Avyakt murli for Friday 18 January 1985

>

18-01-85om shanti avyakt baapdaadaamdhuban

smriti divas par avyakt baapdaada ke anmol mahaavaakya

sarva samartha baapdaada apne bachchon prati bole

aaj samartha divas par samartha baap apne samartha bachchon ko dekh rahe hain। aaj ka din vishesh brahma baap dvaara vishesh bachchon ko samarthi ka vardaan aarpit karne ka din hai। aaj ke din baapdaada apni shakti sena ko vishwa ki stage par laate - to saakaar swaroop mein shiv-shaktiyon ko pratyaksha roop mein part bajaane ka din hai। shaktiyon dvaara shiv baap pratyaksha ho svayan gupta roop mein part bajaate rehte hain। shaktiyon ko pratyaksha roop mein vishwa ke aage vijayi pratyaksha karte hain। aaj ka din bachchon ko baapdaada dvaara samaan bhav ke vardaan ka din hai। aaj ka din vishesh snehi bachchon ko naynon mein sneh swaroop se samaane ka din hai। aaj ka din baapdaada vishesh samartha aur snehi bachchon ko madhur milan dvaara avinaashi milan ka vardaan deta hai। aaj ke din amritvele se chaaron or ke sarva bachchon ke dil ka pahla sankalp madhur milan manaane ka, meethe-meethe mahima ke dil ke geet gaane ka, vishesh sneh ki lahar ka din hai। aaj ke din amritvele anek bachchon ke sneh ke motiyon ki maalaayen, har ek moti ke beech baba, meethe baba ka bol chamakta hua dekh rahe the। kitni maalaayen hongi। is puraani duniya mein 9 ratnon ki maala kehte hain lekin baapdaada ke paas anek alaukik anokhi amoolya ratnon ki maalaayen theen। aisi maalaayen satayug mein bhi nahin pahnenge। yeh maalaayen sirf baapdaada hi is samay bachchon dvaara dhaaran karte hain। aaj ka din anek bandhan vaali gopikaaon ke dil ke viyog aur sneh se sampanna meethe geet sunne ka din hai। baapdaada aisi lagan mein magan rahne vaali snehi sikeeldhe aatmaon ko return mein yahi khushkhabri sunaate ki ab pratyakshata ka nagaada bajne vaala hi hai। isliye he sahaj yogi aur milan ke viyogi bachche yeh thode se din samaapta hue ki hue। saakaar sweet hom mein madhur milan ho hi jaayega। woh shubh din sameep aa raha hai।

aaj ka din har bachche ke dil se dridh sankalp karne se sahaj saphalta ka pratyaksha phal paane ka din hai। suna aaj ka din kitna mahaan hai! aise mahaan divas par sabhi bachche jahaan bhi hain, door hote bhi dil ke sameep hain। baapdaada bhi har ek bachche ko sneh aur baapdaada ko pratyaksha karne ki seva ke umang-utsaah ke return mein sneh bhari badhaai dete hain। kyonki majority bachchon ki rooh-roohaan mein sneh aur seva ke umang ki lahren vishesh theen। pratigya aur pratyakshata donon baaten vishesh theen। sunte-sunte baapdaada kya karte! sunaane vaale kitne hote hain। lekin dil ka aavaaz dilaaraam baap ek hi samay mein anekon ka sun sakte hain। pratigya karne vaalon ko baapdaada badhaai dete। lekin sada is pratigya ko amritvele revise karte rehna। pratigya kar chhod nahin dena। karna hi hai, banna hi hai। is umang-utsaah ko sada saath rakhna। saath-saath karma karte hue jaise traffic control ki vidhi dvaara yaad ki sthiti ko lagaataar banaane mein saphalta ko pa rahe ho। aise karma karte apne prati apne aapko check karne ke liye samay nishchit karo। to nishchit samay pratigya ko saphalta swaroop banaata rahega।

