Avyakt murli for Wednesday 18 January 1984

>

18-01-84om shanti avyakt baapdaadaamdhuban

18 January - smriti divas ka mahattva

dilbar baapdaada apne dilrooba bachcho prati bole:-

aaj madhuban vaale baap madhuban mein bachchon se milne aaye hain।

1. aaj amritvele se snehi bachchon ke sneh ke geet,samaan bachchon ke milan manaane ke geet, samparka mein rahne vaale bachchon ke umang mein aane ke utsaah bhare aavaaz, baandheli bachchiyon ke sneh bhare meethe ulhaane,kai bachchon ke sneh ke pushpa baapdaada ke paas pahunche। desh-videsh ke bachchon ke samartha sankalpon ki shreshtha pratigyaayen sabhi baapdaada ke paas sameep se pahunchi। baapdaada sabhi bachchon ke sneh ke sankalp aur samartha sankalpon ka respond kar rahe hain। ‘‘sada baapdaada ke snehi bhav’’। ‘‘sada samartha samaan bhav,sada umang-utsaah se sameep bhav,lagan ki agni dvaara bandhanmukta svatantra aatma bhav’’। bachchon ke bandhanmukta hone ke din aaye ki aaye। bachchon ke sneh ke dil ke aavaaz, kumbhakran aatmaon ko avashya jagaayenge। yahi bandhan mein daalne vaale,svayan prabhu sneh ke bandhan mein bandh jaayenge। baapdaada vishesh bandhan vaali bachchiyon ko shubh din aane ki dil ki raahat de rahe hain। kyonki –

2. aaj ke vishesh din par vishesh sneh ke moti baapdaada ke paas pahunchte hain। yahi sneh ke moti shreshtha heera bana dete hain।

3. aaj ka din samartha din hai।

4. aaj ka din samaan bachchen ko ‘tat-tvam ke vardaan ka din hai।

5. aaj ke din baapdaada shakti sena ko sarva shaktiyon ki will karta hai,will power dete hain। will ki power dete hain।

6. aaj ka din baap ka backbone ban bachchon ko vishwa ke maidaan mein aage rakhne ka din hai। baap unknown hai aur bachche velnon hain।

7. aaj ka din brahma baap ke karmaateet hone ka din hai।

8. teevragti se vishwa-kalyaan,vishwa-parikrama ka kaarya aarambha hone ka din hai।

9. aaj ka din bachchon ke darpan dvaara baapdaada ke prakhyaat hone ka din hai।

10. jagat ke bachchon ko jagat pita ka parichay dene ka din hai।

11. sarva bachchon ko apni sthiti,gyaan stambha, shakti stambha, arthaat stambha ke samaan achal adol banne ki prerna dene ka din hai। har bachcha baap ka yaadgaar‘shanti stambha’ hai। yeh to sthool shanti sthambha banaaya hai। parantu baap ki yaad mein rahne vaale yaad ka stambha,aap chaitanya sabhi bachche ho। baapdaada sabhi chaitanya stambha bachchen ki parikrama lagaate hain। jaise aaj shanti stambha par khade hote ho, baapdaada aap sabhi yaad mein rahne vaale stambhon ke aage khade hote hain।

12. aap aaj ke din vishesh baap ke kamre mein jaate ho। baapdaada bhi har bachche ke dil ke kamre mein bachchon se dil ki baaten karte hain aur

13. aap jhopdi mein jaate ho। jhopdi hai dilvar aur dilrooba ki yaadgaar। dilrooba bachchon se dilvar baap vishesh milan manaate hain। to baapdaada bhi sabhi dilrooba bachchon ke bhinna-bhinna saaz sunte rehte hain। koi sneh ki taal se saaz bajaata,koi shakti ki taal se, koi aananda, koi prem ki taal se। bhinna-bhinna taal ke saaz sunte rehte hain। baapdaada bhi aap sabhi ke saath-saath chakra lagaate rehte hain। to aaj ke din ka vishesh mahatva samjha!

14. aaj ka din sirf smriti ka din nahin lekin ‘smriti so samarthi’ divas hai।

15. aaj ka din viyog va vairaag ka din nahin hai lekin seva ki jimmevaari ke taajposhi ka din hai।

16. samarthi ke smriti ke tilak ka din hai।

17. ‘‘aage bachche peechhe baap’’, isi sankalp ko saakaar hone ka din hai।

18. aaj ke din brahma baap vishesh double videshi bachcho ko baap ke sankalp aur aahvaan ko saakaar roop dene vaale snehi bachchon ko dekh harshit ho rahe hain। kaise sneh dvaara baap ke sammukh pahunch gaye hain। brahma baap ke aahvaan ke pratyaksha phalasvaroop,aise sarva shaktiyon ke ras bhare shreshtha phalon ko dekh brahma baap bachchon ko vishesh badhaai aur vardaan de rahe hain। sada sahaj vidhi dvaara vriddhi ko paate raho। jaise bachche har kadam mein ‘‘baap ki kamaal hai’’yahi geet gaate hain aise baapdaada bhi yahi kehte hain ki - ‘‘bachchon ki kamaal hai।’’doordeshi, door ke dharma vaale hote bhi kitne sameep aa gaye hain। sameep aabu mein rahne vaale door ho gaye hain। saagar ke tat par rahne vaale pyaase rah gaye hain lekin double videshi bachche auron ki bhi pyaas bujhaane vaale gyaan gangaayen ban gaye। kamaal hai na bachchon ki। isliye aise khushansheeb bachchon par baapdaada sada khush hain। aap sabhi bhi double khush ho na। achha-

