Avyakt murli for Monday 2 January 1978

> 02-01-78om shanti avyakt baapdaadaamdhuban

gyaan chandrama aur gyaan sitaaron ki rimjhim

bachchon ko sarvashreshtha takdeervaan, vartamaan aur bhavishya takhtansheen, aise padmapti banaane vaale shiv baba bole –

baap-daada sabhi lovely aur lucky bachchon ko dekhte hue harshit ho rahe hain। harek ke mastak par takdeer ka sitaara chamakta hua dekh rahe hain। saakaari srishti ki aatmaayen aakaash ki taraph dekhti hain aur aakaash se bhi pare rahne vaala baap saakaari srishti mein dharti ke sitaare dekhne aaye hain। jaise chandrama ke saath sitaaron ki rimjhim ati sundar lagti hai vaise hi brahma chandrama bachche arthaat sitaaron se hi sajte hain। maa ka sneh bachchon se jyaada hota hai ya bachchon ka maa se jyaada hota hai? to brahma ka jyaada hai ya braahmanon ka? kiska jyaada hai? bachche khel mein busy (Busy) hote hain to maa ko bhool jaate hain। maata ki mamta bachchon ko yaad dilaati hai। aise bhi agar sneh nahin hota to bachchon ko praapti bhi nahin hoti। aaj amrit vele vishesh is samay ke madhuban ki sangathit aatmaayen baap ki yaad ke saath-saath brahma maa ki yaad mein jyaada theen। aaj vatan mein bhi baap soorya gupta the lekin chandrama arthaat brahma -- badi maa brahman bachchon ya sitaaron ke saath milan manaane mein lavleen the। aaj vatan mein kya drishya tha?maat-pita aur bachchon ki rooh-roohaan sada chalti hai lekin aaj thi maata-pita ki। kya rooh-roohaan hogi jaante ho?

aaj amritvele brahma braahmanon ke sneh mein vishesh the। kyonki madhuban jo brahma ki saakaar roop mein karma-bhoomi, seva-bhoomi ya maa aur baap donon roop se saakaar roop mein bachchon ki milan-bhoomi hai,aise svayan dvaara tan aur man dvaara sajaai hui aisi bhoomi par rimjhim dekh aaj brahma baap ya maa ko saakaar roop mein saakaar srishti ki vishesh yaad aai। brahma bole- ‘‘chandrama ka sitaaron se ek-samaan roop ke milan mein ab tak kitna samay hai?’’ arthaat vyakta aur avyakt roop ka milan kab tak?uttar kya mila hoga? manke fix ho gaye hai, sirf jagah fix karo।

baap bole- ‘‘jab maa kahegi ki sab ever raidi (Eveready) hain।’’ isliye brahma maa parikrama lagaane nikli। chaaron or ka chakkar lagaate har brahman ki roohaaniyat dekhte rahe। chakkar lagaane ke baad vatan mein jab rooh-roohaan hui to brahma bole -- mere bachche lakshya mein number one hain; sabke andar samay ka intazaar hai, samay par taiyaar ho hi jaayenge। baba bole - ‘‘raajdhaani taiyaar ho gai hai? brahma aaj brahman bachchon ki taraph le rahe the। brahma bole16108 ki maala to taiyaar hui hi padi hai। braahmanon ki sankhya kitni bataate ho? kya 50hazaar se 16108nahin niklenge? manke taiyaar hain lekin nambarvaar pirone ke liye last (Last) second bhi abhi raha hua hai, manke fix (Fix) ho gaye hain,jagah fix nahin hui hai। jagah mein last so fast (Fast) ho sakte hain। aaj brahma ne 16108 mankon arthaat sabhi sahayogi aatmaon ke takdeer ki lakeer final (Final) kar di। is kaaran bhaagya vidhaata,bhaagya baantane vaala brahma ko hi kehte hain aur yaadgaar roop mein bhi janmapatri,janma divas par ya naam sanskaar par brahman hi janma-patri banaate hain। to brahma maa ne 16108 mankon ki nishchit takdeer sunaai। aap sab to usmein ho na।

aaj vishesh brahma dvaara videshi ya deshi donon taraph ke bachchon ki mahima ke gungaan ho rahe the। jaise aadi mein aaye hue bachchon ke bhaagya ki mahima hai vaise hi avyakt roop mein paalna lene vaale naye bachchon ki bhi itni mahima hai। jaise aadi mein koi practical (Practical) jeevan ka prabhaav nahin tha sirf ek baap ka sneh hi pramaan tha। bhavishya kya hona hai - yeh kuchh spashta nahin tha, gupta tha। lekin aatmaaen shama par poore patange theen। aise hi naye bachchon ke aage anek jeevan ke pramaan hain। aadi madhya ant spashta hain। 84janmon ki janma-patri spashta hai। purooshaartha aur praalabdha donon hi spashta hain lekin baap avyakt hain। baap ki paalna avyakt roop mein hote hue bhi vyakta roop ka anubhav karaati hai। vyakta ko avyakt anubhav karna, sameep aur saath ka anubhav karna yeh kamaal naye bachchon ki hai। jaise aadi ke bachchon ki kamaal hai vaise hi last so fast jaane vaalon ki bhi kamaal hai। aisi kamaal ke gungaan kar rahe the। suna aaj ki rooh-roohaan।

