Avyakt murli for Thursday 1 December 1983

>

01-12-83 om shanti avyakt baapdaada madhuban

sukh, shanti aur pavitrata ke teen adhikaar

sukh, shanti aur pavitrata ka janma-siddha adhikaar dene vaale shivbaaba,takdeervaan,adhikaari bachchon prati bole:-

aaj baapdaada ati snehi aur sikeeldhe bachchon ko dekh rahe hain। har ek bachcha ati sneh se milan manaane apne ghar mein pahunch gaye hain। isi bhoomi ko kaha jaata hai - apna ghar, daata ka dar। yeh mahima isi sweet hom ki hai। sweet hom mein sweet bachchon se sweetest baap milan mana rahe hain। baapdaada har bachche ke mastak par aaj vishesh adhikaar ki teen lakeeren dekh rahe hain। har ek ke mastak par teen lakeeren to lagi hui hain, kyonki bachchen to sabhi hain। bachche hone ke naate adhikaari to sabhi hain lekin nambarvaar hain। kisi bachche ki takdeer, sukh ke adhikaar ki lakeer bahut spashta aur gahri hai। kitni bhi paristhitiyaan aaven, duhkh ki lahar bhi utpatti dilaane vaali lahar ho lekin duhkh shabd ki avidya vaale hon। dukh ki paristhiti ko apne sukh ke saagar se praapta hue adhikaar dvaara dukh ki paristhitiyon mein bhi, ‘vaah meetha drama,vaah harek paartadhaari ka part- is knowledge ki roshni dvaara,adhikaar ki khushi dvaara dukh ko sukh mein parivartan kar deta। adhikaar se dukh ke andhakaar ko parivartan kar,master sukhdaata ban svayan to sukh ke jhoole mein jhoolte hi hain lekin auron ko bhi sukh ke vibration dene ke nimitta bante hain। aise sukh ke adhikaar ki lakeer spashta aur gahri hain,jisko koi mita na sake। mitaane vaale badal jaaen lekin woh nahin। master sukh daata se sukh ki anchali le len। aise lakeer vaale bhi dekhe। isko kaha jaata hai - number one takdeervaan! sunaaya tha ‘one ki nishaani hai win’।

doosri lakeer shanti। aap sab shanti ko svadharma maante ho na! yeh sabhi ko bataate ho na। dharma ke liye kya gaaya hua hai? - ‘dharat pariye dharma na chhodiye’। sir jaave lekin dharma na jaaye। to sukh-shanti ke varsa ke adhikaari kabhi shanti ko chhod nahin sakte। aise ashaanta ko shant banaane vaale, sada shanti ki kirnen svayan dvaara auron ko dene vaale, kuchh bhi ho jaae lekin shaantika dharma shanti ka adhikaar chhod nahin sakte। isko kehte doosre adhikaar ki lakeer mein number one। teesri hai pyooriti ke adhikaar ki lakeer। pavitra aatmaayen to sabhi bachche hain। phir bhi number one adhikaar ke takdeervaan bachcha kaun hai! jiski chalan se, chehre se purity ki personality aur royalty anubhav ho। laukik jeevan mein laukikta vaali personality royalty dikhaai deti hai lekin adhikaar ke takdeervaan bachchon mein purity ki alaukik personality aur royalty dikhaai dengi। isko kaha jaata hai - number one pavitrata ke takdeer ki lakeer।

aaj sarva bachchon ke is adhikaar ki lakeeron ko dekh rahe the। aap sab bhi apni teenon lakeeron ko dekh rahe ho na। check karo teenon adhikaar praapta kar liya hai? poora adhikaar liya hai va percentage mein liya hai! agar sangam par bhi percentage mein rahe to saara kalpa percentage mein hi rah jaayenge। poojya pad mein bhi percentage hogi, full pooja nahin hogi। aur praalabdha mein bhi percentage rah jaayegi। achha-

aaj majority naye so puraane bachche aaye hain। naye bachche kaho va kalpa-kalpa ke adhikaari bachche kaho, apna adhikaar lene ke liye phir se apne sthaan par pahunch gaye। sabse jyaada khushi kisko hai! har ek samjhenge mere ko hai। aise samajhte ho va kisko kam kisko jyaada hai! adhikaari bachchon ko vishesh milan ka adhikaar dene ke liye baapdaada ko bhi aana hi padta hai।

baap ko bachchon se sneh jyaada hai va bachchon ko baap se sneh jyaada hai? atoot sneh kiska hai? baapdaada to bachchon ko apne se aage rakhte। pahle bachche! agar bachche yaad va pyaar nahin karte to baap respond kinko dete। isliye aage bachche peechhe baap। sadaiv bachchon ko aage chalaana hota, baap peechhe chalta hai। isliye baapdaada bhi aise bachchon ko dekh-dekh harshit hote hain। aise bachche bhi hain jo atoot sneh pyaar mein samaae hue hain। aise bachchon ki bhi maala hai। chaahe desh mein chaahe videsh mein donon taraph aise bachche hain jinhon ko sivaae baap aur seva ke aur koi baat yaad nahin।

