Avyakt murli for Thursday 12 April 1984

>

12-04-84om shanti avyakt baapdaadaamdhuban

brahman jeevan ka phaandeshan - ‘pavitrata’

duhkhon se chhudaane vaale, dhokhon se bachaane vaale,merciful baapdaada bole:-

aaj baapdaada sabhi holeehanson ko dekh rahe hain। har ek holeehans kahaan tak holi bane hain, kahaan tak hans bane hain! pavitrata arthaat holi banne ki shakti kahaan tak jeevan mein arthaat sankalp, bol aur karma mein,sambandh mein,samparka mein laai hai। har sankalp, holi arthaat pavitrata ki shakti sampanna hai! pavitrata ke sankalp dvaara kisi bhi apvitra sankalp vaali aatma ko parakh aur parivartan kar sakte ho?pavitrata ki shakti se kisi bhi aatma ki drishti, vritti aur kriti teenon hi badal sakte ho। is mahaan shakti ke aage apvitra sankalp bhi vaar nahin kar sakte। lekin jab svayan sankalp,bol va karma mein haar khaate ho tab doosre vyakti va vibration se haar hoti hai। kisi ke bhi sambandh va samparka se haar khaana yeh siddha karta hai ki svayan baap se sarva sambandh jodne mein haar khaaye hue hain। tab kisi sambandh va samparka se haar khaate hain। pavitrata mein haar khaana, iska beej hai kisi bhi vyakti va vyakti ke gun, svabhaav,vyaktitva va visheshta se prabhaavit hona। yeh vyakti va vyakta bhaav mein prabhaavit hona, prabhaavit hona nahin lekin barbaad hona hai। vyakti ki vyaktigat visheshta va gun, svabhaav baap ki di hui visheshta hai arthaat daata ki den hai। vyakti par prabhaavit hona yeh dhokha khaana hai। dhokha khaana arthaat duhkh uthaana। apvitrata ki shakti, mrigtrishna samaan shakti hai jo samparka va sambandh se badi achhi anubhav hoti hai,aakarshan karti hai। samajhte hain ki main achchhaai ki taraph prabhaavit ho raha hoon। isliye shabd bhi yahi bolte va sochte ki yeh bahut achhe lagte ya achhi lagti hai va iska gun va svabhaav achha lagta hai। gyaan achha lagta hai। yog karaana achha lagta hai। isse shakti milti hai! sahayog milta hai, sneh milta hai। alpakaal ki praapti hoti hai lekin dhokha khaate hain। dene vaale daata arthaat beej ko, foundation ko khatma kar diya aur rang-birangi daali ko pakadkar jhool rahe hain to kya haal hoga? sivaae foundation ke daali jhulaayegi ya giraayegi? jab tak beej arthaat daata,vidhaata se sarva sambandh,sarva praapti ke ras ka anubhav nahin tab tak kab vyakti se,kab vaibhav se,kab vibration- vaayumandal aadi bhinna-bhinna daaliyon se alpakaal ki praapti ka mrigtrishna samaan dhokha khaate rahenge। yeh prabhaavit hona arthaat avinaashi praapti se vanchit hona। pavitrata ki shakti jab chaaho jis sthiti ko chaahe, jis praapti ko chaaho, jis kaarya mein saphalta chaaho,woh sab aapke aage daasi ke samaan haajar ho jaayegi। jab kaliyug ke ant mein bhi rajopradhaan pavitrata ki shakti dhaaran karne vaale naamdhaari mahaatmaaon ki ab ant tak bhi prakriti daasi hone ka pramaan dekh rahe ho। ab tak bhi naam mahaatma chal raha hai, ab tak bhi poojya hain। apvitra aatmaayen jhukti hain। to socho - ant tak bhi pavitrata ke shakti ki kitni mahaanta hai। aur paramatma dvaara praapta hui satopradhaan pavitrata kitni shaktishaali hogi। is shreshtha pavitrata ki shakti ke aage apvitrata jhuki hui nahin lekin aapke paanv ke neeche hain। apvitrata roopi aasuri shakti, shakti swaroop ke paanv ke neeche dikhaai hui hai। jo paanv ke neeche haari hui hai, haar kaise khila sakti hai।!

