Avyakt murli for Thursday 21 April 1983

>

21-04-83 om shanti avyakt baapdaada madhuban

sangamayugi maryaadaaon par chalna hi purooshottam banna hai

sada aatmik sthiti mein sthit karne vaale, samartha sthiti ke hans aasan par sthit karne vaale, trikaaldarshi avyakt baap daada bole:-

aaj baapdaada sarva maryaada purooshottam bachchon ko dekh rahe hain। sangamayug ki maryaadaayen hi purooshottam banaati hain। isliye maryaada purooshottam kaha jaata hai। in tamoguni manushya aatmaon aur tamoguni prakriti ke vaayumandal, vibration se bachne ka sahaj saadhan yeh ‘maryaadaayen’hain। maryaadaaon ke andar rahne vaale sada mehnat se bache hue hain। mehnat tab karni padti hai jab maryaadaaon ki lakeer se sankalp,bol va karma se baahar nikal aate hain। maryaadaayen har kadam ke liye baapdaada dvaara mili hui hain - usi pramaan par kadam uthaane se svatah hi maryaada purooshottam ban jaate hain। amritvele se lekar raat tak maryaadaapoorvak jeevan ko achhi tarah se jaante ho! usi pramaan chalna yahi purooshottam banna hai। jab naam hi hai purooshottam hai arthaat sarva saadhaaran purooshon se uttam। to check karo ki ham shreshtha aatmaon ki pahli mukhya baat ‘smriti’uttam hai?smriti uttam hai to vritti aur drishti, sthiti svatah hi shreshtha hai। smriti ke maryaada ki lakeer jaante ho?main bhi shreshtha aatma aur sarva bhi ek shreshtha baap ki aatmaayen hain! variety aatmaayen variety part bajaane vaali hain। yeh pahla paath natural roop mein smriti swaroop mein rahe। deh ko dekhte bhi aatma ko dekhen। yeh samartha smriti har second swaroop mein aaye,smriti swaroop ho jaaen। sirf simran mein na ho ki main bhi aatma yeh bhi aatma। lekin main bhi hoon hi aatma,yeh bhi hai hi aatma। is pahli smriti ki maryaada svayan ko sada nirvighna banaati aur auron ko bhi is shreshtha smriti ke samartha pan ke vibration phailaane ke nimitta ban jaate hain, jisse aur bhi nirvighna ban jaate hain।

paandav sena milan manaane to aai lekin milan ke saath-saath pahli maryaada ke lakeer ka foundation ‘smriti bhav’ ka vardaan bhi sada saath le jaana।‘smriti bhav’hi - ‘samartha bhav’ hai। jo bhi kuchh suna uska essence kya le jaayenge?essence hai smriti bhav। isi vardaan ko sada amritvele revise karna। har kaarya karne ke pahle is vardaan ke samartha sthiti ke aasan par baith nirnay kar, vyartha hai va samartha hai,phir karma mein aana। karma karne ke baad phir se check karo ki karma ka aadikaal aur antakaal tak samartha raha? nahin to kai bachche karma ke aadikaal samay samartha swaroop se shuru karte lekin madhya mein samartha ke beech vyartha va saadhaaran karma kaise ho gaya,samartha ke bajaae vyartha ki line mein kaise aur kis samay gaye, yeh maaloom nahin padta। phir ant mein sochte hain ki jaise karna tha vaise nahin kiya। lekin result kya hui! karke phir sochna yeh trikaaldarshi aatmaon ke lakshan nahin hain। isliye teenon kaalon mein - ‘smriti bhav va samartha bhav’। samjha kya le jaana hai। samartha sthiti ke aasan ko kabhi chhodna nahin। yeh aasan hi hans aasan hai। hans ki visheshta,nirnay shakti ki visheshta hai। nirnay shakti dvaara sada hi maryaada purooshottam sthiti mein aage badhte jaayenge। yeh vardaan ‘‘aasan’’aur yeh eeshvareey title ‘‘maryaada purooshottam’’ka sada saath rahe। achha - aaj to sirf badhaai dene ka din hai। seva par ja rahe hain to badhaai ka din hai na! laukik ghar nahin lekin seva sthaan par ja rahe hain। bagulon ke beech bhi ja rahe ho lekin seva arth ja rahe ho। karma sambandh nahin samajh ke jaana lekin seva ka sambandh hai। karma sambandh chuktu karne nahin baithe ho lekin seva ka sambandh nibhaane ke liye baithe ho। karmabandhan nahin, seva ka bandhan hai। achha –

sada vyartha ko samaapta kar samartha sthiti ke hans aasan par sthit rahne vaale, har karma ko trikaaldarshi shakti se, teenon kaal samartha banaane vaale,sada svatah aatmik sthiti mein sthit rahne vaale, aise maryaada purooshottam shreshtha aatmaon ko baapdaada ka yaadapyaar aur namaste।’’

