Avyakt murli for Tuesday 15 February 1983 - 2

> > 15-02-83 om shanti avyakt baapdaada madhuban

"vishwa shanti sammelan mein sammilit hone vaale bhaai-baheno ke prati avyakt baapdaada ka madhur sandesh"

(guljaar behen dvaara)

sada ki reeti pramaan aaj jaise hi main vatan mein pahunchi to baap daada bahut meethi najar se drishti dvaara sarva bachchon ko yaadapyaar de rahe the। baba ki drishti se aaj aise anubhav ho raha tha jaise ati shanti, shakti,prem aur aananda ki kirnen nikal rahi hon। aisi roohaani drishti jisse chaar hi baaton ki praapti ho rahi thi। aise lag raha tha jaise ham bahut kuchh pa rahe hain। aise baap daada ne ham sabhi bachchon ka svaagat kiya aur bole - ‘‘bachchi,sabhi ki yaad laai ho?’’ mainen kaha -’’yaad to laai hoon lekin sabke aahvaan ka sankalp bhi laai hoon’’ to baba bole - ‘‘is samay to mere itne pyaare bachche, jo bhi aaye hain,jaanne ke liye aae hain, aisa bhi din aaega jo phir milne ke liye aayenge। baapdaada to sabhi bachchon ka drishya vatan mein rehte hae bhi sada dekhte rehte hain।’’aisa kehte baba ne ek drishya dikhaaya - jaise bhaarat desh mein bhakta log mandiron mein shivaaling ki pratima banaate hain। aise vatan mein bhi ek pratima dikhaai di lekin us pratima ka gol aakaar tha। aur us gol aakaar mein anek chamakte hue heere chaaron or najar aa rahe the। un chamakte hue heeron par chaar prakaar ki light pad rahi thi। ek rang tha saphed, doosra hara, teesra halka blyu aur chautha gold। thode samay mein woh light shabdon mein badal gai। saphed light ke aksharon se likha tha ‘shanti’। doosre par ‘umang’, teesre par ‘utsaah’aur chauthi light se ‘seva’।

to baba bole - ‘‘sabhi bachchon ne bahut hi umang utsaah aur shanti ke sankalp dvaara vishwa ki seva ki। ek-ek aatma sangathit roop mein dekho kitni chamak rahi hai।’’ phir baba ne kaha - ‘‘mere bachche mujhe yatha shakti jaan paae hain, phir bhi hain to mere hi bachche। mere sabhi meethe-meethe bachchon ko yaadapyaar dena। jo bhi bachche aaye hain। sabke mukh se yeh aavaaz to nikalti hai ki ham apne ghar mein aaye hain - baapdaada bachchon ki yeh aavaaz sunkar muskaraate hain। jab bachche ghar mein aae hain to poora adhikaar lene aae hain, ya thoda sa?’’ to baba ne kaha - ‘‘saagar ke kinaare par aakar gaagar bharkar nahin jaana lekin master saagar bankar jaana। khaan par aakar do mutthi bhar kar nahin jaana।’’phir baap daada ne teen prakaar ke bachchon ko teen prakaar ki saugaat di –

1. baba bole - ‘‘mere kalamdhaari bachche (pres vaale) jo aaye hain unhein baap daada kamal pushpa ki saugaat dete hain। mere kalamdhaari bachchon ko kehna ki sada kamal samaan saare vishwa ke tamoguni vibration se nyaare aur pita paramatma ke pyaare banen। agar aisi sthiti mein sthit ho kalam chalaayenge to aapka vyavhaar bhi siddha ho jaayega aur parmaartha bhi siddha ho jaayega।’’

2. vi.aai.pi. bachche jo bhi aaye hain, unhon ko baba ne sinhaasan nahin lekin hans-aasan diya। baba bole - ‘‘yeh jo mere vi.aai.pi. bachche aaye hain unhon ke mukh mein shakti hai। inhen main hans-aasan deta hoon। is aasan par baithkar phir koi vaarya karna। hans-aasan par baithne se aapki nirnay shakti reshtha hogi aur jo bhi kaarya karenge usmein visheshta hogi। jaise kursa par baithkar kaarya karte ho vaise buddhi is hans-aasan par rahe to laukik kaarya se bhi aatmaon ko sneh aur shakti milti rahegi।’’

3. surrender sevaadhaari bachchon ko baap daada ne ek bahut achha light ke phoolon ka bana hua ‘haar’diya। harek light par koi na koi divyagun likha tha to baba bole - ‘‘ye mere bachche sarvagun dhaaran karne vaale gun moorta bachche hain। sabhi bachchon ne ek bal ek mat hokar jo yeh behad ki seva ki, uske return mein baap daada yeh divyagunon ki maala sabhi bachchon ko saugaat roop mein dete hain। aur last mein kaha - ‘‘sabhi bachchon ko baap daada ke yahi mahaavaakya sunaana - ki sada khush rehna, khushanseeb banna aur sarva ko khushi ke vardaanon se,khazaanon se sampanna banaate rehna।’’aise madhur mahaavaakya sunte, yaadapyaar dete aur lete main apne saakaar vatan mein pahunch gai।