Avyakt murli for Saturday 25 December 1982

>

25-12-82 om shanti avyakt baapdaada madhuban

“vidhi,vidhaan aur vardaan”

vishwa adhikaari, vishwa nirmaata, vardaani moorta avyakt baap-daada, bade din ke avsar par apne bachchon ke prati bole:-

‘‘aaj sarva snehi bachchon ke sneh ka respond karne ke liye baapdaada ko bhi milne ke liye aana pada hai। saare vishwa ke bachchon ke sneh ka, yaad ka aavaaj baap-daada ke vatan mein meethe-meethe saaj ke roop mein pahunch gaya। jaise bachche sneh ke geet gaate hain, baapdaada bhi bachchon ke gunon ke geet gaate hain। jaise bachche kehte ki aisa baap-daada kalpa mein nahin milega, baap-daada bhi bachchon ko dekh kehte ki aise bachche bhi kalpa mein nahin milenge। aisi meethi-meethi rooh-roohaan baap aur bachchon ki sada sunte rehte ho? baap aur aap combined roop hain na। isi swaroop ko hi ‘sahajyogi'kaha jaata hai। yog lagaane vaale nahin lekin sada combined arthaat saath rahne vaale। aisi stage anubhav karte ho va bahut mehnat karni padti hai?bachpan ka vaayda kya kiya? saath rahenge, saath jiyenge, saath chalenge। yeh vaayda kiya hai na, pakka?saakaar ki paalna ke adhikaari aatmaayen ho। apne bhaagya ko achhi tarah se socho aur samjho।''

(baapdaada ke saamne (haangakaang ke) daadaaraam aur saavitri behen ka laukik parivaar baitha hua hai)

aise koton mein koi bhaagya vidhaata ke sammukh samparka mein aate hain। abhi samay aane par yeh apna bhaagya smriti mein aayega। aadi pita ko paana - yeh hai bhaagya ki shreshtha nishaani। sada saath rahne vaale nirantar yogi, sada sahajyogi, udti kala mein jaane vaale, sada pharishta swaroop ho!

aaj bada din manaane ke liye bulaaya hai। bade te bade baap ke saath bade te bade bachche bada din aur milan mana rahe hain। bada din arthaat utsav ka din। jab bada din manaate hain to bure din samaapta ho jaate hain। sirf aaj ka din manaane ka nahin, lekin sada manaana arthaat umang utsaah mein sada rehna। avinaashi baap, avinaashi din, avinaashi manaana। bada din manaana arthaat svayan ko sada ke liye bade te bada banaana। sirf manaana nahin hai lekin banna aur banaana hai। sarva aatmaon ko bade din ki gift kaun si denge? jo bhi aatma samparka mein aave unko eeshvareey alaukik sneh,shakti,gun,sarva ka sahayog dene ki lift ki gift do। jisse aisi sampanna aatmaayen ban jaaen jo koi bhi apraapti anubhav na karen। aisi gift de sakte ho? svayan sampanna ho?auron ko dene ke liye pahle apne paas jama hoga tab to de sakenge na। achha - -aaj to gift dene aur gift lene aaye hain na। sirf lenge va denge bhi? shakti sena kya karegi? lene aur dene mein maja aata hai va sirf lene mein?daata ko dena hua ya lena hua? baap bhi lete hain kis liye? padamguna karke parivartan kar dene ke liye। baap ko aavashyakta hai kya?baap ke paas hai hi bachchon ko dene ke liye। isliye baap daata bhi hai, vidhaata bhi hai, vardaata bhi hai। jitna baap bachchon ke bhaagya ko jaante utna bachche apne bhaagya ko nahin jaante। yeh bhaagya ke din, sada samartha banaane ke din yaad rakhna। yeh saara hi lucky parivaar hai kyoki is parivaar ke nimitta beej ki vishesh shubhbhaavna aur shubhkaamna,is aasheervaad se yeh vriksha aage badh raha hai aur badhta hi rahega। us aatma ki shreshtha kaamnaayen saare parivaar ko lift ki gift ke roop mein mili hui hain kyonki pavitra shuddh aatma thi। isliye pavitrata ka jal pratyaksha phal de raha hai। samjha? saakaar roop mein nimitta maata guru (saavitri) bhi baithi hai। maata guru bani aur pita ne lift ki gift di। ab is parivaar ko kya karna hai? follow father to karna hai na। ismen kuchh chhodna nahin padega, daro nahin। achha।

