Avyakt murli for Wednesday 13 April 1983

>

13-04-83 om shanti avyakt baapdaada madhuban

parchintan tatha pardarshan se haaniyaan

udti kala mein le jaane vaale, sampoornata ke rang mein rangane vaale,satguru shiv baba bole

sabhi shreshtha aatmaayen sangamayug ka heere samaan shreshtha mela manaane ke liye aai hain। arthaat heere samaan amoolya jeevan ka nirantar anubhav karne ka vishesh saadhan phir se smriti swaroop va samartha swaroop bana rahe uska baap se ya apne parivaar se ya vardaan bhoomi se anubhav praapta karne ke liye aaye hain। heere samaan jeevan janma se praapta hua। lekin heera sada chamakta rahe, kisi bhi prakaar ki dhool va daag na aa jaae uske liye phir-phir polish karaane aate hain। isliye aate ho na?to baapdaada apne heere samaan bachchon ko dekh harshit bhi hote hain aur check bhi karte - abhi tak kin bachchon ko dhool ka asar ho jaata hai va sang ke rang mein aane se koi-koi ko chhota va bada daag bhi lag jaata hai। kaun sa sang daag lagaata hai! uske mool do kaaran hain va mukhya do baaten hain –

ek ‘pardarshan’doosra ‘parchintan’। parchintan mein vyartha chintan bhi aa jaata hai। yahi do baaten sang ke rang mein svachchha heere ko daagi bana deti hain। isi pardarshan, parchintan ki baaton par kalpa pahle ka yaadgaar ‘raamaayan’ki katha bani hui hai। geeta gyaan bhool jaata hai। geeta gyaan arthaat svachintan। svadarshan chakradhaari banna। nashtomoha smriti swaroop banna। geeta gyaan ke saar ko bhool kar raamaayan ki katha practical mein laate hain। seeta bhi woh bante hain jo maryaada ki lakeer se baahar nikal gai। seeta ke do roop dikhlaaye hain। ek sada saath rahne vaali aur doosra shok vaatika mein rahne vaali। to sangadosh mein aakar shok vaatika vaali seeta ban jaate hain। woh ek hai phariyaad ka roop aur doosra hai yaad ka roop। jab phariyaad ke roop mein aa jaate hain to first stage se second mein aa jaate hain। isliye sada bedaag sachcha heera, chamakta hua heera, amoolya heera bano। in do baaton se sada door raho to dhool aur daag lag nahin sakta। chaahte nahin ho lekin kar lete ho, baaten badi nai-nai ramneek bataate ho। agar woh baaten sunaaven to bahut lamba chauda shaastra ban jaayega। lekin kaaran kya hai? apni kamzori। lekin apni kamzori ko saphedi laga dete ho aur chhipaane ke liye doosron ke kaarnon ki kahaaniyaan lambi bana dete ho। isi se pardarshan,parchintan shuru ho jaata hai। isliye is vishesh mool aadhaar ko, mool beej ko samaapta karo। aisa vidaai ka badhaai samaaroh manaao। mele mein samaaroh manaate ho na! isi samaaroh manaane ko hi milna arthaat baap samaan banna kaha jaata hai। achha - mahima to apni bahut suni hai। mahima mein bhi koi kami nahin rahi kyonki jo baap ki mahima woh bachchon ki mahima। baapdaada ka yahi vishesh sneh hai ki har bachcha baap samaan sampanna ban jaae। samay ke pahle number one heera ban jaae। abhi result out nahin hua hai। jo banne chaaho, jitne number mein aane chaaho, abhi aane ki margin hai। isliye udti kala ka purooshaartha karo। bedaag number one chamakta hua heera ban jaao। samjha kya karna hai? sirf yeh nahin jaakar sunaana ki madhuban se hoke aaye, bahut mana ke aaye। lekin ban karke aaye hain! jab sankhya mein vriddhi ho rahi hai to purooshaartha ki vidhi mein bhi vriddhi karo। achha –

