab laga? jab meraapan aaya। mera khatma to nashtomoha। arthaat smriti swaroop ho gae। mera pati, meri patni, mera ghar, mere bachche, meri dukaan, mera daphtar - yeh mera-meri sahaj ko mushkil kar deta hai। sahaj maarga ka saadhan hai - ‘nashto moha arthaat trustee।’ is smriti se svayan aur sarva ko sahaj yogi banaao। samjha?

vyartha samaapta ho samartha banne ki sahaj yukti bataate hue baap-daada bole –

vairaayaiti sthaanon se aate hue is samay sab madhuban nivaasi ho? is samay apne ko gujraati, panjaabi,yu.pi. nivaasi to nahin samajhte?sadaiv apne ko paramdham nivaasi va part bajaane liye madhuban nivaasi samjho। madhuban nivaasi samajhne se nasha va khushi rehti hai। madhuban mein kitni bhi lakleeph mein ho,phir bhi yahaan rehna pasanda karte। ghar mein bhal Dunlop ke gadde ho phir bhi yahaan achha lagta। kyonki madhuban nivaasi banne se automatically sahaj aur nirantar yogi ban jaate। madhuban ki mahima bhi hai। madhuban aur madhuban ki murli mashhoor hai। isliye madhuban mein aana sab pasanda karte hain। to sadaiv apne ko madhuban nivaasi samajhkar chalna। to sahaj yogi ki sthiti rahegi। madhuban yaad aane se sthiti sada khush ho jaaegi। madhuban yaad aaya to vyartha sankalp samaapta ho samartha sankalp ka anubhav yaad aane se samartha ho jaaenge। ghar nahin jaate ho sevaasthaan par jaate ho। ghar mein jaakar bhi agar padhaai aur baap ko saathi banaane vaala sada nashe aur khushi mein atal rahega। sada baap aur seva isi smriti mein raho to samartha rahenge। sthiti sada atal rahegi। achha।

jab kisi bhi prakaar ka paper aata hai to ghabraao nahin। question mark mein nahin aao ki yeh kyon aaya? is sochne mein time vesta mat karo। question mark khatma aur full stop, tab class change hoga arthaat paper mein paas ho jaaenge। full stop dene vaala full paas hoga। kyonki full stop hai bindi ki stage। dekhte hue na dekho, sunte hue na suno। baap ka sunaaya hua suno, baap ne jo diya hai woh dekho, isi practice se full paas honge। paper mein paas hone ki nishaani hai - aage badhna arthaat chadhti kala ka anubhav karenge। atiindriy sukh ke jhoole mein jhoolte rahenge। sarva praapti ka anubhav automatically hota rahega। achha।

sada baap se milan manaane vaale, sankalp,bol aur karma mein saphalta ke sitaare, sada baap ko saathi banaane vaale sameep sitaare,har sankalp se vishwa ko light-might dene vaale, sada chamakte hue sitaaron ko baap-daada ka yaad-pyaar aur namaste।