Avyakt murli for Sunday 14 January 1979

>

14-01-79om shanti avyakt baapdaadaamdhuban

brahman jeevan ka vishesh aadhaar - pavitrata

pavitrata, sukh aur shanti ka eeshvareey janma siddha adhikaar praapta karne vaale vatson ke prati baap-daada bole:-

aaj amritvele baap-daada bachchon ke mastak dvaara harek ki pyooriti (Purity) ki parasnaalti dekh rahe the - harek mein nambarvaar purooshaartha pramaan pyooriti ki jhalak chamak rahi thi। is brahman jeevan ka vishesh aadhaar pyooriti hi hai। aap sabhi shreshtha aatmaon ki shreshthata pyooriti hi hai - pyooriti hi is bhaarat desh ki mahaanta hai, pyooriti hi aap brahman aatmaon ki prosperti(Prosperty) hai jo is janma mein praapta karte ho vahi anek janmon ke liye praapta karte ho। pyooriti hi vishwa parivartan ka aadhaar hai, pyooriti ke kaaran hi aaj tak bhi vishwa aapke jad chitron ko chaitanya se bhi shreshtha samajhta hai। aajkal ki naameegraami aatmaayen bhi pyooriti ke aage sir jhukaati rehti hain। aisi pyooriti tum bachchon ko baap dvaara janma-siddha adhikaar mein praapta hoti hai - log pyooriti ko mushkil samajhte hain lekin aap sab ati sahaj anubhav karte ho - pyooriti ki paribhaasha tum bachchon ke liye ati saadhaaran hai - kyonki smriti aayi ki vaastavik aatma swaroop hai hi sada pure। anaadi swaroop bhi pavitra aatma hai। aur aadi swaroop bhi pavitra devta hai, aur ab ka antim janma bhi pavitra brahman jeevan hai - is smriti ke aadhaar par pavitra jeevan banaana ati sahaj anubhav karte ho - apvitrata pardharma hai pavitrata svadharma hai। svadharma ko apnaana sahaj lagta hai। aagyaakaari bachchon ko baap ki pahli aagya hai - pavitra bano tab hi yogi ban sakenge। is aagya ka paalan karne vaale aagyaakaari bachchon ko baap daada dekh harshit hote hain। usmein bhi vishesh aaj videshi bachchon ko, jinhonne baap ki is shreshtha mat ko dhaaran kar jeevan ko pavitra banaaya hai, aise pavitra aagyaakaari aatmaon ko dekh bachchon ke gungaan karte hain। bachche jyaada baap ke gungaan karte hain va baap bachchon ke jyaada gungaan karte hain? baap ke saamne vatan mein vishesh shrringaar kaunsa hai?

jaise aap log yahaan koi sthaan ka shrringaar maalaaon se karte ho - baapdaada ke paas bhi har bachche ke gunon ki maala ki sajaavat hai। kitni achhi sajaavat hogi! door se hi dekh sakte ho na - harek apni maala ka number bhi jaan sakte hain ki hamaari gun maala badi hai va chhoti hai - baapdaada ke ati sameep hain, sanmukh hain va thoda sa kinaare hain। sameep kinheen ki maala hoti, yeh to jaante ho na। jo baap ke gunon aur kartavya ke sameep hain vahi sada sameep hain - har gun se baap ka gun pratyaksha karne vaale hain,har karma se baap ke kartavya ko siddha karne vaale sameep ratan hain।

aaj baapdaada pyooriti ki subject mein marks de rahe the - marks dene mein visheshta kya dekhi - pahli visheshta mansa ki pavitrata - jab se janma liya tab se abhi tak sankalp mein bhi apvitrata ke sanskaar emerge na hon। apvitrata arthaat vish ko chhod chuke। brahman banna arthaat apvitrata ka tyaag। apvitrata ka tyaag aur pavitrata ka shreshtha bhaagya। brahman jeevan mein sanskaar hi parivartan ho jaate hain। mansa mein sada shreshtha smriti - aatmik swaroop arthaat bhaai-bhi ki rehti hai - is smriti ke aadhaar par mansa pyooriti ke marks milte hain। vaacha mein sada satyata aur madhurta - vishesh is aadhaar par vaani ki marks milti hain। karmana mein sada namrata aur santushtata iska pratyaksha phal sada harshitmukhta hogi, is visheshta ke aadhaar par karmana mein marks milti hain। ab teenon ko saamne rakhte hue apne aapko chaik karo ki hamaara number kaunsa hoga। videshi aatmaon ka number kaunsa hai?