aise sarva udti kala ke purushaarthi, sarva vyakta sangon se door rahne vaale, ek hi sampoornata ke rang mein rangi hui aatmaayen samay ke pahle svayan ko sampanna banaane vaale,praapti swaroop vishesh aatmaon ko baapdaada ka yaad-pyaar aur namaste।’’

paatiyon ke saath mulaakaat

(1) sarva sambandhon se baap ko apna bana liya hai?kisi bhi sambandh mein abhi lagaav to nahin hai? kyonki koi ek sambandh bhi agar baap se nahin jutaaya to nashtomoha,smriti swaroop nahin ban sakenge। buddhi bhatakti rahegi। baithenge baap ko yaad karne aur yaad aayega dhotra potra। jismen bhi moh hoga vahi yaad aayega। kiska paise mein hota hai, kiska jevar mein hota hai, kiska kisi sambandh mein hota - jahaan bhi hoga vahaan buddhi jaayegi। agar baar-baar buddhi vahaan jaati hai to ekras nahin rah sakte। aadha kalpa bhatakte-bhatakte kya haal ho gaya hai, dekh liya na! sab kuchh ganva diya। tan bhi gaya, man ki sukh-shanti bhi gai, dhan bhi gaya। satayug mein kitna dhan tha, sone ke mahlon mein rehte the, abhi eeton ke makaan mein, patthar ke makaan mein rehte ho, to saara ganva diya na! to abhi bhatakna khatma।‘ek baap doosra na koi’ -yahi man se geet gaao। kabhi bhi aise nahin kehna ki yeh to badalta nahin hai,yeh to chalta nahin hai, kaise chalen, kya karoon…is bojh se bhi halke raho। bhal bhaavna to achhi hai ki yeh chal jaae,iski beemaari khatma ho jaae lekin is kahne se to nahin hoga na! is kahne ke bajaae svayan halke ho udti kala ke anubhav mein raho। to usko bhi shakti milegi। baaki yeh sochna va kehna vyartha hai। maataayen kahengi mera pati theek ho jaae,bachcha chal jaae, dhandha theek ho jaae,yahi baaten sochte ya bolte hain। lekin yeh chaahna poorn tab hogi jab svayan halke ho baap se shakti lenge। iske liye buddhi roopi bartan khaali chaahiye। kya hoga, kab hoga, abhi to hua hi nahin,isse khaali ho jaao। sabhi ka kalyaan chaahte ho to svayan shaktiroop ban sarvashaktivaan ke saathi ban shubh bhaavna rakh chalte chalo। chintan va chinta mat karo। bandhan mein nahin phanso। agar bandhan hai to usko kaatne ka tareeka hai - ‘yaad’। kahne se nahin chhootenge, svayan ko chhuda do to chhoot jaayenge।

(2) sangamayug ke sarva khazaane praapta ho gaye hain? kabhi bhi apne ko kisi khazaane se khaali to nahin samajhte ho? kyonki khaali hone ka samay abhi beet gaya। abhi bharne ka samay hai। khazaana mila hai, iska anubhav bhi abhi hota hai। apraapti se praapti hui to uska nasha rahega। to bharpoor aatmaayen baneen! aise to nahin kehte ki sarva shaktiyaan hain lekin sahan shakti nahin hai, shanti ki shakti nahin hai। thoda krodh ya thoda aavesh aa jaata hai। bharpoor cheez mein koi doosri cheez aa nahin sakti। maaya ki hal-chal hoti arthaat khaali hai। jitna bharpoor utna halchal nahin। to krodh, moh…sabhi ko vidaai de di ya dushman ko bhi mehmaan bana dete ho। yeh dushman jabardasti bhi andar tab aata hai jab albelaapan hai। agar laak majboot hai to dushman aa nahin sakta। aajkal bhi safe rahne ke liye gupta laak rakhte hain। yahaan bhi double laak hai। ‘yaad aur seva’ - yeh hai double laak। isi se safe rahenge। double laak arthaat double busy। busy rehna arthaat safe rehna। baar-baar smriti mein rehna yahi hai laak ko lagaana। aise nahin samjho - main to hoon hi baba ka, lekin baar-baar smriti swaroop bano। agar hain hi baba ke to smriti swaroop hona chaahiye, woh khushi honi chaahiye। hain to varsa praapta hona chaahiye। sirf hain hi ke albelepan mein nahin lekin har second svayan ko bharpoor samartha anubhav karo। isko kaha jaata hai - ‘smriti swaroop so samartha swaroop’। maaya vaar karne na aaye lekin namaskaar karne aaye।

