Avyakt murli for Monday 17 December 1979

>

17-12-79om shanti avyakt baapdaadaamdhuban

holi hans aur amritbela roopi maanasrovar

aaj chaaron or ke roohaani hanson va holi hanson ke sangathan ko dekh rahe hain। sabhi holi hans sada gyaan ratan grahan karte aur karaate hain। hanson ka bhojan amoolya moti hote hain। aise hi aap sab holi hanson ke buddhi ka bhojan gyaan ratan hai। amritbele se baapdaada ke saath rooh-roohaan dvaara, roohaani milan dvaara gyaan ratnon ko dhaaran vrate ho। shaktiyon ko dhaaran karte ho। aise hi saara din manan shakti dvaara dhaaran kiye hue ratnon ko va shaktiyon ko apne jeevan mein dhaaran kar aur auron ko karaate ho।

amritbele milan manaane ki shakti, grahan karne arthaat dhaaran karne ki shakti, baap dvaara har roj ke vishesh shuddh sankalp roopi prerna ko kech karne ki shakti sabse jyaada aavashyak hai। amritbele ke samay harek dhaaran karne ki shakti dvaara dhaarnaamoorta ban jaate hain। amritbele vishesh do moortiyaan chaahiye - ek dhaarnaamoortta doosra anubhvi moortta। kyonki amritbele baap-daada vishesh bachchon ke prati daata ke swaroop aur milan manaane ke liye sarva sambandhon ke sneh sampanna swaroop,sarva khazaanon se jholi bharne vaale bhole bhandaari ke roop mein hote hain। us samay jo bhi karna chaaho, baap ko manaana chaaho,rijhaana chaaho,sambandh nibhaana chaaho,sahaj vidhi ka anubhav chaaho,sarva vidhiyaan aur siddhiyaan sahaj praapta kar sakte ho। praapti ke bhandaar aur dene vaala daata sahaj hi praapta ho sakta hai। sarva gunon ki khaanen, sarva shaktiyon ki khaanen bachchon ke liye khuli hain। amritbele ke ek second ka anubhav saare din aur raat mein sarva praapti ke swaroop ke anubhav ka aadhaar hai। baap daada bhi harek ko ji-bhar karke baaten karne ke liye,phariyaad sunne ke liye,kamzori mitaane ke liye,anek prakaar ke paap bakhshaane ke liye,laad-pyaar dene ke liye sab baaton ke liye free hain। woh samay opheesheeyal nahin hai। bhole-bhandaari ke roop mein hain। itna golden chance hote hue bhi koi bachche chance le rahe hain। aur koi kinaare chance lene vaalon ko dekh rahe hain। kyon chaahna bhi hai phir bhi kyon beech mein kya rookaavat hai - usko jaante ho?

chaahte hue bhi praaptiyon se vanchit kyon?

maaya bhi badi chatur hai। vishesh us samay baap se kinaare karne ke liye aa jaati hai। vishesh bahaane baazi ke khel mein bachchon ko rijha leti hai। jaise baazeegar apni baazi mein logon ko aakarshit kar lete hain, vaise maaya bhi anek prakaar ke albelepan, aalasya aur vyartha sankalpon ki bahaane baazi mein rijha leti hai। isliye golden chance ko ganva lete hain। aur phir aise samay ko ganvaane ke kaaran sahaj praapti se vanchit hone ke kaaran saara din ka kamzor foundation ho jaata hai। saare din mein chaahe kitna bhi purooshaartha karen lekin saare din ki aadi arthaat foundation samay kamzor hone ke kaaran mehnat jyaada karni padti, praapti kam hoti hain। praapti kam hone ke kaaran do prakaar ki avastha ka anubhav karte hain। ek to chalte-chalte thakaavat anubhav karte hain, doosra chalte-chalte dil shikasta ho jaate hain। aur phir kya sochte hain। na maaloom manzil par kab pahunchenge?samay nazdeek hai ya door hai?kab pratyakshata hogi aur satayugi srishti mein jaavenge?yeh pravritti ke bandhan kab tak rahenge? vartamaan ki praapti ko chhod bhavishya ko dekhte hain।

praapti ka sahaj saadhan

vartamaan praapti ki list sada saamne rakho, ‘to kab hoga’ yeh khatma hokar ho raha hai mein aa jaayenge। dil shikasta hone ke bajaae dil-khush ho jaavenge। vartamaan se kinaara nahin karo। maaya ki bahaanebaazi ko pahchaano। maaya bahaane mein aap ko raazi kar deti hain। isliye baap ko rijha nahin sakte ho arthaat sahaj saadhan apna nahin sakte ho। vardaan ke roop mein jo praapti karni chaahiye uski bajaae mehnat kar praapti karne mein lag jaate ho। isliye amritbele ki sahaj praapti ki bela ko jaante hue uska laabh uthaao। khule bhandaaron se praarabdha ki jholi bhar lo vardaata aur bhaagya vidhaata se amritbele ke samay jo takdeer ki rekha khinchavaana chaaho, woh kheenchane ke liye taiyaar hain। takdeer ki rekh vardaata se sahaj va shreshtha khinchava lo। us samay yeh bhole bhagwan ke roop mein hain loveful hai to lav ke aadhaar se shreshtha lakeer khinchava lo। jo chaahe, jitne janmon ke liye chaahe, chaahe ashta ratnon mein chaahe 108ki maala mein,baap-daada ki khuli offer hain- aur kya chaahiye!

