Avyakt murli for Thursday 6 January 1983

> 06-01-83 om shanti avyakt baapdaada madhuban

nirantar sahaj yogi banne ki sahaj yukti

yaad aur seva ki dhun mein lagaane vaale, sada sneh ke bandhan mein baandhane vaale maata-pita apne sikeeldhe bachchon prati bole –

aaj baagvaan apne variety khushboodaar phoolon ke bageeche ko dekh harshit ho rahe hain। baapdaada variety roohaani pushpon ki khushbu aur roop ki rangat dekh harek ki visheshta ke geet ga rahe hain। jisko bhi dekho harek ek do se priy aur shreshtha hai। nambarvaar hote hue bhi baapdaada ke liye last number bhi ati priy hai। kyonki chaahe apni yatha shakti maayaajeet banne mein kamzor hai phir bhi baap ko pahchaan dil se ek baar bhi ‘mera baba’ kaha to baapdaada raham ke saagar aise bachche ko bhi ek baar ke return mein padamguna usi roohaani pyaar se dekhte ki mere bachche vishesh aatma hain। isi najar se dekhte hain phir bhi baap ka to bana na! to baapdaada aise bachche ko bhi raham aur sneh ki drishti dvaara aage badhaate rehte hain kyonki ‘mera’hai। yahi roohaani mere-pan ki smriti aise bachchon ke liye samarthi bharne ki aasheervaad ban jaati hai। baapdaada ko mukh se aasheervaad dene ki aavashyakta nahin padti। kyonki shabd,vaani second number hai lekin sneh ka sankalp shaktishaali bhi hai aur number one praapti ka anubhav karaane vaala hai। baapdaada isi sookshm sneh ke sankalp se maat pita donon roop se har bachche ki paalna kar rahe hain। jaise laukik mein sikeeldhe bachche ki maa baap gupta hi gupta bahut shaktishaali cheejon se paalna karte hain। jisko aap log khorash (khaatiri) kehte ho। to baapdaada bhi vatan mein baithe sabhi bachchon ki vishesh khorash (khaatiri) karte rehte hain। jaise madhuban mein aate ho to vishesh khorash (khaatiri) hoti hai na। to baapdaada bhi vatan mein har bachche ko pharishte aakaari roop mein aahvaan kar sammukh bulaate hain aur aakaari roop mein apne sankalp dvaara sookshm sarva shaktiyon ki vishesh bal bharne ki khaatiri karte hain। ek hai apne purooshaartha dvaara shakti ki praapti karna। yeh hai maat-pita ke sneh ki paalna ke roop mein vishesh khaatiri karna। jaise yahaan bhi kis-kis ki khaatiri karte ho। niyam pramaan roj ke bhojan se vishesh vastuon se khaatiri karte ho na। extra dete ho। aise brahma maa ka bhi bachchon mein vishesh sneh hai। brahma maa vatan mein bhi bachchon ki rimjhim bina rah nahin sakte। roohaani mamta hai। to sookshm sneh ke aahvaan se bachchon ke special group emerge karte hain। jaise saakaar mein yaad hain na, har group ko vishesh sneh ke swaroop mein apne haathon se khilaate the aur bahlaate the। vahi sneh ka sanskaar ab bhi practical mein chal raha hai। ismen sirf bachchon ko baap samaan aakaari svaroopdhaari ban anubhav karna pade। amritvele brahma maa - ‘‘aao bachche, aao bachche’’ kah vishesh shaktiyon ki khuraak bachchon ko khilaate hain। jaise yahaan ghi pilaate the aur saath-saath exercise bhi karaate the na! to vatan mein bhi ghi bhi pilaate arthaat sookshm shaktiyon ki (taakat ki) cheejen dete aur abhyaas ki exercise bhi karaate hain। buddhi bal dvaara sair bhi karaate hain। abhi-abhi paramdham, abhi-abhi sookshm vatan। abhi-abhi saakaari srishti, brahman jeevan। teenon lokon mein daud ki race karaate hain। jisse vishesh khaatiri jeevan mein sama jaae। to suna brahma maa kya karte hain।

double videshi bachchon ko vaise bhi chhutti ke dinon mein kahaan door jaakar ekjarshan karne ki aadat hain। to baapdaada bhi double videshi bachchon ko vishesh nimantran de rahe hain। jab bhi free ho to vatan mein aa jaao। saagar ke kinaare mitti mein nahin jaao। gyaan saagar ke kinaare aa jaao। bigar kharche ke bahut praapti ho jaayegi। soorya ki kirnen bhi lena, chandrama ki chaandani bhi lena, picnic bhi karna aur khel kood bhi karna। lekin buddhi roopi vimaan mein aana padega। sabka buddhi roopi vimaan ever ready hai na। sankalp roopi switch start kiya aur pahunche। vimaan to sabke paas ready hai na ki kabhi-kabhi start nahin hota hai va petrol kam hota aadha mein laut aate। vaise to second mein pahunchne ki baat hai। sirf double refine petrol ki aavashyakta hai। double riphaainda petrol kaun sa hai? ek hai niraakaari nishchay ka nasha ki main aatma hoon, baap ka bachcha hoon। doosra hai saakaar roop mein sarva sambandhon ka nasha। sirf baap aur bachche ke sambandh ka nasha nahin। lekin pravritti maarga pavitra parivaar hai। to baap se sarva sambandhon ke ras ka nasha saakaar roop mein chalte phirte anubhav ho। yeh nasha aur khushi nirantar sahaj yogi bana deti hai। isliye niraakaari aur saakaari double riphaainda saadhan ki aavashyakta hai।