pratyakshata ke umang-utsaah vaale bachchon ko baapdaada apne right hand roop se sneh ki haindashek kar rahe hain। sada murabbi bachche so baap samaan ban umang ki himmat se padamguna baap daada ki madad ke paatra hain hi hain। supaatra arthaat paatra hain।

teesre prakaar ke bachche - din-raat sneh mein samaaye hue hain। sneh ko hi seva samajhte hain। maidaan par nahin aate lekin ‘‘mera baba, mera baba’’ - yeh geet zaroor gaate hain। baap ko bhi meethe roop se rijhaate rehte hain। jo hoon jaisi hoon aapki hoon। aisi bhi vishesh snehi aatmaayen hain। aise snehi bachchon ko baapdaada sneh ka return sneh to zaroor dete hain lekin yeh bhi himmat dilaate hain ki raajya adhikaari banna hai। raajya mein aane vaala banna hai - phir to snehi ho to bhi theek hai। raajya adhikaari banna hai to sneh ke saath padhaai ki shakti arthaat gyaan ki shakti, seva ki shakti, yeh bhi aavashyak hai। isliye himmat karo। baap madadgaar hai hi। sneh ki return mein sahayog milna hi hai। thodi si himmat se,attention se raajya adhikaari ban sakte ho। suna aaj ki rooh-roohaan ka respond?desh videsh chaaron or ke bachchon ki vatan mein raunak dekhi। videshi bachche bhi last so fast jaakar first aane ke umang-utsaah mein achhe badhte ja rahe hain। woh samajhte hain jitna videsh ke hisaab se door hain utna hi dil mein sameep rehte hain। to aaj bhi achhe-achhe umang-utsaah ki rooh-roohaan kar rahe the। kai bachche bade sweet hain। baap ko bhi meethi-meethi baaton se manaate rehte hain। kehte bada bhole roop se hain lekin hain chatur। kehte hain - aap promise karo। aise manaate hain। baap kya kahenge?khush raho,aabaad raho,badhte raho। baaten to bahut lambi chaudi hain, kitni sunaae kitni sunaaven। lekin baaten sabhi maje se badi achhi karte hain। achha –

sada sneh aur seva ke umang-utsaah mein rahne vaale, sada supaatra ban sarva praaptiyon ke paatra banne vaale, sada svayan ke karmon dvaara baapdaada ke shreshtha divyakarma pratyaksha karne vaale, apne divya-jeevan dvaara brahma baap ki jeevan kahaani spashta karne vaale - aise sarva baapdaada ke sada saathi bachchon ko samartha baapdaada ka yaadapyaar aur namaste।’’

daadi ji tatha daadi jaanki ji baapdaada ke saamne baithi hain - aaj tumhaari sakhi (deedi) ne bhi khaas yaadapyaar di hai। aaj woh bhi vatan mein emerge thi। isliye unki bhi sabhi ko yaad। woh bhi (advance party) mein apna sangathan majboot bana rahe hain। unhon ka kaarya bhi aap logon ke saath-saath pratyaksha hota jaayega। abhi to sambandh aur desh ke sameep hain isliye chhote-chhote group unhon mein bhi kaaran akaaran aapas mein na jaante hue bhi milte rehte hain। yeh poorn smriti nahin hai lekin yeh buddhi mein touching hai ki humein milkar koi naya kaarya karna hai। jo duniya ki haalten hain, usi pramaan jo koi nahin kar sakta hai woh humein milke karna hai। is touching se aapas mein milte zaroor hain। lekin abhi koi chhote,koi bade,aisa group hai। lekin gaye sabhi prakaar ke hain। karmana vaale bhi gaye hain,raajya sthaapna karne ki planning buddhi vaale bhi gaye hain। saath-saath himmat hullaas badhaane vaale bhi gaye hain। aaj poore group mein in teen prakaar ke bachche dekhe aur teenon hi aavashyak hain। koi planning vaale hain, koi karma mein laane vaale hain aur koi himmat badhaane vaale hain। group to achha bana raha hai। lekin donon group saath-saath pratyaksha honge। abhi pratyakshata ki visheshta baadlon ke andar hai। baadal bikhar rahe hain lekin hate nahin hain। jitna-jitna shaktishaali master gyaan soorya ki stage par pahunch jaate hain vaise yeh baadal bikharte ja rahe hain। mit jaayenge to second mein nagaada baj jaayega। abhi bikhar rahe hain। woh bhi party apni taiyaari khoob kar rahi hai। jaise aap log youth rally ka plan bana rahe ho na, to woh bhi youth hain abhi। woh bhi aapas mein bana rahe hain। jaise abhi bhaarat mein anek party ki jo visheshta thi woh kam ho phir bhi ek party aage badh rahi hai na। to baahar ki ekta ka bhi rahasya hai। anekta kamzor ho rahi hai aur ek shaktishaali ho rahe hain। yeh sthaapna ke raaj mein sahayog ka part hai। man se mile hue nahin hai, majboori se mile hain,lekin majboori ka milan bhi rahasya hai। abhi sthaapna ki guhya reeti-rasam spashta hone ka samay sameep aa raha hai। phir aap logon ko pata padega ki advance party kya kar rahi hai aur ham kya kar rahe hain। abhi aap bhi question karte ho ki woh kya kar rahe hain aur woh bhi question karte hain ki yeh kya kar rahe hain? lekin donon hi drama anusaar badh rahe hain।

