Avyakt murli for Wednesday 15 April 1981

>

15-04-81om shanti avyakt baapdaada madhuban

"number one takdeervaan ki visheshtaaen"

aaj bhaagya vidhaata baap apni shreshtha bhaagyashaali aatmaon ko dekh rahe hain। harek ne apne-apne tadbeer dvaara kaise takdeer ki lakeer kheenchi hai। nambarvaar purooshaartha anusaar koi ne number one takdeer banaai hai, koi ne second number mein banaai hai। pahle number ki takdeer jismen sarva praapti swaroop hain,chaahe sarvagunon mein, chaahe gyaan khazaane mein, chaahe sarva shaktiyon mein,sada praaptiyon ke jhoole mein jhoolte hain। abhi se apraapta koi nahin vastu aise takdeervaan ke jeevan mein। har second,har shvaans,har sankalp akhut khazaane praapta karne vaale। aisi aatma ko jeevan ke har kadam mein chadhti kala ki anubhooti hoti hai। chaaron or anek prakaar ke khazaane hi khazaane dikhaai dete। har aatma apne ati snehi,anaadi smabandha ke swaroop se apni lagti hai। har aatma ek baap ki santaan hone ke kaaran bhaai-bhaai lagti hai। har aatma ke prati yahi shubhbhaavna,shubh kaamna emerge roop mein rehti hai ki yeh sarva aatmaayen sada sukhi aur shant ho jaayen। behad ka parivaar aur behad ka sneh hota। had mein duhkh hota hai,behad mein duhkh nahin hota। kyonki behad mein aane se behad ka sambandh, behad ka gyaan, behad ki vritti, behad ka roohaani sneh duhkh ko samaapta kar sukh swaroop bana dete hain। roohaani knowledge ke kaaran,har aatma ki karma kahaani ke part ke sanskaaron ki light aur might hone ke kaaran jo bhi dekhenge,sunenge,samparka mein,sambandh mein aayenge,har karma mein ati nyaare aur ati pyaare honge। nyaare aur pyaare banne ki samaanta hogi। kis samay pyaara banna hai, kis samay nyaara banna hai - yeh part bajaane ki visheshta aatma ko sada sukhi aur shant bana deti hai। roohaani sambandh hone ke kaaran,buddhi sada ekaagra rehti hai। halchal mein nahin aate hain। abhi duhkhi, abhi sukhi yeh halchal samaapta ho jaati hai। saath-saath ekaagrata ke kaaran nirnay shakti, samaane ki shakti, saamna karne ki shakti,sarva shaktiyaan har aatma ke part aur apne part ko achhi tarah se jaankar part mein aate hain। isliye achal aur saakshi rehte hain। aisi takdeervaan aatma har sankalp aur karma ko, har baat ko trikaaldarshi ki sthiti mein sthit ho dekhti hai। isliye question mark samaapta ho jaata। yeh kyon, yeh kya - yeh question mark hai। sada full stop। sabhi ko teen bindi ka tilak laga hua hai na? usmein aashcharya nahin lagta। naathing new। kya hua - nahin। kya karna hai - yeh hai number one takdeervaan।

aap sab number one takdeervaan ki list mein ho na! sabko first class pasanda hai na? sab aaye hi hain baap se poora varsa lene ke liye। chandravanshi banne ke liye taiyaar ho? sooryavanshi arthaat first class ho gaya। sada apni shreshtha takdeer ko smriti mein rakh samartha swaroop mein raho। aise hi anubhav karte ho na! jo baap ke gun woh jamaare gun। sada apna anaadi asli swaroop smriti mein rehta hai na! maaya ke nakli swaroop ke svaang to nahin ban jaate ho? jaise drama karte ho to nakli face laga dete ho na! jaisa gun jaisa karttavya vaisa hi face laga dete hain। to nakli swaroop par hansi aati hai na। aise maaya bhi nakli gun aur karttavya ka swaroop bana deti hai। kisko krodhi, kisko lobhi bana deti hai। kisko duhkhi, kisko ashaanta। lekin asli swaroop in baaton se pare hai। to sada usi swaroop mein sthit raho। achha - jaise bhakti mein last tubbi hoti hai na। uska bhi mahatva hota hai। to yahaan bhi sabhi saagar mein tubbi (dubki) lagaane aaye hain va samaane ke liye aaye hain। sab reeti rasam abhi se shuru kar rahe hain। sangam hai hi milan yug,aaj behad ka din hai।

