Avyakt murli for Wednesday 11 May 1983

>

11-05-83 om shanti avyakt baapdaada madhuban

yuva varga ke prati avyakt baapdaada ka sandesh

sada raham dil, daya ke saagar avyakt baapdaada bole :-

aaj baapdaada hans aasandhaari holi hanson ki sabhi dekh rahe hain। har ek shreshtha aatma holi hans sada ek baap doosra na koi isi lagan mein magan aatmaayen - yahi sthiti hans-aasan hai। aise holi hanson ko dekh baapdaada bhi harshit hote hain। har holi hans gyaani tu aatma, yogi tu aatma, vishwa-kalyaankaari hai। har ek ke dil mein dilaaraam baap ki yaad samaai hui hai। har ek apne vartamaan aur bhavishya ko banaane mein lagan se lage hue hain। aisa shreshtha sangathan saare kalpa mein sivaae sangamayug ke kabhi nahin dekh sakte। ek hi parivaar, ek hi lagan, ek hi lakshya, aisa phir kabhi dekhenge? baapdaada ko bhi bachchon par naaj hai। itna bada parivaar va sangathan aur harek shreshtha baap ke bachche banne kaaran baap ke varse ke adhikaari hain। to itne sab adhikaari bachchon ko dekh baap ko bhi khushi hai। yeh ek-ek bachcha kul ka deepak hai। vishwa parivartan karne ke nimitta aatma hai। har ek chamakta hua sitaara vishwa ko roshni dene vaala hai। har ek ke bhaagya ki avinaashi lakeer mastak par dikhaai de rahi hai। aisa shreshtha sangathan vishwa mein ek mat, ek raajya, ek dharma ki sthaapna karne ke dridh sankalpadhaari hain। baapdaada yuva-varga ko dekh rahe the। chaahe kumaar hain, chaahe kumaari hain lekin harek ke man mein umang utsaah hai ki ham sabhi apne vishwa ko va desh ko va sukh shanti ke liye bhatakti hui aatmaon arthaat apne bhaai bahnon ko sukh aur shanti ka adhikaar avashya dilaayenge। apne vishwa ko phir se sukh shaantimay sansaar banaayenge। yahi dridh sankalp hai na! itna bada sangathan kya nahin kar sakta hai! ek to shreshtha aatmaayen, pavitra aatmaayen ho to pavitrata ki shakti hai,doosra master sarvashaktivaan hone ke kaaran sarvashaktiyaan saath hain। sangathan ki shakti hai, saath-saath trikaaldarshi hone ke kaaran jaante ho ki anek baar ham vishvaprivarta ka bane hain। isliye kalpa-kalpa ke vijayi hone ke kaaran ab bhi vishvaprivarta na ke kaarya mein vijay nishchit hai। honge ya nahin honge yeh question hi nahin hai। nishchaybuddhi vijayi - aise anubhav karte ho na ki sukh ka sansaar abhi aaya ki aaya। vishwa ke maalikon ko vishwa ka raajya nishchit hi praapta hua pada hai। yuva varga kya karega? apne desh ke va vishwa ke raajya netaaon ko yeh khushkhabri sunaao, jis baat ke aap svapna dekh rahe ho ki aisa hona chaahiye, woh chaahiye ki chaah ham poorn kar dikhaayenge। desh se sirf ek mahangaai nahin lekin double manhagaai mitaakar dikhaayenge। kyonki mahangaai ka aadhaar hai - charitra ki manhagaai। jab charitra ki mahangaai va charitra ke duhkh ashaanti ki gareebi mit jaayegi tab svatah hi sarva aatmaayen dhanvaan to kya lekin raajya adhikaari ban jaayengi। yahi shubh ummeeden vishwa ki nimitta aatmaon ko poorn kar dikhaao। apne desh ko shreshtha banaakar dikhaayenge,aisa maala-maal banaayenge jo na koi apraapti ho aur na apraapti ke kaaran sarva samasyaayen hon। yahi dridh sankalp sabhi ko sirf sunaao nahin lekin parivartan ka sample bankar dikhaao। kyonki sab taraph se vishvaas dilaane ke naare sabne bahut sune hain। itne sune hain jo sunkar vishvaas hi nikal gaya hai। aise kahne vaale bahut dekh-dekh satya ko bhi dhokha samajh rahe hain। isliye sirf kehna nahin hai, mukh bole nahin, lekin aapke jeevan ki shreshthata bole। aap ek-ek holeehans ki pavitrata ki jhalak chalan se dikhaai de। aap sabki shreshtha smriti ki samarthi,na ummeed aatmaon mein ummeedon ki samarthi paida kare। samjha - yuva varga ko kya karna hai।