aaj vishesh milne ke liye aae hain - koi aatmaon ke kaaran baap ko bhi videshi se deshi banna padta hai - sabse door desh ka videshi to baap hai - videshi baap is lok ke videshiyon se milne aaye hain। bhaaratvaasi bhi kam nahin hain - bhaaratvaasi bachchon ka videshiyon ko chance dena bhi bhaarat ki mahaanta hai - chance to dene vaale bhaaratvaasi sab chancellor ho gaye। videshiyon ki visheshta ko jaante ho? jis visheshta ke kaaran number aage le rahe hain - vishesh baat yeh hai ki kai videshi bachche aane se hi apne ko isi parivaar ke, isi dharma ki bahut puraani aatmaayen anubhav karte hain, isi ko kaha jaata hai aane se hi adhikaari aatmaayen anubhav hote। mehnat jyaada nahin lete - sahaj hi kalpa pahle ki smriti jaagrit ho jaati hai। isliye ‘hamaara baba’yeh bol anubhav ke aadhaar se bahut jaldi kaeeyon ke mukh se va dil se nikalta hai। doosri baat godly study ki vishesh subject sahaj raajayog - is subject mein mejoriti videshi aatmaon ko anubhav bhi bahut achhe aur sahaj hone lagte hain। is mukhya subject ke taraph vishesh aakarshan hone ke kaaran nishchay ka foundation majboot ho jaata hai। yeh hai doosri visheshta। angad ke samaan majboot ho na - maaya hilaati to nahin hain - aaj vishesh videshiyon ka tarna hai isliye bhaarat ke bachche saakshi hain –

bhaaratvaasi bachche apne bhaagya ko to achhi reeti jaante hain - videshiyon ko bhi raajya to yahaan hi karna hai na - apne bhaagya ko jaante ho। aage chal seva ke nimitta banan ka achha part hai। bhaagya praapta hua dekh sabhi ko khushi hoti hai। (daadaaraam saavitri ka parivaar madhuban aaya hai - unhon ko dekh baba kahe) kisi vishesh bhaagyashaali aatmaon (raam saavitri) ke kaaran parivaar ka bhi bhaagya hai। jab koi sankalp siddha hota hai to khushi zaroor hoti hai। achha –

aise sada khushi mein jhoomne vaale, sada apne bhaagya ke sitaar ko chamakta hua dekh chadhti kala ki or jaane vaale,sada pyooriti ki parsaanaalti vaale, pyooriti ki mahaanta ke aadhaar par vishwa ko parivartan karne vaale, vishwa kalyaankaari bachchon ko baapdaada ka yaad-pyaar aur namaste।

paarteeyon se mulaakaat

London party :- sabhi apne ko sada baap ke saathi anubhav karte ho? combined roop apna dekhte ho na - akele nahin,jahaan bachche hain vahaan baap har bachche ke saath hai। sadaiv baap ki yaad ke chhatrachhaaya ke andar ho। kisi bhi prakaar ke maaya ke vighna chhatrachhaaya ke andar aa nahin sakte। to jahaan bhi rehte ho, jo bhi kaarya karte ho - lekin sada aise anubhav karo ki ham safety ke sthaan par hain, aise anubhav karte ho?khaas videshiyon ke oopar baapdaada ka vishesh sneh aur sahayog hai। videshi aatmaayen seva ke kshetra mein bhi apna achha part aage chal karke bajaayengi। seva ka bhavishya bhi bahut achha hai। seva ka naya plan kya banaaya hai? general programme ke saath-saath vishesh aatmaon ki seva karo - uske liye mehnat zaroor lagegi lekin saphalta aapka janmasiddha adhikaar hai, yeh nahin socho bahut kiya hai phal nahin dikhaai deta। phal taiyaar ho rahe hain। koi bhi karma ka phal nishphal ho hi nahin sakta, kyonki baap ki yaad mein karte ho na। yaad mein kiye hue ka phal sada shreshtha rehta hai। isliye kabhi bhi dilshikasta nahin banna। jaise baap ko nishchay hai ki phal nikalna hi hai vaise svayan bhi nishchaybuddhi raho। koi phal jaldi nikalna koi thoda deri se isliye iska bhi socho nahin - karte chalo, abhi jaldi hi aisa samay aayega jo svatah aapke paas inakvaayri karne aayenge ki yeh sandesh va soochna kahaan se mili thi। thoda sa vinaash ka thaka hone do sirf - to phir dekho kitni lambi queue lag jaati hai phir aap log kahenge hamko samay nahin hai, abhi woh log kehte hain humein time nahin, phir aap kahenge tu let।