harek zone ki apni-apni mahima hai। gujraat arthaat jahaan raat gujar gai (arthaat beet gai) sada din hai। sada roshni hi roshni hai। andhakaar mit gaya। yu0 pi0 ki visheshta vahaan cheeni bahut banti hai। yu0 pi0mein sada chaaron or sthool aur sookshm meetha hi meetha hai।

raajasthaan to hai hi vishwa ke naye raajya ka foundation daalne vaala। raajasthaan mein hi mahaan teertha hai। raajasthaan ki visheshta hai kyonki raajasthaan hi baapdaada ki karma bhoomi, charitrabhoomi hai। raajasthaan ki mahima sada sarvashreshtha hai।

panjaab vaale sada akaal takhtansheen hain। panjaab vaalon ko akaaltakhta kab bhoolta nahin।sada akaalmoortta baap ke saath akaal swaroop rehte hain। dilli hai dilaaraam ki dil lene vaali। naam bhi dilli hai - dil li। to baapdaada ki dil kya hai? vishwa par sada ke liye sukh aur shanti ka jhanda lahar jaae। sada chain ki bansuri bajti rahe। to dehli vaalon ne is lakshya ko lekar maha- yagya ka maha karttavya bhi kiya। sada sarva ke sahayog ki anguli se ki ham sab ek hain - yahi naara vishwa ko bulanda aavaaj se sunaaya। dehli mein sabhi ka hak hai। kyonki sab raajya-adhikaari ban rahe ho na! to seva ke naye-naye kaarya mein dil lene vaale।

baambe ko government bhi jaise sundar bana rahi hai, vistaar kar rahi hai, aise hi paandavon ki seva mein bhi seva ka vistaar achha hua,sah- yogi aur adhikaari donon hi prakaar ki aatmaayen seva ke vistaar ke liye achhi nimitta bani hui hain। vardaan mila hua hai na!

madhya pradesh mein ek niraakaar baap ki yaadgaar achhi hai। aise hi brahman aatmaon mein bhi ek baap se lagan lagaane vaale, ek number mein aane vaale is lagan mein rahne vaalon ki achhi race chal rahi hai। vidhi bhi hai aur vriddhi bhi hai। abhi to sab ki visheshtaayen suni na। sabhi ki ikatthi tubbi ho gai na।! gyaan saagar aur nadiyon ka milan ho gaya। milna arthaat lena। khazaana le liya na! shreshtha takdeer ki lakeer kheench gai na!

baapdaada ka sada ek salogan yaad rakhna ki ‘‘sada khush rehna hai aur sarva ko sadaakhush karna hai। chaaron or ab khushi ke baaje bajaao। kyonki ho hi khushansheeb aatmaayen।''

aise shreshtha takdeervaan, sada sarva khushiyon ke khazaane se sampanna sarva ko sukh ka raasta bataane vaale, master sukh daata, sada sarva ke sankat mochan,vighna vinaashak - aisi shreshtha aatmaon ko baapdaada ka yaadapyaar aur namaste।