achha - aaj to party se milna hai isliye phir dubaara saakaari aur niraakaari nashe par sunaayenge। double videshi bachchon ko service ke pratyaksha phal ki, aagya paalan karne ki vishesh mubaarak baapdaada de rahe hain। harek ne achha bada group laaya hai। baapdaada ke aage achhe te achhe bade guldaste bhent kiye hain। uske liye baapdaada aise vaphaadaar bachchon ko dil va jaan sik va prem se yahi vardaan de rahe hain –

‘‘sada jeete raho - badhte raho’’

achha - chaaron or ke snehi bachchon ko, jo chaaron or yaad aur seva ki dhun mein lage hue hain, aise baap ko pratyaksha karne ke nimitta bane hue sikeeldhe bachchon ki seva ke return mein pyaar aur yaad ke return mein avinaashi yaad। aise avinaashi lagna mein rahne vaalon ko avinaashi yaad pyaar aur namaste।’’

Australia party se -Australia nivaasi bachchon ki visheshta baapdaada dekh rahe hain। Australia nivaasiyon ki visheshta kya hai, jaante ho? (pahli baar aaye hain isliye nahin jaante hain) naye sthaan par aaye ho va apne pahchaane hue sthaan par aaye ho? yahaan pahunchne se kalpa pahle ki smriti itni spashta ho jaati hai jaise is janma mein bhi abhi-abhi dekha hai। yahi nishaani hai sameep aatma ki। isi anubhav dvaara hi apne ko jaan sakte ho ki ham brahman aatmaon mein bhi sameep ki aatma hain va door ki aatma hai। first number hai ya second number hain। yahi is alaukik sambandh mein visheshta hai jo harek samajhta hai ki main first jaaoonga। laukik mein to nambarvaar samjhenge yeh bada hai, yeh doosra number,yeh teesra number hai। lekin yahaan last vaala bhi samajhta hai ki main last so first hoon। yahi lakshya achha hai। first aana hi hai। to first ki nishaani - sada baap ke saath rehna। prayatna nahin karna hai lekin sada saath ka anubhav rahe। jab yeh anubhav ho jaata hai ki mera baba hai,to jo ‘mera’hota hai woh svatah hi yaad rehta hai, yaad kiya nahin jaata hai। mera arthaat adhikaar praapta ho jaana। ‘‘mera baba aur main baba ka’’, kitne thode se shabd hain aur second ki baat hain। isko hi kaha jaata hai - ‘sahajyogi’। aapke board mein bhi sahaj raajayog kendra likha hua hai na! to aisa hi sahaj yog seekhe ho? maaya aati hai? baap ke saath rahne vaale ke saamne maaya aa nahin sakti। jaise apne shareer ke rahne ka sthaan maaloom hai, bana hua hai to jab bhi free hote ho to sahaj hi apne ghar mein jaakar rest karte ho। isi reeti se jab maaloom hai ki mujhe baap ke paas rehna hai,yahi thikaana hai to kaarya karte bhi rah sakte ho। aise buddhi dvaara anubhav ho। harek apni takdeer bana kar,takdeer banaane vaale ke saamne pahunch gaye। baapdaada harek ki takdeer ka sitaara chamakta hua dekh rahe hain। variety group hai। bachche bhi hain,bujurga bhi hain, youth bhi hain। lekin abhi to sab chhote bachche ban gaye। abhi koi kahenge 8maas ke hain,koi 12 maas ke। alaukik janma ka hi varnan karenge na! achha - sabhi kalpa pahle vaali sikeeldhi aatmaayen ho। sada baap ke atoot lagan mein magan rehte hue aage badhte chalo। yeh atoot yaad hi sarva samasyaaon ko hal kar, udta panchhi banaae udti kala mein le jaayegi। baapdaada ke diltakhta-nasheen rehte hue sada isi nashe mein raho ki ham kalpa-kalpa ke adhikaari hain। kalpa-kalpa apna adhikaar lete rahenge। mubaarak ho। sada hi mubaarak lene paatra aatmaayen ho।

mera arthaat adhikaar praapta ho jaana।‘‘mera baba aur main baba ka’’ kitne thode se shabd hain aur second ki baat hain। isko hi kaha jaata hai sahajyogi। aapke board mein bhi sahaj raajayog kendra likha hua hai na। to aisa hi sahaj yog seekhe ho?maaya aati hai?to first ki nishaani hai - sada baap ke saath rehna। baap ke saath rahne vaale ke saamne maaya aa nahin sakti।