maalik bano aur adhikaar lo। koi bhi khazaane par taalaachaabi nahin hai। mehnat ki chaabi nahin hai। nahin to phir saare din mein mehnat ko chaabi lagaani padti hai, us samay sirf ek sankalp karo ki jo bhi hoon jaisi bhi hoon, aapki hoon। maaya ki baazi ko paar kar saath mein aakar ke baith jaao। bas। yeh maaya ki baazi sidescene hai। unmein rookna nahin। aa jaao aur baith jaao। sankalp aur buddhi arthaat man aur buddhi baap ke havaale kar do। yeh karna nahin aata?baap ki di hui vastu baap ko dene mein mushkil kyon?kabhi teri kabhi phir meri kehte ho is teri meri ke chakra mein aa jaate ho amritbela hua okh khuli aur second mein jump lagaakar baap ke saath baith jaao। saath ke kaaran jo baap ke khazaane so aapke khazaane anubhav honge। naalez ke aadhaar par nahin lekin praapti ke aadhaar par। adhikaar ke takhta par baithe hue hone ke kaaran adhikaari pan ka anubhav hoga। to baap khuda dosta ke roop mein adhikaar ka takhta offer kar rahe hain। utho aur takhta par baith jaao। thode samay ke adhikaar ke takhta nivaasi hone se bhi jo chaaho woh bana sakte ho। jaise had ke raaja thode samay ki raajaai kya adhikaar mein nahin kar lete hain? ab behad takhtansheen is golden samay par vartamaan samay sahaj hi apni golden ej sthiti bana sakte ho। aur bhavishya golden ej duniya mein shreshtha pad praapta kar sakte ho। samjha,sahaj purooshaartha ka samay aur sahaj saadhan। phir sahaj ko chhod mushkil mein kyon jaate ho? ab sahaj purooshaartha banenge ya mushkil?jab baap sahaj mila to maarga mushkil kaise hoga! sahaj purooshaartha bano। mushkil ka naam-nishaan khatma karo to duniya ki mushkilaaton ko khatma kar sakenge।

aise sada adhikaari, takhtansheen,maaya ki baazi se apne ko sada paas rakhne vaale, sada baap ke raazo ko jaanne vaale, ‘mehnat’shabd ko ‘mohabbat mein parivartan karne vaale, dilshikasta ke badle dil-khush rahne vaale, apne dil-khush se jahaan ko khush karne vaale aise sada baap ke saath rahne vaale sarva shreshtha aatmaon ko baap-daada ka yaad, pyaar aur namaste।

party ke saath

1. mansa seva ka sahaj saadhan atoot nishchay :- jo bhi sada nishchay buddhi hokar vijayi rehte hain, un nishchay buddhiyon dvaara vaayumandal shuddh hota jaata hai। woh mansa seva karte hain kyonki chaaron or ke vyakti nishchay buddhi aatmaon ko dekh samajhte hain ki inko kuchh mila hai। chaahe kitna bhi ghamandi hon,gyaan ko na bhi sunte hon lekin andar mein yeh samajhte zaroor hain ki inka jeevan kuchh bana hai। to jo shuru se atal nishchay buddhi rahe hain। unki yeh seva chalti rehti hai। yeh bhi mansa seva hai।

2. maaya se safe rahne ka saadhan - attention roopi chaukeedaar sujaag rahe :- sabhi sada svadarshan chakradhaari bankar chalte ho?sada apna sva-swaroop,sva-darshan chakradhaari ka yaad rehta hai?jo sada svadarshanchakradhaari hain woh anek prakaar ke maaya ke chakra se sada mukta rehte hain। ek svadarshanchakra anek vyartha chakron ko khatma karne vaala hai, maaya ko bhagaane vaala hai। svadarshan chakradhaari ke aage maaya thahar nahin sakti। svadarshanchakradhaari sada sampanna hone ke kaaran achal rehte ho। aise sada sampanna arthaat maalaamaal rahne vaale ho? maaya khaali karne ki koshish karti hai lekin jo sada khabardaar hai, sujaag hai,jaagti jyoti hai to maaya kuchh nahin kar paati। attention roopi chaukeedaar sujaag hon to sada safe rahenge। to sada jaagti jyot bano iseelie yaadgaar mandiron mein bhi akhanda jyoti jagaate hain। bujhne nahin dete। akhanda jyoti jagaane ka fashion pada kahaan se?sangam par tum sab chetna mein jaagti jyoti bane ho tabhi yeh yaadgaar chala aata hai। agar khandan ho jaati hain to bura maante hain। to chaitanya mein aap sab kya hain? akhanda jyoti, khandit cheez kabhi bhi poojya ho nahin sakti।

saar :-amritbele ke ek second ka anubhav saare din aur raat mein sarva praapti ke swaroop ke anubhav ka aadhaar hai। amritbela ka samay official nahin hai baap bhole bhandaari ke roop mein hai। har prakaar ke paap bakhshaane ke liye, kamzori mitaane ke liye sab baaton ke liye baap free hai।