deedi ji ke saath :-mahaaveeron ki shreshtha seva ka swaroop kaun sa hai? jaise aur sab shaktiyaan chitra mein bhi dikhaai hui hain। in sab shaktiyon mein vishesh shakti seva ke arth kaun-si hai? sabhi vaani dvaara,bhinna-bhinna saadhnon dvaara, plans programme dvaara to seva kar rahe hain। aap logon ki vishesh seva,kaun-si hai?jaise isi puraani srishti aur history mein hai - pahle jamaane mein panchhiyon dvaara sandesh bhejte the। jo sandesh dekar phir vaapis aa jaate the। aapki seva kaun-si hai। woh pakshiyon dvaara sandesh bhejte the aap sankalp shakti dvaara kisi bhi aatma ke prati seva kar sakte ho। sankalp ka button dabaaya auravhaan sandesh pahuncha। jaise antah vaahak shareer dvaara sahayog de sakte hain vaise sankalp ki shakti dvaara anek aatmaon ki samasya ka hal kar sakte hain। apne shreshtha sankalp ke aadhaar se unhon ke vyartha va kamjor sankalp parivarttan kar sakte ho। yeh vishesh seva samay pramaan badhti rahegi। samasyaayen aisi aayengi jo sthool saadhan samaapta ho jaayenge। phir kya karna pade?itna hi svayan ke sankalpon ko powerful banaana hai jo uska prabhaav door tak pahunch sake। jitni power hogi utna door tak pahunch sakenge। jaise roshni mein bhi jitni power jyaada hoti hai to door tak phailti hai। to sankalp mein bhi itni shakti aa jaayegi jo aap ne yahaan sankalp kiya aur vahaan phal mila। jaise baap bhakti ka phal dete hain vaise aap shreshtha aatmaayen parivaar mein sahayog ka phal dengi aur us phal ka bhinna-bhinna anubhav karenge,yeh bhi seva aarambha ho jaayegi।

naye-naye ko dekhkar, parivaar ki vriddhi dekhkar, seva ki siddhi dekh khushi hoti hai na! yeh bhi apni raajdhaani bana rahe ho। raaj- dhaani mein to sab prakaar ki aatmaayen chaahiye। samparka vaali bhi chaahiye। sevaadhaari bhi chaahiye, sambandhi chaahiye aur adhikaari bhi chaahiye। ab to aavaaj bulanda ho raha hai। abhi ajun sab yahaan vahaan dekhkar koshish kar rahe hain ki yeh kahaan ka aavaaj hai। sunaai deta hai lekin abhi clear sunaai nahin deta hai। kahaan se aavaaj aa raha hai,kis taraph jaana hai woh nahin samajhte। clear hoga jab vaani ke saath-saath shreshtha sankalp ki shakti unhon tak pahunche। tab aavaaj clear hoga। abhi attention jaana shuru hua hai।

har season ka apna-apna raunak ka part hai। baapdaada ke liye to sab sikeeldhe hain, sab kaarya sahaj, svatah hi vriddhi ko paate rahenge। kitne bade parivaar vaale ho!

satayug ke aadi ki sankhya apni okhon se dekhenge va nahin। va svapna mein dekhenge, va samaachaar patron mein sunenge - kya hoga? abhi to ek hajaar ko bhi rakh nahin sakte ho,phir kahaan rakhenge? sab brahman parivaar hai। jis din sab madhuban bhoomi par ikatthe ho jaayenge phi rato halchal shuru ho jaayegi। sangathan ka chitra to dikhaaya hai na! ki sabhi ne anguli di। sookshm mein to dete hi ho lekin itna bada parivaar hai, parivaar ko dekhna to chaahiye na! iska plan banaaya hai। satayug mein to sirf aapki praja hogi,yahaan to aapke bhakta bhi aayenge। double vanshaavli hogi। jab bhakton ko pata padega ki jamaare ishta ikatthe ho gaye hain to kya karenge? woh bhi poochhenge nahin। pahunch jaayenge। jaise abhi bhi kai pahunch jaate hain na! bhakta to hote hi chaatrak hain।

baapdaada shaktiyon ka naam baala dekhkar harshit ho rahe hain। sarvashaktivaan gupta hai aur shaktiyaan pratyaksha roop mein hain। to shiv, shaktiyon ko dekh harshit hote hain। baapdaada vatan se bhi dekhte rehte hain, kitni queue lagti hai,yeh bhi dekhte rehte hain । harek chaitanya moortiyon ke mandir ke baahar queue to shuru ho gai hai na!

