Avyakt murli for Tuesday 15 February 1983 - 1

>

15-02-83 om shanti avyakt baapdaada madhuban

vishwa shanti sammalen ke samaapti samaaroh par praan avyakt baapdaada ke madhur anmol mahaavaakya

aaj behad ka baap seva ke nimitta bane hue sevaadhaari bachchon ko dekh rahe hain। jis bhi bachche ko dekhen, harek,ek do se shreshtha aatma hai। to baapdaada harek shreshtha aatma ki, sevaadhaari aatma ki visheshta ko dekh rahe hain। baapdaada ko harsha hai ki harek bachcha is vishwa parivartan ke kaarya mein aadhaarmoorta,uddhaarmoorta hai। sabhi bachche baapdaada ke kaarya mein sada sahayogi aatma hain। aise sahayogi, sahajyogi,shreshtha vishesh aatmaon ko va seva ke nimitta bane hue bachchon ko dekh baapdaada ati sneh ke sunahri pushpon se bachchon ka svaagat aur mubaarak ki saireemni mana rahe hain। baapdaada har bachche ko mastakamni, santushtamni,hdayamni jaise chamakte hue swaroop mein dekhte hain। baapdaada bhi sada ek geet gaate rehte hain,kaun sa geet gaate hain, jaante ho na? yahi geet gaate- vaah mere bachche,vaah! vaah meethe bachche,vaah! vaah pyaare te pyaare bachche,vaah! vaah shreshtha aatmaayen vaah! aisa hi nishchay aur nasha sada rehta hai na। saare kalpa mein aisa bhaagya praapta nahin ho sakta jo bhagwan bachchon ke geet gaaye। bhakta,bhagwan ke geet bahut gaate hain। aap sab ne bhi bahut geet gaaye hain। lekin aise kab socha ki kab bhagwan bhi hamaare geet gaayenge! jo socha nahin tha woh saakaar roop mein dekh rahe ho। vishwa shanti ki conference kar li। sabhi bachchon ne mukh dvaara bahut achhi achhi baaten sunaai aur man dvaara sarva aatmaon ke prati shubh bhaavna, shreshtha kaamna ke shubh sankalp ke vibration bhi chaaron or,gyaan soorya ban phailaae। lekin baapdaada sabhi bhaashan karne vaalon ka saar suna rahe hain। । aap logon ne to chaar din bhaashan kiye aur baapdaada ek second ka bhaashan karte hain। woh do shabd hain - ‘realisation aur solyushan’। jo bhi aap sabne bola uska saar ‘realisation’hi hai। aatma ko nahin bhi samjhen lekin maanav ke moolya ko jaanen to bhi shanti ho jaae। maanav vishesh shaktishaali swaroop hai। agar yeh bhi realise kar len to maanav ke hisaab se bhi maanav dharma ‘sneh’ hai,na ki ladaai jhagda। isse aage chalo- maanav jeevan ka va maanavta ka aadhaar aatma par hai। main kaun si aatma hoon,kya hoon,yeh realise kar len to shanti to svadharma ho jaayega। phir aage chalo - ‘‘mai shreshtha aatma hoon, sarvashaktivaan ki santaan hoon’’,yeh realisation nirbal se shakti swaroop bana degi। shakti swaroop aatma va master sarvashaktivaan aatma jo chaahe,jaise chaahe woh practical mein kar sakti hai, isliye sunaaya ki saare bhaashnon ka saar ek hi hai -’’realisation’’। to baapdaada ne sabhi bhaashan sune hain na।! baapdaada sada bachchon ke saath hain hi। achha –

