Avyakt murli for Monday 5 March 1984

>

05-03-84om shanti avyakt baapdaadaamdhuban

shanti ki shakti ka mahatva

shanti ke saagar shivbaaba shaantisvaroop bachchon ke prati bole:-

‘‘shanti ke saagar baap apne shanti ke avtaar bachchon se milne aaye hain। aaj ke sansaar mein sabse aavashyak cheez shanti hai। usi shanti ke daata tum bachche ho। kitna bhi koi vinaashi dhan,vinaashi saadhan dvaara shanti lene chaahe to sachchi avinaashi shanti mil nahin sakti। aaj ka sansaar dhanvaan hote,sukh ke saadhan hote phir bhi avinaashi sadaakaal ki shanti ke bhikhaari hain। aise shanti ki bhikhaari aatmaon ko aap master shanti daata, shanti ke bhandaar, shaantisvaroop aatmaayen anchali de sarva ki shanti ki pyaas, shanti ki ichchha poorn karo। baapdaada ko ashaanta bachchon ko dekh raham aata hai। itna prayatna kar science ki shakti se kahaan se kahaan pahunch rahe hain, kya kya bana rahe hain, din ko raat bhi bana sakte, raat ko din bhi bana sakte lekin apni aatma ka svadharma shanti,usko praapta nahin kar sakte। jitna hi shanti ke peechhe bhaag-daud karte hain utna hi alpakaal ki shanti ke baad parinaam ashaanti hi milti hai। avinaashi shanti sarva aatmaon ka eeshvareey janma-siddha adhikaar hai। lekin janma-siddha adhikaar ke peechhe kitni mehnat karte hain! second ki praapti hai lekin second ki praapti ke peechhe poora parichay na hone kaaran kitne dhakke khaate hain,pukaarte hain, chillaate hain, pareshaan hote hain। aise shanti ke peechhe bhatakne vaale apne aatmik roop ke bhaaeeyon ko, bhaai-bhaai ki drishti do। isi drishti se hi unhon ki srishti badal jaayegi।

aap sabhi shanti ke avtaar aatmaayen sada shaantisvaroop sthiti mein rehte ho na? ashaanti ko sada ke liye vidaai de di hai na! ashaanti ki vidaai ceremony kar li hai ya abhi karni hai?jisne abhi ashaanti ki vidaai ceremony nahin ki hai, abhi karni hai woh yahaan hai? unki date fix kar den? jisko abhi ceremony karni hai woh haath uthaao। kabhi svapna mein bhi ashaanti na aave। svapna bhi shaantimay ho gaye hain na! shanti daata baap hai, shaantisvaroop aap ho। dharma bhi shant, karma bhi shant to ashaanti kahaan se aayegi। aap sabka karma kya hai? shanti dena। abhi bhi aap sabke bhakta log aarti karte hain to kya kehte hain? shanti deva। to yeh kiski aarti karte hain? aapki ya sirf baap ki? shanti deva bachche sada shanti ke mahaadaani vardaani aatmaayen hain। shanti ki kirnen vishwa mein master gyaan soorya ban phailaane vaale hain, yahi nasha hai na ki baap ke saathsaath ham bhi master gyaan soorya hain va shanti ki kirnen phailaane vaale master soorya hain।

second mein svadharma ka parichay de sva swaroop mein sthit kara sakte ho na? apni vritti dvaara, kaun-si vritti? is aatma ko bhi arthaat hamaare is bhaai ko bhi baap ka varsa mil jaae। is shubh vritti va is shubh bhaavna se anek aatmaon ko anubhav kara sakte ho, kyon?bhaavna ka phal avashya milta hai। aap sabki shreshtha bhaavna hai, svaartha rahit bhaavna hai। raham ki bhaavna hai। kalyaan ki bhaavna hai। aisi bhaavna ka phal nahin mile yeh ho nahin sakta। jab beej shaktishaali hai to phal zaroor milta hai। sirf is shreshtha bhaavna ke beej ko sada smriti ka paani dete raho to samartha phal, pratyakshaphal ke roop mein avashya praapta hona hi hai। question nahin, ho gaya ya nahin hoga। sada samartha smriti ka paani hai arthaat sarva aatmaon ke prati shubhbhaavna hai to vishwa shanti ka pratyakshaphal milna hi hai। sarva aatmaon ki janma-janma ki aash baap ke saath-saath sabhi bachche bhi poorn kar rahe ho aur sarva ki ho jaani hai।