double videshi bachche bhi pahunch gaye hain। baap-daada bhi abhi videshi hain, brahma baap bhi to videshi ho gaya na। videshi,videshi se mile to kitni badi achhi baat hai। baap-daada ko sarva bachchon ki, usmein bhi vishesh nimitta double videshi bachchon ki ek vishesh baat dekh harsha hota hai। woh kaun si? videshi bachchon ke vishesh milan ki lagan baapdaada ke paas aaj vishesh roop mein pahunchi। saakaari duniya ke hisaab se bhi aaj ka din vishesh videshiyon ka maana hua hai। toli,mithaai khaai va abhi khaani hai? baap-daada mithaai khilaate-khilaate meetha bana dete hain, svayan hi meethe ban gaye na! chaaron aur ke aaye huye bachchon ko, madhuban nivaasi bachchon ko baapdaada sneh ka return sada combined arthaat sada saath rahne ka vardaan aur varsa de rahe hain। double adhikaari ho। varsa bhi milta hai aur vardaan bhi। jahaan koi mushkil anubhav ho to vardaata ke roop mein smritimen laao। to vardaata dvaara vardaan roop mein praapti hone se mushkil sahaj ho jaayegi aur pratyaksha praapti ki anubhooti hogi।

aaj ke din ka vishesh slogan sada smriti mein rakhna। teen shabd yaad rakhna - ‘vidhi, vidhaan aur vardaan'। vidhi se sahaj siddhi swaroop ho jaayenge। vidhaan se vishwa nirmaata,vardaan se vardaani moorta ban jaayenge। yahi teen shabd sada samartha banaate rahenge। achha –

chaaron or ke sarva sikeeldhe, bade te bade baap ke bade te bade bachche, sarva ko sampanna banaane vaale,aise master vidhaata, vardaani bachchon ko, maaya ko vidaai dene ki badhaai।। is badhaai ke saath-saath aaj vishesh roop mein bachchon ko umang-utsaah ki bhi badhaai। sarva ko, jo aakaar va saakaar mein sammukh hain, aise sarva sammukh rahne vaale bachchon ko bahut-bahut yaad pyaar aur namaste।

deedi-daadi se –

aap donon ko dekh baapdaada ko kya yaad aata hoga? jahaann ke noor to ho hi lekin pahle baap ke naynon ke noor ho। kahaavat hai ki - ‘noor nahin to jahaann nahin'। to baapdaada bhi noore ratnon ko aise hi sthaapna ke kaarya mein vishesh aatma dekhte hain। karaavanhaar to kar raha hai, lekin karanhaan nimitta bachchon ko banaate hain। ‘karnakraavanhaar',is shabd mein bhi baap aur bachche donon combined hain na। haath bachchon ka aur kaam baap ka। haath badhaane ka golden chance bachchon ko hi mila hai। bade te bada kaarya bhi kaisa lagta hai? anubhav hota hai na ki karaane vaala kara raha hai। nimitta banaae chala raha hai। yahi aavaaj sada man se nikalta hai। baapdaada bhi sada bachchon ke har karma mein karaavanhaar ke roop mein saathi hain। saath hain va chale gaye hain? aankh michauli ka khel khela hai। khel bhi bachchon se hi karenge na। khel mein kya hota hai? taali bajaai aur khel shuru hua। yeh bhi drama ki taali baji aur aankh michauli ka khel shuru hua।

ab sweet hom ka get kab kholenge? jaise conference ki date fix ki hai, haal banaane ki date fix ki, to uska programme nahin banaaya?get kholne ke pahle saamagri to aap taiyaar karenge va woh bhi baap kare - woh taiyaar hai? brahma baap to ever ready hai hi। ab saathi bhi ever ready chaahiye na।

8 ki maala bana sakte ho? abhi ban sakti hai? pahle8 ki maala taiyaar ho gai to phir aur peechhe vaale taiyaar ho hi jaayenge। aath ever ready hain?naam nikaal kar bhejna। sabhi verify karen ki haan। isko kahenge ever ready। baap pasanda,brahman parivaar pasanda aur vishwa ki seva ke pasanda। yeh teenon visheshta jab hogi tab kahenge ever ready hain। pahle kangan taiyaar hoga phir badi maala taiyaar hogi। achha –