bachchon ki seva dekh baapdaada bhi harshit hote hain। baap se bhi laakh guna jyaada pratyaksha roop mein seva ke maidaan mein aa gaye hain aur bhi aayenge।

party ke saath - (yu.pi. zone) sada apne ko vishvi ke aage ek yathaartha raasta dikhaane vaale roohaani pande samajhte ho? pandon ka naam kya hai? yu.pi. mein pande bahut hote hain na! woh pande kya karte aur aap kya karte?woh kaun-si yaatra karaate aur aap kaun-si yaatra karaate ho? aap aisi yaatra karaate jo janma-janma ke liye yaatra karne se chhoot jaayenge, aur woh baar-baar yaatra karte rahenge। to sada ke liye mukti aur jeevanmukti ki manzil par pahunchaane vaale pande ho। aadhe par chhodne vaale,bhatkaane vaale nahin ho। manzil par pahunchaane vaale ho। jaise baap ka kaarya hai, baap ne raasta dikhaaya na! vaise bachchon ka bhi vahi kaarya। raasta bhi woh dikha sakte jo svayan jaante ho। raasta kya hai? gyaan aur yog, isi raaste dvaara hi mukti aur jeevanmukti ki manzil par pahunch rahe ho। raaste ke beech jo sidescene aati hain usmein rook to nahin jaate ho? kyonki maaya sidescene ke roop mein rokne ki koshish karti hai, koi-na-koi paristhiti va baat aise aayegi jo rokne ki koshish karegi lekin pakke yaatri rookte nahin,manzil par pahunchaane vaale ho na। agar itne sab pande taiyaar ho jaayenge to anek aatmaon ko raasta dikha denge,vishwa ki kitni aatmaayen hain,sabko raasta dikhaana hai na!

alag-alag group se –

1. sabhi sada saakshi sthiti mein sthit ho har part bajaate ho? saaksheepan ki stage kaayam rehti hai? kabhi saakshi ke bajaae part bajaatebjaate part mein saaksheepan ki stage ko bhool to nahin jaate?jo saakshi hoga woh kabhi bhi kisi part mein chalaaymaan nahin hoga। nyaara hoga,pyaara bhi hoga। achhe mein achha, bure mein bura aise nahin hoga। saakshi arthaat sada har kaarya karte hue kalyaan ki vritti mein rahne vaale। jo kuchh ho raha hai usmein kalyaan bhara hua hai। agar koi maaya ka vighna bhi aata to usse bhi laabh uthaakar, shiksha lekar aage badhegen, rookenge nahin। aise ho?seat par baithkar khel dekhte ho। saaksheepan hai seat। is seat par baithkar drama dekho to bahut maja aayega। sada apne ko saakshi ki seat par set rakho,phir vaah drama vaah! yahi geet gaate rahenge।

2. sabhi teevra purooshaarthi ho na? naye so kalpa-kalpa ke puraane, puraane samajhne se apna adhikaar le lenge। aise samajhte ho ki ham kalpa-kalpa ke adhikaari hain। last aate bhi fast jaana hai, uske liye sahaj saadhan hai- nirantar yaad। yaad mein antar nahin aana chaahiye। sada karmayogi। karma bhi karo aur yaad mein bhi raho। jo sada karmayogi ki stage par rehte hain woh sahaj hi karmaateet ho sakte hain। jab chaahen karma mein aayen aur jab chaahen nyaare।

3. sada seva ke umang utsaah mein rehte hue vishwa-kalyaan ki vritti mein rehte ho? sadaavishva-kalyaankaari hoon aur sarva ka kalyaan karna hai, yahi vritti rehti hai? sada yahi vritti rahe - isi vritti dvaara vishwa ka kalyaan kar sakte ho। chaahe vaani dvaara,chaahe vritti dvaara lekin sada kalyaankaari ki smriti mein raho। jitna yeh vritti rahegi utna hi aage badhte jaayenge। seva jitni koi karta hai utna auron ko khushi ka return aur svayan mein bhi khushi ki praapti ka anubhav hota hai। auron ki seva nahin hai lekin praapti mein vriddhi hai। aise anubhav karte ho?sada chadhti kala ki or jaane vaale rookne ka samay abhi nahin hai । agar rookte rahenge to manzil par kaise pahunchenge?har ghadi, har second mein chadhti kala। attention ko underline karna to sada chadhti kala hoti rahegi।