jis baat mein mushkil anubhav karo woh mushkil ki baat baap par chhod do - svayan sada sahajyogi raho। sahajyogi rehna hi sada service karna hai। aapki sookshm yog ki shakti svatah hi aatmaon ko aapke taraph aakarshit karegi to yahi sahaj seva hai, yeh to sabhi karte ho na। london nivaasiyon ne seva ka vistaar achha kiya hai। hamjinsa achhi taiyaar ki hai? maala taiyaar ho gai hai? 108 ratan taiyaar kiye hain? ab london vaale aisa group taiyaar karen jismen sab variety hon, vaigyaanik bhi hon, dhaarmik bhi hon, netaayen bhi hon, aur jo bhinna-bhinna aisesiyeshnas hain unki bhi vishesh aatmaayen hon। jab tak sthaapna ke liye sab prakaar ki variety aatmaayen sthaapna ke kaarya mein beej nahin daalegi to vinaash kaise hoga! kyonki satayug mein sab prakaar ke kaarya vaale kaam mein aayenge। sevaadhaari bankar aapki seva karenge। abhi ek janma thode samay ki aap seva kar aise sevaadhaari taiyaar karo jo anek janma aapki seva karen। science vaalon ka bhi vahaan part hai, jo vahaan ke sukh ke saadhnon ki visheshta hai woh yahaan se sahaj maarga ka beej daalkar jaayenge, yahi beej vahaan kaam mein aayega। to videsh mein yeh seva abhi teevragti se honi chaahiye। raajdhaani taiyaar karo, praja bhi taiyaar karo, royal family bhi taiyaar karo,sevaadhaari bhi taiyaar karo। koi bhi aisa varga na rah jaae jo ulhana de ki humein sandesh nahin mila hai।

2. eeshvareey seva ka shreshtha aur naya tareeka:- sankalpon dvaara eeshvareey seva karna yeh bhi seva ka shreshtha aur naya tareeka hai,jaise javaahri hota hai to roj subah ko dukaan kholte apne har ratan ko chaik karta ki saaph hain,chamak theek hai,theek jagah par rakhe hue hain,vaise roz amritvele apne samparka mein aane vaali aatmaon par sankalp dvaara najar daudaao, jitna aap unhon ko sankalp se yaad karenge utna woh sankalp unhon ke paas pahunchega aur woh kahenge ki hamne bhi bahut vaari aapko yaad kiya tha is prakaar seva ke naye-naye tareeke apnaate aage badhte jaao - har maas samparka vaali aatmaon ka vishesh koi programme rakho, sneh milan rakho, anubhav ki len-den va manoranjan ka programme rakho, kisi na kisi tarah se bulaakar samparka badhaao,yeh nahin socho do nikle ya teen nikle, ek bhi nikle to bhi achha,ek hi deepak deepmaala taiyaar kar dega।

jarmani :-jarmani vaalen ne apne desh mein baap ka parichay dene ka saadhan achha banaaya hai, abhi jarmani ke aas-paas haindas taiyaar karke seva ke pheelda ko aur badhaao jo bhi aaye hain woh sab ek-ek seva kendra sambhaalo kyonki samay kam hai aur raajdhaani banaani hai। jarmani ka group follow father karne vaala hai na! service karo lekin samparka ke aadhaar se,indipindent nahin। jaise har daali ka tane se connection hota hai isi reeti se vishesh nimitta aatmaon se samparka achha ho phir saphalta achhi milti hain, aisa plan banaana। achha।

vidaai ke samay :- sangamayug ke yeh din bhi bahut amoolya hain, baapdaada bhi bachchon ka mela sangam par hi saakaar roop mein dekhte hain। sangamayug achha lagta hain na? vishwa parivartan nahin karenge?sangamayug ki visheshta apni hai aur nai duniya ki visheshta apni hai। jab nai duniya mein jaayenge to baap ko bhi bhool jaayenge us samay yaad hoga?baap ko bhi khushi hai ki bachche itne shreshtha pad ko praapta kar lete hain। sadaiv baap yahi chaahte hain ki bachche baap se bhi aage rahen। bachchon ka shreshtha bhaagya dekh baap khush hote hain। thode hi time mein bhaagya kitna bana lete ho? sangamayug ki yahi visheshta hai - har ghadi har sankalp apna bhaagya bana sakte ho! jitna chaaho utna bhaagya oonche se ooncha bana sakte ho,to chaik karo ki kitna bhaagya banaane ka chance hai utna hi poora chance le rahe hain। praapti ka samay abhi jyaada nahin hai isliye jitna chaaho utna abhi kar lo nahin to yeh praapti ka samay yaad aayega ki karna chaahiye tha lekin kiya nahin! apne yaad ki yaatra ko powerful banaate jaao। sankalp mein sarva shaktiyon ka saar bharte jaao। har sankalp mein shakti bharte raho। sankalp ki shakti se bhi bahut seva kar sakte ho। achha - om shanti।