Avyakt murli for Monday 13 April 1981

>

13-04-81 om shanti avyakt baapdaada madhuban

"roohe-gulaab ki visheshta sada roohaani vatti"

aaj baagvaan apne roohe-gulaab bachchon ko dekh rahe hain। chaaron or ke roohe gulaab bachche baapdaada ke sammukh hain। saakaar mein chaahe kahaan bhi baithe hain ( aaj aadhe bhaai behen neeche murli sun rahe hain) lekin baapdaada unhon ko bhi apne naynon ke saamne hi dekh rahe hain। abhi bhi baapdaada bachchon ke sankalp ko sun rahe hain। sabhi sammukh murli sunne chaahte hain lekin neeche hote hue bhi baapdaada bachchon ko saamne dekh rahe hen। harek roohe-gulaab ki khushbu baapdaada ke paas aa rahi hai। hain to sab nambarvaar lekin is samay sabhi ek baap doosra na koi isi roohaani khushbu mein number one sthiti mein hain। isliye roohaani khushbu vatan tak bhi pahunch rahi hai। roohaani khushbu ki visheshtaaen jaante ho? kis aadhaar par roohaani khushbu sadaakaal ekras aur door door tak phailti hai arthaat prabhaav daalti hai? iska mool aadhaar hai roohaani vritti। sada vritti mein rooh, rooh ko dekh rahe hain, rooh se hi bol rahe hain। rooh hi alag alag apna part baja rahe hain। main rooh hoon, sada supreme rooh ki chhatrachhaaya mein chal raha hoon। main rooh hoon - har sankalp bhi supreme rooh ki shreemat ke bina nahin chal sakta hai। mujh rooh ka karaavanhaar supreme rooh hai। karaavanhaar ke aadhaar par main nimitta karne vaala hoon। main karanhaar woh karaavanhaar hai। woh chala raha,main chal raha hoon। har direction par mujh rooh ke liye sankalp, bol aur karma mein sada hajoor haajir hain। isliye hajoor ke aage sada mujh rooh ki ji hajoor hai। sada rooh aur supreme rooh combined hoon। supreme rooh mujh ke bina rah nahin sakte aur main bhi supreme rooh ke bina alag nahin ho sakta। aise har second hajoor ko haajir anubhav karne vaale sada roohaani khushbu mein avinaashi aur ekras rehte hain। yeh hain number one khushboodaar roohe-gulaab ki visheshta।

aise ki drishti mein bhi sada supreme rooh samaaya hua hoga। woh baap ki drishti mein aur baap unki drishti mein samaaya hua hoga। aise roohegulaab ko deh va deh ki duniya va puraani deh ki duniya ki vastu, vyakti dekhte hue bhi nahin dikhaai denge। deh dvaara bol raha hoon lekin dekhta rooh ko hai, bolta rooh se hai। kyonki unke naynon ki duniya mein sada roohaani duniya hai, pharishton ki duniya hai, devtaaon ki duniya hai। sada roohaani seva mein rehte। din hai va raat hai lekin unke liye sada roohaani seva hai। aise roohe-gulaab ki sada roohaani bhaavna rehti ki sarva roohen jamaare samaan varse ke adhikaari ban jaaen। parvash,aatmaon ko baap dvaara praapta hui shaktiyon ka sahayog de unhon ko bhi anubhav karaaven। kisi ki bhi kamjori aur kami ko nahin dekhenge। apne dhaaran kiye hue gunon ka,shaktiyon ka sahayog dene vaala daata banenge। brahman parivaar ke liye sahayogi, anya aatmaon ke liye mahaadaani। yeh aisa hai, yeh bhaavna nahin। lekin isko bhi baap samaan banaaoon, yeh shubh bhaavna। saath saath yahi shreshtha kaamna। yeh sarva aatmaayen kangaal, duhkhi,ashaanta se sada shant, sukh-roop maalaamaal ban jaaen। sada smriti mein ek hi dhun hogi ki vishwa parivarttan jaldi se jaldi kaise hon - isko kaha jaata hai roohe-gulaab।

aaj mahaaraashtra ka tarna hai। mahaaraashtra vaale sada ek hi maha shabd ko yaad rakhen to sab mahaan arthaat number one ban jaaen। mahaaraashtra vaalon ka kya lakshya hai? mahaan banna। sva ko bhi mahaan banaana hai, vishwa ko bhi mahaan banaana hai। yahi sada smriti mein rehta hai na!