sabhi seva mein samarpit bachchon ko, sabhi zone se aaye hue bachchon ko,ek- ek yahi samjhe ki baapdaada mere ko kah rahe hain। ek ek se baat kar rahe hain। sabhi bachchon ne jo pratyaksha saboot dikhaaya,uske return mein baapdaada harek bachche ko naam sahit, roop to dekh rahe hain, naam sahit mubaarak de rahe hain। ab to jab aap samay parivartan ki soochna de rahe ho, to baapdaada ke milne ka bhi parivartan hoga na। aap sabka sankalp hai hamaara parivaar vriddhi ko paae to puraanon ko tyaag karna padega। lekin yeh tyaag hi bhaagya hai। doosron ko aage badhaana hi svayan ko aage badhaana hai। aise nahin samajhna - kyon baap daada ko videshi bachche priy hain, desh vaale nahin hain। va koi vishesh bachche priy hai। baapdaada ka to harek bachcha dil ka sahaara, mastak ke taaj ki mani hai। isliye baapdaada sabse pahle apne right hands sahayogi bachchon ko ati dil va jaan, sik va prem se yaad de rahe hain। yeh to zaroor hai door se aane vaale,samparka mein aane vaalon ko sambandh mein laane ke liye aap sabhi khushi-khushi unheen ko aage badha rahe ho aur badhaate rahenge।

is samay sab seva ke prati aaye ho। isliye yeh bhi seva ho gai। harek zone ka naam leve kya? agar ek-ek naam lenge to koi rah jaae to? isliye sabhi zone samjhen ki baapdaada mujhe pahla number rakh rahe hain। sarva desh ke va videsh ke,ab to sabhi madhuban nivaasi he, isliye sarva vishwa shanti haal mein upasthit bachchon ko, om shanti bhavan nivaasi bachchon ko baap daada, sada yaad mein raho,yaad dilaate raho, har kadam yaadgaar charitra banaate chalte chalo। har second apne practical life ke aaine dvaara sarva aatmaon ko ‘sva’ ka,baap ka saakshaatkaar karaate chalo, aise vardaani mahaadaani sada sampanna bachchon ko baapdaada ka yaad pyaar aur namaste।

raabarta moolar (assistant sekeratri general yu.N.O.) ke prati mahaavaakya –

seva mein shreshtha te shreshtha paartadhaari aatma ho। jaise man mein yeh shreshtha sankalp rakha ki jis kaarya ke liye nimitta bane ho woh karke hi dikhaayenge। yeh sankalp baap daada aur saare brahman parivaar ke sahayog se saakaar mein aata hi rahega। sankalp bahut achha hai। plan bhi bahut achhe-achhe sochte ho। abhi isi plan ke beech mein jab yeh sprichual power add ho jaayegi to yeh plan saakaar roop lete rahenge। baap daada ke paas bachchon ke sabhi umang pahunchte rehte hain। sada atal rehna। himmatvaan bankar aage badhte jaana। woh din bhi in aankhon se dikhaai dega ki vishwa shanti ka jhanda vishwa ke chaaron or lahraayega। isliye aage badhte chalo। duniya vaale dilshikasta banaayenge। aap mat banna। ek bal ek bharosa, isi nishchay se chalte rehna। jis samay koi bhi paristhiti aaye to baap ko saathi bana lena। to aisa anubhav karenge ki main akela nahin hoon, mere saath vishesh shakti hai। svapna poora ho jaayega। jahaan baap hai,vahaan kitne bhi chaahe toofaan hon, woh topha ban jaayenge। ‘nishchay buddhi vijayanti’ -yeh title yaad rakhna ki main nishchay buddhi vijayi ratna hoon। achha ।

steev naaraayan (vaais president, gyaana) ke prati mahaavaakya –

apne ko baap ke diltakhtansheen sameep ratna anubhav karte ho? doordesh mein rehte bhi dil se door nahin ho। bachchon ka service mein umang ullaas dekh baapdaada harshit hote hain aur number one dete hain। sada udti kala mein rahne vaale, baap daada ke noore ratna ho। isliye baap daada mubaarak dete hain।

(aanti beti se) -aapko naya janma lete hi aasheervaad mili hui hai ki aap serviceable ho। anubhvi moorta ho। gyaana mein rehte hue bhi vishwa seva arth nimitta moorta ho aur rahengi। yaad dvaara baap ke sahayog aur vardaanon ka anubhav hota hai na! aapki yaad baap ko pahunchti rehti hai। sarva sankalp siddha hote rehte hain na! aap ek shreshtha aatma ke ek hi shreshtha sankalp se saara parivaar shreshtha pad ko pa raha hai। padmaapadma bhaagyashaali ho।