Avyakt murli for Saturday 16 February 1985

>

16-02-85om shanti avyakt baapdaadaamdhuban

shiv baap ki avatran jayanti so avatrit hue ‘avtaar’bachchon ki jayanti ki mubaarak

bholaalaath, amarnaath shiv baba apne bhaagyavaan bachchon prati bole

aaj bholenaath baap bhole bhandaari apne ati snehi, sada sahayogi, sahajyogi sarva khajaanon ke maalik bachchon se milan manaane aaye hain। ab bhi maalik,bhavishya mein bhi maalik। abhi vishwa rachayita ke baalak so maalik ho, bhavishya mein vishwa ke maalik ho। baapdaada apne aise maalik bachchon ko dekh harshit hote hain। yeh baalak so maalikpan ka alaukik nasha,alaukik khushi hai। aise sada khushanseeb sada sampanna shreshtha aatmaayen ho na। aaj sabhi bachche baap ke avatran ki jayanti manaane ke liye umang utsaah mein harshit ho rahe hain। baapdaada kehte hain baap ki jayanti so bachchon ki bhi jayanti hai। isliye yeh wonderful jayanti hai। vaise baap aur bachche ki ek hi jayanti nahin hoti hai। hoti hai? vahi din baap ke janma ka ho aur bachche ka bhi ho, aisa kab suna hai? yahi alaukik jayanti hai। jis ghadi baap brahma bachche mein avatrit hue usi din us ghadi brahma ka bhi saath-saath alaukik janma hua। ikaththa janma ho gaya na। aur brahma ke saath ananya braahmanon ka bhi hua isliye divya janma ki tithi, vela,rekha brahma ki aur shivbaaba ke avatran ki ek hi hone kaaran shiv baap aur brahma bachcha, param aatma aur mahaan aatma hote hue bhi brahma baap samaan bana। samaanta ke kaaran combined roop ban gaye। baapdaada,baapdaada sada ikatthe bolte ho। alag nahin। aise hi ananya brahman baapdaada ke saath-saath brahmaakumaar,brahmaakumaari ke roop mein avatrit hue।

to brahmaakumaar aur brahmaakumaari yeh bhi combined baap aur bachche ki smriti ka naam hai। to baapdaada bachchon ke brahman jeevan ki avatran jayanti manaane aaye hain। aap sabhi bhi avtaar ho na! avtaar arthaat shreshtha smriti -’’main divya jeevan vaali brahman aatma hoon।’’to naya janma hua na! oonchi smriti se is saakaar shareer mein avatrit ho vishwa-kalyaan ke kaarya mein nimitta bane ho। to avtaar hue na। jaise baap avatrit hue hain vaise aap sab avatrit hue ho vishvaprivarta na ke liye। parivartan hona hi avatrit hona hai। to yeh avtaaron ki sabha hai। baap ke saath-saath aap brahman bachchon ka bhi alaukik birth de hai। to bachche baap ki jayanti manaayenge ya baap bachchon ki manaayenge। ya sabhi mil karke ek do ki manaayenge! yeh to bhakta log sirf yaadgaar manaate rehte aur aap sammukh baap ke saath manaate ho। aisa shreshtha bhaagya, kalpa-kalpa ke bhaagya ki lakeer avinaashi khinch gai। sada yeh samriti mein rahe ki hamaara bhagwan ke saath bhaagya hai। direct bhaagya vidhaata ke saath bhaagya praapta karne ka part hai। aise double hero,hero paartadhaari bhi ho aur heere tulya jeevan vaale bhi ho। to double hero ho gaye na! saare vishwa ki najar aap hero paartadhaari aatmaon ki taraph hai। aap bhaagyavaan aatmaon ki aaj antim janma mein bhi va kalpa ke antim kaal mein bhi kitni yaad, yaadgaar ke roop mein bani hui hai। baap ke va braahmanon ke bol yaadgaar roop mein shaastra ban gaye hain jo abhi bhi do vachan sunne ke liye pyaase rehte hain। do vachan sunne se shanti ka, sukh ka anubhav karne lagte hain।