aur karnaatak vaale sada naatak mein hero part bajaane vaale hain। banna bhi hero hai, banaana bhi hero hai। aandhra arthaat andhiyaara mitaane vaale। sab prakaar ka andhera। aandhra mein gareebi ka andhakaar bhi jyaada hai। to gareebi ko mitaae sarva ko sampanna banaana hai। to aandhra vaale vishwa ko sada saahookaar banaane vaale hain। jo na tan ki gareebi, na dhan ki gareebi,na man ke shaktiyon ki gareebi। tan-man-dhan teenon hi gareebi ko mitaane vaale। is andhakaar ko mitaakar sada roshni laane vaale। to aandhra nivaasi ho gaye - master gyaan soorya। madraas arthaat sada raas mein magan rahne vaale। sanskaar milan ki bhi raas, khushi ki bhi raas। aur phir sthool mein bhi raas karne vaale। mad - magan ko bhi kaha jaata hai। to sada isi raas mein magan rahne vaale। samjha sabhi ka occupation kya hai। ab to sabse mile na। milna arthaat lena। to le liya na। aakhir to nayan mulaakaat tak pahunchna hai। baapdaada ke liye neeche va oopar baithe hue sab vi.aai.pi. hain।

teachers ke saath-baapdaada sarva nimitta bane hue sevaadhaariyon ko kis roop mein dekhna chaahte hain, yeh jaante ho? baapdaada sarva sevaadhaari yon ko sada apne samaan, jaise baap karttavya ke kaaran avatrit hote hain vaise har sevaadhaari seva ke prati avatrit hone vaale sab avtaar ban jaaen। ek avtaar drama anusaar srishti par aata to kitna parivarttan kar leta। woh bhi aatmik shakti vaale aur yeh itne parmaatma-shaktisvaroop chaaron or avtaar avatrit ho jaaen to kya ho jaayega? sahaj parivarttan ho jaayega। jaise baap loan leta hai, bandhan mein nahin aata,jab chaahe aaye,jab chaahe chalen jaayen,nirbandhan hai। aiso sab sevaadhaari shareer ke sanskaaron ke, svabhaav ke badhnon se mukta, jab chaahen jaise chaahen vaisa sanskaar apna bana saken। jaise deh ko chalaane chaahen vaise chala saken। jaisa svabhaav banaane chaahe vaisa bana saken। aisa nahin ki mera svabhaav hi aisa hai, kya karoon? mera sanskaar,mera bandhan aisa hai nahin। lekin aise nirbandhan jaise baap nirbandhan hai। kai sochte hain ham to janma-maran ke chakra ke kaaran shareer ke bandhan mein hain, lekin yeh bandhan hai kya?ab to shareer aapka hai hi nahin, phir bandhan aapka kahaan se aaya?jab marjeeva ban gaye to shareer kiska hua? tanman- dhan teenon arpan kiya hai ya sirf do ko arpan kiya,ek ko nahin। jab mera tan hi nahin, mera man hi nahin to bandhan ho sakta hai। yeh bhi kamjori ke bol hain - kya karen janma janma ke sanskaar hain,shareer ka hisaab kitaab hai। lekin ab puraane janma ka puraana khaata sangamayug par samaapta hua। naya shuru kiya। abhi udhar ka puraana register samaapta hua। naya shuru kiya। abhi udhar ka puraana register samaapta ho gaya ya abhi tak sambhaal kar rakha hai? khatma nahin kiya hai kya? to samjha baapdaada kya dekhna chaahte hain?

itne sab avtaar prakat ho jaaen to srishti par halchal mach jaayegi na! avtaar arthaat oopar se aane vaali aatma। mool vatan ki sthiti mein sthit ho oopar se neeche aao। neeche se oopar nahin jaao। hai hi paramdham nivaasi aatma, satopradhaan aatma। apne aadi, anaadi swaroop mein raho। ant ki smriti mein nahin raho anaadi, aadi phir kya ho jaayega? svayan bhi nirbandhan aur jinhon ki seva kenimitta bane ho woh bhi nirbandhan ho jaayenge। nahin to woh bhi koi na koi bandhan mein bandh jaate hain। svayan nirbandhan avatrit hui aatma samajh kar karma karo, to aur bhi aapko follow karenge। jaise saakaar baap ko dekha,kya yaad raha? baap ke saath main bhi karmaateet sthiti mein hoon ya devtaai bachpan roop mein। anaadi,aadi roop sada smriti mein raha to follow father। teachers se poochhne ki jaroorat hi nahin ki santushta ho। teacher se poochhna maana teacher ki insult karna। isliye baapdaada insult to nahin kar sakte। baap samaan nimitta ho। nimitta ka arth hi hai - sada karan-karaavanhaar ke smriti swaroop। yahi smriti samartha smriti hai। karanhaar hoon lekin karan-karaavanhaar ke aadhaar par karanhaar hoon। nimitta hoon lekin nimitta banaane vaale ko bhoolna nahin। main-pan nahin,sada baapdaada hi mukh mein,man mein, karma mein rahe - yahi paath pakka hai na!

party ke saath –

1. amritvele se lekar raat tak jo bhi baap ne shreshtha mat di hai usi mat ke anusaar saari dincharya vyateet karte ho? uthna kaise hai, chalna kaise hai, khaana kaise hai, kaarya vyavhaar kaise karna hai, sabke prati shreshtha mat mili hui hai। usi shreshtha mat ke pramaan har kaarya karte ho?

