Avyakt murli for Saturday 2 January 1982

> 02-01-82 om shanti avyakt baapdaada madhuban

"vishwa parivartan ki jimmevaari sangamayugi braahmanon par"

sada jaagti jyoti shivbaaba apne chaitanya deepkon ke prati bole:-

‘‘baapdaada apne brahman kul deepkon se milne ke liye aaye hain। chaitanya deepkon ki maala ko dekh rahe hain। har ek deepak vishwa ko roshan karne vaale chaitanya deepak hain। sarva deepkon ka sambandh ek jaagti-jyoti se hai। har deepak ki roshni se vishwa ka andhakaar mitta hua, roshni ki jhalak aa rahi hai। har deepak ki kirnen phailti hui vishwa ke oopar prakaash ki chhatrachhaaya bani hui hai। aisa sundar drishya baapdaada deepkon ka dekh rahe hain। aap sabhi bhi sarva deepkon ki mili hui roshni ki chhatrachhaaya dekh rahe ho? light might swaroop anubhav kar rahe ho?sva-swaroop mein bhi sthit aur saath-saath vishwa ki seva bhi kar rahe ho। svasva roop aur seva swaroop donon saath-saath anubhav kar rahe ho? isi swaroop mein sthit raho। kitna shaktishaali swaroop hai। vishwa ki aatmaayen aap jagte hue deepkon ki taraph kitna sneh se dekh rahi hain। anubhav karte raho - ki jaraasi roshni ke liye bhi kitni aatmaayen andhakaar mein bhatakti hui roshni ke liye tadap rahi hain? vo tadapti hui aatmaayen nazar aati hain? agar aap deepkon ki roshni timtimaati rahegi, abhi-abhi jagi, abhi-abhi bujhi to bhatki hui aatmaon ka kya haal hoga? jaise yahaan bhi andhakaar ho jaata hai to sabki ichchha hoti hai abhi roshni ho। bujhti-jagti hui light pasanda nahin karenge। aise aap har jage hue deepak ke oopar vishwa ke andhakaar mitaane ki jimmevaari hai। itni badi jimmevaari anubhav karte ho?

drama ke rahasya anusaar aaj brahman jage to sab jage। brahman jage to din, roshni ho jaati hai। aur braahmanon ki jyoti bujhi to vishwa mein andhakaar, raat ho jaati hai। to din se raat,raat se din banaane vaale aap chaitanya deepak ho। itni jimmevaari har ek par hai। to baapdaada har ek ke jimmevaari samajhne ka chart dekh rahe hain ki har ek apne ko kitna jimmevaar samajhte hain? vishwa parivartan ki jimmevaari ka taaj dhaaran kiya hai va nahin? ismen bhi nambarvaar taajdhaari baithe hue hain। apna taaj dekh rahe ho? sada pahante ho va kabhi-kabhi pahante ho? albele to nahin bante?aisa to nahin samajhte ki jimmevaari badon ki hai। vishwa ka taaj badon ko denge ya aap lenge?jaise vishwa ke raajya adhikaari sabhi apne ko samajhte ho, agar koi aapko kahe aap praja hi ban jaana to aap pasanda karenge?sab vishwa ka mahaaraajan banne aaye ho na? va praja banna bhi pasanda hai? kya banenge? praja banne ke liye taiyaar hai koi?sabhi haath uthaate ho lakshmi-naaraayan banne ke liye,to jab woh raajya ka taaj pahanna hai to us taaj ka aadhaar seva ki jimmevaari ke taaj par hai। to kya karna padega?abhi se taajdhaari banne ke sanskaar dhaaran karne padenge। kaun-sa taaj?jimmevaari ka।

to aaj baapdaada sabke taaj dekh rahe hain। to yeh kaun-si sabha ho gai? taajdhaariyon ki sabha dekh rahe hain। sabhi ne is taajposhi ka din manaaya hai? manaaya hai ki abhi manaana hai? jaise aapke yaadgaar chitra shreekrishna ke chitra mein bachpan se hi taaj dikhaate hain। bada hokar to hoga hi lekin bachpan se hi taajdhaari। dekha hai apna chitra? double videshiyon ne apna chitra dekha hai? yeh kiska chitra hai? ek brahma ka chitra hai ya aap sabka hai?to jaise shreekrishna ke chitra mein bachpan se hi taajdhaari dikhaaya hai vaise aap shreshtha aatmaayen bhi marjeeva baneen,brahman baneen aur jimmevaari ka taaj dhaaran kiya। to janma se taajdhaari bante ho isliye yaadgaar mein bhi janma se taaj dikhaaya hai। to brahman banna arthaat taajposhi ka din manaana। to sabne apni taajposhi mana li hai na?abhi sirf yeh dekhna hai ki sada is vishwa seva ki jimmevaari ke taajdhaari ban seva mein lage hue rehte hain?to kya dikhaai de raha hai? taajdhaari to sab dikhaai de rahe hain lekin koi ki dridh sankalp ki phiting theek hai aur koi ki thodi loose hai। loose hone kaaran taaj kabhi utarta hai,kabhi dhaaran karte hain। to sada dridh sankalp dvaara is taaj ko sada ke liye set karo। samjha,kya karna hai?brahma baap bachchon ko dekh kitne harshit hote hain? brahma baap bhi sada geet gaate hain,kaunsa geet gaate hain? ‘‘vaah mere bachche,vaah''! aur bachche kya geet gaate hain? (vaah baba,vaah!) yeh sahaj geet hai iseelie gaate hain। sabse jyaada khushi kisko hoti hai? sabse jyaada brahma baap ko khushi hoti hai। kyon? sabhi bachche apne ko kya kahlaate ho? brahmaakumaar aur brahmaakumaari,shiv kumaar aur shiv kumaari nahin kehte ho। to brahma baap rachayita apni rachna ko dekh harshit hote hain। brahma mukh vanshaavli ho na! to apni vanshaavli ko dekh brahma baap harshit hote hai।

