Avyakt murli for Friday 13 November 1981

>

13-11-81 om shanti avyakt baapdaada madhuban

"parakhne aur nirnay shakti ka aadhaar- silence ki shakti"

shanti ke saagar shiv baba apne shanti moortta bachchon prati bole:-

aaj nirvaan arthaat vaani se pare shant swaroop sthiti ka anubhav kara rahe hain। aap aatmaon ka svadharma aur sukarma, sva-swaroop,svadesh hai hi - shant। sangamayug ki vishesh shakti bhi silence ki shakti hai। aap sabhi sangamayugi aatmaon ka lakshya bhi yahi hai ki ab sweet silence hom mein jaana hai। isi anaadi lakshan-shant swaroop rehna aur sarva ko shanti dena- isi shakti ki vishwa mein aavashyakta hai। sarva samasyaaon ka hal isi silence ki shakti se hota hai। kyon? silence arthaat shant swaroop aatma ekaantavaasi hone ke kaaran sada ekaagra rehti hai aur ekaagrata ke kaaran vishesh do shaktiyaan sada praapta hoti hain। ek- parakhne ki shakti। doosri- nirnay karne ki shakti। yahi vishesh do shaktiyaan vyavhaar va parmaartha donon ki sarva samasyaaon ka sahaj saadhan hai।

parmaartha maarga mein vighna- vinaashak banne ka saadhan hai- maaya ko parakhna। aur parakhne ke baad nirnay karna। na parakhne ke kaaran hi bhinna-bhinna maaya ke roopon ko door se bhaga nahin sakte hain। parmaartha bachchon ke saamne maaya bhi royal eeshvareey roop rach karke aati hai। jisko parakhne ke liye ekaagrata ki shakti chaahiye। aur ekaagrata ki shakti silence ki shakti se hi praapta hoti hai।

vartamaan samay brahman aatmaon mein teevragti ka parivartan kam hai। kyonki maaya ke royal eeshvareey rolda gold ko real gold samajh lete hain। jis kaaran vartamaan na parakhne ke kaaran bol kya bolte hain- mainne jo kiya va kaha, woh theek bola। main kismen wrong hoon! aise hi to chalna padega! wrong hote bhi apne ko wrong nahin samjhengen। kaaran? parakhne ki shakti ki kami। maaya ke royal roop ko real samajh lete। parakhne ki shakti na hone ke kaaran yathaartha nirnay bhi nahin kar sakte। sva-parivartan karna hai va paraprivarta na hona hai, yeh nirnay nahin kar sakte। isliye parivartan ki gati teevra chaahiye। samay teevragti se aage badh raha hai। lekin samay pramaan parivartan hona aur sva ke shreshtha sankalp se parivartan hona- ismen praapti ki anubhooti mein raat-din ka antar hai। jaise aajkal ki savaari kaar chalaate ho na! ek hai self start hona aur doosra hai dhakke se start hona। to donon mein antar hai na! to samay ke dhakke se parivartan hona yeh hai purooshaartha ki gaadi dhakke se chalaana। savaari mein chalna nahin hua, savaari ko chalaana hua। samay ke aadhaar par parivartan hona arthaat sirf thoda-sa hissa praapti ka praapta karna। jaise ek hote hain maalik, doosre hote hain thode se sheyarsa lene vaale। kahaan maalikpan,adhikaari aur kahaan anchali lene vaale। iska kaaran kya hua? silence ke shakti ki anubhooti nahin hai jiske dvaara parakhne aur nirnay karne ki shakti praapta hone ke kaaran parivartan teevragti se hota hai। samjha- silence ki shakti kitni mahaan hai! silence ki shakti krodh-agni ko sheetal kar deti hai। silence ki shakti vyartha sankalpon ki halchal ko samaapta kar sakti hai। silence ki shakti hi kaise bhi puraane sanskaar hon,aise puraane sanskaar samaapta kar deti hai। silence ki shakti anek prakaar ke maansik rog sahaj samaapta kar sakti hai। saailennsa ki shakti, shanti ke saagar baap se anek aatmaon ka milan kara sakti hai। silence ki shakti anek janmon se bhatakti hui aatmaon ko thikaane ki anubhooti kara sakti hai। mahaan aatma, dharmaatma sab bana deti hai। silence ki shakti second mein teenon lokon ki sair kara sakti hai। samjha kitni mahaan hai?silence ki shakti- kam mehnat, kam kharcha baalaansheen kara sakti hai। silence ki shakti- samay ke khazaane mein bhi economy kara deti hai arthaat kam samay mein jyaada saphalta pa sakte ho। silence ki shakti haahaakaar se jayjaykaar kara sakti hai। silence ki shakti sada aapke gale mein saphalta ki maalaayen pahnaayengi। jayjaykaar bhi ho gai, maalaayen bhi pad gai, baaki kya raha? sab kuchh ho gaya na! to suna aap kitne mahaan ho?mahaan shakti ko kaarya mein kam lagaate ho।

vaani se teer chalaana aa gaya hai, ab ‘‘shanti'' ka teer chalaao। jisse ret mein bhi hariyaali kar sakte ho। kitna bhi kada sa pahaad ho lekin paani nikaal sakte ho। vartamaan samay ‘‘shanti ki shakti'' practical mein laao। madhuban ki dharni bhi kyon aakarshan karti hai? shanti ki anubhooti hoti hain na! aise hi chaaron aur ke sevaakendra aur pravritti ke sthaan- ‘‘shanti kunda'' banaao। to chaaron or shanti ki kirnen vishwa ki aatmaon ko shanti ki anubhooti ki taraph aakarshit karengi। chumbak ban jaayenge। aisa samay aayega jo aapke sarva sthaan shanti praapti ke chumbak ban jaayenge, aapko nahin jaana padega woh svayan aayenge। lekin tab, jab sarva mein shanti ki mahaan shakti nirantar sankalp bol aur karma mein ho jaayegi। tab hi master shaantideva ban jaayenge। to abhi samjha kya karna hai?achha!