ulahnon ki maalaaen bhi khoob theen। jin ulahnon ki maalaaen bahma ko sneh roop bana raheen thi। sunaaya na, ki aaj brahma vishesh bachchon ke sneh mein samaaye hue the। sneh ki moorti hote hue bhi drama ki seat par set (Set) the। isliye sneh ko sama rahe the। aap log bhi saagar ke bachche samaane vaale ho na। dikha bhi sakte ho aur sama bhi sakte ho। merge(Merge) aur emerge(Emerge) karna achhi tarah se jaante ho na। kyonki ho hi hero actor। jab chaahen jaise chaahen vaisa roop dhaaran kar sakte ho। arthaat part baja sakte ho। achha-

aise sada snehi, sarva shaktiyon se sampanna, sada ati pyaare aur ati nyaare,sadaiv apne takdeer ke chamakte hue sitaare ko dekhne vaale,sarvashreshtha takdeervaan, vartamaan aur bhavishya takhtansheen, aise padmapti second mein svayan ko ya sarva ko parivartan karne vaale vishwa-kalyaankaari bachchon ko baap-daada ka yaad-pyaar aur namaste।’’

deedi ji ke saath baatcheet

aaj amritvele brahma ne jo vishesh aatmaon ki takdeer ki lakeer final ki thi usmein final kaun se ratan honge? 8 ratan final hue honge? maa baap ke paas to nishchit hain hi। baaki hai stage (manch) par prasiddha karna। baap ke paas 108 hi nishchit hain। kyon? baap ke paas bhavishya bhi aisa hi clear hai jaise vartamaan। ananya bachchon ke paas bhi bhavishya aisa hi spashta hota ja raha hai kyonki baap ke saath sarva kaarya mein sameep aur sahayogi hain। to ashta ratan chief justice (Chief Justice) hain। justice ki jajmenta (Judgement) haan ya na ki final (Final) hoti hai। baap prezeedenta (President) hai lekin bachche chief justice hain। jajmenta bachchon ki hai। chief justice ki jajmenta sada yathaartha hoti hai। justice ke oopar chief justice haan ya na kar sakte hain lekin chief justice ke jajmenta ki bahut value (Value) hoti hai। isliye jab tak bhavishya bhi vartamaan ke samaan spashta na ho to jajmenta yathaartha kaise de sakenge? vartamaan aur bhavishya ki samaanta isi ko hi baap ki samaanta kaha jaata hai। aisi stage (avastha) anubhav mein laai hai?

aaj saakaari roop mein yaad kiya tha ya avyakt roop mein? sitaaron ko dekh chandrama yaad aata hai na isliye aaj brahma ne bhi yaad kiya। achha।

party se mulaakaat

gujraat party

gujraat ko vishesh last so fast jaane ka vardaan mila hua hai। gujraat vaalon ko yeh nasha rehta hai ki drama anusaar ham aatmaon ko vishesh bhaagya praapta hai। jaise sthaan ke hisaab se gujraat madhuban ke kaaphi sameep hai aise hi purooshaartha mein sameepta laane ka svatah vardaan bhi drama anusaar praapta hai kyonki jaise sthaan ke hisaab se sameep ho vaise gyaan ki dhaarna ke hisaab se dhaarna yogya dharti hai। jaise dharti achhi hoti to phal jaldi nikalta hai। mehnat kam aur phal jyaada nikalta hai। to gujraat ko dharni ka aur sameep hone ka vardaan hai। aisi vardaani aatmaaen purooshaartha mein kitni tez hongi? dhaarna ki subject1 (Subject) mein gujraat pradesh ke nivaasiyon ko lift (Lift) hai। kaliyugi duniya ke hisaab se ati tamopradhaan ke hisaab se phir bhi achhi kahenge। isliye gujraat ko apne donon vardaanon ki lift (Lift) ke aadhaar se first (First) mein pahunchna chaahiye। vardaanon ka laabh lo to har mushkil baat sahaj anubhav karenge। dekhne mein ati mushkil hogi lekin ati sahaj reeti se hal ho jaayega। isko kaha jaata hai pahaad bhi rooi samaan ban jaata। raai phir bhi sakhta hoti hai, rooi narma aur halki hoti hai। to aise anubhav karte ho?

is murli ki vishesh baatenh

1. ashta ratan chief justice hain। justice ke oopar chief justice haan ya na kar sakte hain lekin chief justice ki judgement ki bahut value hoti hai। isliye jab tak bhavishya bhi vartamaan samaan spashta na ho,judgement yathaartha kaise de sakenge।

2. vartamaan aur bhavishya ki samaanta isi ko hi baap ki samaanta kaha jaata hai।