aise sada samaan banne ke shreshtha sankalpadhaari, sarva shaktiyon ke will dvaara will power mein rahne vaale, sada dilvar ki dilrooba ban bhinna-bhinna saaz sunaane vaale,sada stambha ke samaan achal adol rahne vaale, sada sahaj vidhi dvaara vriddhi ko paae vriddhi ko praapta karaane vaale,sada madhur milan manaane vaale deshvidesh ke sarva prakaar ke variety bachchon ko pushpa varsha sahit baapdaada ka yaadap yaar aur namaste।’’

aaj sabhi snehi vishesh sevaadhaari bachchon ko vatan mein bulaaya tha। jagat amba ko bhi bulaaya, deedi ko bhi bulaaya। vishwa kishor aadi jo bhi ananya gaye hain seva arth un sabko vatan mein bulaaya tha। vishesh smriti divas manaane ke liye sabhi ananya double seva ke nimitta bane hue bachche sangam ke eeshvareey seva mein bhi saathi hai aur bhavishya raajya dilaane ki seva ke bhi saathi hain to double sevaadhaari ho gaye na। aise double sevaadhaari bachchon ne vishesh roop se sabhi madhuban mein aaye hue sahayogi snehi aatmaon ko yaadapyaar di hai। aaj baapdaada unhon ki taraph se yaad-pyaar ka sandesh de rahe hain। samjha। koi kisko yaad karte, koi kisko yaad karte। baap ke saath-saath sevaartha advance purushaarthi bachchon ko jinhonne bhi sankalp mein yaad kiya un sabhi ki yaad ka return, sabhi ne yaad pyaar diya hai। pushpashaanta bhi sneh se yaad karti thi। aise to naam kitne ka lenve। sabhi ki vishesh party vatan mein thi। double videshiyon ke liye vishesh deedi ne yaad di hai। aaj deedi ko vishesh bahuton ne yaad kiya na। kyonki inhonne deedi ko hi dekha hai। jagat amba aur bhaau (vishwa kishor) ko to dekha nahin। isliye deedi ki yaad vishesh aai। woh last time bilkul nirsankalpa aur nirmohi thi। unko bhi yaad to aati hai lekin woh kheench ki yaad nahin hai। svatantra aatma hai। unhon ka bhi sangathan shaktishaali ban raha hai। sab naameegraami hai na। achha-

kuchh videshi bhaai-behen seva par jaane ke liye baapdaada se chhutti le rahe hain

sabhi bachchon ko baapdaada yahi kehte hain ki ja nahin rahe ho lekin phir se aane ke liye, phir se baap ke aage seva kar guldasta laane ke liye ja rahe ho। isliye ghar nahin ja rahe ho। seva par ja rahe ho। ghar nahin, seva ka sthaan hai - yahi sada yaad rahe। merciful baap ke bachche ho to duhkhi aatmaon ka bhi kalyaan karen। seva ke bina chain se so nahin sakte। svapna bhi seva ke aate hain na। aankh khuli baba se mile phir saara din - baap aur seva। dekho baapdaada ko kitna naaz hai ki ek bachcha serviceable nahin lekin itne sab serviceable hain। ek-ek bachcha vishwa-kalyaankaari hain। abhi dekhenge kaun bada guldasta laata hai! to ja rahe hain ya phir se aa rahe hain! baapdaada bachchon ke sneh mein - ‘‘aao-aao’’ ke geet gaate hain। jaise-jaise maas poore hote jaate hain to baapdaada geet gaate - ‘‘madhuban mein aao, madhuban mein aao। yeh geet sunaai deta hai na! to jyaada sneh kiska hua? baap ka ya aapka! agar bachchon ka sneh jyaada rahe to bachche safe hain। mahaadaani,vardaani,sampanna aatmaayen ja rahe hain, abhi anek aatmaon ko dhanvaan banaakar, sajaakar baap ke saamne le aana। ja nahin rahe ho lekin seva kar ek se teen guna hokar aayenge। shareer se bhala kitna bhi door ja rahe ho lekin aatma sada baap ke saath hai। baapdaada sahayogi bachchon ko sada hi saath dekhte hain। sahayogi bachchon ko sada hi sahayog praapta hota hai। achha- om shanti-

prashn:- kisi bhi baat ki uljhan, man mein uljhan paida na kare uska saadhan kya hai?

uttar:-samartha baap ko sada saathi banaakar rakho to kaisi bhi uljhan vaali baat mein man uljhan mein nahin aayega। badi baat chhoti, pahaad bhi raai ho jaayega। bas sada yaad rahe ki mera baba,meri seva,jo baap ka so mera, jo baap ka karma woh mera karma,jo baap ke gun woh mere gun। gun, sanskaar,shreshtha karma jab saari property ke maalik ho gaye,jo baap ki woh aapki ho gai to sada khushi rahegi,kabhi bhi koi uljhan man ko uljhaayegi nahin। achha - om shanti।