brahman jeevan aur haar khaana isko kahenge naamdhaari brahman। ismen albele mat bano। brahman jeevan ka foundation hai - pavitrata ki shakti। agar foundation kamzor hai to praaptiyon ki 21 manzil vaali building kaise tik sakegi?yadi foundation hil raha hai to praapti ka anubhav sada nahin rah sakta arthaat achal nahin rah sakte। aur vartamaan yug ko va janma ki mahaan praapti ka anubhav bhi nahin kar sakte। yug ki, shreshtha janma ki mahima gaane vaale gyaani-bhakta ban jaayenge। arthaat samajh hai lekin svayan nahin hain, isko kehte hain - gyaani- bhakta। agar brahman bankar sarva praaptiyon ka,sarva shaktiyon ka vardaan ya varsa anubhav nahin kiya to usko kya kahenge? vanchit aatma va brahman aatma? is pavitrata ke bhinna-bhinna roopon ko achhi tarah se jaanon, svayan ke prati kadi drishti rakho। chalaao nahin। nimitta bani hui aatmaon ko, baap ko bhi chalaane ki koshish karte hain। yeh to hota hi hai,aisa kaun bana hai! va kehte hain - yeh apvitrata nahin hai, mahaanta hai, yeh to seva ka saadhan hai। prabhaavit nahin hain, sahayog lete hain। madadgaar hai iseelie prabhaavit hain। baap bhoola aur laga maaya ka gola। ya phir apne ko chhudaane ke liye kehte hain - main nahin karti, yeh karte hain। lekin baap ko bhoole to dharmaraaj ke roop mein hi baap milega। baap ka sukh kabhi pa nahin sakenge। isliye chhipaao nahin, chalaao nahin। doosre ko doshi nahin banaao। mrigtrishna ke aakarshan mein dhokha nahin khaao। is pavitrata ke foundation mein baapdaada dharmaraaj dvaara 100guna, padmaguna danda dilaata hai। ismen riyaayat kabhi nahin ho sakti। ismen merciful nahin ban sakte। kyonki baap se naata toda tab to kisi ke oopar prabhaavit hue। parmaatma prabhaav se nikal aatmaon ke prabhaav mein aana arthaat baap ko jaana nahin, pahchaana nahin। aise ke aage baap, baap ke roop mein nahin dharmaraaj ke roop mein hai। jahaan paap hai vahaan baap nahin। to alvele nahin bano। isko chhoti si baat nahin samjho। woh bhi kisi ke prati prabhaavit hona,kaamna arthaat kaam vikaar ka ansh hai। bina kaamna ke prabhaavit nahin ho sakte। woh kaamna bhi kaam vikaar hai। mahaashatru hai। yeh do roop mein aata hai। kaamna ya to prabhaavit karegi ya pareshaan karegi। isliye jaise naare lagaate ho - kaam vikaar narka ka dvaar। aise ab apne jeevan ke prati yeh dhaarna banaao ki kisi bhi prakaar ki alpakaal ki kaamna mrigtrishna ke samaan dhokhebaaj hai। kaamna arthaat dhokha khaana। aisi kadi drishti vaale is kaam arthaat kaamna par kaali roop bano। snehi roop nahin bano,vichaara hai,achha hai,thoda-thoda hai theek ho jaayega। nahin! vikarma ke oopar vikraal roop dhaaran karo। doosron ke prati nahin apne prati। tab vikarma vinaash kar pharishta ban sakenge। yog nahin lagta to check karo - zaroor koi chhipa hua vikarma apne taraph kheenchata hai। brahman aatma aur yog nahin lage, yeh ho nahin sakta। brahman maana hi ek ke hain, ek hi hain। to kahaan jaayenge? kuchh hai hi nahin to kahaan jaayenge?achha-

sirf brahmacharya nahin lekin aur bhi kaam vikaar ke baal bachche hain। baapdaada ko ek baat par bahut aashcharya lagta hai - brahman kehta hai, brahman aatma par vyartha va vikaari drishti, vritti jaati hai। yeh kul kalankit ki baat hai। kehna behen ji, va bhaai ji aur karna kya hai! laukik behen par bhi agar koi buri drishti jaae,sankalp bhi aaye, to use kul kalankit kaha jaata hai। to yahaan kya kahenge?ek janma ke nahin lekin janma-janma ka kalank lagaane vaale। raajya bhaagya ko laat maarne vaale। aise padmaguna vikarma kabhi nahin karna। yeh vikarma nahin,maha vikarma hai। isliye socho, samjho,sambhaalo। yahi paap jamdooton ki tarah chipak jaayenge। abhi bhale samajhte hain bahut maje mein rah rahe hain,kaun dekhta hai, kaun jaanta hai lekin paap par paap chadhta jaata hai aur yahi paap khaane ko aayenge। baapdaada jaante hain ki iski result kitni kadi hai। jaise shareer se koi tadap-tadap kar shareer chhodta vaise buddhi paapon mein tadap-tadapkar shareer chhodegi। sada saamne yeh paap ke jamdoot rehte hain। itna kada ant hai। isliye vartamaan mein galti se bhi aisa paap nahin karna। baapdaada sirf sammukh baithe hue bachchon ko nahin kar rahe hain lekin chaaron or ke bachchon ko samartha bana rahe hain। khabardaar,hoshiyaar bana rahe hain। samjha - abhi tak is baat mein kamzori kaaphi hai। achha –

sabhi svayan prati ishaare se samajhne vaale, sada apne vikalpa aur vikarma par kaali roop dhaaran karne vaale, sada bhinna-bhinna dhokhon se bachne vaale, duhkhon se bachne vaale,shaktishaali aatmaon ko baapdaada ka yaadapyaar aur namaste।’’