jagdamba to hai hi chandrama। to chandrama jagat amba ke saath deedi ka shuru se vishesh part raha hai। kaarya mein saath ka part raha hai। woh chandrama (sheetal) hai aur woh teevra hai। donon ka mel hai। abhi thoda bada hone do usko। jagdamba to abhi bhi sheetalta ki sakaash de rahi hai lekin planning mein aage aane mein saathi bhi chaahiye na। pushpashaanta aur deedi inhon ka bhi shuru mein aapas mein hisaab hai। yahaan bhi donon ka hisaab aapas mein sameep ka hai। bhaau (vishvakishor) to backbone hai। ismen bhi paandav backbone hain shaktiyaan aage hain। to woh bhi umang- utsaah mein laane vaale group hain। abhi planning karne vaale thoda maidaan par jaayenge phir pratyakshata hogi। achha –

videshi bhaai-bahinon se -sabhi last so fast jaane vaale aur first aane ke umang-utsaah vaale ho na। second number vaala to koi nahin hai। lakshya shaktishaali hai to lakshan bhi svatah shaktishaali honge। sabhi aage badhne mein umang-utsaah vaale hain। baapdaada bhi har bachche ko yahi kehte ki sada double light ban udti kala se number one aana hi hai। jaise baap oonche te ooncha hai vaise har bachcha bhi oonche te ooncha hai।

sada umang-utsaah ke pankhon se udne vaale hi udti kala ka anubhav karte hain। is sthiti mein sthit rahne ka sahaj saadhan hai - jo bhi seva karte ho, woh baap karan-karaavhaar kara raha hai,main nimitta hoon, karaane vaala kara raha hai, chala raha hai, is smriti se sada halke ho udte rahengen। isi sthiti ko sada aage badhaate raho।

vidaai ke samay - yeh samartha din sada samartha banaata rahega। is samartha din par jo bhi aaye ho woh vishesh samartha bhav ka vardaan sada saath rakhna। koi bhi aisi baat aaye to yeh din aur yeh vardaan yaad karna to smriti samarthi laayegi। second mein buddhi ke vimaan dvaara madhuban mein pahunch jaana। kya tha, kaisa tha aur kya vardaan mila tha। second mein madhuban nivaasi banne se samarthi aa jaayegi। madhuban mein pahunchna to aayega na। yeh to sahaj hai,saakaar mein dekha hai। paramdham mein jaana mushkil bhi lagta ho,madhuban mein pahunchna to mushkil nahin। to second mein bina ticket ke, bina kharche ke madhuban nivaasi ban jaana। to madhuban sada hi himmat hullaas deta rahega। jaise yahaan sabhi himmat hullaas mein ho, kisi ke paas kamzori nahin hai na। to yahi smriti phir samartha bana degi।