jo aaj ke netaayen yuva varga se vinaashkaari karttavyon ke kaaran ghabraate hain। to aap sabhi vishwa kalyaankaari unheen ko yeh siddha karke dikhaao ki isi desh ke ham yuva varga apne bhaarat desh ko vishwa mein sarvashreshtha svarga ka sthaan banaae vishwa ko dikhaayenge ki bhaarat hi praacheen avinaashi, sarva sampanna, sarva shreshtha desh hai। bhaarat vishwa ke liye aadhyaatmik roshni dene ka light house hai। kyonki is shreshtha karttavya ke karaane vaala kaun hai, uski pahchaan kar len phir to koi question uthne ki baat hi nahin। apne jeevan se, karttavya se, baap ka parichay karaao। itni himmat hai na। kumaariyaan kya samajhti hain? jab durga ki pooja karte hain to apne ko bhaagyavaan samajhte hain। yahaan kitni durgaayen hain! ek-ek shiv shakti kamaal kar dikhaane vaali hai na। vo hi ho na, jin shaktiyon ki ghar-ghar mein pooja kar rahe hain। to he shiv shaktiyaan! apne bhakton ko phal to do। vo bechaare phal chadhaate-chadhaate thak gaye hain। itne jo phal chadhaaye hain uska return bhakti ka phal to unhon ko dengi na! bhakton par taras nahin aata। paandavon ki bhi pooja ho rahi hai। aajkal ek mahaaveer hanumaan ki bahut pooja hoti hai aur doosra vighna vinaashak ganesh ki pooja ho rahi hai। sab shakti ki ichchha se hi bhakti kar rahe hain। aise bhakta aatmaon ko sarva shaktiyon ka phal do। sada ke liye vighnon se paar karne ka sahaj raasta bataao। sabhi pukaar se chhudaae praapti swaroop banaao - aisi seva yuva varga karke dikhaao। samjha। achha –

sada apne shreshtha jeevan dvaara anekon ki jeevan banaane vaale, sarva bhaaratvaasi yon ki shreshtha,sukhi sansaar ki shubh kaamna poorn karne vaale, ghar-ghar mein shreshtha charitra ka deepak jagaane vaale, sada apraapta aatmaon ko praapti karaane vaale - aise dridh sankalpadhaari,nishchit vijayi shreshtha aatmaon ko baapdaada ka yaad-pyaar aur namaste।’’

kumaaron mein sada baapdaada ki ummeeden hain। kumaar vishwa ko badal sakte hain। agar sabhi kumaar ek dridh sankalp vaale ban aage badhte chalen to bahut kamaal kar sakte hain। kamaal karne vaale kumaar ho na। dekhna, baapdaada ke paas automatic photo nikal jaata hai! dridh sankalp vaale kumaar ho na। kumaaron mein shaareerik shakti bhi bahut hai isliye double kaarya kar sakte ho। sthaapna ke kaarya mein bahut achhe sahayogi ban sakte ho। kumaaron ki buddhi mein ek hi baat sada rehti hai na ki - mera baba aur meri seva aur koi baat nahin। jinki buddhi mein sada baba aur seva hai woh sahaj hi maayaajeet ban jaate hain। sirf kumaaron ko ek baat attention mein rakhni hai - sada apne ko busy rakho, khaali nahin। shareer aur buddhi donon se busy raho। bijeemen bano,businessmen nahi। jaise karma ki dincharya set karte ho aise buddhi ki bhi dincharya set karo। abhi yeh sochna hai,yeh karna hai,dincharya set hogi to usi pramaan busy ho jaayenge। busy rahne vaale ko kisi bhi roop se maaya vaar nahin kar sakti। buddhi ko busy karne ke saadhan sada apnaao - jaise shareer ko busy karne ke saadhan hain, aise buddhi se sada yaad mein, nashe mein busy raho। aisi dincharya banaane aati hai?sadaakaal ke liye niyam bana do। jaise aur niyam bane hain, yeh bhi ek niyam banaao, bas karna hi hai, isi dridh nishchay se jo kamaal karne chaaho woh kar sakte ho। kumaar hain - baapdaada ke karttavya ke sitaare। seva ke nimitta to kumaar bante hain na। bhaagdaud bhi kumaar karte hain। jo bhi sevaayen hoti hain usmein kumaaron ka vishesh part hota hai - to vishesh part lene vaali vishesh aatmaayen hain,yeh nasha rakho,isi khushi mein raho। to dekhenge kumaar group kya karke dikhaate hain। kuchh karke dikhaana, sirf kahkar nahin। seva ke umang utsaah vaale hain,nishchay buddhi hai। achal hain, hilne vaale nahin hain। aise hi achal aatmaayen auron ko bhi achal banaakar dikhaao।