(aaj subah madhuban mein karnaatak zone ke ek bhaai ne achaanak heart fail hone se shareer chhod diya jiska antim sanskaar aabu mein hi kiya gaya)

aaj kya paath padha? karnaatak ke group ne kya paath pakka karaaya?sada ever ready rahne ka paath pakka kiya?sada deh, deh ke sambandh,padaartha, sanskaar sab ka peti bistara sada hi banda ho। chitron mein bhi sametne ki shakti ko kya dikhaate ho? peti bistar paik,yahi dikhaate ho na! sankalp bhi na aaye yeh karna tha, yeh banna tha, abhi kuchh rah gaya hai?second mein taiyaar? samay ka bulaava hua aur ever ready। to yeh paath pakka kiya na?yeh bhi aatma ke bhaagya ki lakeer kheench gai। vaise to sanskaar ke samay ek pandit ko ya brahman ko bulaate hain aur woh bhi naamdhaari aur yahaan kitne braahmanon ka haath laga?mahaan teerthasthaan aur sarvashreshtha brahman। ‘‘smriti bhav''ka sahayog,kitna shreshtha bhaagya ho gaya! taae sada ever ready rahne ka vishesh paath sabhi ne padh liya। (uski yugal ko dekhte hue baba bole) kya paath padha? apna saphalta swaroop dikhaaya। bahaadur ho। shakti roop ka pratyaksha swaroop dikhaaya। achha

sada apne sva-swaroop, svadharma,shreshtha karma, svadesh ki smriti swaroop, shant moorti, sada shanti ki shakti dvaara sarva ko shant swaroop banaane vaale, shanti ke saagar ki,shanti ki lahron mein sada lahraate hue anenkon prati dharmaatma,mahaan aatma,banne vaale,aise shanti ke shakti swaroop shreshtha punya aatma banne vaale, aatmaon ko baapdaada ka yaadapyaar aur namaste।''

party se:-

1. mahaaveer bachchon ka vaahan hai shreshtha sthiti aur alankaar hain sarvashaktiyaan:- sabhi apne ko mahaaveer samajhte ho na? mahaaveer arthaat sada shastradhaari। shaktiyon ko va paandavon ko sada vaahan mein dikhaate hain aur shastra bhi dikhaate hain। shastra arthaat alankaar। to vaahandhaari bhi aur alankaardhaari bhi। vaahan hai shreshtha sthiti aur alankaar hain sarvashaktiyaan। aise vaahandhaari aur alankaardhaari hi saakshaatkaarmoortta ban sakte hain। to saakshaat ban sab ko baap ka saakshaatkaar karaana yeh hai mahaaveer bachchon ka karttavya।

mahaaveer arthaat sada udne vaale। to sabhi udne vaale arthaat udti kala vaale ho na! ab chadhti kala bhi samaapta ho gai, jump bhi samaapta ho gaya, ab to udna hai। uda aur pahuncha। udti kala mein jaane se aur sab baaten neeche rah jaayengi। neeche ki cheejon ko, paristhitiyon ko, vyaktiyon ko paar karne ki jaroorat hi nahin, udte jaaon to nadi naale, pahaad,vriksha sab paar karte jaayenge। bada pahaad bhi ek gend ho jaayega। udti kala vaale ke liye paristhitiyaan bhi ek khilauna hain। oopar jaao to itne bade-bade desh gaanv sab kya lagte hain?khilaune lagte hain na,model lagte hain। to yahaan bhi udti kala vaale ke liye koi bhi paristhiti va vighna khel va khilauna hai, cheenti samaan hai। cheeteen bhi mari hui, jinda nahin, jinda cheenti bhi kabhi-kabhi mahaaveer ko gira deti hai। to cheenti bhi mari hui। pahaad bhi raai nahin, rooi samaan। mahaaveer ho na! achha

murli ka saar

parmaartha maarga mein vighna-vinaashak banne ka saadhan hai- maaya ko parakhna aur parakhne ke baad nirnay karna। parakhne ke liye ekaagrata ki shakti chaahiye aur ekaagrata ki shakti silence ki shakti se praapta hoti hai। silence ki shakti dvaara parakhne aur nirnay ki shakti praapta hone ke kaaran parivartan teevra gati se hota hai। silence ki shakti mahaan hai। silence ki shakti krodhaagni ko sheetal kar deti hai, vyartha sankalpon ki halchal ko samaapta kar deti hai, puraane sanskaar samaapta kar deti hai, tadapti hui aatmaon ko jeeydaan de sakti hai, shanti ke saagar baap se milan karaati hai, bhatakti hui aatmaon ko thikaane ka anubhav kara sakti hai… silence ki shakti mahaan punya-aatma banaati hai, atah is shakti ko kaarya mein lagaate raho।