avyakt roopdhaari hote bhi madhuban mein vyakta roopdhaari ki arthaat chaitanya saakaar roop ki anubhooti karaate hi rehte hain। madhuban mein aakar brahman bachche brahma se saakaar roop ki, saakaar charitra ki anubhooti karte ho na? vishesh madhuban bhoomi ko vardaan hai - saakaar roop ki anubhooti karaane ka। to aisi anubhooti karte ho na! aakaardhaari brahma hai ya saakaar hai? kya anubhav karte ho?rooh-roohaan karte ho? achha-

aaj vatan mein baapdaada ki yahi rooh-roohaan chal rahi thi ki double videshi bachche apne sameep ke sambandh ke sneh mein niraakaar aur aakaar ko saakaar roopdhaari banaane mein bahut hoshiyaar hain। bachchon ke sneh ke jaadu se aakaar bhi saakaar ban jaata hai। aise sneh ke jaadoogar bachche hain। sneh, swaroop ko badal leta hai। to brahma baap bhi aise hi anubhav karte hain ki harek snehi bachche se saakaar roopdhaari ban milte hain, arthaat bachchon ke sneh ka respond dete hain। sneh ki rassi se baapdaada ko sada saath baandh dete hain। yeh sneh ki rassi aisi majboot hai jo koi tod nahin sakta। 21janmon ke liye brahma baap ke saath bhinna-bhinna sambandh mein bandhe hue hi rahenge। alag nahin ho sakte। aisi rassi baandhi hai na?isko hi kaha jaata hai avinaashi meetha bandhan। 21janmon tak nishchit hai। to aisa bandhan baandh liya hai na? jaadoogar bachche ho na?to suna aaj vatan mein kya rooh-roohaan chali। brahma baap ek-ek bachche ki visheshta ki chamakti hui mani ko dekh rahe the। har bachche ki visheshta mani ke samaan chamak rahi thi। to apni chamakti hui mani ko dekha hai! achha-

double videshi bachchon se milne aate hain, vaani nahin chalaate hain। baap ki kamaal hai lekin bachchon ki bhi kam nahin। aap samajhte ho ki ham aapas mein rooh-roohaan karte lekin baapdaada bhi rooh-roohaan karte hain। achha-

aise sada vishwa seva ke jimmevaari ke taajdhaari, sada sneh ke bandhan mein baapdaada ko apna saathi banaane vaale, 21 janma ke liye avinaashi sambandh mein aane vaale, aise sada jage hue deepkon ko baapdaada ka yaadapyaar aur namaste।''

jarman group:- sabhi ke mastak par kya chamak raha hai? apne mastak par chamakta hua sitaara dekh rahe ho?baapdaada sabhi ke mastak par chamakti hui mani ko dekh rahe hain। apne ko sada padmaapadma bhaagyashaali aatmaayen samajhte ho? har samay kitni kamaai jama karte ho? hisaab nikaal sakte ho?saare kalpa ke andar aisa koi businessman hoga jo itni kamaai kare! sada yeh khushi ki yaad rehti hai ki ham hi kalpa-kalpa aise shreshtha aatma bane hain?to sada yahi samjho ki itne bade businessman hain aur itni hi kamaai mein busy raho। sada busy rahne se kisi bhi prakaar ki maaya vaar nahin karegi kyonki busy honge to maaya busy dekhkar laut jaayegi,vaar nahin karegi। sahaj maayaajeet banne ka yahi saadhan hai ki sada kamaai karte raho aur karaate raho। jaise-jaise maaya ke anek prakaaron ke knowledgeful hote jaayenge to maaya kinaara karti jaayegi। doosri baat ek second bhi akele nahin ho,sada baap ke saath raho to baap ke saath ko dekhte hue maaya aa nahin sakti kyonki maaya pahle baap se akela karti hai tab aati hai। to jab akele honge hi nahin phir maaya kya karegi? baap ati priy hai,yeh to anubhav hai na? to pyaari cheej bhool kaise sakti! to sada yeh smriti mein rakho ki pyaare te pyaara kaun?jahaan man hoga vahaan tan aur dhan svatah hoga। to ‘‘manmanaabhav''ka mantra yaad hai na! jahaan bhi man jaae to pahle yeh check karo ki isse badhiya,isse shreshtha aur koi cheej hai ya jahaan man jaata hai vahi shreshtha hai! usi ghadi check karo to check karne se change ho jaayenge। har karma, har sankalp karne ke pahle check karo। karne ke baad nahin। pahle checking peechhe practical। achha –