mahaadaani bankar daan karte chalo। jab svayan ka bhandaara bharpoor hai to bahuton ko daan dena chaahiye। seva ko sada aage badhaate chalo। aise nahin aaj chance mila to kar liya, ya jab chance milega tab kar lenge। nahin। jiske paas khazaana hota hai woh kahin se bhi gareebon ko dhoondhakar bhi dhindhora pitvaakar bhi daan zaroor karta hai। kyonki use maaloom hai daan karne ka punya milta hai। woh daan to vinaashi hai aur svaartha ka bhi ho sakta hai। aap sab to avinaashi khazaanon ke mahaadaani ho। to seva ko badhaao। race karo, mahaadaani bano। nishchay se karo, aise nahin socho dharni aisi hai। ab samay badal gaya, samay ke saath dharni bhi badal rahi hai। pahle ke dharni ki jo result thi woh abhi nahin। samay vaayumandal ko badal raha hai। aatmaon ki ichchha bhi badal rahi hai, sab aavashyakta anubhav kar rahe hain। abhi samay hai, samay ke pramaan sada ke mahaadaani bano। vaacha nahin to mansa,mansa nahin to karmana। karma dvaara kisi aatma ko parivartan karna yeh hai karmana। samparka dvaara bhi kisi aatma ko parivartan kar sakte ho। aise sevaadhaari bano। roj result nikaalo। mansa, vaacha,karmana kya seva ki,kitnon ki seva ki । kis umang utsaah se seva ki?yeh roj ki result svayan hi nikaalo। svayan aur seva donon ki raphtaar mein aage badho। ab koi naveenta karo। centre khola,geeta paathshaala kholi,mela kiya yeh to puraani baaten ho gai,naya kuchh nikaalo। lakshya rakho,apne mein aur seva mein koi na koi naveenta zaroor laani hai। nahin to kabhi thak jaayenge,kabhi bor ho jaayenge। naveenta hogi to sada umang utsaah mein rahenge। achha।’’

maataaon se :- maataaon ke liye vishesh baapdaada ‘sahaj maarga’ ki saugaat laaye hain। sahaj maarga ki saugaat sabhi ko mili hai? sahaj praapti jo hoti hai yahi saugaat hai। to khaas baapdaada sahaj maarga ki gift laaye hain - yahi nasha rahe। sabse sahaj - ‘‘mera baba’’ kaho,bas। mera baba kahne se,anubhav karne se sarva praaptiyaan ho jaayengi। maataaon ko vishesh khushi honi chaahiye ki hamaare liye khaas baap aaye hain। aur jo bhi aaye unhonne purooshon ko aage kiya। dharma pitaayen dharma sthaapan karke chale gaye। maataaon ko kisi ne bhi naami graami nahin banaaya। aur baap ne ‘‘pahle maata’’ ka silsila sthaapan kiya। to maataayen sikeeldhi ho gai na। kitne sik se baap ne dhoondha aur apna bana liya। aap logon ne to bina address dhoondha isliye dhoondhana nahin hua। baap ne dekho kaise kone-kone se dhoondhakar nikaal diya। anek vrikshon ki daaliyaan ab ek vriksha ki ho gai। ek hi chandan ka vriksha ho gaya। log kehte hain - do chaar maataayen bhi ek saath ikatthi nahin rah sakteen aur abhi maataayen saare vishwa mein ekta sthaapan karne ke nimitta hain। woh kehte, rah nahin sakteen aur baap kehte maataayen hi rah sakti hain। aisi maataaon ka vishesh martaba hai। khoob khushi mein naacho gaao,vaah! hamaara shreshtha bhaagya! kabhi bhi duhkh ki lahar na aaye। sabhi ne dukhdhaam ko chhod diya hai na। bas ham sangamayugi hain,sada sukhdhaam shantidham taraph aage badhte rehna। maataaon ko dekhkar baapdaada ko naaj hota hai,na-ummeedvaar ummeedvaar ban gai। vishvakal yaankaari ban gai। abhi vishwa aapki taraph dekh raha hai, ki hamaare kalyaan vaali maataayen kahaan hain, to ab jagat ki maataayen ban jagat ka kalyaan karo। sirf laukik parivaar ki jimmevaari nibhaane vaali nahin lekin vishwa ke sarva aatmaon ke seva ki jimmevaari nibhaane vaali। chaahe nimitta kahaan bhi rehte ho lekin smriti mein vishwa seva rahe। jaisa lakshya hoga vaise lakshan svatah aa jaate hain। lakshya hoga behad ka to lakshan bhi behad ke aayenge। nahin to had mein hi phanse rahenge। sada baap ki hoon, behad ki hoon, isi smriti mein sarva aatmaon ke prati shubh sankalp dvaara seva karte chalo। mukh dvaara bhi aur sankalp dvaara bhi। donon saath-saath hon। mukh dvaara kisko bhal samjhaao lekin jab tak shubh bhaavna ka bal us aatma ko nahin denge to phal nahin niklega। mansa vaacha donon ikatthi seva hon। sirf sandesh dene tak nahin। nahin to sirf haan-haan karke chale jaate hain। mansa seva saath-saath ho to teer lag jaae। maataaon ko seva ke maidaan par aana chaahiye। ek-ek maata ek-ek sevaakendra sambhaale। agar phursat nahin hai to aapas mein do teen ka group banaao। aise nahin ghar ka bandhan hai, bachche hain। jinki maataayen soshalvarkar hoti hain unke bhi to bachche hote hain na। woh bhi seekh jaate hain। to ab apne aapko hands banaao aur seva ko badhaao। koi na koi ko nikaalkar unko sthaan de aage badhte jaao। abhi shaktiyaan maidaan par aao। jo paalna li hai uska return do। jitna seva badhaayenge utna svayan ko bhi uska phal milega, vartamaan bhi shaktishaali hoga, aur bhavishya to banta hi hai। jitni seva karenge utna nirvighna rahenge aur khushi bhi rahegi। achha –