4. jitna yaad mein rahenge utna kisi bhi prakaar ki halchan ko achal bana sakte hain। naathing new - yeh paath sada pakka rahe to halchal ho hi nahin sakti। sidescene ko dekhkar rookenge nahin, aage badhte jaayenge। aise bahaadur ho na! himmate bachche madde baap। jo bhi kuchh hota hai। sidescene hai। sidescene ke kaaran manzil ko nahin chhoda jaata। chalte chalo, paar karte chalo to manzil sada sameep anubhav karenge। aaj yahaan hain kal apne raajya mein honge। vaataavran ko powerful banaane vaale bano,hilne vaale nahin। yaad ke powerful programme rakho। vaacha service se bhi jyaada yaad ke programme rakhne chaahiye। vaani mein bhi aane se kahaan-kahaan neeche aa jaate hain isaalie kuchh samay yaad ka kila majboot banaakar phir seva ke maidaan par aao। jo baat aati hai woh chali bhi jaati hai,jaise baat aati hai aur chali jaati hai to aap samjho - yeh sidescene aai aur chali gai। varnan bhi nahin karo,socho bhi nahin, isko kaha jaata hai - full stop।

5. sada apne ko roohaani sevaadhaari samajhte ho? uthte-baithte chalte phirte sevaadhaari ko sada seva ka hi khyaal rehta aur yeh seva aisi sahaj hai jo mansa, vaacha aur karmana kisi se bhi kar sakte ho। agar koi beemaar bhi hai, bistar par bhi hai to bhi seva kar sakte hain। agar shareer theek nahin bhi hai to buddhi to theek hai na! mansa seva buddhi dvaara hi hoti hai। aise sada seva ka umang utsaah va seva ki lagan rehti hai? kyonki jitni seva karenge utna yeh prakriti bhi aapki janma-janma seva karti rahegi। prakriti daasi ban jaayegi। abhi prakriti duhkh ka kaaran ban jaati hai phir yahi prakriti sevaadhaari ban jaayegi। seva karna arthaat meva lena। yeh seva karna nahin hai lekin sarva praapti karna hai। abhi-abhi seva ki, abhi-abhi khushiyon ka bhandaara bharpoor hua। ek aatma ki bhi seva karenge to kitna din uski khushi ka prabhaav rehta hai kyoki woh aatma janma-janma ke liye duhkh se chhoot gai। janma-janma ka bhavishya banaaya to aapko bhi uski khushi hogi। aise sabhi ke anek janma sudhaarne vaale,master bhaagya vidhaata ho। kyoki unka bhaagya badalne ke nimitta ban jaate ho na! girti kala ke badle chadhti kala ka bhaagya ho jaata। seva karna arthaat khushi ka meva khaana,yeh taaja phal hai। doctor bhi kamjor ko kehte hain - taaja phal khaao। yahaan taaja phal khaao to aatma shaktishaali ban jaayegi। sada seva ki himmat rakhne vaale, vishwa parivarttan karne ki himmat rakhne vaale, apne ko first laane ki himmat rakhne vaale, aise sada himmat rakh auron ko bhi nirbal se balvaan banaao। baapdaada himmat rakhne vaale bachchon ko sada mubaarak dete hain।

6. sada gyaan saagar ki bhinna-bhinna lahron mein lahraate rehte ho? shuru se lekar ab tak baap dvaara gyaan ki kitni points mili hain, usi points ko manan kar sada harshit raho। jaise gyaan saagar baap gyaan mein sampanna hain vaise bachche bhi gyaan mein sampanna ban gyaan ki har point ke nashe aur khushi mein raho। akhut points mili hain। ek bhi point roj buddhi mein rakho aur usi ke anubhav mein sada raho to gyaan swaroop ban jaayenge। kitna shreshtha gyaan aur kisne diya hai! yahi sada smriti mein rahe। bhakta aatmaayen jiske liye tadap rahi hain, pyaasi hain, usse aap tripta ho gaye। bhakti ki pyaas bujh gai hai na! to sada yahi geet gaate raho - paana tha so pa liya…

om shanti।