(3) sabhi apne ko poojya aatmaayen anubhav karte ho?pujaari se poojya ban gaye na! poojya ko sada oonche sthaan par rakhte hain। koi bhi pooja ki moorti hogi to neeche dharti par nahin rakhenge। to aap poojya aatmaayen kahaan rehti ho! oopar rehti ho! bhakti mein bhi poojya aatmaon ka kitna regard rakhte hain। jab jad moorti ka itna regard hai to aapka kitna hoga? apna regard svayan jaante ho? kyonki jitna jo apna regard jaanta hai utna doosre bhi unko regard dete hain। apna regard rakhna arthaat apne ko sada mahaan shreshtha aatma anubhav karna। to kabhi mahaan aatma se saadhaaran aatma to nahin ban jaate ho! poojya to sada poojya hoga na! aaj poojya kal apoojya nahin - aise to nahin ho na। sada poojya arthaat sada mahaan। sada vishesh। kai bachche sochte hain ki ham to aage badh rahe hain lekin doosre hamko aage badhne ka regard nahin dete hain। iska kaaran kya hota? sada svayan apne regard mein nahin rehte ho। jo apne regard mein rehte woh regard maangate nahin,svatah milta hai। jo sada poojya nahin unhein sada regard nahin mil sakta। agar moorti apne aasan ko chhod de,ya use jameen mein rakh den to uski kya value hogi! moorti ko mandir mein rakhen to sab mahaan roop mein dekhenge। to sada mahaan sthaan par arthaat oonchi sthiti par raho, neeche nahin aao। aajkal duniya mein kaun si visheshta dikha rahe hain?maro aur maaro - yahi visheshta dikhaate hain na! to yahaan bhi second mein marne vaale। dheere-dheere marne vaale nahin। aaj moh chhoda, maas ke baad krodh chhodenge, saal ke baad moh chhodenge…aise nahin। ek dhak se jhaatku banne vaale। to sabhi marjeeva jhaatku ban gaye ya kabhi jinda, kabhi mare, kai aise hote hain jo chita se bhi uthkar chal dete hain। jaag jaate hain। aap sab to ek dhak se marjeeva ho gaye na! jaise laukik sansaar mein ve log apna show dikhaate aise alaukik sansaar mein bhi aap apna show dikhaao। sada shreshtha,sada poojya,har karma,har gun ka sabhi log keertan gaate rahen। keertan ka arth hi hai- keerti gaana। agar sada shreshtha karma arthaat keerti vaale karma hain to phir sada hi log aapka keertan gaate rahenge। jab kisi sthaan par hangaama ho,to us jhagde ke samay shanti ke shakti ki kamaal dikhaao। sabki buddhi mein aave ki yahaan to shanti ka kunda hai। shanti kunda ban shanti ki shakti phailaao। jaise chaaron or agar aag jal rahi ho aur ek kona bhi sheetal kunda ho to sab usi taraph daudkar jaate hain, aise shanti swaroop hokar shanti kunda ka anubhav karaao। us samay vaacha ki seva nahin kar sakte lekin mansa se apni shanti kunda ki pratyakshata kar sakte ho। jahaan bhi shanti saagar ke bachche rehte hain woh sthaan ‘shanti-kunda’ho। jab vinaashi yagya kunda apni taraph aakarshit karta hai to yeh ‘shanti kunda’ apne taraph na kheenche yeh ho nahin sakta। sabko vibration aane chaahiye ki bas yahaan se hi shanti milegi। aisa vaayumandal banaao। sab maangane aayen ki behen ji shanti do। aisi seva karo।