kumaariyon se :- kumaariyaan apne shreshtha bhaagya ko achhi tarah se jaanti hain na? kabhi apne shreshtha bhaagya ko bhoolti to nahin! sada bhaagya ko smriti mein rakhte hue aage badhti chalo। sangamayug mein vishesh lift ki gift kumaariyon ko milti hai। kyonki kumaari jeevan phikar se phaarig jeevan hai। ghar chalaane ka, naukri tokri ka koi phikar nahin। kumaari arthaat svatantra। svatantrata sabhi ko priy lagti hai। agyaan mein bhi sabka lakshya yahi rehta ki ham svatantra rahen। iseelie svatantra aatma hoon, yeh svatantrata ka vardaan aap sabko praapta hai। svatantrata ke vardaani aur sabko bhi yahi vardaan dengi na। koi ke bhi chakra mein phansane vaali nahin। jab chakra se nikal chuki,svatantra hain to seva karengi na। nimitta maatra yeh padhaai jo rahi hai woh karte bhi sada seva ki smriti rahe। padhaai padhte samay bhi yeh lakshya rahe ki kaunsi aisi aatma hai jise baap ka banaayen। padhaai padhte-padhte parakhte raho ki kaun si aatmaayen yogya hain। to vahaan bhi seva ho jaayegi। kumaariyon ko bhaashan karna avashya seekhna chaahiye। sabhi padhaai padhte bhi taiyaar hoti jaao। padhaai poori hote hi seva mein lag jaana।

teachers ke saath :-nimitta sevaadhaari! nimitta kahne se sahaj hi yaad aa jaata ki kisne nimitta banaaya hai। kabhi bhi sevaadhaari shabd kaho to uske aage nimitta zaroor kaho। doosra nimitta samajhne se svatah hi nirmaan ban jaayenge। aur jo jitna nirmaan hoga utna phaldaayak hoga। nirmaan banna arthaat phal swaroop banna।

vartamaan samay ke hisaab se sevaadhaari ki seva kaun si hai? sarva ko halke banaane ki seva। udti kala mein le jaane ki seva। udti kala mein tab le jaayenge jab halke honge। sarva prakaar ke bojh svayan ke bhi halke aur sarva ke bhi bojh halke karne vaale। jin aatmaon ke nimitta sevaadhaari bane hain unhon ko manzil par to pahunchna hai na! atkaana va phansaana nahin hai lekin halke ban halke banaana hai। halke banenge to manzil par svatah pahunch jaayenge। sevaadhaariyon ki vartamaan samay yahi seva hai। udte raho udaate raho। sabhi ko seva ki lottery mili hai, isi lottery ko sada kaarya mein lagaate raho। har second mein shvaason shvaas seva chalti rahe। isi mein sada busy raho। achha –