aap bhaagyavaan aatmaon ke shreshtha karma charitra ke roop mein ab tak bhi gaaye ja rahe hain। aap bhaagyavaan aatmaon ki shreshtha bhaavna, shreshtha kaamna ka shreshtha sankalp‘dua’ ke roop mein gaaye ja rahe hain। kisi bhi devta ke aage dua maangane jaate hain। aap bhaagyavaan aatmaon ki shreshtha smriti-simran ke roop mein ab bhi yaadgaar chal raha hai। simran ki kitni mahima karte hain। chaahe naam simran karte,chaahe maala ke roop mein simran karte। yeh smriti ka yaadgaar simran roop mein chal raha hai। to aise bhaagyavaan kaise bane! kyonki bhaagya vidhaata ke saath bhaagyavaan bane ho। to samajhte ho kitna bhaagyavaan divya janma hai?aise divya janma ki, baapdaada bhagwan, bhaagyavaan bachchon ko badhaai de rahe hain। sada badhaaeeyaan hi badhaaeeyaan hain। yeh sirf ek din ki badhaai nahin। yeh bhaagyavaan janma har second,har samay badhaaeeyon se bharpoor hai। apne is shreshtha janma ko jaante ho na? har shvaans mein khushi ka saaz baj raha hai। shvaans nahin chalta lekin khushi ka saaz chal raha hai। saaz sunne mein aata hai na! natural saaz kitna shreshtha hai! is divya janma ka yeh khushi ka saaz arthaat shvaans, divya janma ki shreshtha saugaat hai। brahman janma hote hi yeh khushi ka saaz gift mein mila hai na। saaz mein bhi anguliyaan neeche oopar karte ho na। to shvaans bhi neeche oopar chalta hai। to shvaans chalna arthaat saaz chalna। shvaans banda nahin ho sakta। to saaz bhi banda nahin ho sakta। sabhi ka khushi ka saaz theek chal raha hai na! double videshi kya samajhte hain? bhole bhandaari se sabhi khajaane le apna bhandaara bharpoor kar liya hai na। jo ikkees janma bhandaare bharpoor rahenge। bharne ki mehnat nahin karni padegi। aaraam se praalabdha praapta hogi। abhi ka purooshaartha ikkees janma ki praalabdha। ikkees janma sada sampanna swaroop mein honge। to purooshaartha kya kiya? mehnat lagti hai? purooshaartha arthaat sirf apne ko is rath mein viraajmaan puroosh arthaat aatma samjho। isko kehte hain purooshaartha। yeh purooshaartha kiya na। is purooshaartha ke phalasvaroop ikkees janma sada khush aur mauj mein rahenge। ab bhi sangamayug maujon ka yug hai। moonjhane ka nahin। maujon ka yug hai। agar kisi bhi baat mein moonjhate hain to sangamayug se paanv thoda kaliyug taraph le jaate, isliye moonjhate hain। sankalp athva buddhi roopi paanv sammagayug par hai to sada maujon mein hain। sangamayug arthaat do ka milan manaane ka yug hai। to baap aur bachche ka milan manaane ka sangamayug hai। jahaan milan hai vahaan mauj hai। to mauj manaane ka janma hai na। moonjhane ka naam nishaan nahin। maujon ke samay par khoob roohaani mauj manaao। double videshi to double mauj mein rahne vaale hain na। aise maujon ke janma ki mubaarak ho। moonjhane ke liye vishwa mein anek aatmaayen hain,aap nahin ho। woh pahle hi bahut hain। aur mauj manaane vaale aap thode se ho। samjha-apni is shreshtha jayanti ko! vaise bhi aajkal jyotish vidya vaale din, tithi aur vela ke aadhaar par bhaagya bataate hain। aap sabki vela kaun-si hai! tithi kaun-si hai? baap ke saath-saath braahmanon ka bhi janma hai na। to bhagwan ki jo tithi woh aapki।