jagdeesh bhaai se:- aapne aise bachche dekhe na! achha chakkar lagaaya na। saakaar baap ka diya hua vishesh vardaan, saakaar mein laaya। saphalta ka janmasiddha adhikaar anubhav kiya na। sarva saphalta mein vishesh saphalta ki nishaani kaun si hai? shreshtha saphalta hai ki baapdaada dikhaai de। aap mein baap dikhaai de - yeh hai shreshtha saphalta। yahi pratyakshata ka saadhan hai। jo bhi chakkar par nikle vishesh baap samaan anubhooti karaana, yahi saphalta ki nishaani hai। aur aage chal kar bhi jyaada se jyaada yahi aavaaz chaaron or phailta jaayega। himmate bachche madde baap hai hi। karaavanhaar kara leta hai। achha-

aise sada sampoorn takdeervaan, sampanna adhikaar ko paane vaale adhikaari, sada baap aur aap ke combined roop mein rahne vaale, sneh ke saagar mein sada samaaye hue,lucky aur lovely bachchon ko, bhaagya vidhaata, vardaata ka yaadapyaar aur namaste।’’

(jagdeesh bhaai ne videsh yaatra ka samaachaar baapdaada ko bataaya aur naam sahit sabhi bhaai-bahnon ki yaad di)

‘‘sabhi ke sneh ka samaachaar baapdaada ke paas pahunchta hi rehta hai aur abhi bhi pahuncha। baapdaada sarva videsh ke chaaron or rahne vaale bachchon ko vishesh ek baat ki mubaarak bhi dete hain। kis baat ki? sanskaar,bhaasha, rahan-sahan sabka parivartan karne mein majority bahut teevra purushaarthi nikle hain। jaise koi nai duniya mein aa jaae। aise nai reeti rasam, naya sambandh phir bhi apne ko sada kalpa pahle vaale puraane adhikaari aatmaaen samajhte chal rahe hain। isliye svayan ko parivartan karne ki visheshta par vishesh mubaarak। baapdaada ko kitna pyaar se yaad karte woh baapdaada ke paas sada hi pahunchta hai। svayan ko bhool baap ko hi sada har baat mein yaad karte yeh parivartan vishesh hai। aur isi pyaar ke aadhaar par chal rahe hain। yeh pyaar hi paalna kar raha hai। sookshm pyaar ki paalna hi aage badha rahi hai। achha-

sabhi ko, jinhonne bhi yaadapyaar diya hai unhon ko pyaar ke saagar baap ka sada pyaar ki jholi bhar-bharkar yaadapyaar। bhaaratvaasi bachche bhi kam nahin hai, bhaarat ka bhaagya to videsh vaale ga-gaakar khush hote hain। bhaarat vaale jage tab videsh ko jagaaya। jaagne vaale to bhaarat ke hain। agar videsh mein bhi yeh sab nahin hote to itne videsh ke centre bhi kaise hote। isi ke nimitta chaaro or, aiphreeka… sab taraph phaile hue hain। centre kholte bhi kitne mein hain। paida hue,thoda sa bade hue, centre khola। woh bhi apne paanv par khade hokar, kisi par aadhaar nahin। nimantran mile yeh aadhaar nahin। sthool,sookshm donon lagaar himmat rakh centre khol dete hain। baaki unhon ki paalna karna yeh to aap logon ki jimmevaari hai। himmat mein peechhe nahin hain। madad dena yeh baap ke saath-saath aapka bhi kaarya hai।

gyaan ki gahraai ko sunkar khush ho gaye। yog aur pyaar ke aadhaar par chal rahe hain, lekin abhi gyaan ki gahraai ko jaana yeh aur bhi inhon ko seva ke nimitta banaayegi। mind taiyaar ho jaae uske liye gyaan ki gahraai chaahiye। gyaan aur baap yeh donon ki mahsoosta dilaana, yeh result achhi hai। koi bhi jaata hai to kitne khush hote hain, jaise koi aakaash se sitaara neeche aa jaae, aisi anubhooti karte hain। achha-’’

daadi ji aur jaanki daadi se:-donon mein teesri moorta (deedi) samaai hui hai। baap samaan hain hi। banna hai nahin। hain hi! aise anubhav hota hai! jaise baap brahma ka aadhaar le seva karte hain vaise aap bhi baapke maadhyam ho। vartamaan samay baap maadhyam dvaara karaavanhaar apna kaarya kara rahe hain। vishesh maadhyam ho। brahma ke aakaar dvaara aur aapke saakaar dvaara kaarya kara rahe hain। bahut-bahut padma se bhi jyaada baapdaada har second yaad aur pyaar karte hain। shringaar ho। vishesh baap ka aur madhuban ka shringaar ho। baapdaada har samay dekh-dekh harshit hote hain। achha –