har karma karte hue apni sthiti shreshtha rahe uske liye kaun sa ek shabd sada smriti mein rakho - trustee। agar karma karte trasteepan ki smriti rahe to sthiti shreshtha ban jaayegi। kyonki trustee bankar chalne se saara hi bojh baap par pad jaata hai,aap sada double light ban jaate। double light hone ke kaaran high jump de sakte ho। agar grihasthi samajhte to dumba lag jaata। saara bojh apne par aa jaata। bojh vaala high jump de nahin sakta। aur hi saans phoolta rahega। trustee samajhne se sthiti sada oonchi rahegi। to sada trustee hokar rahne ki shreshtha mat ko smriti mein rakho।

2. baapdaada dvaara sabhi bachchon ko kaun si number one shreemat mili hui hai? number one shreemat hai ki apne ko aatma samjho aur aatma samajhkar baap ko yaad karo। sirf aatma samajhne se bhi baap ki shakti nahin milegi। yaad na thaharne ka kaaran hi hai ki aatma samajhkar yaad nahin karte ho। aatma ke bajaae apne ko saadhaaran shareerdhaari samajhkar yaad karte ho। isliye yaad tikti nahin। vaise bhi koi do cheejon ko jab joda jaata hai to pahle samaan banaate hain। aise hi aatma samajhkar yaad karo to yaad sahaj ho jaayegi,kyonki samaan ho gaye na! yeh pahli shreemat hi practical mein sada laate raho। yahi mukhya foundation hai। agar foundation kachcha hoga to aage chadhti kala nahin ho sakti। abhi abhi chadhti kala,abhi abhi neechen aa jaayenge। makaan ka bhi foundation agar pakka na ho to daraar pad jaati hai ya gir jaata hai। aise hi agar yeh foundation majboot nahin to maaya neeche gira degi। isliye foundation sada pakka। sahaj baat ke oopar bhi baar-baar attention। agar attention nahin dete to sahaj baat bhi mushkil ho jaati।

3. sada yeh nasha rehta hai ki ham hi kalpa-kalpa ke adhikaari aatmaayen hain ham hi the ham hi hain, ham hi kalpa kalpa honge। kalpa pahle ka najaara aise hi spashta smriti mein aata hai? aaj brahman hain,kal devta banenge। ham hi devta the yeh nasha rehta hai?ham so, so ham yeh mantra sada yaad rehta hai? isi ek nashe mein raho to sada jaise nashe mein sab baaten bhool jaati hain,sansaar hi bhool jaata hai,aise is mein rahne se yeh puraani duniya sahaj hi bhool jaayegi। aisi apni avastha anubhav karte ho? to sada check karo - aaj brahman kal devta, yeh kitna samay nasha raha। jab vyavhaar mein jaate to bhi yeh nasha kaayam rehta ki halka ho jaata hai? jo jaisa hota hai usko woh yaad rehta hai। jaise president hai woh koi bhi kaam karte yeh nahin bhoolta ki main president hoon। to aap bhi sada apni position yaad rakho। isse sada khushi rahegi, nasha rahega। sada khumaari chadhi rahe। ham hi devta banenge,abhi bhi brahman choti hain, brahman to devtaaon se bhi oonch hai। is nashe ko maaya kitna bhi todne ki koshish kare lekin tod na sake। maaya aati tabhi hai jab akela kar deti hai। baap se kinaara kara deti hai। daaku bhi akela karke phir vaar karte hain na। isliye sada combined raho kabhi bhi akele nahin hona। main aur mera baba - isi smriti mein combined raho।

4. sabhi apne ko mahaan bhaagyashaali samajhte ho na?dekho kitna bada bhaagya hai jo vardaan bhoomi par vardaanon se jholi bharne ke liye pahunch gaye ho। aisa bhaagya vishwa mein kitni aatmaon ka hai? koton mein koi aur koi mein bhi koi! to yeh khushi sada rakho ki jo sunte the, varnan karte the, koton mein koi, koi mein bhi koi aatma, woh ham hi hai। itni khushi hai?sada isi khushi mein naachte raho -vaah mera bhaagya! yahi geet gaate raho aur isi geet ke saath khushi mein naachte raho। yeh geet gaana to aata hai na - vaah re mera bhaagya aur vaah mera baba! vaah drama vaah! yeh geet gaate raho। bahut lucky ho। baap to sada har bachche ko lovely bachcha hi kehte hain। to lovely bhi ho,luckiest bhi ho। kabhi apne ko saadhaaran nahin samajhna,bahut shreshtha ho। bhagwan aapka ban gaya to aur kya chaahiye! jab beej ko apna bana diya to vriksha to aa hi gaya na! to sada isi khushi mein raho। aapki khushi ko dekh doosre bhi khushi mein naachte rahenge।