jaise abhi ashaanti ke aavaaz chaaron or goonj rahe hain। tan-man-dhan-jan sab taraph se ashaanti anubhav kar rahe hain। bhay sarva praapti ke saadhnon ko bhi shanti ke bajaae ashaanti ka anubhav kara raha hai। aaj ki aatmaayen kisi na kisi bhay ke vasheebhoot hain। kha rahe hain, chal rahe hain, kama rahe hain, alpakaal ki mauj bhi mana rahe hain lekin bhay ke saath। na maaloom kal kya hoga? to jahaan bhay ka sinhaasan hai, jab neta hi bhay ki kursa par baithe hain to praja kya hogi? jitne bade neta utne angarakshak honge। kyon?bhay hai na। to bhay ke sinhaasan par alpakaal ki mauj kya hogi? shaantimay va ashaantimay?baapdaada ne aise bhaybheet bachchon ko sadaakaal ki sukhmay, shaantimay jeevan dene ke liye aap sabhi bachchon ko shanti ke avtaar ke roop mein nimitta banaaya hai। shanti ki shakti se bina kharche kahaan se kahaan tak pahunch sakte ho? is lok se bhi pare। apne sweet hom mein kitna sahaj pahunchte ho! mehnat lagti hai? shanti ki shakti se prakritijeet maayaajeet kitna sahaj bante ho? kis dvaara? aatmik shakti dvaara। ab atomic aur aatmik donon shaktiyon ka jab mel ho jaayega। aatmik shakti se atomic shakti bhi satopradhaan buddhi dvaara sukh ke kaarya mein lagegi tab donon shaktiyon ke milan dvaara shaantimay duniya is bhoomi par pratyaksha hogi। kyonki shanti, sukhmay svarga ke raajya mein donon shaktiyaan hai। to satopradhaan buddhi arthaat sada shreshtha,satya karma karne vaali buddhi। sat artha avinaashi bhi hai। har karma,avinaashi baap, avinaashi aatma is smriti se avinaashi praapti vaala hoga। isliye kehte hain - sat karma। to aise sada ke liye shanti dene vaale, shanti ke avtaar ho। samjha। achha-

aise sada satopradhaan sthiti dvaara, sat karma karne vaali aatmaayen, sada apne shaktishaali bhaavna dvaara anek aatmaon ko shanti ka phal dene vaali,sada master daata ban, shanti deva ban shanti ki kirnen vishwa mein phailaane vaali, aise baap ke vishesh kaarya ke sahayogi aatmaon ko baapdaada ka yaadapyaar aur namaste।’’

London ke nobil vijeta vaigyaanik josiphsan baapdaada se mil rahe hain

shanti ki shakti ke anubhav ko bhi anubhav karte ho? kyonki shanti ki shakti saare vishwa ko shaantimay banaane vaali hai। aap bhi shaantipriy aatma ho na! shanti ki shakti dvaara science ki shakti ko bhi yathaartha roop se kaarya mein lagaane se vishwa ka kalyaan karne ke nimitta ban sakte ho। science ki shakti bhi aavashyak hai lekin sirf satopradhaan buddhi banne se iska yathaartha roop se prayog kar sakte hain। aap sirf isi knowledge ki kami hai ki yathaartha reeti se isko kaarya mein kaise lagaayen! yahi science is knowledge ke aadhaar par nai srishti ki sthaapna ke nimitta banegi। lekin aap woh knowledge na hone kaaran vinaash ki or badh rahe hain। to abhi isi science ki shakti ko silence ki shakti ke aadhaar se bahut hi achhe kaarya mein lagaane ke nimitta bano। ismen bhi nobil prize lenge na! kyonki aavashyakta isi kaarya ki hai। to jab jis kaarya ki aavashyakta hai usmein nimitta banne vaale ko sabhi shreshtha aatma ki najar se dekhenge। to samjha kya karna hai! abhi science aur silence ka connection kaisa hai aur donon ke connection se kitni saphalta ho sakti hai iski research karo। research ki roochi hai na! abhi yeh karna। itna bada kaarya karna hai। aisi duniya banaayenge na। achha-

yu.ke.group -sikeeldhe bachche sada hi baap se mile hue hain। sada baap saath hai, yeh anubhav sada rehta hai na?agar baap ke saath se thoda bhi kinaara kiya to maaya ki aankh badi tej hai। woh dekh leti hai yeh thoda-sa kinaare hua hai to apna bana leti hai। isliye kinaare kabhi bhi nahin hona। sada saath। jab baapdaada svayan sada saath rahne ki offer kar rahe hain to saath lena chaahiye na! aise saath saare kalpa mein kabhi nahin milega, jo baap aakar kahe mere saath raho। aise bhaagya satayug mein bhi nahin hoga। satayug mein bhi aatmaon ke sang rahenge। saare kalpa mein baap ka saath kitna samay milta hai? bahut thoda samay hai na। to thode samay mein itna bada bhaagya mile to sada rehna chaahiye na। baapdaada sada paripakva sthiti mein sthit rahne vaale bachchon ko dekh rahe hain। kitne pyaare-pyaare bachche baapdaada ke saamne hain। ek-ek bachche bahut lovely hai। baapdaada ne itne pyaar se sabhi ko kahaan-kahaan se chunkar ikattha kiya hai। aise chune hue bachche sada hi pakke honge,kachche nahin ho sakte। achha-