bhagwan ke avatran arthaat divya janma ki jo vela woh aapki vela ho gai। kitni oonchi vela hai। kitni oonchi rekha hai, jisko dasha kehte hain। to dil mein sada yeh umang utsaah rahe ki baap ke saath-saath hamaara janma hai। brahma, braahmanon ke bina kuchh kar nahin sakte। shiv baap brahma ke bina kuchh kar nahin sakte। to saath-saath hua na। to janma tithi, janma vela ka mahatva sada yaad rakho। jis tithi par bhagwan utre us tithi par ham aatma avatrit hui। naam raashi bhi dekho -brahma-brahman। brahmaakumaar-brahmaakumaari। naam raashi bhi vahi shreshtha hai,aise shreshtha janma va jeevan vaale bachchon ko dekh baap sada harshit hote hain। bachche kehte - vaah baba vaah! aur baap kehte vaah bachche! aise bachche bhi kisko nahin milenge।

aaj ke is divya divas ki vishesh saugaat baapdaada sabhi snehi bachchon ko do golden bol de rahe hain। ek sada apne ko samjho -’’main baap ka noore ratna hoon।’’noore ratna arthaat sada naynon mein samaaya hua। naynon mein samaane ka swaroop bindi hota hai। naynon mein bindi ki kamaal hai। to noore ratna arthaat bindu baap mein samaaya hua hoon। sneh mein samaaya hua hoon। to ek yeh golden bol yaad rakhna ki noore ratna hoon। doosra -’’sada baap ka saath aur haath mere oopar hai।’’saath bhi hai aur haath bhi hai। sada aasheervaad ka haath hai aur sada sahayog ka saath hai। to sada baap ka saath aur haath hai hi hai। saath dena haath rakhna nahin hai, lekin hai hi। yeh doosra golden bol ‘sada saath aur sada haath’। yeh aaj ke is divya janma ki saugaat hain। achha –

aise chaaron or ke sada shreshtha bhaagyavaan bachchon ko, sada har shvaans ko khushi ka saaz anubhav karne vaale bachchon ko, double hero bachchon ko, sada bhagwan aur bhaagya aise smriti swaroop bachchon ko, sada sarva khajaanon se bharpoor bhandaar vaale bachchon ko bholenaath,amarnaath vardaata baap ka bahut-bahut divya janma ki badhaaiyon ke saath-saath yaadapyaar aur namaste।’’

daadiyon se- behad baap ki sneh ki baahen bahut badi hain, usi sneh ki baahon mein va bhaaki mein sabhi samaaye hue hain। sada hi sabhi bachche baap ki bhujaaon ke andar bhujaaon ki maala ke andar ho tabhi maayaajeet ho। brahma ke saath-saath janma lene vaali shreshtha aatmaayen ho na। tithi mein jara bhi antar nahin hai iseelie brahma ke bahut mukh dikhaaye hain। brahma ko hi paanch mukhi va teen mukhi dikhaate hain kyonki brahma ke saath-saath brahman hain। to teen mukh vaale mein aap ho ya paanch mukh vaale mein ho। mukh bhi sahayogi hota hai na। baap ko bhi nasha hai -kaun-sa? saare vishwa mein koi bhi baap aise bachche dhoondhakar laaye to milenge? (nahin) baap kahenge aise bachche nahin milenge, bachche kehte aisa baap nahin milega। achha hai - bachche hi ghar ki raunak hote hain। akele baap se ghar ki raunak nahin hoti। isliye bachche is vishwa roopi ghar ki raunak hain। itne saare braahmanon ki raunak lagaane ke nimitta kaun bane? bachche bane na! baap bhi bachchon ki raunak dekh khush hote hain। baap ko aap logon se bhi jyaada maalaayen simran karni padti hain। aapko to ek hi baap ko yaad karna padta aur baap ko kitni maalaayen simran karni padti। jitni bhaktimaarga mein maalaayen daali hain utni baap ko abhi simran karni padti। ek bachche ki bhi maala baap ek din bhi simran na kare,yeh ho nahin sakta। to baap bhi naudha bhakta ho gaya na। ek-ek bachche ke visheshtaaon ki, gunon ki maala baap simran karte aur jitne baar simran karte utne woh gun visheshta yen aur fresh hoti jaati। maala baap simran karte lekin maala ka phal bachchon ko deta, khud nahin leta। achha - baapdaada to sada bachchon ke saath hi rehte hain। ek pal bhi bachchon se alag nahin rah sakte hain। rahne chaahen to bhi nahin rah sakte। kyon? jitna bachche yaad karte uska rispaanda to denge na! yaad karne ka return to dena padega na। to second bhi bachchon ke sivaay rah nahin sakte। aisa bhi kabhi wonder nahin dekha hoga jo saath hi rahen। baap bachchon se alag hi na hon। aisi baap bete ki jodi kabhi nahin dekhi hogi। bahut achha bageecha taiyaar hua hai। aap sabko bhi bageecha achha lagta hai na। ek-ek ki khushbu nyaari aur pyaari hai। isliye allaah ka bageecha gaaya hua hai।