sevaadhaari teachers bahnon ke prati

teachers arthaat sevaadhaari। sevaadhaari arthaat tyaagmoortta aur tapasya moortta। jahaan tyaag, tapasya nahin vahaan saphalta nahin। tyaag aur tapasya donon ke sahayog se seva mein sada saphalta milti hai। tapasya hai hi - ‘ek baap doosra na koi’। yeh hai nirantar ki tapasya। to jo bhi aaye woh kumaari nahin dekhe lekin tapasvi kumaari dekhe। jis sthaan par rehte ho woh tapasya-kunda anubhav ho। achha sthaan hai, pavitra sthaan hai, yeh bhi theek lekin‘tapasya kunda’ anubhav ho। tapasya kunda mein jo bhi aayega woh svayan bhi tapasvi ho jaayega। to tapasya ke practical swaroop mein jaao। tab jayjaykaar hogi। tapasya ke aage jhukenge। brahmaakumaar ke aage mahima karte hain, tapasvi kumaar ke aage jhukenge। tapasya kunda banaao phir dekho kitne parvaane aapehi aa jaate hain। tapasya bhi jyoti hai,jyoti par parvaane aapehi aayenge। sevaadhaari banne ka bhaagya ban chuka ab tapasvi kumaari ka number lo। sada shanti ka daan dene vaali mahaadaani aatmaayen bano। baapdaada vartamaan samay mansa seva ke oopar vishesh attention dilaate hain। vaacha ki seva se itni shaktishaali aatmaayen nahin nikalti hain lekin mansa seva se shaktishaali aatmaayen pratyaksha hongi। vaani to chalti rehti hai lekin abhi addition chaahiye - shuddh sankalp ke seva ki। to swaroop ban karke swaroop banaane ki seva karo, abhi isi ki aavashyakta hai। abhi sabka attention is paaeent par ho। isi se naam baala hoga। anubhvi moortta anubhav kara sakenge। isi par vishesh attention dete raho। isi se mehnat kam saphalta jyaada hogi। mansa dharni ko parivartan kar deti hai। sada isi prakaar se vriddhi karte raho। abhi yahi vidhi hai vriddhi karne ki। achha –

12ghante bachchon se milan manaane ke pashchaat subah 6 baje baapdaada ne satguroovaar ki yaad-pyaar sabhi bachchon ko di

sabhi brihaspati ki dasha vaale, shreshtha bhaagya ki lakeer vaale shreshtha aatmaon ko baapdaada aaj ke vrikshapti divas ki yaad-pyaar de rahe hain। vrikshapti baap ne sabhi bachchon ki shreshtha takdeer, avinaashi bana di। isi avinaashi takdeer dvaara sada svayan bhi sampanna rahenge aur auron ko bhi sampanna banaate rahenge। vrikshapti divas sabhi bachchon ke shiksha mein sampanna hone ka vishesh yaadgaar divas hai। isi shiksha ke yaadgaar divas par shikshak ke roop mein baapdaada sabhi bachchon ko har subject mein sada full paas hone ka lakshya rakhte hue, paas with honour banne ki aur auron ko bhi aise umang-utsaah mein laane ki,shikshak ke roop se shiksha mein sampanna banne ki yaad-pyaar dete hain। aur brihaspati ki takdeer ki lakeer kheenchane vaale bhaagyavidhaata baap ke roop mein sada shreshtha bhaagya ki badhaai dete hain। achha - yaadapyaar aur namaste।

prashn:- kaun si smriti sada rahe to jeevan mein kabhi bhi dilshikasta nahin ban sakte?

uttar:-main saadhaaran aatma nahin hoon, main shiv shakti hoon, baap mera aur main baap ki। isi smriti mein raho to kabhi bhi akelaapan anubhav nahin hoga। kabhi dilshikasta nahin honge। sada umang utsaah rahega। ‘shiv-shakti’ka arth hi hai shiv aur shakti combined। jahaan sarvashaktivaan,hajaar bhujaaon vaala baap hai vahaan sada hi umang utsaah saath hai।