Avyakt murli for Thursday 14 December 1978

>

14-12-78om shanti avyakt baapdaadaamdhuban

vighnon se mukta hone ki sahaj yukti

sarva ke mukti, jeevanmukti daata shivbaaba apne sikeeldhe bachchon prati boleh -

aaj baap-daada sada apne sikeeldhe laadle bachchon ko sneh ki nazar se, apne sarva shreshtha sirtaaj bachchon ko usi padmaapadma bhaagyashaali roop mein dekhte hue sada khush hote hain ki kalpa pahle vaale bichhude hue bachche kitna shreshtha pad paane ke yogya bane hain। har bachche ki yogyata, har bachche ki visheshta baap-daada ke aage sada spashta hai aur baap-daada har bachche ki visheshta ke moolya ko jaante hue har ek ko amolak ratan samajhte hain। sadaiv baap-daada ke smriti swaroop sada sahayogi bachche hain। baap-daada apne variety moolyavaan ratnon ke hi sada saath rehte hain। aise amoolya ratna jinhon ko baap ne apne gale ka haar banaaya, diltakhta nasheen banaaya,naynon ke sitaare banaaya,sir ka taaj banaaya, vishwa mein apne saath-saath poojyaneey banaaya, anek bhakton ke eeshta dev banaaya-aise svamaan mein sada sthit rehte ho? jis nazar se baap-daada dekhte va vishwa dekhta usi swaroop mein sada sthit rehte ho?

aaj baap aur daada donon ki rooh-roohaan chal rahi thi bachchon ke oopar। baap-daada bole-’’sahajyogi bachche raajarishi bachche chalte-chalte teevragti ke bajaae kabhi kabhi rook jaate hain-kyon rookte? apne jeevan ki bhavishya shreshtha maanzil spashta dikhaai nahin deti। aage kya hoga yeh question mark ka paper saamne aa jaata hai jiske kaaran teevragti va teevra purooshaartha badal purooshaartha ke roop mein ho jaata hai। aai hui rookaavat ko mitaane ki va patthar ko paar karne ki himmat kam ho jaati hai isliye chalte-chalte thak jaate hain। koi thak jaate, koi dilshikasta ho jaate arthaat apne se naaummeed ho jaate hain। aise samay par baap ka sahaara milte hue bhi apne ko beshaare anubhav karte hain - lekin baap-daada ek second ka sahaj saadhan va kisi bhi vighna se mukta hone ki yukti jo samay prati samay sunaate rehte hain woh bhool jaate hain। second mein svayan ka swaroop arthaat aatmik jyoti swaroop aur karma mein nimitta bhaav ka swaroop-yeh double light swaroop second mein high jump dilaane vaala hai। lekin bachche kya karte hain? high jump ke bajaae patthar ko todne lag padte hain। hataane lag jaate hain। jis kaaran jo bhi yatha shakti himmat aur ullaas hai woh usi mein hi khatma kar dete aur thak jaate hain va dilshikasta ho jaate hain। jab aisi mehnat bachchon ki dekhte to baap-daada ko bhi taras padta hai। jump lagaao aur second mein paar ho jaao yeh bhool jaate hain। to aaj yeh rooh-roohaan ho rahi thi ki bachche kya karte aur baap-daada kya kehte। sahaj maarga ko thodi si vismriti ke kaaran itna mushkil kar dete jo svayan hi thak jaate।