party ke saath avyakt baapdaada ki mulaakaat

(1) sada apne ko shreshtha bhaagyavaan anubhav karte ho?jiska baap hi bhaagyavidhaata ho woh kitna na bhaagyavaan hoga! bhaagyavidhaata baap hai to woh varse mein kya dega? zaroor shreshtha bhaagya hi dega na! sada bhaagyavidhaata baap aur bhaagya donon hi yaad rahen। jab apna shreshtha bhaagya smriti mein rahega tab auron ko bhi bhaagyavaan banaane ka umang utsaah rahega। kyonki daata ke bachche ho। bhaagya vidhaata baap ne bahma dvaara bhaagya baanta,to aap brahman bhi kya karenge?jo brahma ka kaam, woh braahmanon ka kaam। to aise bhaagya baantane vaale। ve log kapda baantenge, anaaj baantenge, paani baantenge lekin shreshtha bhaagya to bhaagya vidhaata ke bachche hi baant sakte। to bhaagya baantane vaali shreshtha bhaagyavaan aatmaayen ho। jise bhaagya praapta hai use sab kuchh praapta hai। vaise agar aaj kisi ko kapda denge to kal anaaj ki kami pad jaayegi, kal anaaj denge to paani ki kami pad jaayegi। ek-ek cheez kahaan tak baantenge। usse tripta nahin ho sakte। lekin agar bhaagya baanta to jahaan bhaagya hai vahaan sab kuchh hai। vaise bhi koi ko kuchh praapta ho jaata hai to kehte hain - vaah mera bhaagya! jahaan bhaagya hai vahaan sab praapta hai। to aap sab shreshtha bhaagya ka daan karne vaale ho। aise shreshtha mahaadaani, shreshtha bhaagyavaan। yahi smriti sada udti kala mein le jaayegi। jahaan shreshtha bhaagya ki smriti hogi vahaan sarva praapti ki smriti hogi। is bhaagya baantane mein pharaakhdil bano। yeh akhut hai। jab thodi cheez hoti hai to usmein kanjoosi ki bhaavna aa sakti lekin yeh akhut hai isliye baantate jaao। sada dete raho, ek din bhi daan dene ke sivaae na ho। sada ke daani saara samay apna khazaana khula rakhte hain। ek ghanta bhi daan banda nahin karte। braahmanon ka kaam hi hai sada vidya lena aur vidya ka daan karna। to isi kaarya mein sada tatpar raho।

(2) sada apne ko sangamayugi heere tulya aatmaayen anubhav karte ho? aap sabhi sachche heere ho na! heere ki bahut value hoti hai। aapke brahman jeevan ki kitni value hai। iseeliye braahmanon ko sada choti par dikhaate hain। choti arthaat ooncha sthaan। vaise oonche hain devta lekin devtaaon se bhi oonche tum brahman ho - aisa nasha rehta hai? main baap ka, baap mera yahi gyaan hai na! yahi ek baat yaad rakhni hai। sada man mein yahi geet chalta rahe - jo paana tha woh pa liya। mukh ka geet to ek ghanta bhi gaayenge to thak jaayenge; lekin yeh geet gaane mein thakaavat nahin hoti। baap ka banne se sab kuchh ban jaate ho, dance karne vaale bhi,geet gaane vaale bhi, chitrakaar bhi, practical apna pharishte ka chitra bana rahe ho! buddhiyog dvaara kitna achha chitra bana lete ho। to jo kaho woh sab kuchh ho। bade te bade businessman bhi ho, milon ke maalik bhi ho, to sada apne is occupation ko smriti mein rakho। kabhi khaan ke maalik ban jaao to kabhi aaaartista ban jaao, kabhi dance karne vaale ban jaao…bahut ramneek gyaan hai,sookha nahin hai। kai kehte hain kya roj vahi aatma, paramatma ka gyaan sunte rahen, lekin yeh aatma paramatma ka sookha gyaan nahin hai। bahut ramneek gyaan hai, sirf roj apna naya-naya title yaad rakho - main aatma to hoon lekin kaun si aatma hoon? kabhi aaaartista ki aatma hoon, kabhi businessman ki aatma hoon… to aise ramneekta se aage badhte raho। baap bhi ramneek hai na! dekho kabhi dhobi ban jaata to kabhi vishwa ka rachayita, kabhi obedient servant… to jaisa baap vaise bachche… aise hi is ramneek gyaan ka simran kar harshit raho।

vartamaan samay ke pramaan svayan aur seva, donon ki raphtaar ka balance chaahiye। harek ko sochna chaahiye jitni seva li hai utna return de rahe hain। abhi samay hai seva karne ka। jitna aage badhenge, seva ke yogya samay hota jaayega lekin us samay paristhitiyaan bhi anek hongi। un paristhitiyon mein seva karne ke liye abhi se hi seva ka abhyaas chaahiye। us samay aana jaana bhi mushkil hoga। mansa dvaara hi aage badhaane ki seva karni padegi। woh dene ka samay hoga, svayan mein bharne ka nahin। isliye pahle se hi apna stock check karo ki sarvashaktiyon ka stock bhar liya hai। sarvashaktiyaan,sarvagun,sarvagyaan ke khazaane, yaad ki shakti se sada bharpoor। kisi bhi cheez ki kami nahin chaahiye। achha –

om shanti।

28taareekh amritvele baapdaada ne satguroovaar ki mubaarak di

vrikshapti divas ki mubaarak। vrikshapti divas par sadaakaal ke liye brihaspati ki dasha kaayam rahe yahi sada smriti swaroop rehna। ab to sabhi ne vaayda pakka kiya hai na! kumaar group taiyaar ho gaya to aavaaz bulanda phail jaayega। government tak pahunch jaayega। lekin avinaashi rahenge to! gadbad nahin karna। umang utsaah, himmat achhi hai, jahaan himmat hai vahaan madad to hai hi। shaktiyaan kya soch rahi hain?shaktiyon ke bina to shiv bhi nahin hai। shiv nahin to shaktiyaan nahin,shaktiyaan nahin to shiv bhi nahin। baap bhi bhujaaon ke bina kya kar sakta। to pahli bhujaayen kaun?vaah re main!’’

achha - om shanti।