sabhi aadi ratna ho, ek-ek ratna ki kitni value hai aur harek ratna ki har samay har kaarya mein aavashyakta hai। to sabhi shreshtha ratna ho। jinhon ki abhi bhi ratnon ke roop mein pooja hoti hai। abhi anek aatmaon ke vighna vinaashak banne ki seva karte ho tab yaadgaar roop mein ek-ek ratna ki value hoti hai। ek-ek ratna ki visheshta hoti hai। koi vighna ko naash karne vaala ratna hota, koi kaun-sa! to abhi last tak bhi sthool yaadgaar roop seva kar raha hai। aise sevaadhaari bane ho। samjha।

sammelan mein aaye hue videshi pratinidhiyon se avyakt baapdaada ki mulaakaat - sabhi kahaan pahunche ho? baap ke ghar mein aaye hain,aisa anubhav karte ho? to baap ke ghar mein mehmaan aate hain ya bachche aate hain? bachche ho, adhikaari ho ya mehmaan ho? baap ke ghar mein aaye ho,baap ke ghar mein sada adhikaari bachche aate hain। abhi se apne ko mehmaan nahin lekin baap ke bachche mahaan aatmaayen samajhte hue aage badhna। bhaagyavaan the tab is sthaan par pahunche ho। abhi kya karna hai? yahaan pahunchna yeh bhaagya to hua lekin aage kya karna hai। abhi sada saath rehna। yaad mein rehna hi saath hai। akele nahin jaana। combined hokar jahaan bhi jaayenge jo bhi karma karenge woh combined roop se karne se sada sahaj aur saphal anubhav karenge। sada saath rahenge yeh sankalp zaroor karke jaana। purooshaartha karenge, dekhenge,yeh nahin। karna hi hai। kyonki dridhta saphalta ki chaabi hai। to yeh chaabi sada apne saath rakhna। yeh aisi chaabi hai jo khajaana chaahiye woh sankalp kiya aur khajaana mila। yeh chaabi saath rakhna arthaat sada saphalta paana। abhi mehmaan nahin adhikaari aatma। baapdaada bhi aise adhikaari bachchon ko dekh harshit hote hain। jo anubhav kiya hai woh anubhav ka khajaana sada baantate rehna,jitna baantenge utna badhta rahega। to mahaadaani banna sirf apne paas nahin rakhna। achha।

baapdaada ne apne haston se jhanda lahraaya tatha yaadapyaar di

chaaron or ke sabhi sada snehi bachchon ko baapdaada is divya janma ki shubh divas ki mubaarak de rahe hain। sada mubaarak ho, mubaarak ho, mubaarak ho। sada avinaashi bhav, sada sampanna bhav,sada samaan bhav ke vardaanon se jholi bhari rahe। achha!

vidaai ke samay 3-30 baje

sabhi bachchon ko mubaarak ke saath-saath goodmorning। jaise aaj ki raat shubh milan ki mauj mein bitaaya vaise sada din raat baap ke milan mauj mein manaate rehna। poora hi sangamayug sada baap se badhaaeeyaan lete hue vriddhi ko paate hue, aage badhte hue, sabhi ko aage badhaate rehna। sada mahaadaani vardaani bankar anek aatmaon ko daan bhi dena, vardaan bhi dena।

achha - aise sada vishwa-kalyaankaari, sada merciful, sada sarva ke prati shubh bhaavna rakhne vaale bachchon ko yaadapyaar aur goodmorning।