saavitri behen se – apne gupta vardaanon ko pratyaksha roop mein dekh rahi ho? ab samajhti ho main kaun hoon? serviceable ki list mein apna number aage samajhti ho na! service ke pratyaksha phal ke nimitta bani। nimitta to phir bhi beej kahenge na। serviceable ki list mein bahut aage ho,sirf kabhi-kabhi apne ko bhool jaati ho। jab baapdaada sveekaar kar rahe hain to baaki kya chaahiye। sabhi ki service ek jaisi nahin hoti। variety aatmaayen hain,variety seva ka tareeka hai। jyaada sochne se nahin hoga, svatah hoga। apne ko sada baap ke sameep ratna samjho,adhikaari janma se ho। janma se fast gai na। sameep rahne ka vardaan janmate hi mila। saakaar mein sameep rahne ka vardaan kitnon ko mila? ginti karo to aise vardaani dhoondhate bhi mushkil milenge। isliye baap ke sameep samajhte hue aage badhte raho। jitna hota,jaisa hota kalyaankaari। socho nahin, nihsankalpa raho। baap ka vaayda hai, baap sada saath nibhaate rahenge। apna sankalp bhi baap ke oopar chhod do। service badhegi ya nahin badhegi, baap jaane। nahin badhegi to baap jimmevaar hai,aap nahin। itni nishchinta raho। aapne to baap ke aage apna sankalp rakh diya na। to jimmevaar kaun? sikeeldhi ho - kitne sik se baap ne dhoondha। pahla-pahla seva ka ratna saari vishwa se chuna hai, isliye bhoolo nahin। achha।''

saavitri behen ke laukik parivaar vaalon se

‘‘sabhi double varse ke adhikaari ho na। laukik baap ke bhi shreshtha sankalp ka khajaana mila aur paarlaukik baap ka bhi varsa mila। alaukik ka bhi varsa mila। teen ka varsa saath-saath mila। teenon baap ke aashaaon ke deepak ho। vaise bhi bachche ko kul ka deepak kaha jaata hai। kul ke deepak to bane lekin saath-saath vishwa ke deepak bano। sada mastak par bhaagya ka sitaara chamak raha hai, baapdaada bhi aise himmat rakhne vaale bachchon ko sada madad karte hain। jab bhi sankalp kiya aur baap haajar। baap ke oopar saara kaarya chhod diya to baap jaane, kaarya jaane। svayan sada double light pharishta, trustee bankar raho to sada halke rahenge। saaph dil muraad haasil। shreshtha sankalpon ki saphalta zaroor hoti hai, ek shreshtha sankalp bachche ka aur ek hajaar shreshtha sankalp ka phal baap dvaara praapta ho jaata hai। ek ka hajaar guna mil jaata hai। abhi jo khajaane baap ke mile hain,unhein baantate raho। mahaadaani bano। sadaiv koi bhi aave to aapke bhandaare se khaali na jaae। gyaan ka foundation pada hua hai,vahi beej abhi phal dega। achha-''

vidaai ke samay baapdaada ne sabhi bachchon prati tape mein yaad pyaar bhari

‘‘chaaron or ke sabhi snehi bachchon ki yaadapyaar aur badhaai paai। baapdaada ke saath sabhi bachche dil takhtansheen hain। jo dil par hain woh bhool kaise sakte hain! isliye sada bachche saath hain aur saath hi rahenge, saath hi chalenge। baapdaada sarva bachchon ke dil ke umang-utsaah aur seva mein vriddhi aur maayaajeet banne ke samaachaar bhi sunte rehte hain। harek bachcha mahaaveer hai, mahaaveer ban vijay ka jhanda lahra rahe hain। isliye baapdaada sabhi ko vijay ki mubaarak dete hain। badhaai de rahe hain। sada bade baap ke saath bade se bade din umang-utsaah se bita rahe ho aur sada hi bade din manaate rahenge। harek bachcha yahi samjhe ki vishesh mere naam se yaadapyaar aaya hai। harek bachche ko naam sahit baapdaada saamne dekhte hue, milan manaate hue yaadapyaar de rahe hain। achha-''

prashn:-air-condition ki seat book karaane ka tareeka kya hai?

uttar:-air-condition ki seat book karaane ke liye baap ne jo bhi kandeeshansa bataai hain un par sada chalte raho। agar koi bhi condition ko amal mein nahin laaya to air-condition ki seat nahin mil sakegi। jo kehte hain koshish karenge to aise koshish karne vaalon ko bhi yeh seat nahin mil sakti hai।

prashn:-kaun sa ek gun parmaartha aur vyavhaar donon mein hi sarva ka priy bana deta hai?

uttar:- ek do ko aage badhaane ka gun arthaat ‘‘pahle aap'' ka gun parmaartha aur vyavhaar donon mein hi sarva ka priy bana deta hai। baap ka bhi yahi mukhya gun hai। baap kehte - ‘bachche pahle aap।' to isi gun mein follow father।