aur kya karte hain? apne hi vyartha sankalpon ka toofaan svayan hi rachte aur usi toofaan mein svayan hi hil jaate। apne nishchay ke foundation va anek prakaar ki praaptiyon ke aadhaar mein svayan hi hil jaate hain। naamaaloom vinaash hoga ya nahin hoga, bhagvaanuvaach theek hai va nahin hai, duniya ke aage nishchay se kahen va nahin kahen, gupta rahen va pratyaksha hoven-jama karen va seva mein lagaayen…pravritti ko sambhaalen va seva mein lagen। aakhir bhi kya hona hai। baap to niraakaar aur aakaari ho gaye-saakaar mein saamna karne vaale to ham hain। aise vyartha sankalpon ka toofaan rach svayan ko hi dagmag karte hain। apne nishchay ke foundation ko hila dete hain। jaise tuphaan kahaan pahuncha deta hai-vaise yeh vyartha sankalpon ka toofaan teevra purooshaartha se purooshaartha taraph le aata hai। aise toofaanon mein mat aao-baap-daada aise bachchon se poochhte hain ki kya ab tak bhi trustee ho va grihasthi ho?jab trustee ho to zimmevaar kaun, aap va baap? jab baap zimmevaar hai to hoga va nahin hoga, kya hoga yeh baap ki zimmevaari hai va aapki hai?nishchaybuddhi ki pahli nishaani kya hai? nishchaybuddhi arthaat sada nishchint। jab baap ne aapki sab chintaayen apne oopar le leen phir aap kyon chinta karte। vinaash ho na ho va kab hoga yeh chinta brahman jeevan mein kyon? kya brahman jeevan heere tulya jeevan,baap se milan manaane ki jeevan,chadhti kala ki jeevan, sarva khajaanon se sampanna hone vaali jeevan, sarva anubhooti sampanna jeevan achhi nahin lagti hai? jaldi samaapta karne chaahte ho? koi kashta va takleeph hai kya? bhaktimaarga mein yahi pukaara ki yeh ateendriy sukh ki jeevan ke din ek se chaugune ho jaayen-aur ab thak gaye ho। aisa sankalp karne vaalon ke oopar baap-daada ko hansi aati hai। apraapti kya hai jo aise sankalp uthaate ho-jab kalyaankaari baap kehte ho,kalyaankaari jeevan kehte ho to jo bhi bhagvaanuvaach hai usmein anek prakaar ke kalyaan samaaye hue hain। kyon aur kaise kaha, is sankalp se nishchaybuddhi ka foundation hilaate kyon ho? agar aise chhote-chhote toofaanon mein foundation hil jaata hai to mahaavinaash ke mahaan toofaan mein kaise thahar sakenge। yeh to sirf ek apne vyartha sankalpon ka toofaan hai lekin mahaavinaash mein anek prakaar ke chaaron or ke toofaan honge phir kya karenge? itni chhoti si baat mein jismen aur hi aage ke liye samay mila hai,saath mila hai,anek prakaar ke khajaane mil rahe hain, praapti hote hue samaapti ki utkantha kyon karte ho? sukh ke dinon mein dheeraj dharo। kab aur kyon ke adheerya mein mat aao। apne hi vyartha sankalpon ke toofaan samaapta karo, sampattivaan bano, samartheevaan bano। sada nishchaybuddhi। kalyaankaari baap aur kalyaankaari samay ka har second laabh uthaao। saare kalpa mein aise sampativaan,bhaagyavaan din, bhaagya vidhaata ke sang ke din phir nahin aane vaale hain। vinaash ke samay bhi yeh praapti ka samay yaad karenge isliye drama anusaar kalyaan arth jo drama ka drishya chal raha hai usko trikaaldarshi ban himmat aur ullaas vaali samartha aatmaayen ban svayan bhi samartha raho aur vishwa ko bhi samartha banaao। patthar todne mein thako mat,svayan ke toofaan mein hilo mat, achal bano। samjha। karte kya ho aur karna kya hai? yahi rooh-roohaan baap-daada ki hui ki bachche kya khel karte hain। ab samarthi ka khel khelo। jisse yeh sab khel samaapta ho jaaen। dilshikasta ke bajaae dil sada khush ho jaae। abhi aise sankalp is mahaan yagya mein aahuti daalkar jaana-saath nahin lekar jaana-sada ke liye svaaha। jab svayan hi svaaha ho to yeh sankalp kaise aa sakte। isliye svaaha ka bhog lagaakar jaana। samartha sankalpon roopi phalon ka bhog lagaana-samjha kaun sa bhog lagaana hai। achha।

aise sada nishchint, sada nishchaybuddhi,har mahaavaakya ke mahaan arth ko jaanne vaale,sankalp ke bhi trustee arthaat jo baap ke sankalp woh bachche ke sankalp aise man,buddhi,sanskaar mein samaan, baap-daada ke sameep aatmaon ko baap-daada ka yaadapyaar aur namaste।